( နွားရွေးနည်း ပညာ )
*******************
၁။ နွားနီကွမ်းသွေး ရိုက်နိင်မှပြေး ။
၂။ နွားပြာနီတုတ်မွှေး ရိုက်နိင်မှပြေး ။
၃။ နွားပြာချို တုတ် ထမ်းပိုးထမ်းနှုတ် ။
၎။နွားပြာနီ ရှဉ့်မွှေး ရိုက်နိင်မှပြေး ။
၅။ ဇော်နီကွမ်းသွေး သေအောင်ပြေး ။
၆။ နွားဝါဖွဲနု သေအောင်ထု ဂရုမထားတတ်။
၇။နွားဝါမျက်ကွင်း သေအောင်ဖျင်း စင်းစင်းခံနေတတ် ။
၈။ နွားဝါမျက်ကွင်းဖြူ ကြိမ်မကူ ကမူမတက်ဘူး ။
၉။ နွားဝါဖင်ဖြူ ကြိမ်မကူ ကမူမတက်ဘူး။
၁၀။ နွားညို သံရောင် တုတ်မဆောင်ရ ။
၁၁။ မြီးစွပ်ရှေ့တက် ထိပ်ကွက်နောက်ဆုတ် စုံမှဟုတ်။
၁၂။ မွှေးတိုမွှေးကြမ်း ထမ်းပိုးထမ်း အစွမ်းကောင်းလှ၏ ။
၁၃။ ဗွေဆင့်မျက်ခြား အဝယ်မှား အိမ်ကမယား သေလတ္တံ့ ။
( ဗွေများ )
**********
( ၁ ) ဗွေဆင့်ဗွေ
ချို နှစ်ချောင်းစပ်ကြား၌ နှစ်ခုဆင့်လျှက်ရှိသော ဗွေ။(မယားသေ)
( ၂ ) မျက်ခြားဗွေ
မျက်လုံးနှစ်ခုကြား၌ တစ်လုံးတည်းရှိသော ဗွေ ။ (မယားသေ)
( ၃ ) ဗွေထီးဆောင်း
ချို နှစ်ချောင်း စပ်ကြား၌ ရှိသည်။ ထိုဗွေသည်
နွား၏ထိပ်၌ ထီးကဲ့သို့ မိုးဆောင်းထား၍ ဗွေထီးဆောင်းဟုခေါ်သည်။ပထမတန်းစား ဗွေဖြစ်သည်။
( ၄ ) မြခနောက်ဗွေ
နွားခေါင်း၏ ရှေ့နဖူးပြင်ထိပ် အလယ်ကျသောနေရာ၌ ဗွေသုံးလုံး ဖိုခနောက်ဆိုင်တည်ရှိ၍ ခေါ်ဝေါ်ခြင်းဖြစ်သည်။ဗွေကောင်းဖြစ်သည်။
( ၅ ) သံလျက်ဗွေ
နွားလည်ပင်းတစ်ဖက် (သို့မဟုတ်) နှစ်ဖက်စလုံး ပါတတ်သည်။ လည်ပင်းမှ ခရုပတ်ရစ်၍ ဗွေ၏အဖျားသည် နွားဦးခေါင်းဖက်သို့ အညွန့်ဖြာလျှက်တက်ခဲ့သော် သံလျက်ဗွေဟုခေါ်သည်။အကျိုး ပေးမထက်သန် ဆုတ်ယုတ်ပျက်စီးခြင်းလည်းမရှိ။
( ခြောက်ကွက်လှနွား )
၁။ မြီးစွပ်ခြင်း အကွက်ကောင်းတစ်ကွက်
၂။ ထိပ်ကွက်ခြင်း အကွက်ကောင်းတစ်ကွက်
၃။ ခြေလေးဖက်စလုံး ဒူးဆစ်ထိ ဆွတ်ဆွတ်ဖြူ ခြင်း အကွက်ကောင်း လေးကွက်
( ထိုနွားမျိုးရှိလျှင် ခိုက်တတ်သောနွားဝယ်မိပါကလည်း အန္တရာယ် မဖြစ်ပါ )
** မြောက်သုံးသွယ် ကျယ်သုံးလီ
နီသုံးချက် တစ်နေ့တစ်ခြား စီးပွားတက် ။
( မြောက်သုံးသွယ် )
ဦးခေါင်းမောက်မောက်ထောင်ထောင်ရှိခြင်း (သို့မဟုတ်) ခေါင်းတမော့မော့ရှိခြင်း။
( ကျယ်သုံးလီ )
ချို နှစ်ခုစပ်ကြား ထိပ်အင်းကျယ်ခြင်း
ရင်အုပ်ကျယ်ခြင်း နှင့် တင်ပါးဆုံကျယ်ခြင်း ။
( နီသုံးချက် )
လျှာနီခြင်း နှာနီခြင်း ခွာလေးဖက်နီခြင်း
(ထိုအချက်တို့နှင့်ပြည့်စုံသောနွားကို လာဘ်နွားဟုခေါ်သည်။စီးပွားဥစ္စာ တစ်နေ့တစ်ခြား တိုးတက်လာသည်။
** နွားပြာနီ ကြောင်စွယ်
မှောင်ကွယ်ရာဝယ် မမှားနိင် ။
နွားပြာ နွားနီ နွားပြာနီ နှင့် နွားကြောင်စွယ် တို့သည် မွေးထိုက်သောနွားဖြစ်၍ မှောင်ကွယ်ရာဝယ်ဦးတော့ မမှားနိင်ဟုဆိုလိုသည်။
နွားကြောင်စွယ် .....နှာရောင်မှောင်မှောင် လက်မဲမဲ ဒူးမဲမဲ ရှိသောနွား ။
( နွား၏ချို )
**********
ဘယ်လဲ ညာထောင် ဥစ္စာပြောင်
ဘယ်ထောင်ညာလဲ တက်တက်မွဲ ။
** တစ်ဖက်ထောင် တစ်ဖက်လဲနွားသည် ဥစ္စာဆုတ်ယုတ်တတ်၏ ။
တယ်လူးချို .....နုတ်သောချို နဲ့သောချို ။ (အကျိုးမပေး)
ကြက်တူရွေးချို .....ကြက်တူရွေးနှုတ်သီးပမာ ရှေ့သို့ကွေးညွတ်သော ချို ကွေး ။
(အကျိုးမပေး)
(မှတ်ချက်)
*********
ပျောက်ကွယ်လုနီးပါးဖြစ်နေသော ရှေးပညာရှင်တို့၏ နွားရွေးနည်းပညာများကို
လွန်ခဲ့သော ( ၃၀ )နှစ်ခန့်က မှတ်စုစာအုပ်ထဲ
မှတ်ထားမိသမျှ ပြန်လည်ကူးယူဖော်ပြခြင်းဖြစ်ပါသည်။
credit...original
( ဖတ်မိပြီးသဘောတွေ့ရင် တောင်သူဦးကြီးများအတွက် ကျေးဇူးပြု၍ share ပေးစေချင်ပါတယ် )
