မသိမသာ ၊ ဇာဂနာ (၂)
***************************
ဇာဂနာလည်း အကုသိုလ် တော်တော်များတယ် ထင်ပါရဲ့၊ ဘာလုပ်လုပ် အနှောင့်အသွားကို မလွတ်ပါဘူးခင်ဗျာ။ အရင်တုန်းက ဇာဂနာသိသားပဲ ဆိုပြီး ရေးခဲ့ပါတယ်။
အောင်မယ် ဇာဂနာဆိုတဲ့ကောင် သူ အကုန်သိတယ်ဆိုပြီး ကြွားလိုက်တာလို့ အပြောခံရပါတယ် ခင်ဗျ။ တစ်ခါ ဇာဂနာ ဘာမှမသိ ပါဘူးဆိုပြီး ရေးပြန်တော့ ဇာဂနာဆိုတဲ့ကောင် ရွဲ့တယ်တဲ့။ ခုတစ်ခါ မသိမသာ ဇာဂနာ ဆိုပြန်တော့ လုပ်ပြန်ပြီ ဇာဂနာတို့က အကျင့်ကို မကောင်းဘူးတဲ့။ မြန်မာစာစကားမှာ မသိမသာ ထည့်လိုက်တယ် တို့၊ မသိမသာလေး အဆင်းဘီးတွန်းလိုက်တယ်တို့ ရှိတာကိုး ခင်ဗျ။ ဒီတော့ ဇာဂနာ စိတ်ပုပ်တယ်လို့ ပြောပြန်ပါလေရော။ ပြောပါခင် ဗျာ။ ပြောကြပါ။ ဇာဂနာဆိုတာ ခံဘက်ကပါ။ တူဖြစ်ခွင့် တစ်သက် လုံး မရခဲ့ပါဘူး ခင်ဗျ။
ဒီကြားထဲ ဇာဂနာ့သူငယ်ချင်း မဟာပြင်ညာကျော်တွေက မသိမသာ ဆိုတာ Unnoticeably လား ၊ Unobtrusively လား ၊ Imperceptibly လား ၊ ဘာကိုဆိုလိုတာလဲ ရှင်းစမ်းပါဦးဆိုတော့ ခေါင်းအလည် ထိပ်တည့်တည့် ချွေးများတောင် ထွက်ခဲ့ရပါတယ်။ သူတို့လို ကိုယ်က စာတတ်ပေတတ်မဟုတ်တော့ ဘယ်ရှင်းပြတတ် ပါ့မလဲ။ သူတို့ကတော့ ရုပ်မြင်သံကြားမှာ အင်္ဂလိပ်စကားနဲ့ မြန်မာ စကားကို အသုပ်သုပ်ပြောနေတဲ့ သူတွေကိုး ခင်ဗျာ။
သူတို့ တစ်ခါတစ်ခါပြောလိုက်ရင် ဇာဂနာဖြင့် နားကိုမလည် ခဲ့ပါဘူး အမှန်ပါ။ သူတို့ကလည်း တော်မှတော် ၊ နိုင်ငံရေးပြော လည်း ထိပ်ဆုံးက ၊ စီးပွားရေးလည်း ထိပ်ဆုံးက ၊ ဟော..အား ကစားဆိုလည်း ထိပ်ဆုံးကပဲခင်ဗျ။ Zig Zaglar ရှဲ့See you at the top ကို မြန်မာပြည်က ဟိုဆရာလေး မောင်ပိုင်စီးလိုက်သလိုပေါ့ ခင်ဗျ။ ထိပ်ဆုံးက ကျွန်တော်တွေချည်းပါပဲ။ ဇာဂနာတို့ကတော့ See you at the sop တွေ ခင်ဗျ။ သုံးစားမရပါဘူး။ ဖော်မလင်ပါတဲ့ မုန့်တီဖတ်တွေပါခင်ဗျာ။ှSee you at the cop ဆိုရင်တော့ ဇာဂနာ တို့ နည်းနည်း နားလည်ပါတယ်ခင်ဗျ။ ရဲနဲ့ အလုပ်လုပ်ရတာ များ တာကိုးလေ။
ဒါပေမဲ့ ဇာဂနာတို့ကတော့ တုံးပါတယ်။ မက်ဆီ အခွန်မဆောင် လို့ ထောင်၂၁ လ ကျမယ်ဆိုတော့ သနားတာပေါ့၊ စိတ်မကောင်း ဘူးပေါ့။ သူတို့ကတော့ တက်စ်ဆိုတာ တိုင်းပြည်အတွက် ဘက်(ခ်) ဘုန်းလေ၊ နေးရှင်းဘီးလ်ဒင်းမှာ တက်စ်မရရင် ဘာပလင်န်မှ အင် ဒေါစ် မလုပ်နိုင်သလို အင်ပလီမင့်န် မလုပ်နိုင်ဘူး ဆိုပြန်တော့ ဇာဂနာ ဘာနားလည်ရမှန်းကို မသိပါဘူး ခင်ဗျာ။ ကိုယ်ကကို ညံ့နေတာပါ။
တစ်ခါ ဆရာတို့က အားကစားဆိုပြန်ရင်လည်း ဆက်စပိစ်က နေ ဂိုးရအောင် လုပ်တယ်တဲ့။ ဇာဂနာ့ နားထဲမတော့ ဆဲနေသလို ပါပဲ၊ ဆက်စပိစ်ဆိုတာ ဘယ့်နှာကြီးတုန်းပေါ့။ ပြီးတော့ တစ်ယောက် က ရှဲဒိုးစထရိုက်ကာလုပ်ပြီး နောက်တစ်ယောက်က အင်ဗစ်ဇင်း ဘယ်လ်အတက်ခ် လုပ်ရမယ်ဆိုတော့ ဇာဂနာ ဘာဆို ဘာမှ မသိ တော့ပါဘူး ခင်ဗျာ။ သူတို့ အဲသလောက်တတ်နေရင်လည်း မြန်မာ့ အသင်း ဘာလို့ ကန်တိုင်းရှုံးနေမှန်း မသိတော့ပါဘူး။ လူကြီးအသင်း မို့ ရှုံးသလားမှတ်တယ်။ ၁၆နှစ်အောက်တွေကလည်း ဆယ်ယောက် တည်းရှိတဲ့ မလေးရှားအသင်းကို ဆယ့်တစ်ယောက်နဲ့ကန်ပြီး ရှုံးတာ ပါပဲ။
ဒါလည်း ခပ်ကောင်းကောင်းခင်ဗျ။ မဟုတ်ရင် ဆက်ကြည့် နေရဦးမှာကိုး။ ဘောအုပ်ကြီး ဦးဇော်ဇော်ကတော့ ယူ-၁၆ အသင်း ကန်တာကို သဘောကျမှာပေါ့လေ။ ဒါမှ သူ့ခမျာ ပတ်စ်ပို့တွေထဲ အသက်တွေ လိုက်လိုက်မလိမ်ရရှာတော့ဘူးပေါ့။
ဇာဂနာတို့ မြန်မာပရိသတ်ကတော့ ဘာပဲဖြစ်ဖြစ် ကိုယ့်အသင်း ကိုယ် အားပေးနေဆဲပါပဲ။ ချစ်လျှင်အကျိုး မြတ်နိုးတော့ သဒ္ဓါ ဆို သကိုး။ ကိုယ့်မြန်မာဘောသမားလေးတွေကို ချစ်ကြတာကိုး။ အောင် သူ၊ သန်းပိုင် ဂိုးမသွင်းနိုင်လည်း ချစ်နေတော့ မျက်စိစုံမှိတ်ထောက် ခံပစ်တာ မြန်မာ့ဓလေ့ကိုး ခင်ဗျ။
ဟောကြည့် ဝန်ကြီးချုပ် ဦးဖြိုးမင်းသိန်း ဘတ်စ်ကားစီးတော့ လည်း ဒါမှ ပြည်သူနဲ့ တစ်သားတည်းတစ်ထပ်တည်း၊ ကွီးဖြိုး ဒုန်း ဒုန်းဒုန်းလို့ ထောက်ခံကြတာပဲမဟုတ်လား။ ဇာဂနာလည်း သဘော ကျတယ် ခင်ဗျ။ ကိုဖြိုးမင်းသိန်းကိုလည်း အကြံပေးချင်တယ်။ နေ့ တိုင်းသာ တက်ဗျာ။ ဇာဂနာလည်း လိုက်စီးချင်ပါတယ်။ ဒါမှ ကား ချောင်မှာကိုး။ ဝန်ကြီးချုပ်ဘေးခုံကြီးလည်း လွတ်နေတော့ ဇာဂနာ ဝင်ထိုင်မှာပေါ့နော။ ထောင်ထဲ အတူတူစားခဲ့သောက်ခဲ့ကြတဲ့ဟာ ခုံလောက်တော့ ပေးထိုင်မယ်မဟုတ်လားဟင်။ ပြီးတော့ ဝန်ကြီးချုပ် ကြီးစီးတဲ့ ကားပေါ်မှာ video ကင်မရာတွေရော ဖုန်းကင်မရာတွေ ရော တခြား ယူနီဖောင်းဆင်တူနဲ့လူတွေရော လျှပ်ပန်းလက်ကြွက်ကြွက်ညံဟန်ပြုံးပြုံး အုန်းအုန်းထနေတာဆိုတော့ ပျော်စရာကြီး။ ဘတ်စ်ကားပေါ်တင် ရုပ်ရှင်ဇာတ်လမ်း ရိုက်လို့ရတယ်ခင်ဗျ။ နောက် နောင် ဝန်ကြီးချုပ် ဘတ်စ်ကားစီးမယ်ဆို ကြိုပြောပါခင်ဗျာ။ ပါရမီတို့ မေတ္တာရေလှိုင်းတို့ နည်းနည်းကျပ်တဲ့ကားတွေ လူကိုတိုက်ပြီး ထွက် ပြေးတာ ဒီနေ့အထိ ကားမောင်းသူ ဖမ်းမမိတဲ့ကားတွေ တူတူစီးရ အောင်လို့။ ဘီအာရ်တီဆိုတာကြီးကတော့ ကောင်းလွန်းနေတယ် ခင်ဗျ။ ဒါလည်း စေတနာပါနော်။ ကွီးကိုမထိနဲ့ မီးပွင့်သွားမယ်ဆိုတဲ့ လူတွေကိုလည်း ကြောက်ပါတယ်။ အရင်က တရုတ်ကိုပဲ ကြောက် ပါတယ်လို့ ပြောရတာ။ အခုတော့ အကုန်ကြောက်နေရတယ် ခင်ဗျ။ အထူးသဖြင့် ပင်နီဝတ်လာရင်ကို ကြောက်နေရတော့တာပါ။ ကွီး ဖြိုးနားက ဝန်ကြီးမမကိုလည်း ကြောက်ရတယ်ခင်ဗျ။ စိတ်မထင်ရင် တရားစွဲမယ်ချည်း လုပ်တာကိုး။ ဇာဂနာတို့က ထောင်ကြွေးကျန် ၃၄နှစ် ရှိနေသေးတော့ ကြောက်ရပါတယ်ခင်ဗျာ။
ဟော အမျိုးသားသတင်းဆုဆိုတာကိုလည်း ပေးမယ်ပြောပြီး မှ မပေးပြန်တော့ ဇာဂနာလည်း မျက်စိလည်သွားတာပေါ့။ မပေး ခိုင်းတာလား ၊ ပေးလို့မရတာလား။ ဒါဆို ဘာလို့ စောစောတုန်းက တည်းက ကြိုကြေညာထားသေးသတုံး။ ရုပ်ရှင်အကယ်ဒမီလို ရုပ်တု ခြောက်ရုပ်တင်ထားပြီး မသိမသာ တစ်ရုပ် ကောက်သိမ်းလိုက်တာ မျိုးလေလားဟင်။ တကယ်ဆို ဆုပဲလိုတယ်လို့ သီချင်းလေးတစ်ပုဒ် ဆိုလိုက်ချင်သေး။ ဇာဂနာဆို ပေးပစ်မှာခင်ဗျ။
MNTV ကိုတောင် သတင်းဆုပေးသေးတဲ့ဟာ အကောင်းဆုံး သတင်းဆုကို ဇာဂနာ့ကိုသာ ရွေးချယ်ခိုင်းကြည့်လေ။ သမ္မတ ဦးထင် ကျော် တည်ခင်းသည့် ပထမဆုံးညစာစားပွဲတွင် DVB ရုပ်သံလွှင့် အစီအစဉ်မှ တိုက်ရိုက်ထုတ်လွှင့်နေတုန်း ရပ်ဆိုင်းခံရခြင်းဆို ဘယ် လောက် ဆုပေးသင့်သလဲ။ ဟော သမ္မတကြီး မွန်ဂိုလီးယားတွင် စကားပြောဖို့ မိုက်ကရိုဖုန်းခလုတ်ကို မဖွင့်မိလို့ ဘေးလူတွေက သတိပေးရခြင်းဆိုလည်း သတင်းပဲလေ။ (ဦးသိန်းစိန်တုန်းက နား ကြပ်မတပ်လို့ အိန်ဂျလာမာကဲလ်က တပ်ပေးရတယ်ဆိုတာတောင် သတင်းဖြစ်ခဲ့သေးတယ် မဟုတ်လား)။ ငြိမ်းချမ်းရေးဆွေးနွေးပွဲမှာ ညစာစားပွဲလုပ်တော့ အဆိုတော်ကြီး သိန်းတန်(မြန်မာပြည်)နဲ့ ကေ အိုင်အေ ဗိုလ်ချုပ်ဂွမ်မော်တို့ တွဲဖက်သီဆိုခဲ့တဲ့ သီချင်းက တို့မယုံ ဘူးတဲ့။ ပြီးတော့ စနေထောင့်ပန်းလှူမယ် ဆိုလားပဲ။ (စာသားက တော့ မျှော်သာမျှော်သည် မယုံကြည်ဆိုတာ ပါတယ်လေ)။ ဒါ သတင်း ကောင်းတွေပဲဗျာ။ ဆုပေးသင့်တာပေါ့။ ဆရာကြီးဖိုးသောကြာတို့ ၊ ဆရာသီဟစောတို့ ပြန်စိစစ်သင့်ပါတယ်နော့်။
တစ်ခါ ဆောက်လုပ်ရေးလုပ်ငန်းရှင်တွေ ဘုရားကိုးဆူတင် ရမလား ၊ ဖဲဝိုင်းထောင်ရမလားဖြစ်နေရတာလည်း သတင်းမဟုတ် ဘူးလား ခင်ဗျ။ ၁၂ထပ်အမြင့်တွေကို ခြောက်ထပ်ဆောက်ရမယ် ဆိုတော့ ကြိုပွိုင့်ဝယ်ထားသူတွေ နစ်နာတာလား ၊ လုပ်ငန်းရှင်တွေ နစ်နာတာလား ဇာဂနာတော့ မသိဘူးခင်ဗျ။ ဆောက်လုပ်ရေး လုပ်ငန်းရှင်တွေကတော့ ခိုညည်းတာထက် ဆိုးနေရှာတာပေါ့။ ရှေ့ အစိုးရ ခွင့်ပြုခဲ့တာတွေကို ပြန်စိစစ်တာ ကောင်းတာပေါ့ဗျာ။ ဒါ ပေမဲ့ မလုပ်ရတော့ဘူးလို့ ရပ်ခိုင်းတာ အလုပ်တန်းလန်းဖြစ်ကုန်တာ တော့ နည်းနည်းလောက် ငဲ့ကြည့်ကြဖို့လိုတာပေါ့ ခင်ဗျ။ ဒီလိုပြော လို့လည်း ဇာဂနာ့ပိုက်ဆံ တစ်ပြားမှမဆုံးရှုံးသလို မြတ်လည်း မမြတ် ပါဘူး။ နိုင်ငံသားတွေရဲ့အကျိုးစီးပွားကို ကာကွယ်ပေးရမယ့်အစိုးရ မဟုတ်လားခင်ဗျ။ တစ်ချက်လောက်တော့ ငဲ့ကြည့်သင့်ပါတယ်။ ကွမ်းယာစားတာ မစားတာထက်တော့ အရေးကြီးတာပေါ့နော်။ ဘတ်စ်ကား တက်စီးသလောက်တော့ မလွယ်ဘူးလား လွယ်သလား ဆိုတာ ဇာဂနာ မသိပါဘူးခင်ဗျာ။
အေးလေ၊ မသိမသာလို့ ဆိုသကိုးလို့၊ ဒါ့ကြောင့် စကတည်း က ပြောပါတယ်။ မသိရင် မသာတော့ဘူးပေါ့လေ။ ဇာဂနာက လည်း ဘယ်သူ့ထက်မှ မသာချင်တဲ့လူပါ ခင်ဗျာ။ ဒါ့ကြောင့် ဘာမှ မသိတာပါ ခင်ဗျာ။ ပြောမှားဆိုမှားရှိရင်လည်း ကိုနေမျိုးဝေလို ခွင့် လွှတ်ပေးကြပါနော်။ ။
(Yangon Times Journal, 12-27)
