မိုဘုိင္းဖုန္းသံုးစြဲသူတိုင္း ကုန္သြယ္ခြန္ ၅ ရာခိုင္ႏႈန္းေပးေဆာင္ရမည္

ျမန္မာျပည္ရဲ႕ အဓိက မုိဘုိင္းဖုန္း ေအာ္ပေရတာလုပ္ငန္း ၃ ခုျဖစ္တဲ့ အမ္ပီတီ၊ တယ္လီေနာ္နဲ႔ ေအာ္ရီဒူး ကုမၸဏီေတြက ဆင္းမ္ကတ္၀ယ္ယူ ေငြျဖည့္သံုးစြဲသူေတြထံက ကုန္သြယ္ခြန္ ၅ ရာခိုင္ႏႈန္းကို ဇြန္လ ၁ ရက္ေန႔ စေကာက္ခံ သြားမယ္လို႔ အစိုးရက ဒီကေန႔ ေၾကညာပါတယ္။

ၿပီးခဲ့တဲ့ ဧၿပီလ ၁ရက္ေန႔မွာ ျပည္ေထာင္စုလႊတ္ေတာ္က အသစ္ျပင္ဆင္ျပဌာန္းလိုက္တဲ့ ၂ဝ၁၅/၂ဝ၁၆ ျပည္ေထာင္စု အခြန္ဥပေဒသစ္အရ ခုလို ဖုန္းသံုးစြဲသူေတြထံက ေကာက္ခံတာျဖစ္ၿပီး ေအာ္ပေရတာေတြအေနနဲ႔လည္း သံုးစြဲသူေတြလိုပဲ ကုန္သြယ္လုပ္ငန္းခြန္ ၅ ရာခုိင္ႏႈန္းကို အစိုးရ ထံေပးေဆာင္ရမွာျဖစ္ပါတယ္။

အခြန္သစ္ေကာက္ခံရျခင္းနဲ႔ ပတ္သက္ၿပီး ေမလ ၁၈ ရက္က ေနျပည္ေတာ္ ဆက္သြယ္ေရးနဲ႔ သတင္းအခ်က္အလက္ နည္းပညာ၀န္ႀကီးဌာနမွာ က်င္းပတဲ့ သတင္းစာရွင္းလင္းပြဲမွာ ဆက္သြယ္ေရးညႊန္ၾကားမႈ ဦးစီးဌာန ညႊန္ၾကားေရးမႉး ဦးသန္းထြန္းေအာင္က “ကုန္သြယ္ခြန္ Commercial Tax ဆိုတာကေတာ့ ႏိုင္ငံေတာ္အတြက္ လိုအပ္တဲ႔ ဘ႑ာေငြေတြ ရရွိဖို႔အတြက္ ႏိုင္ငံတကာ လုပ္ထံုး လုပ္နည္းေတြနဲ႔အညီ ေကာက္ခံတာျဖစ္ပါတယ္။ ဒီကရရွိတဲ့ ဘ႑ာေငြေတြကို ႏိုင္ငံေတာ္ရဲ႔ လိုအပ္တဲ့ က႑ေတြျဖစ္တဲ႔ က်န္းမာေရး၊ ပညာေရး၊ လမ္းပန္းဆက္သြယ္ေရးလုပ္ငန္းေတြမွာ ျပန္လည္အသံုးျပဳၿပီး ျပည္သူ႔ အက်ိဳးျပဳလုပ္ငန္းေတြကို လုပ္ႏိုင္ဖို႔အတြက္ အသံုးျပဳရတာ ျဖစ္ပါတယ္”လို႔ေျပာပါတယ္။

သံုးစြဲသူေတြ ေပးေဆာင္ရမယ့္ က်သင့္ႏႈန္းထားသစ္ေတြကိုေတာ့ ကုမၸဏီေတြရဲ႕ အင္တာ နက္စာမ်က္ႏွာ ၀က္ဆုိက္နဲ႔ လူမႈကြန္ယက္ ေဖ့စ္ဘြတ္ေတြမွာ ထုတ္ျပန္ထားသလို သံုးစြဲသူ ေတြရဲ႕ မိုဘိုင္းဖုန္းေတြဆီကို လည္း သတင္းတို မတ္ေဆ့ခ်္ေတြေပးပို႔ထားပါတယ္။

သံုးစြဲသူေတြကို ၀န္ေဆာင္မႈေပးေနတဲ့ ေအာ္ရီဒူးကုမၸဏီ ဆက္သြယ္ေရးဌာန ၀န္ထမ္းတဦးက “ျမန္မာႏုိင္ငံအတြင္းမွာရွိတဲ့ ဘယ္ဖုန္းကိုပဲသံုးသံုး ၃ ခုစလံုးမွာ အကုန္လံုးက ေငြျဖည့္မယ္ဆိုရင္ ေငြျဖည့္တဲ့ ပမာဏရဲ႕ ၅ ရာခုိင္ႏႈန္းကို အစိုးရကို အခြန္အခ အေနနဲ႔ ေပးရမွာ ၁ေထာင္က်ပ္ျဖည့္မယ္ဆိုရင္ သံုးစြဲသူက ၉၅၂ က်ပ္သံုးရၿပီးေတာ့ ၄၈ က်ပ္ကို အခြန္အျဖစ္ေပးရမယ္၊ ၃၀၀၀ က်ပ္ျဖည့္မယ္ဆိုရင္ ၂၈၅၇ က်ပ္ကို သံုးရၿပီး ၁၄၃ က်ပ္ကို အခြန္အျဖစ္ေပးရမယ္အဲလိုမ်ဳိး ဒီဥစၥာက မျဖစ္မေနေပါ့။ ဥပေဒက သတ္မွတ္ေပးတာ ျဖစ္တဲ့အတြက္ မျဖစ္မေန ေကာက္ခံရမွာပါ ေမ ၃၁ ရက္အထိကေတာ့ ပံုမွန္အတုိင္းပဲ သံုးစြဲလို႔ရမယ္ ဇြန္၁ ရက္ေန႔ကစၿပီးေနာက္ပိုင္း ေငြျဖည့္တဲ့ပမာဏရဲ႕ ၅ ရာခုိင္ႏႈန္းကို အစိုးရကို အခြန္အျဖစ္ေပးရမွာပါ”လို့ ေျပာပါတယ္။

ခုလိုအခြန္ေပးထပ္ေပးေဆာင္ရတာနဲ႔ ပတ္သက္ၿပီး ေငြျဖည့္ကတ္ ၀ယ္ယူ သံုးစြဲသူေတြအၾကား ေက်နပ္သူေတြရွိသလို မေက်နပ္တဲ့ သူလည္းရွိေနၿပီး ေဖ့စ္ဘတ္လူမႈကြန္ရက္ေတြကေန ေဝဖန္ေရးသားမႈေတြလည္း အမ်ားအျပား ရွိေနပါတယ္။

ျမန္မာႏိုင္ငံမွာ မိုဘုိင္းဖုန္းသံုးသူအေရအတြက္ဟာ ႏိုင္ငံျခားေအာ္ပေရတာေတြ ၀င္ေရာက္ လုပ္ကိုင္ခြင့္မရခင္ ၂၀၁၃ ခုႏွစ္မတ္လက ၄ ဒသမ ၄ သန္းရွိခဲ့ရာက ၂၀၁၅ မတ္လကုန္မွာ မိုဘုိင္းဖုန္းသံုးသူ ၁၈ ဒသမ ၁ သန္းထိ ရွွိလာတယ္လို႔ အစိုးရျပန္ၾကားေရးက သတင္းထုတ္ျပန္ ပါတယ္။

ျမန္မာ့ဆက္သြယ္ေရးလုပ္ငန္း (အမ္ပီတီ)ဟာ ေစ်ကြက္ပမာဏ အမ်ားဆံုး ဆက္ရွိေနေပမယ့္ ၂၀၁၅ ဇန္န၀ါရီမွာ သံုးစြဲသူ ၁၁သန္းရွိရာက မတ္လကုန္မွာ ၈ ဒသမ ၄ သန္းအထိ က်ဆင္းသြားၿပီး တယ္လီေနာ္ကေတာ့ သံုးစြဲသူ လက္ရွိ ၆ ဒသမ ၄ သန္းအထိရွိိလာၿပီလို႔ သတင္းမွာ ေဖာ္ျပပါတယ္။


unicode version

မြန်မာပြည်ရဲ့ အဓိက မိုဘိုင်းဖုန်း အော်ပရေတာလုပ်ငန်း ၃ ခုဖြစ်တဲ့ အမ်ပီတီ၊ တယ်လီနော်နဲ့ အော်ရီဒူး ကုမ္ပဏီတွေက ဆင်းမ်ကတ်၀ယ်ယူ ငွေဖြည့်သံုးစွဲသူတွေထံက ကုန်သွယ်ခွန် ၅ ရာခိုင်နှုန်းကို ဇွန်လ ၁ ရက်နေ့ စကောက်ခံ သွားမယ်လို့ အစိုးရက ဒီကနေ့ ကြေညာပါတယ်။

ပြီးခဲ့တဲ့ ဧပြီလ ၁ရက်နေ့မှာ ပြည်ထောင်စုလွှတ်တော်က အသစ်ပြင်ဆင်ပြဌာန်းလိုက်တဲ့ ၂ဝ၁၅/၂ဝ၁၆ ပြည်ထောင်စု အခွန်ဥပဒေသစ်အရ ခုလို ဖုန်းသံုးစွဲသူတွေထံက ကောက်ခံတာဖြစ်ပြီး အော်ပရေတာတွေအနေနဲ့လည်း သံုးစွဲသူတွေလိုပဲ ကုန်သွယ်လုပ်ငန်းခွန် ၅ ရာခိုင်နှုန်းကို အစိုးရ ထံပေးဆောင်ရမှာဖြစ်ပါတယ်။

အခွန်သစ်ကောက်ခံရခြင်းနဲ့ ပတ်သက်ပြီး မေလ ၁၈ ရက်က နေပြည်တော် ဆက်သွယ်ရေးနဲ့ သတင်းအချက်အလက် နည်းပညာ၀န်ကြီးဌာနမှာ ကျင်းပတဲ့ သတင်းစာရှင်းလင်းပွဲမှာ ဆက်သွယ်ရေးညွှန်ကြားမှု ဦးစီးဌာန ညွှန်ကြားရေးမှူး ဦးသန်းထွန်းအောင်က “ကုန်သွယ်ခွန် Commercial Tax ဆိုတာကတော့ နိုင်ငံတော်အတွက် လိုအပ်တဲ့ ဘဏ္ဍာငွေတွေ ရရှိဖို့အတွက် နိုင်ငံတကာ လုပ်ထံုး လုပ်နည်းတွေနဲ့အညီ ကောက်ခံတာဖြစ်ပါတယ်။ ဒီကရရှိတဲ့ ဘဏ္ဍာငွေတွေကို နိုင်ငံတော်ရဲ့ လိုအပ်တဲ့ ကဏ္ဍတွေဖြစ်တဲ့ ကျန်းမာရေး၊ ပညာရေး၊ လမ်းပန်းဆက်သွယ်ရေးလုပ်ငန်းတွေမှာ ပြန်လည်အသံုးပြုပြီး ပြည်သူ့ အကျိုးပြုလုပ်ငန်းတွေကို လုပ်နိုင်ဖို့အတွက် အသံုးပြုရတာ ဖြစ်ပါတယ်”လို့ပြောပါတယ်။

သံုးစွဲသူတွေ ပေးဆောင်ရမယ့် ကျသင့်နှုန်းထားသစ်တွေကိုတော့ ကုမ္ပဏီတွေရဲ့ အင်တာ နက်စာမျက်နှာ ၀က်ဆိုက်နဲ့ လူမှုကွန်ယက် ဖေ့စ်ဘွတ်တွေမှာ ထုတ်ပြန်ထားသလို သံုးစွဲသူ တွေရဲ့ မိုဘိုင်းဖုန်းတွေဆီကို လည်း သတင်းတို မတ်ဆေ့ချ်တွေပေးပို့ထားပါတယ်။

သံုးစွဲသူတွေကို ၀န်ဆောင်မှုပေးနေတဲ့ အော်ရီဒူးကုမ္ပဏီ ဆက်သွယ်ရေးဌာန ၀န်ထမ်းတဦးက “မြန်မာနိုင်ငံအတွင်းမှာရှိတဲ့ ဘယ်ဖုန်းကိုပဲသံုးသံုး ၃ ခုစလံုးမှာ အကုန်လံုးက ငွေဖြည့်မယ်ဆိုရင် ငွေဖြည့်တဲ့ ပမာဏရဲ့ ၅ ရာခိုင်နှုန်းကို အစိုးရကို အခွန်အခ အနေနဲ့ ပေးရမှာ ၁ထောင်ကျပ်ဖြည့်မယ်ဆိုရင် သံုးစွဲသူက ၉၅၂ ကျပ်သံုးရပြီးတော့ ၄၈ ကျပ်ကို အခွန်အဖြစ်ပေးရမယ်၊ ၃၀၀၀ ကျပ်ဖြည့်မယ်ဆိုရင် ၂၈၅၇ ကျပ်ကို သံုးရပြီး ၁၄၃ ကျပ်ကို အခွန်အဖြစ်ပေးရမယ်အဲလိုမျိုး ဒီဥစ္စာက မဖြစ်မနေပေါ့။ ဥပဒေက သတ်မှတ်ပေးတာ ဖြစ်တဲ့အတွက် မဖြစ်မနေ ကောက်ခံရမှာပါ မေ ၃၁ ရက်အထိကတော့ ပံုမှန်အတိုင်းပဲ သံုးစွဲလို့ရမယ် ဇွန်၁ ရက်နေ့ကစပြီးနောက်ပိုင်း ငွေဖြည့်တဲ့ပမာဏရဲ့ ၅ ရာခိုင်နှုန်းကို အစိုးရကို အခွန်အဖြစ်ပေးရမှာပါ”လို့ ပြောပါတယ်။

ခုလိုအခွန်ပေးထပ်ပေးဆောင်ရတာနဲ့ ပတ်သက်ပြီး ငွေဖြည့်ကတ် ၀ယ်ယူ သံုးစွဲသူတွေအကြား ကျေနပ်သူတွေရှိသလို မကျေနပ်တဲ့ သူလည်းရှိနေပြီး ဖေ့စ်ဘတ်လူမှုကွန်ရက်တွေကနေ ဝေဖန်ရေးသားမှုတွေလည်း အများအပြား ရှိနေပါတယ်။

မြန်မာနိုင်ငံမှာ မိုဘိုင်းဖုန်းသံုးသူအရေအတွက်ဟာ နိုင်ငံခြားအော်ပရေတာတွေ ၀င်ရောက် လုပ်ကိုင်ခွင့်မရခင် ၂၀၁၃ ခုနှစ်မတ်လက ၄ ဒသမ ၄ သန်းရှိခဲ့ရာက ၂၀၁၅ မတ်လကုန်မှာ မိုဘိုင်းဖုန်းသံုးသူ ၁၈ ဒသမ ၁ သန်းထိ ရှှိလာတယ်လို့ အစိုးရပြန်ကြားရေးက သတင်းထုတ်ပြန် ပါတယ်။

မြန်မာ့ဆက်သွယ်ရေးလုပ်ငန်း (အမ်ပီတီ)ဟာ စျေကွက်ပမာဏ အများဆံုး ဆက်ရှိနေပေမယ့် ၂၀၁၅ ဇန်န၀ါရီမှာ သံုးစွဲသူ ၁၁သန်းရှိရာက မတ်လကုန်မှာ ၈ ဒသမ ၄ သန်းအထိ ကျဆင်းသွားပြီး တယ်လီနော်ကတော့ သံုးစွဲသူ လက်ရှိ ၆ ဒသမ ၄ သန်းအထိရှိိလာပြီလို့ သတင်းမှာ ဖော်ပြပါတယ်။

By ပိုင်စိုး (ဒီဗီွဘီ)
http://burmese.dvb.no