နှစ်တစ်ရာပြည့်မှသည် ....
*******************
"ဖေဖော်ဝါရီ ၁၃ မှာ ဗိုလ်ချုပ်မွေးနေ့ပါ ..."
ငယ်ငယ်က အော်အော်ဆိုခဲ့တဲ့ စာသား
ဒီနေ့အထိလည်း ရိုးမသွား မေ့မသွားသေးပါဘူး။
သူရဲကောင်းတို့ မျိုးဆက်
ပျောက်ပျက်မသွားဘူးဆိုတာ
လက်ဆင့်ကမ်း သက်သေပြ
တို့ မြန်ပြည်အတွက်
အားရစရာပေပ ....။
လူ့ပြည် လူ့ရွာ
လူ့ဌာနေမှာ
ပေးဆပ်သူနဲ့ ရယူသူနှစ်မျိုးပဲ
ရှိတယ်တဲ့ ...။
ဗိုလ်ချုပ်က
သူ့မှာရှိတာထက် ပိုပေးခဲ့တယ်
သူ့ယူသွားခဲ့တာ
ဘာတစ်ခုမှ မရှိ ....။
ပေးဆပ်သူတို့နှလုံး
လှပလိုက်ပုံများ
တို့တစ်တွေ
ယနေ့အထိ မမေ့နိုင်တာပဲကြည့် ...။
တိုင်းပြည်အတွက် အသက်ပေး
လွတ်လပ်ရေးကို အရ ယူပေးခဲ့
"အာဇာနည်မျိုး သေရိုးမရှိ ..."။
အို ..ပြည်သူ ပြည်သားအပေါင်းတို့
ရင်ထဲက သတိရရုံနဲ့ ကျေနပ်မနေကြနဲ့
ဗိုလ်ချုပ်ကို စံထား
တို့များလည်း ညီညာကြိုးစား
သူမျှော်လင့်ခဲ့တဲ့
တန်းတူညီတူ အခွင့်အရေး
ငြိမ်းချမ်းရေး တိုးတက်ရေးဆီသို့
နှစ်တစ်ရာပြည့်မှာ သစ္စာပြုရင်း
ချီတက်ကြပါစို့ .....။
မေနှင်းကျော်
11.2.15
WED, 4:00AM
