~မြန်မာတွေ ပြင်ရမယ်~
(written by ပါမောက္ခခင်မောင်ဝင်း(အသည်း))
မြန်မာတွေက ဟင်းရည်ပန်းကန်တစ်လုံးကို ထမင်းစားပွဲဝိုင်းအလယ်မှာ တင်ပြီး အဲဒီစားပွဲတစ်ဝိုင်းလုံးမှာ စားနေကြတဲ့သူတွေအားလုံးက ဟင်းရည် ပန်းကန်မှာစိုက်ထားတဲ့ဇွန်းနဲ့ တရှူးရှူးမြည်အောင် တစ်ယောက်ပြီး တစ်ယောက်သောက်ကြပါတယ်။ ဟင်းရည်သောက်တဲ့ဇွန်းကို ပါးစပ်ထဲကို အားရပါးရထည့်ပြီး သောက်ကြတယ်။ပြီးတော့ဟင်းရည်ပန်းကန်ထဲကို ပြန်စိုက်တယ်။ နောက်တစ်ခါ နောက်တစ်ယောက်ကဒီလိုပဲ သောက်ပြန်တယ်။ အဲဒီလိုဟင်းရည်တစ်ပန်းကန်ထဲကိုအားလုံးဝိုင်းပြီးဟင်းရည်သောက်ကြတဲ့အကျင့်ဟာ ကိုယ့်မိသားစုနဲ့ စားရုံသာမက အလှူအတန်း၊ ဆွမ်းကျွေး၊ မင်္ဂလာဆောင်တွေမှာလည်း ဒီလိုပဲ စားကြသောက်ကြပါတယ်။
မိသားစုထမင်းဝိုင်းမှာ ကိုယ့်မိသားစုအချင်းချင်း ဟင်းရည်ပန်းကန် တစ်ခုတည်းနဲ့ ဇွန်းတစ်ချောင်းတည်းသောက်ကြတာဟာ သိပ်အရေး မကြီးပေမယ့်လို့ အလှူမင်္ဂလာဆောင်လိုမျိုးတွေရဲ့ ထမင်းဝိုင်းမှာကျတော့ သူစိမ်းတွေနဲ့ရောပြီး အတူတူစားရတဲ့အခါမှာ အဲလိုဟင်းရည်တစ် ပန်းကန်ထဲက အားလုံးဝိုင်းပြီး ဟင်းရည်သောက်ကြတာကတော့ မဖြစ်သင့်ဘူးလို့ ထင်ပါတယ်။
ဘယ်သူဘယ်ဝါမှန်းမသိတဲ့ သူစိမ်းတွေနဲ့အတူတူရောစားပြီး တစ်ယောက်သောက်ပြီးသား၊ လူတစ်ယောက်ပါးစပ်ထဲရောက်ပြီး သားဇွန်းကို ဟင်းရည်ထဲပြန်နှစ်၊ နောက်တစ်ယောက်ကတစ်ခါ ပါးစပ်ထဲ ဇွန်းရောက်အောင်ထည့်ပြီး သောက်ကြပြန်ပါတယ်။ တွေးကြည့်မယ်ဆိုရင် အဲဒီလိုဟင်းရည်တွေ သောက်နေတာဟာ ရောဂါကူးစက်ဖို့ တော်တော့်ကို အခွင့်ကောင်းတဲ့အနေအထား ဖြစ်နေပါတယ်။ ဒီအကျင့်ကိုတော့ ကျွန်တော် တို့ မြန်မာတွေ ပြင်သင့်နေပါပြီ။(REPOST)
post by နှင်းဆီဖူးလေးများ-Love BUDS
https://www.facebook.com/loveBUDS.6
written by ပါမောက္ခခင်မောင်ဝင်း(အသည်း)
(Source;Eternal light magazine)
photo credit to original uploader
