အင်းဝတံတား (သို့) စစ်ကိုင်းတံတား (zawgyi)
သမိုင်းဝင် အင်းဝတံတားဟာ ၁၉၉၀ မတိုင်မီအထိ တစ်ခုတည်းရှိသောဧရာဝတီမြစ်ကူး တံတားကြီးဖြစ်ပါတယ်။
စစ်ကိုင်းမြို့နဲ့ အင်းဝမြို့ဟောင်းကို ဆက်သွယ်ပေးထားတဲ့ တံတားဖြစ်ပါတယ်။ ကိုလိုနီခေတ်အတွင်းက ဖောက်လုပ်ခဲ့တဲ့တံတားများအနက် အကျော်ကြားဆုံးတံတားလည်းဖြစ်ပါတယ်။ ၁၈၉၈ခုနှစ်တည်းက မီးရထားလမ်းဖောက်လုပ်ရန်အစီအစဉ်ချခဲ့ပေမဲ့ မဆောက်ဖြစ်ပဲ ၁၉၂၄မှ သာ စတင်ဆောက်လုပ်နိုင်ခဲ့ပါတယ်။
အစက မီးရထားလမ်းချည်းသက်သက်ဆောက်ရန်ကြံခဲ့သော်လည်း တကယ်ဆောက်လုပ်တဲ့အခါမှာ တစ်ဖက်တစ်ချက်မှာ ၁၂ပေကျယ်သောကားလမ်းပါ တံတားဖြစ်လာပါတယ်။ တံတားအရှည်မှာ ၃၉၄၈ပေ ရှိပါတယ်။
မြန်မာနိုင်ငံရဲ့ ပထမဆုံးဘုရင်ခံ ဆာဟာကုတ် ဘတ်တလာက ၁၉၂၇မှ အုပ်မြစ်ချခဲ့တာပါ။ ပေ ၃၅၀ရှည်သော ပေါင်းကူးကြီး ၉ခု ၊ ပေ ၂၅၀ ရှည်သောပေါင်းကူးတစ်ခုအပြင် ၊ ပေ ၆၀စီရှည်သောသံရက်မ ၆ ခန်းလည်းပါရှိပါတယ်။ တံတားကြီးအောက်ခြေနှင့် သံထည်ပိုင်းဒီဇိုင်းကို Rendel Palmer & Tritton ကုမ္ပဏီက ရေးဆွဲပေးပြီး အိန္ဒိယ Braitwaite ကုမ္ပဏီကို ကံထရိုက်ပေး၍ လုပ်ကိုင်စေခဲ့တာပါ။ တံတားပေါ်ခင်းထားတဲ့ သံလမ်းများမှာ ပေါင် ၆၀ အလေးချိန်ရှိတဲ့ သံလမ်းအမျိုးအစားပါ။ စုစုပေါင်း ရူပီးငွေ ၁၄၃သိန်းကုန်ကျခဲ့ပြီး ၁၉၃၄ခုနှစ် ၊ ဇန်န၀ါရီလ ၂ ရက်နေ့မှာ စတင်ဖွင့်လှစ်နိုင်ခဲ့ပါတယ်။
ဒုတိယကမ္ဘာစစ် မြန်မာနိုင်ငံသို့ကူးစက်လာပြီး ဗြိတိသျှတပ်များ မြန်မာနိုင်ငံမှ ဆုတ်ခွာနေစဉ် ဂျပန်တပ်တွေရဲ့ အကြီးအကျယ်ဗုံးကြဲခြင်းကို ခံရပါတယ်။ ၁၉၄၂ခုနှစ် ဧပြီလ ၃ ရက်နေ့ ည၁၂နာရီ ထိုးရန် တစ်မိနစ်အလိုမှာ အင်္ဂလိပ်ဗိုလ်ချုပ် ဂျင်နယ် ၀ီလျံစတင်းက တံတားကြီးကို မိုင်းခွဲဖျက်စီးပစ်လိုက်ပါတယ်။ ဒီဖောက်ခွဲမှုကြောင့် အမှတ် ၇ နှင့် အမှတ် ၈ ပေါင်းကူးကြီးနှစ်ခုမှာ မြစ်တွင်း သို့ ကျိုးကျပျက်စီးခဲ့ရပါတယ်။ လွတ်လပ်ရေးရပြီးသည်အထိ ဒီတံတားကြီးကို ပြင်ဆင်နိုင်ခြင်းမရှိခဲ့ပါ။ ခရီးသွားအားလုံးမှာ တံတားကိုမသုံးတော့ပဲ ကုတို့ဖြင့်သာ မြစ်ကိုကူးကြရပါတယ်။
ဝန်ကြီးချုပ်ဦးနု၏ ကြပ်မတ်မှု ၊ မီးရထားဌာန၏ စီမံမှုနှင့် မြန်မာပြည်သူတို့၏ အားကြိုးမာန်တက်ကြိုးစားမှုကြောင့် ၁၉၅၃ခုနှစ် မေလတွင်စတင်ပြင်ဆင်ခဲ့ပြီး ၁၉၅၄ခုနှစ် အောက်တိုဘာလ ၇ ရက်နေ့ သမ္မတကြီးဦးဘဦးက အင်းဝတံတားကြီးကို ပြန်လည်ဖွင့်လှစ်ပေးနိုင်ခဲ့ပါတယ်။ ထိုစဉ်က စုစုပေါင်းကုန်ကျငွေမှာ ၅၇သိန်းကျော်ဖြစ်ပါတယ်။ ထိုတံတားကြီးကို အစဉ်အဆက်သုံးခဲ့သော်လည်း သက်တမ်းကြာမြင့်လာမှုကြောင့် ၁၉၉၂ခုနှစ်မှစ၍ ၁၅တန်အောက် ကားများကိုသာ သွားခွင့်ပြုပါတော့တယ်။ အင်းဝတံတားအနီးမှာပဲ ဧရာဝတီတံတား(ရတနာပုံ) ကိုတည်ဆောက်ဖွင့်လှစ်ခဲ့ပြီးဖြစ်ပါတယ်။
အင်းဝတံတားကြီးသည် ကမ္ဘာလှည့်ခရီးသည်များ စိတ်ဝင်စားတဲ့ တံတားတစ်ခုဖြစ်ပြီး မြန်မာ့ရှေးဟောင်းမြို့တော်အင်းဝသို့လာရောက်လည်ပတ်ကြသော ပြည်တွင်းပြည်ပခရီးသည်များအား ခန့်ညားစွာကြိုဆိုလျှက်ရှိပါတယ်။
-----------------------
