သူခ်ိုးည ( လုံးဝ )မဟုတ်ပါ
~•~•~•~•~•~•~•~•~•~•~•~•~•
တန်ဆောင်မုန်းလပြည့်ညသည် သူခိုးည
လုံးဝမဟုတ်ပါ။
တန်ဆောင်မုန်းလပြည့်ညသည်
ဗုဒ္ဓဘာသာဝင်တို့၏ နေ့ထူးနေ့မြတ်ဖြစ်ပါသည်။
မြတ်စွာဘုရားသည် အဇာတသတ်ရှင်ဘုရင်အား
သာမညဖလ သုတ်တော်ကို
ဟောတော်မူ၍ ဘုရင်နှင့်တကွ နောက်ပါ
ပြည်သူ ( ၁ ) သိန်းခန့် ဗုဒ္ဓဘာသာဖြစ်တဲ့ညကြီးပါ။
ဒီလိုကြီးကျယ်ခမ်းနားတဲ့
ဗုဒ္ဓဘာသာနေ့ကြီးကို
မသမာသူများက စုပ်ပြတ်အောင်
သူခိုးညဆိုပြီး နာမည်တပ်လိုက်တော့
အမှန်တရား ပျောက်ကွယ်သလို
ဖြစ်သွားပါတယ်။
~•~•~•~•~•~•~•~•~•~•~•~•~•~•
တန်ဆောင်မုန်းလပြည့်ည၌ ပစ္စည်းခိုးရခြင်းအကြောင်း(ကျီးမနိုးပွဲ)
~•~•~°~•~•~•~•~•~•~•~•~•~•~•
လွန်လေပြီးသော ရှေးအခါက ယောကျာ်းသားများ ရှင်လိင်ပြန်ကြရ၀ယ် ဆေးမင်ကြောင်ထိုးသည့် ဓလေ့သည် အထင်အရှားရှိခဲ့၏။
ရှင်ဘုရင်မှ အစချီကာ မင်းညီမင်းသား၊
မှူးမတ်သူကြွယ်၊ ကုန်သည်၊လယ်လုပ် အစချီကာ သူရင်းငှားများ
စသော လူယောကျာ်းတို့သည် ဆေးမင်ထိုးကြလေသည်။
ယခုခေတ်ကဲ့သို့ ကြုံသလိုထိုးခြင်း မဟုတ်ချေ။
ဆေးမင်ထိုးသည့်အခါ နက္ခတ်ကောင်း၊ အခါကောင်း စောင့်ဆိုင်းကာ မှောင်ခန်း(ခေါ်)မှင်ထိုးသည့်အခန်းတွင် ကန်တော့ပွဲပေး၍ ထိုးရသည်။
ထိုသို့ထိုးခဲ့ပြီးသော ယောကျာ်းတို့သည် တန်ဆောင်မုန်းလပြည့်ညနက္ခတ်စုံချိန်တွင်ထိုးထားသည့်
ကြောင်တက်/ကြောင်ဆင်းဆေးအစောင့်တို့သည်
တန်ခိုးပြသည်ဟု အယူရှိသောကြောင့်
အရှင်မသိသော ပစ္စည်းကိုခိုးယူကာ ခိုးကွင်း၌ ထားမြဲဖြစ်၏။ ထိုးကွင်းဆိုသည်မှာ ခိုးရာပါပစ္စည်းအား ၊
ဘယ်သူဘယ်ဝါ၏အိမ်မှ ပစ္စည်းဖြစ်ကြောင်း
ခိုးကွင်းတွင် စာကပ်၍ ထားကြသည်။
ထိုသို့ခိုးရာတွင် အသက်ရှိသောအရာကို
ခိုးယူနိုင်စွမ်းသောသူသည် လူစွမ်းကောင်းဖြစ်လေသည်။
ရှေးအခါက နွားများနှင့်လူအိပ်နေသော ကုတင်ကို
လူမနှိုးအောင် ထမ်း၍ခိုးကွင်း၌ လာထားကြသည်။ မနက်မိုးလင်းသောအခါ ပစ္စည်းရှင်များကသင်္ကန်းအစုံဖြင့် မိမိတို့်ပစ္စည်းကို လာရွေးယူကြပြီး ကထိန်ပွဲကို ဆင်နွှဲရသည်။
ပစ္စည်းခိုး၍ လူမိသောအခါတွင် ထိုသူကိုဖမ်း၍
ခိုးကွင်းတွင် ကတုံးတုံးကာ ပြာလူး၍ ထားကြသည်။
ကထိန်ပွဲတွင် ထိုခိုးသားကို ရွာသူကြီးက တရားသူကြီးလုပ်ကာ တရားဆိုင်ခန်းဖြင့်ဟာသလုပ်ကြပြီး ရဟန်းဝတ်စေမြဲဖြစ်သည်။
ဒီဘက်ခေတ်ရောက်လာတော့
တန်ဘိုးရှိပစ္စည်းတွေကို တကယ် ခိုးလာကြတယ်။
လမ်းတွေပေါ်မှာ ကျက်သရေမင်္ဂလာမရှိအောင်
ရုပ်ပျက်ဆင်းပျက်ဆိုင်းဘုတ်တွေ ဖြုတ်ချ ၊
အရက်၊ဘီယာ၊အစားအသောက်တွေ ပလူပျံအောင် ပြန့်ကျဲနေတယ်။
အပျော်ကနေ အပျက်ဘက်ကို ဦးတည်လာကြတယ်။
အမှန်တရားကို ဗုဒ္ဓဘာသာ မြန်မာလူမျိုးတွေ သိစေချင်ပါတယ်။
အရှင်ဂါရ၀
CREDIT
