သင်ခန်းစာ
@@@@
လိုချင်တာက
ရယူပိုင်ဆိုင်ခြင်းတွေနဲ့တူညီ
ယာယီမဟုတ်ရမယ့်ဌာနီ
အာဇာနည်တွေကို မလိုချင်တော့ဘူး
အာဇာနည်တွေကို မလိုချင်တော့ဘူး
ဒါ တစ်ကယ့်ကွယ့် အာဇာနည်တွေကို
မလိုချင်တော့ပါ။
အချိန်တန်ရင်
ဝဿန္တအနီထဲကရုပ်ကြွ
ပြက္ဒဒိန်ထဲက ထွက်လာရခဲ့ပေမယ့်
အပြင်မှာ
မခံစားနိုင်တော့ဘူးတစ်ကယ်
မိုးစက်တွေရယ်
၆၉ ကြီမ်မြောက်တိုင်
ငါတို့တစ်တွေ
ရင်ကွဲမှိုင်ရပြန်မှာလားကွဲ့။
ပဲပြုတ်နဲ့နံပြားတောင် ရရင်မှစားချင်တယ်ဆိုပေမယ့်လည်း
ရရင်ရ မရရင်ချမယ်ဆိုတဲ့စကားက
ကိုယ့်အတ္တအတွက်ကိုမှ မဟုတ်ပါရဲ့
ဒါနဲ့တောင်
အားလုံးလွတ်မြောက်သွားရင်ဖြင့်
ခြံကလေးစိုက်စားချင်တယ်တဲ့ဗျာ
စာလေးရေးပြီး အတွေးအဖွေးသားနဲ့
အင်အားဖြည့်နေလိုက်ချင်တယ်တဲ့လေ။
အချိန်တွေပြောင်းလဲခဲ့ရပါပြီ
သင်ခန်းစာကောင်းကောင်းကိုပဲ
ယူလိုက်ကြပါ
အနာဂတ်ရဲ့အသစ်အသစ်တွေကို
အတ္တဖွဲ့တင်း ထောင့်ကျဉ်းရဲ့ကျွန်
လှောင်အိမ်ခံပရဝဏ်ကျွန်းထဲမှာ
မငတ်မွန်းရပါစေတော့နဲ့
အားလုံးရဲ့သော့ချက်ကို
ဖွင့်လှစ်ချင်နေပါပြီ။
ထက်လင်းနီ (၆ ဇူလိုင် ၂၀၁၆)
*************
”နဝရတ်ကိုးပါးကိုလွမ်းတဲ့ကဗျာ”
@@@@@@@@@@@
ပဋိပဋာအစွန်းလွတ်ခဲ့တော့
ချွေတယ် ကြွေတယ် ဝေတယ်။
အနေမှန်ခဲ့သူတို့ရဲ့ အသေခံ
ရာဇဝင်ရယ်
ဂန္တဝင်ဆန်သော
ကိုယ်ကျင့်တရားကနုတ်ပန်းလေးကို
ဦးညွှတ်မယ်။
နှလုံးသားငှက်ငယ်ခြေစုံရပ်လို့
ဥသြလေးရဲ့အလွမ်းဇာတ်မှာ
မိုးစက်ပွင့်တွေ ဖွေးကနဲဖွေးကနဲ
သွေးစက်တို့က ရဲကနဲ ရဲကနဲ
မျက်ရည်စက်တို့ စွေ့ကနဲကြွေဆဲ။
ဘယ်သူပြောခဲ့သလဲကွယ်
မေးချင်တယ်
တရားကိုနတ်စောင့်ပါတယ်
အခုတော့
ဘုရားတောင် အဖျက်အမှောင့်နဲ့ကွယ်။
မဇ္ဈိမ ကို မစ္ဆရိယက
ဥပေက္ခာပြုကြောင်း မှာ
သူရဲကောင်းတွေသာ ကြွေရရှာတယ်။
မစ္ဆရိယကို မေတ္တာမပျက်ကြောင်း
Lily ပန်းတွေသက်သေရှိတယ်။
ကြာပန်းကလေး ဖွေးဖွေးပွင့်ဖို့
ကြာရိုးကလေး နက်နက်ငုပ်မှု
အထ္တုပ္ပတ္တိမှာ
ကြာရိုးကလေးကိုသာ
ကျွန်တော်ဦးညွှတ်လွမ်းပါတယ်။
ကိုကွေကာ
***********
``ဇူလိုင်လ ရောက်ပြီမို့´´
@@@@@@@@@@
မမေ့နိုင်စရာ အဖြစ်ကယ်ကြုံ
ဝမ်းနည်းစရာ သမိုင်းမှာကွာ
မဆုတ်မနစ်ဇွဲ ကြိုးစားစဲပါ
လူထုကြည်ညို သခင်အောင်ဆန်းမှာ
နယ့်ချဲ့လက်ပါး လူရမ်းကားကြောင့်
မျက်ရည်ဖြိုင်ဖြိုး ဇူလိုင်ဆယ့်ကိုး
ယနေ့ပြန်တွေး ရင်နာစရာအရေး
ကာလ၀ါဆို အုံမှိုင်းကပြိုမလို
မိုးဒေ၀ါငြိုးတယ်
ပုန်းညက်ကပွင့်ညီ မာလာကသင်းထုံ
ရဟန်းတော်များ ၀ါဆိုကြမယ်ဆို
ရောက်ပါပေါ့ ဇူလိုင်လအခါကို။
ခင်ခ
*************
*ဇူလှိုင်ရဲ့မျက်နှာစာ*
@@@@@@@@@
ခေတ်အဆက်ဆက်
သယ်ဆောင်လာခဲ့.....ရာဇဝင်
ပုဂ္ဂိုလ်ရေးဗန်းပြပြီး
အမှောင်ထဲ ဆွဲသွင်းတာတောင်
လက်မခံခဲ့တဲ့သမိုင်း
ပန်းကိုးပွင့်ရဲ့အမည်နာမကိုတော့
အများပိုင်နမ်စားအဖြစ်
ဗိမာန်တည်ကိုးကွယ်ခဲ့ကြတယ်။။
မိုးခါး
***********
" သားစဉ်မြေးဆက် တစ်မိနစ်မျက်ရည် "
@@@@@@@@@@@@@@@@@
မှိုင်းညို့ညို့ ဆိုင်းအုံ့လို့ ဝေ
ဒီအချိန်ရောက်ရင် ဒီလိုပဲလား
ဖြိုးဖြိုးဖျောက်ဖျောက်
မိုးစက်မိုးပေါက်တို့
လေနှင်ရာအလွမ်းသင့်သလို
ငေးလို့ ရီလို့......
Correction Ink သုံးထားတာတောင်
ပြောင်းလဲမသွားကြတဲ့
ဖျတ်ဖျတ်လူး မျက်နှာတွေ
တနွယ်ငင်တဇဉ်ပါပြီ
ရောယောင်နေတဲ့
အုတ်အရောရောကျောက်အရောရောတွေ
ဒီလိုပဲလား ဒီအချိန်ဆို ဒီလိုပဲလား
ပန်းခွေတွေ.......... ပန်းခွေတွေ
ပန်းခွေတွေ.................
နွမ်းနယ်နေတဲ့မျက်နှာတွေနဲ့
လန်းဆတ်နေတဲ့ ပန်းခွေတွေ
ဇူလိုင်မိုးလည်း စိမ့်စိမ့်စွေ
ဝတ်ကျေတန်းကျေ ဝမ်းနည်းကြသလို
ဝဋ်နာကံနာလိုလည်း
လွမ်းဆွတ်ခဲ့ကြတယ်
မျက်ဝန်းတဝိုက်မှာပူနွေးစိုစွတ်စေခဲ့တာ
မိုးစက်မိုးပေါက်တို့မှ ဟုတ်ပါလေစ.....
အရင်နှစ်တွေတုန်းကလည်း
ဒီလိုပါပဲလား
ကြည့်စမ်းပ အလွမ်းတေ
ွ ခွေနေကြတာ ဘဝတွေလည်း ခွေနေကြတယ်
အတွေးတွေနဲ့ ခွေနေကြတယ်
မျက်ရည်တွေရော ခွေနေကြတယ်
တစ်နှစ်တစ်ခါ ခွေနေကြတာ
လန်းလန်းဆန်းဆန်း ပန်းခွေတွေနဲ့
မားမားမတ် ကျောက်တိုင်ရှေ့........။ ။
မောင်ရင်စစ်
Thu 9:57am
**************
အလံတစ်ဝက်ချ
@@@@@@
ဂျူလိုင်.. အသိမဲ့ရက်စွဲတစ်ခု
ရင်ဘတ်တွေထဲကလျှံကျလာတဲ့နတ§ထိ။
အရောင်မဲ့ကောင်းကင်၊ သတိမဲ့လူ၊
ခံစားမှုမဲ့ နှလုံးသား၊
နှမြောတသမှုအတိပြီးသော နေ့စွဲ၊
ဆူပွက်လုမတတ် နှလုံးသွေးများ၊
နာကျင်ခံခက်လွန်းတဲ့ဒေါသ...
အားလုံးရဲ့ဆုံမှတ်က .....
ပြောစရာစကားမရှိ၊ ငိုစရာမျက်ရည်မရှိ၊
အားတင်းစရာသတိမရှိ..
ကျောက်ရုပ်အတိပြီးသော ဇူလိုင်၁၉.. ။
ရပ်.. ရောက်ရာအရပ်မှာရပ်၊
ညွှတ်... ဦးခေါင်းကိုညွှတ်..
လေးစားမှုအတိနဲ့ဦးညွှတ်။
ချ... အလံတစ်ဝက်ချ..
ဝမ်းနည်းခြင်းအထိမ်းအမှတ်ဖြစ်
သတိတရ အလံတစ်ဝက်ချ။
ဆွဲ...ဥသြသံရှည်နဲ့
လွမ်းဆွတ်စွာအော်ညည်းရင်း
ဥသြသံပြိုင်ဆွဲ။
၁၀နာရီ၃၇မိနစ်၄၇စက္ကန့်..
ငါတို့သူရဲကောင်းတွေရဲ့ ဇီဝိန်ကို
အဆုံးမဲ့ခြွေယူခဲ့တဲ့ အချိန်နတ်ဆိုး
မိုးတွေကြွေတုန်းမှာကျခဲ့တဲ့လွမ်းမျက်ရည်
ဒီမိုးတွေကြွေချိန်တိုင်း
ဒီသမိုင်းရိုင်းရိုင်းကို အမှတ်ရနေပါ့မယ်
အဖေ။.....။
သန်းဇော်ထက်
၁၄.၇.၂၀၁၆
***************
◄ တည်စေ ►
@@@@@@@
စိတ်ချသွားပါ
နေအစင်းစင်းက
ကမ္ဘာတစ်ခုလုံး မလင်းနိုင်သော်လည်း
အရာအားလုံးကိုထိုးခွင်း
သွေးနဲ့တည်ဆောက်ခဲ့တဲ့ အလင်းက
ကျနော်တို့အတွက် မနက်ခင်းကို
ပြခဲ့ပါပြီ။
စိတ်ချသွားပါ
သံချပ်ကာဝတ်ရုံ
ခြုံလို့မလုံသော်လည်း
ကျည်အထပ်ထပ် ချဉ်းနင်းဝင်ခ
နံ့သာရောင်တိုက်ပုံ အရိပ်က
ကျနော်တို့အတွက်
လုံခြုံနွေးထွေးလှပါပြီ။
စိတ်ချသွားပါ
ကိုယ့်ထိုင်ခုံတစ်လုံးစာမြဲဖို့
ပြည်သူ့လည်မြို
သံငုတ်နဲ့ရိုက်
(ကိုယ်ကျိုးအတွက်) အားစိုက်ခဲ့သူမှ
မဟုတ်ဘဲ
တမလွန်မှာ ၀င်းရှင်းလင်းပ
လိပ်ပြာလှလှ ပျံနိုင်မှာပါ။
စိတ်ချသွားပါ
ကျွေးခဲ့တဲ့ထမင်း
ပေးခဲ့တဲ့အရိပ်အောက် လမ်းမပျောက်စေရဘူး … လို့
ရပ်
ငြိမ်
ဥသြသံရှည်ဆွဲ
အလံတော် တိုင်တစ်ဝက်လျှောချ
ဥက္ခောင်းကိုညွှတ်
သည်မြေအထွတ်ကို
သက်သေအရာထား
ကျနော်တို့ ကတိစကားပါးတယ်
ကြားနိုင်ပါစေ။
ကိုကြည်နိုင်
*************
သမိုင်း တစ်ဆယ့်ကိုး
@@@@@@@@@@
မင်း နင်းထားတဲ့ ` မြေ ´က ပြောတယ်၊
မင်း ရှူ သွင်းတဲ့ ` လေ ´က ပြောတယ်၊
မင်း ပြောတဲ့ ဘာသာစကားက ပြောတယ်၊
မင်း သင်နေတဲ့ ကမ္ဘာကြီးထဲက
မြေတစ်ကွက်စာက ပြောတယ်၊
နောက်ဆုံးမှာ
` မြန်မာ ´ ဆိုတဲ့ အမည်နာမက
အသံကုန် အော်ဟစ်လိုက်တယ် ...
`` သူတို့ ` ရှိ ´သွားခဲ့လို့ ငါတို့ ရှိလာခဲ့တာ ´´ တဲ့ ။
WaThan 79
************---
ဒါတို့ မြေ ဒါတို့ပြေ
@@@@@@@
ဒါတို့မြေ
ဒါတို့ပြေ(ပြည်)
လက်သီးကိုကျစ်ကျစ်ပါအောင်ဆုပ်
နှလုံးသားထဲကပွင့်ထွက်လာတဲ့
လွမ်းဆွတ်အောက်မေ့ ခြင်းရဲ့အသံ
ကိုယ့်မြေပေါ်ကိုယ်ရပ်
ကိုယ့်လေကိုယ်ရှူသွင်း
ဒါလွတ်လပ်ခြင်းပဲ
သူတို့ရဲ့အသက်တွေရင်း
ဒီမြေကိုကျုပ်တို့အတွက်ဝကွက်အပ်ခဲ့
အသီးအပွင့်တွေစားသုံးရင်း
ဒီလိုနေ့ရက်ကကျေးဇူးတော်နေ့ပဲ
သူတို့အသက်နဲ့ပေးခဲ့တဲ့လွတ်လပ်ခြင်း အတွက်
၁၀နာရီ၄၅ သြဥသံကြားမယ်
ခြေစုံရပ်ဦးညွတ်စို့
စွန်ဝံ့သူတွေအတွက်မမေ့လျော့ခြင်းအသံတွေ
ဘ၀ဂ်ညံလိမ့်မယ်
ရဲရဲဝံ၀ံဖွင့်ဆိုလိုက်
ဒါတို့ပြေ(ပြည်)
ဒါတို့မြေ
မိုးမြင့်သီဟ
********
