သမီးလေးရေ ….
စာရေးဆရာ မောင်သာချိုက သမီးလေးဖတ်ဖို့ ဆိုပြီး စာတွေရေးတယ်။ အဆိုတော် ထူးအိမ်သင်က
သမီးလေးနားဆင်ဖို့ ဆိုပြီး သီချင်း ဆိုတယ်။ ကဗျာဆရာ စိုင်းဝင်းမြင့်ကလည်း သမီးလေး ရွတ်ဖို့
ကဗျာတွေဖွဲ့တယ်။ သူတို့ရဲ့ သမီးလေးတွေအတွက် သူတို့
တတ်နိုင်တဲ့အရာလေးတွေကို ရေးဖွဲသီကုံးစပ်ဆိုခဲ့ကြတယ် သမီးရေ……
@@@@@@@@@@@@@
ဖေဖေလည်း သမီးလေးအတွက် တစ်စုံတစ်ခုလောက်တော့ လုပ်ပေးချင်တဲ့
ဆန္ဒလေး ပြင်းပြနေမိတာပေါ့ကွယ်။ ခက်တာက ဖေဖေက ဆရာမောင်သာချိုလိုလည်း
စာရေးမကောင်းဘူး။ အဆိုတော်ထူးအိမ်သင်လိုလည်း သီချင်းရေးဖွဲ့ပြီး မသီဆိုတတ်သလို ကဗျာဆရာ
စိုင်းဝင်းမြင့်လိုလည်း ကဗျာမစပ်တတ်ဘူး သမီးရယ်။ ဒါပေမယ့် သမီးအပေါ်မှာထားတဲ့
ချစ်ခြင်းမေတ္တာတရားကတော့ သူတို့တွေ့ထက်မသာရင်နေမယ် လျှော့တော့မလျှော့ပါဘူး။
ဒီစာလေးကို ဖေဖေရေးနေချိန်မှာ သမီးလေးကတော့ သမီးမေမေရင်ခွင်မှာ အိပ်မောကျနေတော့မှာပါ။
သမီးနဲ့ ဖေဖေ ဝေးနေချိန်တွေမှာ ခံစားရတဲ့ လွမ်းတဲ့စိတ်လေးတွေကို စာသားလေးတွေအဖြစ်
တတ်နိုင်သမျှ သီကုံးရေးဖွဲ့ထားတာတွေပါ။ သမီးလေးကို ပြောပြချင်တဲ့ အကြောင်းအရာလေးတွေကို
စာတစ်ပိုဒ်ခြင်းရေးပြီး မှတ်ထားမယ်လေ။ သမီးလေး စာတွေဖတ်နိုင်တဲ့
အချိန်ကျရင် ဖေဖေရေးထားတာတွေကို သမီးလေးကပြန်ဖတ်ပြ ဖေဖေက နားထောင်မယ်ဆိုတဲ့
အတွေးလေးနဲ့ ရေးဖြစ်တာပါ သမီးရယ်။ သမီးလေးကို သမီးမေမေရဲ့ ဇာတိမြို့မှာ မွေးဖွားခဲ့တာပေါ့။
သမီးလေး မေမေရဲ့ ဇာတိမြို့က တောင်ဖီလာ၊ မြစ်ကန့်လန်၊ လေယာဉ်ကွင်းကြီး မြို့လယ်ကောင်မှာ
ရှိနေတဲ့၊ စာရေးဆရာတွေ ရေးဖွဲ့တဲ့ အဆိုအရ မြို့သက်တမ်းနှစ်ပေါင်း
တစ်ထောင်ကျော်နေပြီဆိုတဲ့ ယောသူယောသားတွေရဲ့ မြို့ကလေးပေါ့။ သမီးလေးကို မြန်မာနိုင်ငံ
လွတ်လပ်ရေးနေ့ရဲ့ နောက်တစ်ရက်ဖြစ်တဲ့ ဇန်နဝါရီ ၅ ရက်နေ့မှာမွေးခဲ့တာလေ။ တိုက်တိုက်ဆိုင်ဆိုင်ပါပဲ
သမီးရယ်။
ဇန်နဝါရီ ၅ ရက်နေ့ဟာ ပြာသိုလဆန်း ၅ ရက်နေ့လည်း ဖြစ်နေပြန်တယ်။ ယောက်ျားမှာ ဝါဆို၊
မိန်းမမှာ ပြာသိုတဲ့ သမီးရဲ့… ရှေးစကားပုံ ပြောပါတယ်။ ယောကျာ်းလေးဆိုရင်
ဝါဆိုလမွေးတဲ့ကလေးတွေက ကောင်းသလို မိန်းကလေးဆို ပြာသိုလမှာ မွေးတဲ့
ကလေးက ကောင်းတယ်ဆိုကြတာပါပဲ။ သမီးလေးမမွေးခင် ဖေဖေနဲ့ မေမေတို့မှာ
သမီးလေး ကောင်းကောင်းမွန်မွန်နဲ့ လူ့လောကထဲ ရောက်လာဖို့ရာ ဆုတောင်း လိုက်ကြရတာ အမောပါပဲ။
အမ်ထရာဆောင်း ရိုက်ပြီး မိန်းကလေးဆိုတာ သိလိုက်ရတော့ ဖေဖေဆုတောင်း ပြည့်ခဲ့တာပေါ့။
သမီးမေမေက ဘာလေးရချင်လဲ မေးတော့ ဖေဖေက မိန်းကလေးလိုချင်တယ်ပြောလို့ သမီးမေမေက
ဘာလို့ ယောကျာ်းလေး မရချင်တာလဲလို့မေးတယ်။ သမီးမေမေမှာ သမီးလေးကိုယ်ဝန်ရှိစဉ်က သမီးရဲ့
ဦးလေးငယ် အိမ်မှာ အရမ်းသောင်းကျန်းလွန်းနေတဲ့ အချိန်တွေလေ…။ ဖေဖေက အိမ်မှာ
ဒီလိုဘယ်တော့မှ
မသောင်းကျန်းဘူးဘူး…။ ဒီတော့ ဖေဖေတွေးမိတာက ဦးလေးငယ်နေရာမှာ မိန်းကလေးသာဆို
ဒီလိုဖြစ်လာစရာ မရှိဘူးလို့လေ။ ပြီးတော့ ဖေဖေ ဒီလို အဖြစ်မျိုးတွေကို မတွေ့ကြုံ မခံစားချင်ဘူး
သမီးရယ်။ သမီးမေမေကလည်း ဘာလေးပဲမွေးမွေး ချစ်ရမှာပေါ့နော်လို့ ပြောတာပေါ့ကွယ်။ သမီးလေးကို
ဝမ်းနဲ့လွယ်ပြီး မွေးရတဲ့ မေမေကို သမီးပိုပြီးချစ်သင့် ကျေးဇူးတင်သင့်တယ်နော်။ ဖေဖေက
သမီးလေးအတွက် လိုအပ်မဲ့ ရုပ်ပိုင်းဆိုင်ရာတွေလောက်ပဲ ဖြည့်ဆည်းပေးနိုင်တာ။ သမီးမေမေကတော့
သမီးလေးကို ကိုယ်ဝန်လွယ်ရချိန်ကတည်းက
အစားတွေရှောင်ရတာတစ်မျိုး၊ အော့အန်ပြီး နေထိုင်မကောင်း ဖြစ်ရတာ တစ်ဖုံ တော်တော်လေး
ဒုက္ခရောက်ရှာတာပါ။ ဖေဖေပြောချင်တာက သမီးလေးဟာ မိဘရဲ့ ကျေးဇူးတရားကို
မဆပ်နိုင်ရင်နေပါစေ ကျေးဇူးတော့မကန်းပါနဲ့လို့ ပြောချင်တာပါ။
သမီးလေးကို မွေးကာနီးတော့ ဖေဖေတို့ရွာကနေ သမီးမေမေရဲ့ ဇာတိမြို့လေးဆီကို သွားခဲ့ကြတယ်
သမီးရဲ့။ သမီးရဲ့ ဖိုးဖိုး၊ ဖွားဖွားတွေရှိတဲ့မြို့လေးကိုပေါ့။ ဖေဖေနေတဲ့ နေရာက ရွာဆိုတော့
ကျန်းမာရေးစောင့်ရှောက်မှုတွေက မပြည့်စုံသလို သမီးမေမေကလည်း သမီးဖိုးဖိုး၊
ဖွားဖွားတွေရှိတဲ့နေရာမှာ မီးဖွားချင်တယ်ဆိုလို့လေ။ သမီးမေမေရဲ့ ဇာတိမြို့ကိုရောက်တော့ ဖေဖေတို့
သမီးလေး မေမေ့ဗိုက်ထဲမှာ နေရတာ အဆင်ပြေမပြေ ကျန်းမာရေးကောင်းမကောင်းတွေ သိနိုင်ဖို့
သားဖွားမီးယပ် အထူးကု ဆရာဝန်မကြီးရဲ့ ဆေးခန်းမှာ သွားပြရတာပေါ့။ ဆရာဝန်မကြီးက
နားကြပ်လေးနဲ့
သမီးမေမေရဲ့ ဗိုက်ကလေးကိုစမ်းပြီး အခြေနေကောင်းကြောင်း၊ အနေအထားမှန်ကြောင်းပြောပြသလို
ဘယ်မှာမွေးမှာလဲမေးတော့ သမီးမေမေက ပြည်သူ့ဆေးရုံကြီးမှာ မွေးမှာလို့ ဖြေလိုက်တယ်။
ဆရာဝန်မကြီးက စမ်းသပ်ခတောင်းပြီး သမီးမေမေကို သွေးစစ်ခိုင်းလို့
အပြင်ကဆေးခန်းတစ်ခုမှာ သွေးသွားစစ်ရတယ်။ စမ်းသပ်ခနဲ့ သွေးစစ်ခ ငွေ
ငါးသောင်းလောက်ကုန်သွားတယ်သမီးရဲ့…သမီး ဒီစာလေးကို ဖတ်နိုင်တဲ့အချိန်မှာ
ငါးသောင်းဆိုတဲ့ ငွေဟာ
တန်ဖိုးနည်းကောင်းနည်းနေပေနိုင်မယ့် လက်ရှိအချိန်မှာ ငွေငါးသောင်းဆိုတာ
သာမန်ဝန်ထမ်းလေးတစ်ဦးရဲ့ တစ်လစာဝင်ငွေပေါ့။ ဖေဖေ ဆရာမောင်သစ်ဆင်းရေးတဲ့ စာလေးတစ်ခုကို
သွားသတိရမိတယ်။ "လောကမှာ ငွေမရှိရင် သေတတ်တယ်"တဲ့ သမီးရဲ့….။ ဖေဖေတို့က အများကြီး
မချမ်းသာပေမယ့် နည်းနည်းတော့ အဆင်ပြေလို့ တော်သေးတာပေါ့ သမီးရယ်။ ငွေကြေးမတတ်နိုင်တဲ့
ကိုယ်ဝန်ဆောင်တွေကျ ဘယ်လိုလုပ်မလဲလို့လည်း တွေးမိရင်း ဆရာ့ရဲ့ စာလေးကို သတိရသွားမိတာပါ။
ဆရာဝန်မကြီးက နောက်တစ်ပတ်ပြန်လာပြဖို့
ရက်ချိန်းပေးလိုက်ပြန်တာပေါ့။ ဖေဖေနဲ့မေမေလည်း ပြန်လာပြီး နောက်ရက်မှာ ပြည်သူ့ဆေးရုံကြီးမှာ
ကိုယ်ဝန်ဆောင်တွေကို ကြည့်ရှု့ပေးတဲ့ ဗုဒ္ဓဟူးနေ့မှာ သွားပြကြပြန်တယ်။ ဆေးရုံကြီးက
တာဝန်ကျဆရာ/မတွေက ဂရုတစိုက်ရှိကြပါတယ်။ ရက်ချိန်းပြည့်လို့ သားဖွားမီးယပ်အထူးကု
ဆရာဝန်မကြီးကိုသွားပြတော့ သူပြောတဲ့ စကားတွေ နားထဲမှာ ကြားယောင်နေမိတုန်းပဲ သမီးရေ။
"ဆေးရုံကြီးမှာ မွေးမယ်ဆိုရင် သူနဲ့ မွေးရမှာ မဟုတ်ဘူး ဆေးရုံမှာ တာဝန်ကျတဲ့
အကူဆရာ/မလေးတွေနဲ့ မွေးရမှာ သူတို့ကို လက်တွေ့
သင်တန်းပေးတဲ့အနေနဲ့ပေါ့…သူနဲ့မွေးချင်တယ်ဆိုရင် အပြင်ဆေးခန်း( အမည်တော့
မရေးပြတော့ပါဘူး)မှာ မွေးပါတဲ့ သမီးရဲ့..ဘယ်လောက်မှလည်း ကုန်တာ မဟုတ်ဘူးဆိုပဲ။ ပြီးတော့
ကလေးဆိုတာလည်း အမြဲတမ်းမွေးနေတာ မဟုတ်ဘူးတဲ့လေ။ နှစ်နှစ် သုံးနှစ်နေမှ
တစ်ခါမွေးရတာတဲ့လေ…" သူပြောတာလဲ ဟုတ်သလိုလိုပဲပေါ့…။ ဒါပေမယ့် ဖေဖေ့အမြင်ကတော့
သူဒီလိုမပြောသင့်ဘူး ထင်တာပဲ သမီးရဲ့.. ဘယ်မှာ မွေးမွေးပေါ့နော်။
အကောင်းဆုံးဖြစ်အောင်တော့ ဆောင်ရွက်ပေးပါမယ်..စိတ်မပူပါနဲ့ ဒါမျိုး ပြောသင့်တယ် ထင်တာပါပဲ။
ကလေးဆိုတာကလည်း တစ်နှစ် နှစ်နှစ်နေမှ တစ်ယောက်မွေးရတာပဲလေ..
ဘာလို့လဲဆိုတော့ ဖေဖေတို့က လူတွေလေ ခွေးတွေ ဝက်တွေမှ မဟုတ်တာ…. ငွေက ဘယ်လောက်မှ
ကုန်တာ မဟုတ်ဘူးဆိုလည်း သူအိတ်ထဲကစိုက်ပြီး အလကားခွဲပေးလိုက်ပေါ့။ သူက မြို့လယ်ကောင်မှာ
တိုက်ကြီးကို ဟီးလို့.. တိုက်ကြီးရှေ့မှာ ရပ်ထားတဲ့ ကားကြီးကလည်း
အရောင်တလက်လက်နဲ့ပေါ့…ဖေဖေ့မျက်စိထဲမှာတော့ ဆရာဝန်မကြီးကို လက်က ဓားတရမ်းရမ်းနဲ့
ပါတာအကုန်ထုတ်ဆိုပြီး ပြောနေတဲ့ ဗီဒီယို ရုပ်ရှင်တွေထဲက
လူဆိုးဗိုလ်ကြီးလို မြင်နေထင်နေမိတော့တာ… ဖေဖေတို့ ရွာလေးက တိုက်နယ်ဆေးရုံမှာ
တာဝန်ကျသွားတဲ့ ဗိုက်နာတဲ့ လူနာဆိုရင် ခွဲခွဲနေလို့ ဓားဆရာဝန်ခေါ်တဲ့
ဆရာဝန်မျက်နှာကိုလည်း မြင်ယောင်နေမိတော့တာပါပဲ….။သူပြောတဲ့ ဆေးခန်းမှာ မွေးခဲ့တဲ့
သူတွေကို မေးကြည့်တော့ ခွဲမွေးတဲ့ လူဆိုရင် ခွဲတဲ့နေ့တစ်နေ့ထဲ လေးသိန်းခွဲကုန်သတဲ့ …ဖေဖေ ဘုရား
တမိတော့တာပါပဲ..။ ပြီးတော့ ဆေးခန်းမှာ ဆိုရင် ရိုးရိုးမမွေးပေးဘူးတဲ့ ခွဲမွေးပေးတာချည်းပဲတဲ့ သမီးရယ်။
အခွဲမခံချင်တဲ့ သမီးမေမေကတော့ ရိုးရိုးပဲ မွေးမယ် ဆေးရုံကြီးမှာပဲ တက်မွေးမယ်ပြောတော့
ဆရာဝန်မကြီးက
သိပ်မကြည်ချင်တော့ဘူးပေါ့။ နောက်တစ်ပတ်ထပ်ချိန်းပြန်တယ်။ ဖေဖေတို့လည်း ဆေးရုံကြီးမှာ
မှန်မှန်ပြနေတာပေါ့။ ဒီလိုနဲ့ တစ်ရက်ကျတော့ သမီးမေမေက
ဗိုက်နာသလိုဖြစ်လာလို့ ဆေးရုံကြီးကိုသွားကြတယ် သမီး… မှတ်မှတ်ရရ
တနင်္ဂနွေနေ့ကြီးပေါ့။ ဆေးရုံကြီးရောက်တော့ ပြင်ပလူနာဋ္ဌာနမှာ ပြဖို့ ဆေးရုံစာအုပ်လေးထပ်ပြီး စောင့်နေကြရတယ်။ ဖေဖေတို့ ဆေးရုံကြီးကို
သွားတယ်ဆိုတာကလည်း ဗုဒ္ဓဟူးနေ့တိုင်း သမီးမေမေကို ကြည့်ရှု့ပေးနေတဲ့ ဆရာ/မလေးတွေက
ဗိုက်နာတဲ့ အချိန် ဆေးရုံလာခဲ့ဖို့ မှာထားလို့လေ… ဖေဖေတို့ အလှည့်ကျလို့ ဆရာဝန်နဲ့တွေ့ဖို့ဝင်ကြတော့
သူနာပြုဆရာမလေးက မေးလို့ သမီးမေမေက ကျွန်မ ဗိုက်နည်းနည်းနာလာလို့ပါ ပြောတော့..
သူနာပြုဆရာမက ဘာပြောတယ်ထင်လည်း သမီးရဲ့…. အပြင်မှာ ဆေးခန်းထိုင်တဲ့ သားဖွားမီးယပ်
အထူးကု ဆရာဝန်မကြီးဆီမှာ သွားပြလိုက်ပါ..သူက ဆေးရုံတက်ခိုင်းရင်
လာတက်လိုက်ပါတဲ့..ဒီနေရာက ပြင်ပလူနာဋ္ဌာနဆိုတော့ ကိုယ်ဝန်ဆောင်တွေ အတွက် မပါဘူးဆိုပဲ ...
အံ့သြလို့ မကုန်နိုင်အောင်ပါပဲ… ဗိုက်နာတယ်ဆိုရင် ဆေးရုံကို လာခဲ့ပါဆိုလို့ သွားလိုက်တဲ့ လူနာကို
အပြင်ဆေးခန်းမှာ ပြန်ပြခိုင်းတယ်ဆိုတော့ စဉ်းစားသာကြည့်ပေတော့ သမီးရေ.. ဖေဖေတို့ကလည်း
သမီးလေးအတွက် စိုးရိမ်သောကနဲ့ ပူပန်နေရတဲ့ အချိန်ဆိုတော့ သူနာပြုဆရာမလေး ပြောတဲ့အတိုင်း
ဆရာဝန်မကြီးရဲ့ ဆေးခန်းကို ပြေးကြရပြန်တာပေါ့… ဖေဖေကတော့ ပြည်သူ့ဆေးရုံ (
ကိုယ်ဝန်ဆောင်များ
မပါ) ဆိုပြီး ဆိုင်းဘုတ် တင်လိုက်ချင်တော့တာပါပဲ…. ဆရာဝန်မကြီးဆီရောက်တော့ ဘယ်မှာမွေးမှာလဲ
ထပ်မေးပြန်ရော.. ဆေးရုံးကြီးမှာ မွေးမှာလို့ ဖြေတော့ .. နားကြပ်လေးနဲ့ ဗိုက်ကလေးကို ထောက်ပြီး
မစမ်းတော့ဘူး သမီးရဲ့… ဆေးရုံပေးထားတဲ့ လူနာမှတ်တမ်းစာအုပ်လေးထဲမှာ "ဆေးရုံကြီးမှာ
ရိုးရိုးမွေးမည်" လို့ ရေးပြီး
လက်မှတ်လေးထိုးပေးလိုက်တယ်။ ဆေးရုံတက်ချင်တက်လို့ရပြီတဲ့လေ…။ ဖေဖေနဲ့မေမေလည်း
မကျေမနပ်နဲ့ ပြန်လာခဲ့ကြတာပေါ့…။ ဖေဖေတို့ မကျေနပ်တာကို သိလိုလား မသိဘူး ဗိုက်ထဲက
သမီးလေးက ပြန်ငြိမ်ပြီး သမီးမေမေဗိုက်နာတာ သက်သာသွားပြန်လို့ ဆေးရုံလည်း သွားမတက်ဖြစ်ဘူး ။
သမီးမေမေနဲ့ ဖေဖေ သမီးလေးကို မီးဖွားဖို့ တိုင်ပင်ရတာပေါ့။ ဆရာဝန်မကြီးပြောတဲ့
အပြင်ဆေးခန်းဆိုရင် ဖေဖေတို့ ငွေကြေးမတတ်နိုင်တာသလို ဆေးရုံကြီးမှာ မွေးဖို့ဆိုတာလည်း
အခြေအနေက
သိပ်မကောင်းဘူးဆိုပြီး .. တခြားသားဖွားမီးယပ်ဆရာဝန် ရှိသေးလားဆိုပြီး စုံစမ်းရပြန်တာပေါ့။
ကံကောင်းထောက်မစွာပဲ စစ်ဆေးရုံမှာ တာဝန်ကျနေတဲ့ မေ့ဆေးအထူကု
ဆရာဝန်ကြီးဆီရောက်သွားရတယ် သမီးရဲ့…။ ဆရာဝန်ကြီးဆိုပေမယ့် အသက်က ဖေဖေတို့နဲ့
အတူတူလောက်ပဲရှိမယ်ထင်ရတာပဲ…။ ဆရာဝန်ကြီးက သေသေချာချာ
စမ်းသပ်ပြီး။ နောက်တစ်ပတ်ထပ်ချိန်းတာပေါ့။ စမ်းသပ်ခဆိုတာကလည်း ဆရာဝန်မကြီးကိုပေးရတဲ့
စမ်းသပ်ခထက် သုံးပုံတစ်ပုံလောက်ပဲ ပေးရတယ်။ ကြားထဲမှာ ဗိုက်နာရင် သူ့ကို ဆက်သွယ်ဖို့
ဖုန်းနံပါတ်နဲ့
လိပ်စာကတ်လေးပါ တစ်ခါတည်း ပေးလိုက်တာပေါ့။ နောက်တစ်ပတ်ရက်ချိန်းရောက်တော့ ဆရာဝန်က
အမ်ထရာဆောင်းပြန်ရိုက်ခိုင်းပြန်တယ်။ အမ်ထရာဆောင်းအဖြေရလာတော့ ဆရာဝန်ကြီးက
စစ်ဆေးရုံကြီးမှာပဲ တာဝန်ကျနေတဲ့ သားဖွားမီးယပ်အထူးကု ဆရာဝန်ကြီးနဲ့ ဆက်သွယ်ပေးလို့
သွားပြရပြန်ရော… အမ်ထရာဆောင်းအဖြေကိုကြည့်ပြီး ဆရာဝန်ကြီးက ရိုးရိုးမွေးလို့
မလွယ်လောက်ဘူးပြောတယ်.. ပြီးတော့ အမ်ထရာဆောင်းထဲက အဖြူကွက်လေးတစ်ခုကိုလည်း
သဘောသိပ်မကျသလို.. သမီးမေမေကလည်း သွေးတိုးနေတာတဲ့လေ....
သူကလည်းသင်တန်းတက်နေတာမို့ သမီးမေမေမွေးတဲ့အချိန်မှာ သူမရှိရင်
အခက်အခဲတွေ့မှာစိုးတယ်လို့လည်း သေသေချာချာရှင်းပြပြီး ဇန်နဝါရီ ၅ ရက်နေ့ တနင်္ဂနွေနေ့မှာ
ခွဲမွေးပေးမယ်လို့ ပြောတော့ ဖေဖေတို့လက်ခံလိုက်ရတာပေါ့ ။ တနင်္ဂနွေနေ့ ခွဲမွေးမှာဆိုတော့
စနေနေ့ညနေမှာ ဆေးရုံတက်ရတယ်လေ… ပြည်သူ့ဆေးရုံကြီး မဟုတ်ဘူး သမီးရဲ့ ကုတင် ၁၀၀
လို့ ခေါ်ကြတဲ့ စစ်ဆေးရုံကြီးကိုလေ… စစ်ဆေးရုံဆိုတာက နိုင်ငံ့တာဝန်ကို ထမ်းဆောင်နေကြတဲ့
စစ်သားကြီးတွေ နေမကောင်းဖြစ်ရင် ဆေးကုသပေးတဲ့ ဆေးရုံပေါ့….။ ဆေးရုံရောက်
လူနာစာရင်းသွင်းပြီး နေရမဲ့ အခန်းကို လိုက်ပြတယ်။ ဆေးရုံကို သမီးရဲ့ ဖွားဖွားလေး၊ ဘဒွေးငယ်နဲ့
တီတီလေးတို့က လိုက်ပို့ပေးကြတယ်…။ သမီးလေးရဲ့ ဖိုးဖိုး၊ ဖွားဖွားတွေက လယ်မှာ
စပါးသိမ်းနေကြတာမို့
မလိုက်လာနိုင်ဘူးလေ။ ညမိုးချုပ်ခါနီးမှ သမီးဖွားဖွားရောက်လာတယ်။ ဆေးရုံမှာ သမီးမေမေ၊ ဖေဖေ၊
ဖွားဖွားတို့ အိပ်ကြရတာပေါ့။ စနေနေ့က မြန်မာနိုင်ငံရဲ့ ၆၆ နှစ်မြောက် လွတ်လပ်ရေးနေ့လေ…
စစ်ဆေးရုံကြီးရဲ့ အနားက အားကစားကွင်းကြီးမှာ လွတ်လပ်ရေးနေ့
အထိမ်းအမှတ် ဈေးရောင်းပွဲတော်တွေ ပျော်ပွဲရွှင်ပွဲတွေ ကျင်းပတယ် သမီးရဲ့….
လွှတ်လပ်ရေးနေ့ဆိုတာက ဖေဖေတို့ရဲ့ မြန်မာနိုင်ငံကြီး သူကျွန်ဘဝက လွှတ်မြောက်ခဲ့တဲ့နေ့ပေါ့
သမီးရယ်။ လွှတ်လပ်ရေးနေ့ ပျော်ပွဲရွှင်ပွဲတွေကို ဖေဖေတို့ ငယ်ငယ်လေးက ကျင်းပပြီး
မကျင်းပဖြစ်တာ နှစ်ပေါင်းတော်တော်ကြာနေပြီ ဖြစ်တဲ့ ပျော်ပွဲရွှင်ပွဲကြီးပေါ့… ညပိုင်းမှာတော့
ဇာတ်အဖွဲ့ကြီးရဲ့ ဖျော်ဖြေမှု၊ ခေတ်ပေါ် အဆိုတော်တွေရဲ့ (ရဲရင့်အောင်၊ဗျူဟာ၊…..)သီဆိုဖျော်ဖြေမှုတွေနဲ့
ကြိတ်ကြိတ်တိုး စည်ကားနေတာပေါ့။ ညာဥ့်နက်တဲ့အထိ ဖေဖေ အိပ်မပျော်ဘူး
သမီးရေ…။ နောက်တစ်ရက်ရောက်ရင် သမီးလေးရဲ့ မျက်နှာလေးကို မြင်ရတော့မှာ
မဟုတ်လား….။ ဖေဖေ ရင်ခုန်နေသလို ဝမ်းလည်းသာမိပါတယ်…ပြီးတော့ သမီးလေး ဘေးမသီရန်မခ
ကျန်းမာစွာနဲ့ လူ့လောကကြီးထဲကို ရောက်လာနိုင်ပါစေလို့လည်း ဆုတောင်းနေမိတယ်။
ဇန်နဝါရီလ ၅ ရက်
နံနက် ၈ နာရီ ၃၈ မိနစ်မှာ သမီးလေးဟာ လူ့လောကကြီးထဲကို ဖေဖေတို့ မျှော်လင့်ဆုတောင်းတဲ့
အတိုင်း ဘေးမသီရန်မခ ကျန်းမာစွာနဲ့ ရောက်ရှိလာတာပေါ့…။ သူနာပြုဆရာမလေးက
အနှီးအဖြူလေးနဲ့ ထွေးထားတဲ့ သမီးလေးကို ဖေဖေ့လက်ထဲ ထည့်ပေးရင်း ဖြူဖြူဖွေးဖွေး ဝဝတုတ်တုတ်
ချစ်စရာကြီး ကလေးအဖေရေတဲ့……ခွဲမွေးလိုက်တာ မှန်သွားတယ်..ကလေးကထွားသလို..
အချင်းကလည်း ကလေးလည်ပင်းမှာပတ်နေတာ ရိုးရိုးမွေးရင်လည်း မလွယ်လောက်ဘူး..
လို့ပြောပြတယ်..။ သမီးလေးရဲ့ ကိုယ်အလေးချိန်က ၉ ပေါင် ၆ အောင်စ ရှိတယ်လေ… ဝနေတာမို့
ကလေးအထူးကု ဆရာဝန်က သွေးချို၊ ဆီးချိုရှိနေမှာ စိုးလို့ မွေးကာစ သမီးလေးရဲ့
ဖနောင့်လေးကို သွေးဖောက်ပြီး စစ်ရသေးတယ်….။ ဘာမှမတွေ့ဘူးလို့ ဆရာမလေးကပြောမှ
သက်ပြင်းချနိုင်တော့တယ် သမီးရေ…. ဖေဖေပြောချင်တာက တကယ်လို့ သမီးအရွယ်ရောက်လာတဲ့
အချိန်မှာ ဖေဖေတို့ကြုံတွေ့ခဲ့ရတဲ့ သားဖွားမီးယပ် အထူးကု ဆရာဝန်နှစ်ယောက်ထဲက
ဘယ်ဆရာဝန်လိုမျိုး ဖြစ်သင့်တယ်ဆိုတာ သမီးလေးစဉ်းစားနိုင်ဖို့ပါ။ ဒီလိုပြောလို့ သမီးလေးကြီးလာရင်
ဆရာဝန်မကြီး ဖြစ်ရမယ်လို့ ဖေဖေဆိုလိုတာ မဟုတ်ဘူးနော်။ ဆရာဝန်မှ မဟုတ်ဘူး ဘယ်လိုလူပဲဖြစ်ဖြစ်
ကိုယ်ကျိုးတစ်ခုတည်းကိုပဲ မကြည့်နဲ့လို့ပြောချင်တာပါ။ ပြီးတော့ ကိုယ်ပြောလိုက်တဲ့ စကားတစ်ခွန်းဟာ
သူတစ်ပါးအပေါ်မှာ ဘယ်လိုထိခိုက်ခံစားရမှုတွေ ရှိသွားနိုင်မလဲဆိုတာလည်း တွေးရမှာပေါ့ သမီးရယ်။
ကိုယ့်ကိုအားကိုးလို့ရောက်လာတဲ့ သူတွေကို ကိုယ်ကျိုးအတွက် အသုံးချဖို့ပဲ စဉ်းစားတာမျိုး ၊
ကိုယ့်အတွက် အသုံးမဝင်ရင် အဖက်မတန်သလို ပြောဆိုဆက်ဆံတာမျိုးတွေ ရှောင်ရှားပါ။ ဖေဖေကတော့
သမီးလေးကို ပေါင်းသင်းဆက်ဆံရေး ဖော်ရွေပြီး လူတိုင်းကို ပြုံးရွှင်တဲ့ မျက်နှာလေးနဲ့
ချိုသာယဉ်ကျေးစွာ ပြောဆိုတတ်တဲ့ သမီးလေး ဖြစ်စေချင်တာပဲ သမီးရယ်…..။
ပျော်ရွှင်ချမ်းမြေ့ကြပါစေ.......
