ေတာင္တန္းမ်ား ပတ္လည္ဝန္းရံေနၿပီး ၾကည္လင္ေအးျမသည့္ေခ်ာင္းကေလး ေကြ႕ဝိုက္စီးဆင္းေနသည့္ ေခ်ာင္းကေလးေဘးမွ ရြာေလးသည္ ျပည္တြင္းမၿငိမ္းမခ်မ္းျဖစ္သည့္ ကာလမ်ားတြင္ ေတာဘက္အဖြဲ႕အစည္းမွ မၾကာခဏလာေရာက္ကာ ဆတ္ေၾကးေတာင္းခံျခင္း၊ အစိုးရတပ္မ်ားမွ ေပၚတာဆြဲျခင္းမ်ားေၾကာင့္ ရြာေလးမွာ ေနထိုင္သူေတြ နီးစပ္ရာရြာမ်ားသို႔ ေျပာင္းေရြ႕ေနထိုင္ၾကရေတာ့သည္။ ေတာဘက္မွ ရြာေလးအား မီးတင္ရႈိ႕ရာ ဘုန္းေတာ္းႀကီးေက်ာင္းဝင္းအတြင္း သိမ္ေက်ာင္းငယ္ေလးတစ္ခုသာ မီးမေလာင္ပဲ က်န္ရစ္ခဲ့ေလသည္။
ျပည္တြင္းၿငိမ္းခ်မ္းစျပဳခ်ိန္တြင္ ရြာခံအမ်ားစုက ရြာကေလးသို႔ ျပန္မလာေတာ့ေခ်။ အနည္းငယ္သာ ျပန္လာေနထိုင္ၾကေတာ့၏။ ရြာေလးမွာ အိမ္ေျခစုစုေပါင္းကား ၃၀ ပင္မေစ့....။ အိမ္ေျခနည္းသျဖင့္ ပတ္ဝန္းက်င္ေက်းရြာမ်ားႏွင့္ ဆရာေတာ္မ်ားမွ စုကာေပါင္းကာ ႀကိဳးပမ္းၿပီး ရြာကေလးမွာ စာသင္ေက်ာင္း၊ ဘုန္းေတာ္ႀကီးေက်ာင္းတို႔ကို ေကာင္းေကာင္းမြန္မြန္ျဖစ္ေအာင္ ႀကိဳးပမ္းေပးၾက၏။ ယခုဆိုလွ်င္ ရြာထိပ္တြင္ မူလတန္းေက်ာင္းေလးက ခန္႔ခန္႔ညားညား သို႔ေသာ္ အလံတိုင္ကား စိုက္ထူထားျခင္းမရွိ .....။ ထို႔ျပင္ ရြာအလယ္ ကုန္းမို႔မို႔ေလးေပၚတြင္ ဘုန္းေတာ္ႀကီးေက်ာင္းကို တည္ေဆာက္ၿပီးစီးသြားခဲ့ေပၿပီ........ ထိုဘုန္းေတာ္ႀကီးေက်ာင္း ေရစက္ခ်ပြဲကို စည္စည္ကားကားက်င္းပႏိုင္ရန္ ရြာခံမ်ားႏွင့္ ဘုန္းေတာ္ႀကီးေက်ာင္း တည္ေဆာက္ၿပီးစီးေအာင္ ကူညီပံ့ပိုးေပးခဲ့ၾကသည့္ ဆရာေတာ္မ်ားမွ ႀကိဳးစားခဲ့ၾကသည္။ ဤရြာေလးသို႔ လာေရာက္ၾကမည့္ ဧည့္သည္မ်ားအတြက္ လမ္းေကာင္းမြန္ေစရန္ လမ္းကိုျပင္သင့္သည့္ေနရာ ျပင္ၾကသလို အသစ္ေဖာက္သင့္သည့္ေနရာကို အသစ္ေဖာက္လုပ္ၾကသည္။ ဒါမွသာ ရြာေလးကို လာၾကမည့္သူမ်ား သက္သက္သာသာႏွင့္ ေရာက္ႏိုင္ၾကမည္ မဟုတ္လား။ ရြာကေလးသို႔ ေရာက္ရန္မွာ ေခ်ာင္းအတန္တန္ကူး ေတာင္ကုန္းေလးမ်ားကို တစ္ခုၿပီး တစ္ခုျဖတ္ရသည္မို႔ ေမာ္ေတာ္ကား၊ သံုးဘီးဆိုင္ကယ္၊ ေမာ္ေတာ္ဆိုင္ကယ္သမားတို႔မွာ သတိထားၿပီး ေမာင္းႏွင္ရေပသည္။ သတိတစ္ခ်က္လႊတ္လွ်င္ တိမ္းေမွာက္သြားႏိုင္သည့္ အေနအထားရွိသည့္ အတက္အဆင္းေနရာမ်ားလည္း ရွိေနသည္ မဟုတ္လား။
၂၀၁၅ ခုႏွစ္ မတ္လ ၁၁ ရက္ ဗုဒၶဟူးေန႔တြင္ ေတာင္တန္းမ်ား ပတ္လည္ဝိုင္းေနၿပီး ၾကည္လင္ေအးျမသည့္ ေရမ်ား တသြင္သြင္ စီးဆင္းေနေသာ ေခ်ာင္းငယ္ေလးက ေကြ႔ကာဝိုက္ကာ စီးဆင္းေနေသာ ရြာေလး၏ ဘုန္းေတာ္ႀကီးေက်ာင္းဆီမွ ဓာတ္စက္သံကို ၾကားေနရသည္။ ရြာအလယ္ ကုန္းျမင့္ေလးေပၚတြင္မူကား ေဆာက္လုပ္ၿပီးစီးသြားသည့္ ဘုန္းေတာ္ႀကီးေက်ာင္းအသစ္စက္စက္ေလးက ေတာက္ေတာက္ပပ .... ဘုန္းေတာ္ႀကီးေက်ာင္း အဝင္ဝ ကုန္းျမင့္ေလး၏ ေအာက္ေျခမွာေတာ့ ဘုန္းေတာ္ႀကီးေက်ာင္း ေရစက္ခ်ပြဲသို႔ လာေရာက္ၾကမည့္ ဧည့္သည္မ်ားကို ေကၽြးေမြးဧည့္ခံေနသည့္ ထမင္းရံု..... ထမင္းႏွင့္ ဟင္းမ်ားကို အရွည္လိုက္စီမံထားသည္ ခံုတန္းရွည္ႀကီးေပၚတြင္ ျပင္ဆင္ထားသည္။ တစ္ရြာလံုးရွိ အပ်ိဳ လူပ်ိဳ အအိုပါမက်န္ အားလံုး အလုပ္ရႈပ္ေနၾကေတာ့သည္။ မွ်စ္ခ်ဥ္ႏွင့္ ဝက္သားေရာခ်က္ထားသည့္ ဟင္း၊ အုန္းအူ ႀကိမ္ဖူးဟင္းခ်ိဳ၊ ငရုတ္သီးေၾကာ္တို႔ျဖင့္ လာသမွ် ဧည့္သည္မ်ားကို ေကၽြးေမြးဧည့္ခံေနေပသည္။ ထို႔ေန႔ နံနက္ ၁၁ နာရီခန္႔တြင္ ရြာေလး၏ ဘုန္းေတာ္ႀကီးေက်ာင္း ေရစက္ခ်ပြဲသို႔ လာေရာက္သည့္ ဧည့္သည္မ်ားလိုက္ပါလာေသာ ေမာ္ေတာ္ကားရြာေလးသို႔ ေရာက္ခါနီးတြင္ တိမ္းေမွာက္မႈျဖစ္ၿပီး ဒဏ္ရာရၾက၏။
"ဒါေၾကာင့္ေျပာတာ အလံထူတာကို အရွင္ႀကီးက မႀကိဳက္ပါဘူးဆို... ဒါေတာင္ အလံတိုင္ကို ထူထူၿပီးျခင္း ျပန္ျဖဳတ္ခ်တာ.... အရွင္ႀကီးစင္မွာ အလံထူခြင့္သြားေတာင္းဖို႔ ၾကက္ဥျပဳတ္တာ ေပါက္ကြဲကုန္တယ္... အရွင္ႀကီးကို ပူေဇာ္ထားတဲ့ ၾကက္ေခါင္းမွာလည္း ကန္႔လန္႔ျဖတ္ေသြးစီးေၾကာင္း ေပၚေနတာ... အရွင္ႀကီး ခြင့္မျပဳပဲ .... အလံထူေတာ့ ျဖစ္ေတာ့တာေပါ့။ ေတာ္ေသးတယ္ ... ဒဏ္ရာရရံုပဲရလို႔ ... ကားေမွာက္တယ္ဆိုတာ လူေသႏိုင္တဲ့ ျဖစ္ရပ္ အရွင္ႀကီးက ဒဏ္ရာ ရရံုေလာက္ပဲလုပ္လို႔ ေတာ္ေသးတာေပါ့.."
ခက္ေတာ့ ခက္ေခ်ၿပီ.....။ ေရွးရိုးစြဲလြန္း ရိုးသားလြန္းသူေတြကို နားလည္ေအာင္ မည္သို႔ ရွင္းျပရမည္ မသိေတာ့ေပ....။ ယခုဒီရြာေလးသို႔ လာသည့္လမ္းသည္ သတိထားေမာင္းႏွင္ရသလို ကၽြမ္းကၽြမ္းက်င္က်င္ေမာင္းႏွင္တတ္မွသာ လာသင့္ေမာင္းသင့္သည့္လမ္း .... ဒီလိုလမ္းမ်ိဳးမွာ တိမ္းေမွာက္သြားသည့္ ေမာ္ေတာ္ကားေလးကို ေမာင္းႏွင္လာသူက မေန႔တစ္ေန႔ကမွ ကားေမာင္းတတ္ၿပီး တက္ေမာင္းေနသူ ... ဘယ္အခ်ိန္မွာ ဘယ္ဂီယာကိုထိုးရမည္.... ဘယ္အရွိန္ႏွင့္ ဘယ္လိုအတက္ကို တက္ရမည္ဆိုတာ နားမွလည္ပါေလစ။ ထို႔ျပင္ ဒီလမ္းဒီခရီးကို ေမာင္းႏွင္ဖူးျခင္းမရွိပဲ ေမာ္ေတာ္ကားႏွင့္ ေလယာဥ္ပ်ံမွားရေလာက္သည့္ အရွိန္ျဖင့္ ေမာင္းႏွင္လာျခင္းေၾကာင့္ တိမ္းေမွာက္မႈ ျဖစ္ပြားတာေရာ မဟုတ္ေလာက္ေပဘူးလား။ ေနာက္တစ္ခုက ရြာသူရြာသားမ်ား ေျပာေနၾက ယံုၾကည္ေနၾကသည့္ အရွင္ႀကီးကား အလံထူသည္ကို မႀကိဳက္ဟုဆိုလွ်င္ အလံထူသည့္သူကိုပဲ ျပဳစားေပါ့ ... အဘယ္အတြက္ မဆိုင္သည့္ သူမ်ားကို ျပဳစားေလသနည္း။ ေကာင္းေသာအလုပ္ကိုလုပ္ရန္အတြက္ အလံထူျခင္းကို အဘယ္အတြက္ မႀကိဳက္ေလရသနည္း။ အကယ္၍ သူတို႔ ယံုၾကည္ေနသည့္ အရွင္ႀကီးမွာ နတ္ေကာင္း နတ္ျမတ္ဆိုလွ်င္ လူသားတို႔ ဒုကၡေရာက္ ေဘးေတြ႕ေစမည့္ ကိစၥမ်ားကို ဒုကၡမေရာက္ေအာင္ ေဘးမေတြ႕ေအာင္ တားဆီးေပးရမည္ မဟုတ္လား။ ယခုေတာ့ အရွင္ႀကီးက မႀကိဳက္လို႕ လုပ္ခ်လိုက္တာႏွင့္ ကားေတြေမွာက္ရေလေရာလား ......။ ဒီလို ထင္ရာျမင္ရာ စြတ္ေျပာေနၾက စြတ္ယံုၾကည္ေနၾကသျဖင့္ ရြာေစာင့္နတ္ အရွင္ႀကီးေတြလည္း နာမည္ပ်က္တာ မ်ားလွေခ်ၿပီ.......။ သူတို႔ ရွိျခင္း မရွိျခင္း စြမ္းေဆာင္ႏိုင္ျခင္း မစြမ္းေဆာင္ႏိုင္ျခင္းကို အသာထား...... နတ္တစ္ပါးျဖစ္ဖို႔ရန္မွာ လူ႔ျပည္ေလာကတြင္ စိတ္ေကာင္းေမြးၿပီး ကုသိုလ္ဒါနျပဳ သီလေဆာက္တည္ေသာသူမ်ားသာ နတ္ျဖစ္ၾကသည္ဟု ၾကားဘူးသည္မို႔ စိတ္ေကာင္းေမြးၿပီး ကုသိုလ္ဒါနျပဳ သီလေဆာက္တည္ၿပီး နတ္ျဖစ္သူမ်ားသည္ အဘယ္မွာ လူေတြကို ဒုကၡေရာက္ေအာင္ လုပ္ပါလိမ့္မည္နည္း...... က်ေနာ္တို႔ေတြ ဦးေႏွာက္ႏွင့္ေတြးေတာစဥ္းစား ဆင္ျခင္ၿပီး ယံုၾကည္သင့္မွာ ယံုၾကည္ရေပမည္။
ေပ်ာ္ရႊင္ခ်မ္းေျမ႕ၾကပါေစ.......
K.T.W.L
unicode version
to read with unicode font
တောင်တန်းများ ပတ်လည်ဝန်းရံနေပြီး ကြည်လင်အrေးမြသည့်ချောင်းကလေး ကွေ့ဝိုက်စီးဆင်းနေသည့် ချောင်းကလေးဘေးမှ ရွာလေးသည် ပြည်တွင်းမငြိမ်းမချမ်းဖြစ်သည့် ကာလများတွင် တောဘက်အဖွဲ့အစည်းမှ မကြာခဏလာရောက်ကာ ဆတ်ကြေးတောင်းခံခြင်း၊ အစိုးရတပ်များမှ ပေါ်တာဆွဲခြင်းများကြောင့် ရွာလေးမှာ နေထိုင်သူတွေ နီးစပ်ရာရွာများသို့ ပြောင်းရွေ့နေထိုင်ကြရတော့သည်။ တောဘက်မှ ရွာလေးအား မီးတင်ရှို့ရာ ဘုန်းတော်းကြီးကျောင်းဝင်းအတွင်း သိမ်ကျောင်းငယ်လေးတစ်ခုသာ မီးမလောင်ပဲ ကျန်ရစ်ခဲ့လေသည်။
ပြည်တွင်းငြိမ်းချမ်းစပြုချိန်တွင် ရွာခံအများစုက ရွာကလေးသို့ ပြန်မလာတော့ချေ။ အနည်းငယ်သာ ပြန်လာနေထိုင်ကြတော့၏။ ရွာလေးမှာ အိမ်ခြေစုစုပေါင်းကား ၃၀ ပင်မစေ့....။ အိမ်ခြေနည်းသဖြင့် ပတ်ဝန်းကျင်ကျေးရွာများနှင့် ဆရာတော်များမှ စုကာပေါင်းကာ ကြိုးပမ်းပြီး ရွာကလေးမှာ စာသင်ကျောင်း၊ ဘုန်းတော်ကြီးကျောင်းတို့ကို ကောင်းကောင်းမွန်မွန်ဖြစ်အောင် ကြိုးပမ်းပေးကြ၏။ ယခုဆိုလှျင် ရွာထိပ်တွင် မူလတန်းကျောင်းလေးက ခန့်ခန့်ညားညား သို့သော် အလံတိုင်ကား စိုက်ထူထားခြင်းမရှိ .....။ ထို့ပြင် ရွာအလယ် ကုန်းမို့မို့လေးပေါ်တွင် ဘုန်းတော်ကြီးကျောင်းကို တည်ဆောက်ပြီးစီးသွားခဲ့ပေပြီ........ ထိုဘုန်းတော်ကြီးကျောင်း ရေစက်ချပွဲကို စည်စည်ကားကားကျင်းပနိုင်ရန် ရွာခံများနှင့် ဘုန်းတော်ကြီးကျောင်း တည်ဆောက်ပြီးစီးအောင် ကူညီပံ့ပိုးပေးခဲ့ကြသည့် ဆရာတော်များမှ ကြိုးစားခဲ့ကြသည်။ ဤရွာလေးသို့ လာရောက်ကြမည့် ဧည့်သည်များအတွက် လမ်းကောင်းမွန်စေရန် လမ်းကိုပြင်သင့်သည့်နေရာ ပြင်ကြသလို အသစ်ဖောက်သင့်သည့်နေရာကို အသစ်ဖောက်လုပ်ကြသည်။ ဒါမှသာ ရွာလေးကို လာကြမည့်သူများ သက်သက်သာသာနှင့် ရောက်နိုင်ကြမည် မဟုတ်လား။ ရွာကလေးသို့ ရောက်ရန်မှာ ချောင်းအတန်တန်ကူး တောင်ကုန်းလေးများကို တစ်ခုပြီး တစ်ခုဖြတ်ရသည်မို့ မော်တော်ကား၊ သံုးဘီးဆိုင်ကယ်၊ မော်တော်ဆိုင်ကယ်သမားတို့မှာ သတိထားပြီး မောင်းနှင်ရပေသည်။ သတိတစ်ချက်လွှတ်လှျင် တိမ်းမှောက်သွားနိုင်သည့် အနေအထားရှိသည့် အတက်အဆင်းနေရာများလည်း ရှိနေသည် မဟုတ်လား။
၂၀၁၅ ခုနှစ် မတ်လ ၁၁ ရက် ဗုဒ္ဓဟူးနေ့တွင် တောင်တန်းများ ပတ်လည်ဝိုင်းနေပြီး ကြည်လင်အေးမြသည့် ရေများ တသွင်သွင် စီးဆင်းနေသော ချောင်းငယ်လေးက ကွေ့ကာဝိုက်ကာ စီးဆင်းနေသော ရွာလေး၏ ဘုန်းတော်ကြီးကျောင်းဆီမှ ဓာတ်စက်သံကို ကြားနေရသည်။ ရွာအလယ် ကုန်းမြင့်လေးပေါ်တွင်မူကား ဆောက်လုပ်ပြီးစီးသွားသည့် ဘုန်းတော်ကြီးကျောင်းအသစ်စက်စက်လေးက တောက်တောက်ပပ .... ဘုန်းတော်ကြီးကျောင်း အဝင်ဝ ကုန်းမြင့်လေး၏ အောက်ခြေမှာတော့ ဘုန်းတော်ကြီးကျောင်း ရေစက်ချပွဲသို့ လာရောက်ကြမည့် ဧည့်သည်များကို ကျွေးမွေးဧည့်ခံနေသည့် ထမင်းရံု..... ထမင်းနှင့် ဟင်းများကို အရှည်လိုက်စီမံထားသည် ခံုတန်းရှည်ကြီးပေါ်တွင် ပြင်ဆင်ထားသည်။ တစ်ရွာလံုးရှိ အပျို လူပျို အအိုပါမကျန် အားလံုး အလုပ်ရှုပ်နေကြတော့သည်။ မှျစ်ချဥ်နှင့် ဝက်သားရောချက်ထားသည့် ဟင်း၊ အုန်းအူ ကြိမ်ဖူးဟင်းချို၊ ငရုတ်သီးကြော်တို့ဖြင့် လာသမှျ ဧည့်သည်များကို ကျွေးမွေးဧည့်ခံနေပေသည်။ ထို့နေ့ နံနက် ၁၁ နာရီခန့်တွင် ရွာလေး၏ ဘုန်းတော်ကြီးကျောင်း ရေစက်ချပွဲသို့ လာရောက်သည့် ဧည့်သည်များလိုက်ပါလာသော မော်တော်ကားရွာလေးသို့ ရောက်ခါနီးတွင် တိမ်းမှောက်မှုဖြစ်ပြီး ဒဏ်ရာရကြ၏။
"ဒါကြောင့်ပြောတာ အလံထူတာကို အရှင်ကြီးက မကြိုက်ပါဘူးဆို... ဒါတောင် အလံတိုင်ကို ထူထူပြီးခြင်း ပြန်ဖြုတ်ချတာ.... အရှင်ကြီးစင်မှာ အလံထူခွင့်သွားတောင်းဖို့ ကြက်ဥပြုတ်တာ ပေါက်ကွဲကုန်တယ်... အရှင်ကြီးကို ပူဇော်ထားတဲ့ ကြက်ခေါင်းမှာလည်း ကန့်လန့်ဖြတ်သွေးစီးကြောင်း ပေါ်နေတာ... အရှင်ကြီး ခွင့်မပြုပဲ .... အလံထူတော့ ဖြစ်တော့တာပေါ့။ တော်သေးတယ် ... ဒဏ်ရာရရံုပဲရလို့ ... ကားမှောက်တယ်ဆိုတာ လူသေနိုင်တဲ့ ဖြစ်ရပ် အရှင်ကြီးက ဒဏ်ရာ ရရံုလောက်ပဲလုပ်လို့ တော်သေးတာပေါ့.."
ခက်တော့ ခက်ချေပြီ.....။ ရှေးရိုးစွဲလွန်း ရိုးသားလွန်းသူတွေကို နားလည်အောင် မည်သို့ ရှင်းပြရမည် မသိတော့ပေ....။ ယခုဒီရွာလေးသို့ လာသည့်လမ်းသည် သတိထားမောင်းနှင်ရသလို ကျွမ်းကျွမ်းကျင်ကျင်မောင်းနှင်တတ်မှသာ လာသင့်မောင်းသင့်သည့်လမ်း .... ဒီလိုလမ်းမျိုးမှာ တိမ်းမှောက်သွားသည့် မော်တော်ကားလေးကို မောင်းနှင်လာသူက မနေ့တစ်နေ့ကမှ ကားမောင်းတတ်ပြီး တက်မောင်းနေသူ ... ဘယ်အချိန်မှာ ဘယ်ဂီယာကိုထိုးရမည်.... ဘယ်အရှိန်နှင့် ဘယ်လိုအတက်ကို တက်ရမည်ဆိုတာ နားမှလည်ပါလေစ။ ထို့ပြင် ဒီလမ်းဒီခရီးကို မောင်းနှင်ဖူးခြင်းမရှိပဲ မော်တော်ကားနှင့် လေယာဥ်ပျံမှားရလောက်သည့် အရှိန်ဖြင့် မောင်းနှင်လာခြင်းကြောင့် တိမ်းမှောက်မှု ဖြစ်ပွားတာရော မဟုတ်လောက်ပေဘူးလား။ နောက်တစ်ခုက ရွာသူရွာသားများ ပြောနေကြ ယံုကြည်နေကြသည့် အရှင်ကြီးကား အလံထူသည်ကို မကြိုက်ဟုဆိုလှျင် အလံထူသည့်သူကိုပဲ ပြုစားပေါ့ ... အဘယ်အတွက် မဆိုင်သည့် သူများကို ပြုစားလေသနည်း။ ကောင်းသောအလုပ်ကိုလုပ်ရန်အတွက် အလံထူခြင်းကို အဘယ်အတွက် မကြိုက်လေရသနည်း။ အကယ်၍ သူတို့ ယံုကြည်နေသည့် အရှင်ကြီးမှာ နတ်ကောင်း နတ်မြတ်ဆိုလှျင် လူသားတို့ ဒုက္ခရောက် ဘေးတွေ့စေမည့် ကိစ္စများကို ဒုက္ခမရောက်အောင် ဘေးမတွေ့အောင် တားဆီးပေးရမည် မဟုတ်လား။ ယခုတော့ အရှင်ကြီးက မကြိုက်လို့ လုပ်ချလိုက်တာနှင့် ကားတွေမှောက်ရလေရောလား ......။ ဒီလို ထင်ရာမြင်ရာ စွတ်ပြောနေကြ စွတ်ယံုကြည်နေကြသဖြင့် ရွာစောင့်နတ် အရှင်ကြီးတွေလည်း နာမည်ပျက်တာ များလှချေပြီ.......။ သူတို့ ရှိခြင်း မရှိခြင်း စွမ်းဆောင်နိုင်ခြင်း မစွမ်းဆောင်နိုင်ခြင်းကို အသာထား...... နတ်တစ်ပါးဖြစ်ဖို့ရန်မှာ လူ့ပြည်လောကတွင် စိတ်ကောင်းမွေးပြီး ကုသိုလ်ဒါနပြု သီလဆောက်တည်သောသူများသာ နတ်ဖြစ်ကြသည်ဟု ကြားဘူးသည်မို့ စိတ်ကောင်းမွေးပြီး ကုသိုလ်ဒါနပြု သီလဆောက်တည်ပြီး နတ်ဖြစ်သူများသည် အဘယ်မှာ လူတွေကို ဒုက္ခရောက်အောင် လုပ်ပါလိမ့်မည်နည်း...... ကျနော်တို့တွေ ဦးနှောက်နှင့်တွေးတောစဥ်းစား ဆင်ခြင်ပြီး ယံုကြည်သင့်မှာ ယံုကြည်ရပေမည်။
ပျော်ရွှင်ချမ်းမြေ့ကြပါစေ.......
K.T.W.L
