"မိမိကျင်ငယ်ရည်နဲ့ ပတ်သက်ပြီး အရေးကြီးတဲ့ အချက် (၄) ချက်"

"မိမိကျင်ငယ်ရည်နဲ့ ပတ်သက်ပြီး အရေးကြီးတဲ့ အချက် (၄) ချက်"
ကျင်ငယ်အရောင်အဆင်းက မိမိရဲ့ လတ်တလော ကျန်းမာရေးအခြေအနေကို ဖော်ပြနေတယ်ဆိုတာ သိပါရဲ့လား။
ကျန်းမာရေးကောင်းမွန်သူ တစ်ယောက်ဖြစ်ချင်ရင် ဒီအချက် (၄) ချက်ကို ဖတ်ရှုပါ။
၁။ လူ ၈၀% က တစ်နေ့ ၇ ကြိမ် ဆီးသွားကြပါတယ်။
၂။ ကျန်းမာရေး ကောင်းမွန်သူ တစ်ယောက်အနေနဲ့ ဆီးသွားချိန် ၇ စက္ကန့်ကြာသင့်တယ်။
၃။ အရွယ်ရောက်လူကြီးတစ်ဦးရဲ့ ဆီးအိမ်က ကျင်ငယ်ရည် 300- 500ml တောင့်ခံနိုင်တယ်။
၎။ ကျင်ငယ် အရောင်က မိမိကျန်းမာရေးကို အရမ်း စကားပြောပါတယ်။
ဝါဖျော့ဖျော့အရောင်။ ။ ရေများများသောက်တတ်တဲ့ အကျင့်လုပ်ပါ။
ကြည်လင်နေတဲ့အရောင်။ ။ ဒါ…သတင်းကောင်းပေါ့။ ခန္ဓာကိုယ်မှ ရေဓာတ်ကောင်းကောင်း ရနေတာပါ။ သို့ပေမယ့် မိမိရေသောက်နှုန်း ဒီ့ထက် ပိုမြင့်လို့ ရနိုင်တယ်။
အဝါရင့်ရောင်။ ။ အရောင်ရင့်နေပါက ရေဓာတ်ခန်းခြောက်တဲ့ လက္ခဏာဖြစ်ပါတယ်။ ပျားရည်ကဲ့သို့ အရောင်ဖြစ်လာရင် ရေများများသောက်ပေးဖို့ ခုပဲ စတင်လိုက်ပါ။
အညိုရောင်။ ။ ပြင်းထန်သော အသည်းရောဂါ ကူးစက်မှု အရမ်းများပါတယ်။ ဆီးထဲ သွေးရောပါနေတာ ဖြစ်ကောင်းဖြစ်နေနိုင်တယ်။
အနီ သို့မဟုတ် ပန်းရောင်။ ။ ခန္ဓာကိုယ်တွင်း တစ်စုံတစ်ခု အပြင်းအထန် ဖြစ်နေပြီလို့ ဆိုနိုင်တာကြောင့် စိုးရိမ်ရမယ့် လက္ခဏာတစ်ခု ဖြစ်ပါတယ်။ ကျောက်ကပ်ကျောက်သယ်ခြင်း သို့မဟုတ် ကင်ဆာရောဂါ ဖြစ်နိုင်ချေ ရှိပါတယ်။
အပြာ၊ အစိမ်း၊ လိမ္မော်ရောင် သို့မဟုတ် တခြားအရောင်တစ်မျိုးမျိုး။ ။ ဒါ အရောင်ဆင်းရှိတဲ့ အစားအစာ တစ်ခုစားလို့ မဖြစ်နိုင်ပါဘူး။ စားသောက်ကုန်ဆိုးဆေးတွေရဲ့ အကျိုးဆက် ဖြစ်ပါလိမ့်မယ်။
Credit: TrendMyanmar
Posted by lutawlupyaw

ရေလွှမ်းမိုးခံခဲ့ရသည့် ဒေသများသို့ . . .

ရေကြီးရေလွှမ်းခဲ့သောမော်လူးဒေသခံများထံသို့ အလှူငွေနှင့်ဝမ်းလျှော
ဝမ်းပျက်ရောဂါကာကွယ်ခြင်း ကုသခြင်းဆိုင်ရာဆေးဝါးများလှူဒါန်းကာ
ကယ်ဆယ်ရေးလုပ်ငန်းများဆောင်ရွက်လျက်ရှိ
မော်လူး ဇူလိုင်၂၉
@@@@@@@@@@@@@@@@@@@@@@@@@@@@@@@@@@@@@@@@@@@@@
ရေကြီးရေလျှံမှုများဖြစ်ပွါးခဲ့သောမော်လူးဒေသခံများထံသို့အလှူငွေနှင့်
ဝမ်းလျှော ၀မ်းပျက်ရောဂါကုသဆေးနှင့် ရေသန့်ဆေးထုပ်များပေး
အပ်လှူဒါန်းခြင်းကို စစ်ကိုင်းတိုင်းဒေသကြီး၊ အင်းတော်မြို့နယ်၊ မော်လူး
ရွှေယောမန်းမော်တော်ယာဉ်ကားဂိတ်တွင်
ဇူလိုင်၂၉ရက်နေ့နံနက်၁၁နာရ်ီအချိန်ကပြုလုပ်ခဲ့သည်။
အင်းတော်မြို့နယ်တွင်ဇူလိုင်လအတွင်းမိုးများအဆက်မပြတ်ရွာသွန်းလျှက်ရှိရာဇူလိုင်၂၄ရက်နေ့က
မိုးသည်းထန်စွာရွာသွန်းခဲ့မှုကြောင့် မော်လူးကျေးရွာအုပ်စု၊
သူရောင်းကျေးရွာအုပ်စု၊ ဂွေ့ကြီးကျေးရွာအုပ်စု
များရှိရေကြီးရေလွှမ်းရာနေရာများတွင် ဖြစ်ပွါးနိုင်သော ၀မ်းလျှော
ဝမ်းပျက်ရောဂါများ  ကြိုတင်ကာကွယ်ခြင်းနှင့်
ကုသခြင်းဆိုင်ရာလုပ်ငန်းများလုပ်ဆောင်နိုင်ရန်အတွက် PSI /Myanmar
နှင့်စေတနာအလှူရှင်များ လှူဒါန်းသည့် Orasel Kit and Zin Tab
အထုပ်(၁၀၀၀)ကို Health Service Supervisor ဦးဝင်းမင်းနိုင်မှ
ပေးအပ်လှူဒါန်းရာ သူရောင်းကျေးရွာအုပ်စုမှ ကျန်းမာရေးအရံသားဖွါးဆရာမ(Sun
Primary Health Providers)ဒေါ်ခင်မာရီနှင့် ဒေါ်ရီရီ၊
ဂွေ့ကြီးကျေးရွာအုပ်စု အရံသားဖွါးဆရာမဒေါ်ခင်မာကြူတို့ထံပေးအပ်ခဲ့ပြီး
အဆိုပါဝမ်းလျှော ၀မ်းပျက် ကျန်းမာရေးအထောက်အကူပြုဓါတ်ဆားထုပ်များနှင့် (P
& G)ရေသန့်ဆေးမှုန့်ထုပ်များကို လက်တွေ့သရုပ်ဖေါ်ပြသခဲ့ကြောင်း၊
သူရောင်းကျေးရွာအုပ်စုရေကြီးရေလွှမ်းရာသို့တာဝန်ခံအရံသားဖွါး ဆရာမထံ(P &
G)ဆေးမှုန်ထုပ်များနှင့် ဓါတ်ဆားထုပ်ဗူး(၂၀၀)၊
ဂွေ့ကြီးကျေးရွာအုပ်စုရေကြီးရေလွှမ်းရာသို့ တာဝန်ခံအရံသားဖွါးဆရာမထံ (P &
G)ဆေးမှုန့်ထုပ်နှင့် ဓါတ်ဆားဗူးအထုပ်(၄၀၀)၊
မော်လူးကျေးရွာအုပ်စုဟဲနုကျေးရွာသို့  (P & G)ဆေးမှုန့်ထုပ်နှင့်
ဓါတ်ဆားဗူးအထုပ်(၄၀၀)တို့ကိုပေးအပ်ခဲ့သည်။ ထို့နောက်
နေ့လည်(၁)နာရီအချိန်တွင် (HSS)ဦးဝင်းမင်းနိုင်နှင့်(SPH)ဆရာ၊ ဆရာမများ
(One Candle)လူငယ်ပရဟိတအဖွဲ့တို့ပူးပေါင်းကာ
ဟဲနုကျေးရွာရေကြီးရေလွှမ်းရာနေရာများသို့ အိမ်တိုင်ရာရောက်ကွင်းဆင်းကာ(P &
G)ရေသန့်ဆေးမှုန့် ထုပ်များနှင့် ဓါတ်ဆားဗူးအထုပ်(၄၀၀) တို့ကို
လက်တွေ့သရုပ်ဖေါ်ပြသခဲ့ပြီးဖြန့်ဝေပေးအပ်ခဲ့ပါသည်။
အဆိုပါ PSI/Myanmar မှ Dr.ရဲနိုင်ထွဋ်နှင့် Dr.ယုယုဝေတို့က
ဟဲနုကျေးရွာရေဘေးသင့်အိမ်ထောင်စု(၆)အိမ်
ကိုတစ်အိမ်ထောင်စုလျှင်ငွေကျပ်(၇၁၀၀၀)နှင့်
ညောင်ပင်သာရွာရေဘေးသင့်အိမ်ထောင်စု(၁)အိမ်ကို
ငွေကျပ်(၇၄၀၀၀)စုစုပေါင်းထောက်ပံငွေ(၅)သိန်းကို
ယင်းမိသားစုဝင်များအားစားဝတ်နေရေး ပြေလည်စေရန်ရည်ရွယ်ကာ
ဇူလိုင်၂၆ရက်နေ့ကပေးအပ်လှူခဲ့ပြီးဖြစ်ကြောင်း၊ ယခုအခါအင်းတော်မြို့နယ်
မော်လူးဒေသအတွင်းရေကြီးရေလွှမ်းရာဒေသများတွင် တံတားဆောက်ခြင်း၊
လမ်းပြင်ခြင်း၊ ကျန်းမာရေးအထောက်အကူပြုဆေးဝါးများပေးအပ်ခြင်း၊
အလှူငွေများထောက်ပံ့ပေးအပ်ခြင်း တို့ကိုဋ္ဌာနဆိုင်ရာတာဝန်ရှိသူများ၊
လူမှုကူညီရေးအသင်းအဖွဲ့အသီးသီးတို့က ရေဘေးကယ်ဆယ်ရေးနှင့်
ပြန်လည်ထူထောင်ရေးလုပ်ငန်းများကို
အစဉ်တစိုက်လုပ်ကိုင်ဆောင်ရွက်လျက်ရှိကြောင်းသိရသည်

မော်လူး အထကတွင် ဝါဆိုသင်္ကန်း ကပ်လှူ

မော်လူးအထကတွင် ၀ါဆိုသင်္ကန်းဆက်ကပ်လှူဒါန်းပွဲကျင်းပ
မော်လူး ဇူလိုင် ၂၉
@@@@@@@@@@@@@@@@@@@@@@@@@@@@@@@@@@@@@
စစ်ကိုင်းတိုင်းဒေသကြီး၊ အင်းတော်မြို့နယ်၊
မော်လူးးအခြေခံပညာအထက်တန်းကျောင်းသရဖီ ခန်းမဆောင်တွင်
ဇူလိုင်(၂၉)ရက်နေ့ညနေ၃နာရီအချိန်က၀ါဆိုသင်္ကန်းဆက်ကပ်လှူပွဲဒါန်းပွဲကို
ကျင်းပပြုလုပ်ခဲ့ကြောင်းသိရသည်။
ဝါဆိုသင်္ကန်းဆက်ကပ်လှူဒါန်းပွဲတွင်
ဒက္ခိဏရာမကျောင်းတိုက်ဦးစီးပဒါနနာယကဆရာတော်ဘဒ္ဒ န္တ၀ါယာမ
ဦးစီးသောပင့်သံဃာ(၈)ပါးတို့ထံမှ
ကျောင်းအုပ်ဆရာမကြီးဒေါ်သောင်းတင့်နှင့်ဆရာ ဆရာမများ၊ ကျောင်းသား
ကျောင်းသူ(၂၀၀၀)ကျော်တို့က ပရိတ်တရားတော်များကိုအတူတကွနာယူကြည်ညိုကြပြီး
ဝါဆိုသင်္ကန်းနှင့်
သံဃာတော်တစ်ပါးလျှင်ငွေကျပ်(၇၅၀၀၀)တို့ကိုကျောင်းအုပ်ဆရာမကြီးနှင့် ဆရာ
ဆရာများက အသီးသီးဆက်ကပ်လှူဒါန်းကာ ရေစက်ချအမျှပေးဝေခဲ့ကြကြောင်းသိရသည်

မော်လူး သမိုင်း မှာ အကြီးမားဆုံးသော ရေဘေး ဘာကြောင့် ဖြစ်တယ်ဆိုတာ အဖြေပေါ်ပြီ

ပုံနဲ့  တကွ  ရှင်းပြချက်  မကြာမီ  တင်ပြနိုင်တော့မည်

မော်လူး စီပိန်း နန့်ဒရန့် တံတား ကွင်းလမ်းမှာ အိပ်မောကျသွားသောကား

 

၆၈ နှစ်မြောက် အာဇာနည်နေ့ အထိမ်းအမှတ် ကဗျာပြပွဲ

18.7.2015 ရက်နေ့အထိ ပေးပို့ထားသည့် အာဇာနည်နေ့ အထိမ်းအမှတ် ကဗျာလေးတွေ နောက်ထပ်ပေးပို့လာတဲ့ ကဗျာတွေကို ဖော်ပြပေးသွားမှာ ဖြစ်ပါကြောင်း . . .

( ၁၉ ) ဇူလိုင်သို့.............
*********
အာဇာနည် တဲ့ ဟုတ်လား.......
ဒီနာမည်တစ်လုံး အတွက် ခင်ဗျားတို့ အသက်တွေပေးခဲ့ရတယ်ပေါ့....
မတန်လိုက်တာဗျာ..............။
မျှော်လင့်ချက်ရောင်ခြည်တွေ ပျောက်ဆုံးလို့
ကျုပ်တိုို့နိုင်ငံ အမှောင်တွေဖုံးလွမ်းနေခဲ့တာ
ရာစုနှစ် တစ်ဝက် ကျော်နေပြီဗျ.........
ဒါတွေကိုတော့
့ခင်ဗျားကြီးတို့ သိမသွားခဲ့ဘူးပေါ့.....။
၁၉၄၇ ရဲ့ နံနက်ခင်းဟာ မိုးတွေမရွာပဲ
နေခြည်တွေပဲ ဖြာဆင်းနေခဲ့ရမှာပါဗျာ.......
ခုတော့ အဲ့အချိန်က နိမိတ်ဆိုးတွေက
ခုချိန်ထိတိမ်ပုတ်တွေ အုပ်ြ်ပီး
ခိုး ဆိုး ညစ်ပတ်နေကြတုန်းပဲလေ....။
ငစော တစ်ဘို့ထဲသမား
မင်းကမြန်မာပြည်မှာကို
လူဖြစ်မလာသင့်တဲ့ကောင်........။
မင်း ရဲ့ လုပ်ရပ်ဆိုးကြီးက မင့်ထက်ဆိုးတဲ့ကောင်တွေကို
မွေးထုတ်ပေးလိုက်သလိုပဲ.........့
တိုင်းပြည်ကတော့
ချောက်ထဲကကို မတက်တော့ဘူး....။
အမည်မသိ ဘီလျံနာတွေပဲ
တစ်ယောက်ပီးတစ်ယောက့် ထွက်လို့
သူတို့ပိုင်တဲ့ ပြည်ကြီးကိုဖြစ်နေရောပဲ.........။
ရုပ်ရှင်လို ပြန်ရိုက်လို့ရရင်
စိုးကြီး တို့အဖွဲ့ ငစော အိမ်ကတောင်ထွက်လိုက်ရမှာမဟုတ်ဘူး...။
အတန်တန် သတိပေးတဲ့ကြားက
ကိုယ့်အတွက် ကိုယ့်အသက်ကို
ထည့်မတွက်ခဲ့ကြတဲ့လူတွေ......။
ခုတော့ ဇူလိုင် ၁၉ တစ်ရက်ပဲ ခင်ဗျားတို့
အပိုင်ရခဲ့တော့တာပေါ့ဗျာ.........။
ဒါတောင် ဆယ်စုနှစ်ချီပီး
အမေ့လျော့ခံခဲ့ရသေးတယ်...........။
ဇူလိုင် ရာ မင့်ရဲ့ ပြက္ခဒိန်ပေါ်မှာ
အစကတည်းက ၁၉ ဆိုတဲ့နေ့ကို ဖျောက်ပစ်ခဲ့ရမှာကွ။
ခုတော့ ...အဲ့ဒီနေ့ဟာ
ရောင်နီမလာ နေခြည်မဖြာရပါပဲ
ုဟိုမသာ အကောင်စုတ်တွေနဲ့
ဖောင်လုပ်ပီး ကူးနေလိုက်ရတာ
ကမ်းကို မမြင်သေးဘူးးးးးးးးးး။
လူးငယ်
17.7.2015/8:30PM
@@@@@@@@@@@@@@@@@@@@@@@@@
19th in July
*********
The day which the clouds met,
The day which the weather was wet,
was Saterday 19th in July,1947.

The day which General Aung San and Heros falled,
was Saterday 19th in July,1947.
 The day which we can't forget is Saterday 19th in July.


long=တောင့်တသည် အောက်မေ့သည်
wet= ( adj)်
  Naychi Nway Nway
@@@@@@@@@@@@@@@@@@@@@@@@@@@

မမေ့နိုင်တဲ့နေ့
*********
* နိုင်ငံလူမျိုး လွတ်လပ်စေဖို့
အားစိုက်ကြိုးပမ်း
ရွက်သယ်ထမ်းပိုး
အမျိုးကောင်းသားတို့ . . .
ကျဆုံးခဲ့ရ . . . .
တစ် ကိုး လေး ခွန်(၇)
ဇူလိုင် ၁၉
ကြမ္မာဆိုးကို
ယနေ့တိုင်သာ မမေ့နိုင်ပါ။
* ရှေး ရှေး ယခင်
ထိုဖြစ်အင်ကို သတိရစေဖို့
၁၉ ဇူလိုင်
ရောက်လာလေတိုင်း
ဥသြသံညံ
ရောက်ရာမှာရပ်
အောက်မေ့သတိရ တမ်းတမှုကို
ငြိမ်သက်စွာနဲ့
ဖော်ပြခဲ့ကြ . . . .
* အခုများတော့လေ
လွမ်းစရာပေပ
ဥသြသံဆိတ်
အာဇာနည်နေ့ကို
မမှတ်မိအောင်
ဖျောက်ဖျက်ပစ်ကြ
လုပ်ရက်ကြပေ . . . .။
* ဘယ်လိုဖျက်ဖျက်
ဘယ်သို့ဖုံးဖုံး
ပြည်သူတွေရဲ့
နှလုံးသားထဲမှာ
ကမ္ဘာဆုံးတိုင်
စွဲမြဲနေမယ့်
နေ့တစ်နေ့ပေ . . .။
မြန်မာ့လွတ်လပ်ရေးအတွက် အသက်စွန့်သွားခဲ့ကြသည် အာဇာနည်သူရဲကောင်းများအား အစဉ်သတိရ အောက်မေ့တမ်းတခြင်းများစွာဖြင့် . . .
မော်ဂင်
mawlu news group မှ ပြုလုပ်မည့် ၆၈ နှစ်မြောက် အာဇာနည်နေ့ အထိမ်းအမှတ် ကဗျာပြပွဲအတွက် ပေးပို့လာသည့် ဒုတိယမြောက် ကဗျာ
@@@@@@@@@@@@@@@@@@@@@@@@@@@@@



ဇူလိုင်ရေ . . .
*********
ဇူလိုင်ရဲ့ မိုးရေစက်တွေက
ငါ့ရင်ဘတ်ကို ဝမ်းနည်အောင်
လာရိုက်ခတ်နေကြပေါ့ . . . .
ဇူလိုင်ရေ . . . .
နင့်ကို ငါမုန်းလိုက်တာ
၁၉ ဇူလိုင်ဆိုတာ မရှိခဲ့ရင်
ငါတို့ ဝမ်းနည်းနေရမှာ
အားငယ်နေရမှာ
အဖိနှိပ်ခံနေရမှာ
ဆင်းရဲနေရမှာ . . . မဟုတ်ဘူး . . .
ဇူလိုင်ရေ . . . .
ဒီအတွက်
မင်းနောင်တရနေပြီ မဟုတ်လား
ဒီအတွက် မင်းငိုနေရပြီ မဟုတ်လား
မင်းသိပ်ရက်စက်တယ် ဇူလိုင်ရေ . . .
ခေါင်းဆောင်ကြီးတွေကျဆုံး
တစ်တိုင်ပြည်လုံး သွေးပျက်
အလင်းမဲ့နေ့ရက်တွေကိုရောက်အောင်
မင်းဆောင်ကြဉ်းခဲ့ပေါ့။
ဒီလိုနဲ့ . . .
ငါတို့ရင်ဘတ်တွေထဲကို
တစ်သက်စာ အလွမ်းတွေနဲ့
တသသဖြစ်နေအောင်
မင်းလုပ်ထားရက်တယ်
ဇူလိုင်ရေ . . .။
လဘ်ကောင်
အာဇာနည်နေ့ အထိမ်းအမှတ် ကဗျာပြပွဲအတွက် ပထမဆုံးပေးပို့လာသည့် ကဗျာဆရာ လာဘ်ကောင်ရဲ့ ''ဇူလိုင်ရေ . . . ''ဆိုတဲ့ ကဗျာလေးပါ။

အုန်းဒုတ်​ရွာ၌ကတ်​တရာလမ်းထပ်​ပိုးလွာခင်း​ဆောင်​ရွက်​

အုန်းဒုတ်​ဇူလှိုင်​၄
မော်​လူး​ဒေသအုန်းဒုတ်​ရွာတွင်​ကိုယ့်​အားကိုယ်​ကိုးကတ်​တရာထပ်​ပိုးလွှာခင်းလမ်းအကျယ်​၁၂​ပေအမြင့်​၆လက်​မအရှည်​​ပေ၂၀၀၀ဖြစ်​သည်​

မော်လူး ဒေသ မှာ တော့ မြင်ကြတဲ့ အတိုင်းပါဘဲ

ထီးချိုင်မြို့မှာ သံဃာတော် ဆွမ်းခံထွက်ရင် စက်ဘီး/ဆိုင်ကယ်များက အောက်ဆင်းတွန်းသွားတဲ့ ချစ်စရာ ဓလေ့

တူယှဉ်နွဲပျော် ကဗျာပြိုင်စို့ online ပေါ်

ဇူလိုင် ၁၉ ရက်နေ့တွင် ကျရောက်မည့် မြန်မာနိုင်ငံ၏ အာဇာနည်နေ့အား ဂုဏ်ပြုသောအားဖြင့် ကျွန်တော်တို့ mawlu news group မှ ကဗျာပြပွဲကို ပြုလုပ်မည်ဖြစ်ပါသည်။ ယင်းကဗျာပြပွဲသို့ မိမိတို့ကိုယ်တိုင်ရေးစပ်သီကုံးထားသည့် ကဗျာများ ဇူလိုင်လ ၂၀ ရက်နေ့ နောက်ဆုံးထားပြီး ပေးပို့နိုင်ပါသည်။ မိမိကိုယ်တိုင် ရေးစပ်းထားကြောင်း ဝန်ခံကတိပါရှိရပါမည်။ ယင်းသို့ ပေးပို့လာသည့် ကဗျာများထဲမှ mawlu news group မှ Admin များ အနှစ်သက်ဆုံး ကဗျာ ငါးပုဒ်အားရွေးချယ်ပြီး ငါးထောင်တန် ငွေဖြည့်ကတ် တစ်ကတ်စီဆုချီးမြင့်မည် ဖြစ်ပါသည်။ သို့ပါ၍ ကဗျာနှင့်အတူ ကိုယ်တိုင်ရေးစပ်ကြောင်း ခံဝန်ကတိနှင့်အတူ မိမိတို့၏ ဖုန်းနံပါတ်များ ထည့်သွင်းပေးစေလိုပါသည်။ ကဗျာများကို mawluuvillagers@gmail.com သို့ လည်းကောင်း mawluu villagers facebook chatbox သို့လည်းကောင်း ပေးပို့နိုင်ပြီ ဖြစ်ပါကြောင်း သတင်းကောင်းပါးအပ်ပါသည်။ ပေးပို့လာသည့် ကဗျာအားလုံးကို မော်လူးသတင်းဆိုဒ်တွင် ဖော်ပြပေးမည်ဖြစ်ပါသည်။ မမေ့သင့် မမေ့အပ်သော နေ့တစ်နေ့အား မမေ့သောအားဖြင့် mawlu news group

မေးလ် ကတဆင့် ရောက်လာတဲ့စာ သက်ဆိုင်သူများသို့

မော်လူးရပ်ကွက်၅တွင်ရေတိုင်များမှရေအလာနည်းနေ

တစ်ခါတုန်းက ဘဝတွေ . . .

တစ်ခါတုန်းက ဘဝတွေ ၃
"ဟာ ….. ညတုန်းက အိမ်ကို သူခိုးဝင်သွားတာ ဆိုင်ကယ်တစ်စီးပါသွားတယ်…" အခုတစ်လော ကျနော်နေထိုင်ရာ ကျေးရွာလေးမှာ မကြာခဏဆိုသလို သူခိုးဝင်ခိုးတာတွေ ခံနေကြရတယ်….။ ဆိုင်ကယ်တွေအခိုးခံကြရ …. တယ်လီဖုန်း ဟန်းဆက်ဆိုင်တွေ အဖောက်ခံကြရနဲ့ … သူခိုးသောင်းကျန်းမှုဒဏ်ကို တော်တော်လေး ခံနေကြရပါတယ်။ သက်ဆိုင်ရာကလည်း အမြန်ဆုံးဖမ်းမိနိုင်ရေးအတွက် ကြိုးစားနေကြပုံရပါတယ်…. အခုထိတော့ သူခိုးဖမ်းမိတယ်ဆိုတဲ့ သတင်း မကြားမိသေးပါဘူး။ ဒီလို သူခိုးသောင်းကျန်းနေတာကြားရ သိရတော့ ကျနော်တို့ ကျောင်းသားဘဝက သူခိုးဖမ်းပွဲလုပ်ခဲ့ကြတာလေး သတိရမိသားဗျ။
ကျနော်မြစ်ကြီးနားမှာ GTI တက်တုန်းကနေခဲ့တဲ့ အဆောင်က ပန်ဆွန်ဟိုတယ်ကြီးရဲ့နောက်ကျော လမ်းကြားလေးထဲမှာရှိတဲ့ နှစ်ထပ်အိမ်ကြီးပါ။ အပေါ်ထပ်တစ်ထပ်လုံးမှာ ကျနော်တို့ ကျောင်းသား ၁၅ ဦးလောက်ရှိမယ်ထင်ပါတယ်။ GTI နောက်ဆုံးနှစ်ကျောင်းသားတွေရယ်၊ MIT ကပထနှစ်နဲ့ ဒုတိယနှစ်ကျောင်းသားတွေရယ် ….နေကြတာပါ။ အခန်းတွေက နှစ်ယောက်ခန်း၊ လေးယောက်ခန်းတွေ…. အောက်ထပ်မှာတော့ အိမ်ရှင်တွေနေကြပါတယ်။ အိမ်ရှေ့မျက်နှာစာ မြောက်ဘက်နားမှာ ရေတွင်းတစ်တွင်းနဲ့ ရေလှောင်ကန်ရှိပြီး အဝတ်လှန်းဖို့ ကြိုးတန်းလည်းရှိပါတယ်။ ကျနော်တို့တွေ ရေချိုးအဝတ်လျှော်ပြီး အဝတ်အစားတွေကို လှမ်းတဲ့နေရာပါ။ အိမ်ဝင်းကိုတော့ အောက်ပိုင်းက အုတ်တံတိုင်း အပေါ်ပိုင်းက သံပန်းကာထားပါ။ ဝင်းတံခါးကတော့ သံတံခါးပါ။ အိမ်ရှေ့ဝင်ပေါက်မှာ အုတ်ခုံဝိုင်းလေးနဲ့ ရေတမာပင်ကြီးရှိနေပါတယ်။ လမ်းကြားဆိုတော့ ညဆိုမှောင်နေပါတယ်။ ကျနော်တို့နေစဉ်က မြစ်ကြီးနားမြို့ဟာ လျှပ်စစ်မီးမှန်မှန်မရပါဘူး။ ကျနော်တို့တွေက ရေချိုးအဝတ်အစားလျှော်လှန်းပြီး ညပိုင်းကို မသိမ်းမိပဲ လှမ်းထားတဲ့အတိုင်း ပစ်ထားမိတတ်ကြပါတယ်။ ဒီလိုနဲ့ တစ်ညမှာတော့ မသိမ်းမိတဲ့ အဝတ်အစားတွေပျောက်ကုန်ပါတော့တယ်။ သူခိုးခိုးခံရတာပါ။ ခိုးတဲ့ သူခိုးကအလည်ဗျ….။ လှမ်းထားတဲ့ အဝတ်အစားတွေအားလုံးကိုယူ အဲ့ဒီအထဲကမှ တန်ဘိုးရှိတဲ့ အဝတ်အစားတွေကိုပဲ ရွေးယူပြီး တန်ဖိုးနည်းတဲ့ အဝတ်အစားတွေကိုတော့ လမ်ဘေးက မြောင်းထဲမှာ ပစ်ထားခဲ့ကြတာ….။ ကျောင်းသားတွေရဲ့ ဂျင်းဘောင်ဘီရှည်တွေအခိုးခံလိုက်ရတာပေါ့။ ဒါကို မကျေမနပ်ဖြစ်ကြတဲ့ ကျနော်သူငယ်ချင်းတွေက သူခိုးကို စောင့်ဖမ်းဖို့ အစီအစဉ်တစ်ရပ်ရေးဆွဲပါတယ်။ ကျနော်တို့နေတဲ့ အိမ်အပေါ်ထပ်ကနေက အိမ်ရှေ့မျက်နှာစာတစ်ခုလုံးကို မြင်နေရတာပါ။ သူခိုးဖမ်းဖို့ အစီအစဉ်အတွက် ညပိုင်းကို အဝတ်တွေမသိမ်းပဲ ပစ်ထားကြမယ်။ အဝတ်တွေက ညအမှောင်မှာ မြင်သာမယ့် အရောင်ဖြစ်တဲ့ အဖြူရောင် အင်္ကျီတွေကို ထားမယ်ဆိုတဲ့ အစီအစဉ်ပါ။ ညတိုင်း အဆောင်နေ ကျောင်းသားတွေထဲက နှစ်ယောက်ကျ အိမ်ခန်းထဲမှာ မအိပ်ပဲ အိမ့်အပေါ်ထပ် အပြင်မှာ သူခိုးစောင့်ကြတာပေါ့။ ကျနော်တို့ အိပ်ခန်းအပေါက်ဝတွေမှာ နှစ်တစ်လက်မ အသားချောင်းတွေ ထောင်ထားပေးပါတယ်။ သူခိုးလာရင် အဆင်သင့်ကိုင်ပြီး လိုက်ဖမ်းကြရအောင် ဆိုပါတော့။ သိပ်ကြာကြာ မစောင့်လိုက်ရဘူး…. တစ်ပတ်လောက်အကြာ ညဆယ်နှစ်နာရီကျော်မှ ကင်းစောင့်ကျတဲ့သူတွေက အိပ်ခန်းထဲမှာ အိပ်နေတဲ့ ကျောင်းသားတွေကို နှိုးပြီး အရင်ဆုံး ကင့်စောင့်ကျတဲ့သူနှစ်ယောက်က တုတ်ကိုယ်စီကိုင်ပြီး တိတ်တိတ်လေးအောက်ကိုဆင်း … ကျန်တဲ့ ကျောင်းသားတွေကလည်း နောက်တိတ်တိတ်လိုက်ဆင်းပေါ့။ သူခိုးတွေက အောက်ခြေက ကာထားတဲ့ အုတ်တံတိုင်းလေးပေါ်တက် သံပန်းကို လက်တစ်ဘက်ကကိုင် ကျန်တဲ့ လက်တစ်ဘက်က ချိတ်တပ်ထားတဲ့ဝါးလုံးလေးကိုကိုင်ပြီး ကြိုးတန်းမှာ လှန်းထားတဲ့ အဝတ်တွေကို ချိတ်ယူကြတာရယ်။ အောက်ကို အရင်ရောက်သွားတဲ့ ကျောင်းသားနှစ်ယောက်မှာ တစ်ယောက်က ဝင်းတံခါးကို ဆွဲဖွင့် ကျန်တစ်ယောက်က တုတ်ကိုင်ပြီး "ဟေ့ကောင် …. မပြေးနဲ့ …. သူခိုး …သူခိုး …" အော်ပြီး လိုက်တော့တာပေါ့။ ကျန်တဲ့ ကျောင်းသားတွေလည်း နောက်ကလိုက်ကြပါတယ်။ လမ်းကြားလေးထဲကနေ လမ်းမကြီးရောက်ခါနီး စွယ်တော်ပင်လေးနားမှာ သူခိုးနောက်က ကပ်လိုက်သွားတဲ့သူက နောက်ကနေ တုတ်နဲ့ လှမ်းရိုက်လိုက်တော့ ပြေးနေတဲ့ သူခိုး မှောက်ရက်လဲကျသွားပါတော့တယ်။ ကပ်ရပ်ပါလာတဲ့သူက ဆက်ရိုက်မလို့ကြည့်တော့ သူခိုးလေးက ၁၂ နှစ် ၁၃ နှစ်သားလေး ဖြစ်နေတာမို့ …. ကြောင်ပြီး ရပ်နေမိစဉ် …. " ဖုန်း … ခွပ် ..ခွပ်…. မင်းလားကွ … သူခိုး … ငါတို့ရပ်ကွက်ထဲကိုများ လာခိုးရဲသေးတယ်… ခွပ် ..ခွပ်…" ဆိုတဲ့ အသံတွေနဲ့ သူခိုးလေးပေါ်ကနေ ကားယားခွထိုင်ပြီး အားပါးတရတွယ်နေတဲ့ လူကို ကျနော်တို့ ကျောင်းသားတွေ အတင်းဆွဲဖယ်ပြီး "ဟေ့ …လူ … ခင်ဗျားက ဘယ်သူလဲ … ဘယ်ကလဲ"လို့မေးတော့ "ငါက ဒီရပ်ကွက်က ရပ်ကွက်မှူးကွ" လို့ပြန်ဖြေတော့ "ရပ်ကွက်မှူးဆိုလည်း ကလေးကို မရိုက်နဲ့တော့ဗျာ… သူခိုးဆိုပေမယ့် ကလေးပဲရှိသေးတာ …."လို့ပြောကြတော့မှ ရပ်ကွက်မှူး ငြိမ်သွားပါတယ်။ "ကျနော်တို့ သူ့ကို ရဲစခန်း ပို့လိုက်ပါ့မယ် "လို့ ပြောပြီး သူခိုးလေးကို အဆောင်ရှေ့ခေါ်လာခဲ့ကြပါတယ်။ အဆောင်ရှေ့ရောက်တော့ ရေတမာပင်ကြီးမှာ သူခိုးလေးကို ကြိုးနဲ့တုပ်လိုက်ပါတယ်။ ပြီးတော့ ကျောင်းသားတွေက တစ်ယောက်တစ်ခွန်း စစ်ဆေးကြတော့တာပေါ့။ တွေးကြည့်လေ … ကျောင်းသား ၁၅ ယောက်လောက်က ဝိုင်းပြီးမေးကြ စစ်ကြ ဖြေတာ မဟုတ်ဘူးထင်ရင် ကိုင်လိုက်ကြနဲ့ …. ကျနော့်မှာ သူခိုးလေးကို ကြည့်ပြီး တော်တော် သနားနေမိပါပြီ။ သူခိုးလေးက လာခိုးတာ သူတစ်ယောက်တည်း မဟုတ်ကြောင်း အဖော်နှစ်ယောက်ပါတဲ့အကြောင်း မြစ်ကြီးနားမြို့ အခွန်လွှတ်ဈေးထဲမှာ နေကြောင်းတွေပြောပြနေပါတယ်။ ကျောင်းသားတစ်ယောက်ကတော့ ကတ်ကြေးကိုင်ပြီး သူခိုးလေးဆံပင်တွေကို ညှပ်ပါတော့တယ်။ နောက်ဆုံး သူခိုးလေးက "ကြောက်ပါပြီဗျာ… ကျနော့်ကို ရဲစခန်းပို့ကြပါတော့ဗျာ" လို့တောင်းပန်ရတဲ့အထိ လက်စွမ်းပြလိုက်ကြတာ …. ၁၂ နာရီကျော်လောက်ကနေ တစ်ယောက်တစ်ပေါက်စစ်ကြ မေးကြ ရိုက်လိုက်ကြတာ နှစ်နာရီ ထိုးခါးနီးမှ ကျနော်တို့တွေ သူခိုးလေးကို မြစ်ကြီးနား ခေမာသီရိရပ်ကွက်က အမှတ် ၁ ရဲစခန်းကို သွားအပ်ကြပါတယ်။ သူခိုးလေးကို ကြိုးချည်ပြီး တစ်လမ်းလုံးလည်း တစ်ယောက်တစ်ပေါက် မေးလိုက်ရိုက်လိုက်ပါပဲ။ ကျနော်ကတော့ သူခိုးဟာ မထင်မှတ်ပဲ ၁၂ နှစ် ၁၃နှစ်သားလေး ဖြစ်နေတာကို တွေ့ရပြီးကတည်း စိတ်မကောင်းဖြစ်မိပြီး မေးလည်းမမေးမိ ရိုက်လည်း မရိုက်ရက်တော့ပါဘူး။ သူငယ်ချင်းတွေ လုပ်နေကြတာကိုလည်း မလုပ်ကြပါနဲ့ကွာလို့လည်း မတားမြစ်ဖြစ်ပါဘူး။ ဒါကတော့ ကျနော်တို့ GTI နောက်ဆုံးနှစ်မှာ တွေ့ကြုံခဲ့ရတဲ့ သူခိုးဖမ်းပွဲလေးပါ…..။ ကျနော်တို့ တစ်ဆောင်လုံး မမေ့နိုင်တဲ့ အဖြစ်အပျက်လေး တစ်ခုဆိုလည်း မမှားပါဘူး။ ဒီစာလေးကို ရေးရင်း သူခိုးဖမ်းတုန်း သူခိုးလေးကို နောက်ကနေရိုက်လိုက်ပြီး လဲကျသွားလို့ ကြည့်မိတော့ ကလေးဖြစ်နေလို့ ဆက်မရိုက်ဖြစ်တော့တဲ့ MIT ဒုတိယ နှစ်က ဗန်းမော်သား ကိုသန်းနိုင်၊ သူခိုးလေးကို ကပ်ကြေးနဲ့ ဆံပင်တွေညှပ်တဲ့ GTI နောက်ဆုံးနှစ် Civil က မန္တလေးသား လမင်းထွန်း၊ သူများတွေ စစ်မေးကြရိုက်ကြတုန်းမှာ ဘာမှမပြောပဲ ရဲစခန်းရောက်ခါနီးမှာ "မင်း ..အဲ့အိမ်မှာ ငါတို့ကျောင်းသားတွေနေတာ မသိဘူးလား"လို့ မေးပြီး သူခိုးလေးက "သိပါတယ်" လို့ဖြေတော့ "သိရက်သားနဲ့ မင်းကခိုးရဲတယ်ပေါ့လေ"ဆိုပြီး နောက်ကနေ ခြေစွမ်းပြလိုက်တဲ့ GTI နောက်ဆုံးနှစ် MT က King နန့်မွန်းသား ယုမောင်တို့နဲ့အတူ တစ်ခါတုန်းက ဘဝတွေ ၁ ကိုရေးတာ ဖတ်မိပြီး သူခိုးဖမ်းပွဲလေးအကြောင်း ရေးပါဦးလို့ Comment ပေးတောင်းဆိုလာတဲ့ MIT ပထမနှစ်က သက်ထွန်းအောင်နဲ့အတူ အဆောင်အတူတူနေခဲ့ရတဲ့ သူငယ်ချင်းတွေကို အားလုံးကို လွမ်းနေမိတာပါပဲ ………

ပျော်ရွှင်ချမ်းမြေ့ကြပါစေ . . . .
k.t.w.l

နည်းနည်းပြောမယ် (၃) . . .

နည်းနည်း ပြောမယ် (၃)
@@@@@@@@@@@@@@@@@@@@@
နည်းနည်းပြောမယ် ဆိုတဲ့ ခေါင်းစဉ်လေးနဲ့ လွန်ခဲ့တဲ့ လေးနှစ်လောက်က စာလေးနှစ်ပုဒ်ရေးဖြစ်ခဲ့ပြီး နှစ်ပုဒ်လုံးကို မြန်မာ မာတီပလိုင်း သုံးစွဲသူများအဖွဲ့က ထုတ်ဝေတဲ့ မဂ္ဂဇင်းလေးမှာ ဖော်ပြခြင်းခံခဲ့ရပါတယ်။ ကျနော့်ရဲ့ ပထမဆုံး ပုံနှိပ်စာမူအဖြစ် ဖော်ပြခြင်းခံခဲ့ရတဲ့ စာတွေမို့ အမှတ်တရပါပဲ။ အခုလည်း အမှတ်တရလေးတစ်ခုအဖြစ် ရေးမှာမို့လို့ ဒီခေါင်းစဉ်လေးကိုပဲ ယူပြီး နောက်ကနေ (၃) ဆိုတာလေး ထည့်ထားတာပါ။ ယခုရေးမဲ့စာလေးဟာ ကျနော်တင်ပြလိုတဲ့ အကြောင်းအရာလေးကို ရေးမှာမို့ သဘောထား မတိုက်ဆိုင်တဲ့ လူများ လွတ်လပ်စွာ သဘောထားကွဲလွဲခွင့်ရှိပါတယ်။ ဒီစာလေးကို ရေးတာဟာ ဆရာကြီးလုပ်ပြီး ငါအသိ ငါအတတ်ရေးတာမဟုတ်ပဲ ကျနော်တွေးမိသမျှကို ပြန်လည်မျှဝေ ပြောပြခြင်းသာ ဖြစ်ပါတယ်လို့ ပထမဦးစွာ ပြောလိုပါတယ်။
ကျွန်တော်တို့ မြန်မာနိုင်ငံကြီးကို ၂၀၁၀ ခုနှစ်က တစ်ပြည်လုံး ရွေးကောက်ပွဲကျင်းပပြီး ဒီမိုကရေစီနိုင်ငံကြီးအဖြစ် ပြောင်းလဲခဲ့တာ အားလုံးအသိပါ။ ဒီမိုကရေစီနိုင်ငံဆိုသည်မှာ ပြည်သူများက ရွေးချယ်တင်မြောက်လိုက်တဲ့ ပြည်သူ့အစိုးရအုပ်ချုပ်တဲ့ စနစ် ပြည်သူဆန္ဒကို အလေးထားတဲ့ စနစ်ပေါ့။ ဒီလို ဒီမိုကရေစီနိုင်ငံကြီးကို တည်ထောင်လာတဲ့ သက်တမ်းက ငါးနှစ်စေ့ပြီး နောက်ထပ် အစိုးရသစ်တစ်ရပ်ကို မကြာခင် ကျနော်တို့ ပြည်သူတွေ ရွေးချယ်ကြရတော့မှာပါ။ ကျနော်ပြောချင်တာက ဒီနေရာကစပါပြီ။ နိုင်ငံတစ်နိုင်ငံလုံးစာအတွက် မပြောပဲ ကျနော်တို့ ဒေသတစ်ခုစာအတွက်ကိုပဲ ခြုံပြီး ပြောကြည့်ပါမယ်။ ၂၀၁၅ ခုနှစ် ၁၁ လပိုင်း ၈ ရက်နေ့မှာ ကျနော်တို့ဒေသကို ဦးဆောင်မဲ့ ခေါင်းဆောင်တစ်ဦး(ဝါ) လွှတ်တော်အမတ်လောင်းကို ကျနော်တို့တွေ ဆန္ဒမဲပေးပြီး ရွေးချယ်ကြရတော့မှာပါ။ ဒီတော့ ကျနော်တို့ ဘယ်လိုခေါင်းဆောင်(ဝါ)ဘယ်လို အမတ်လောင်းမျိုးကို ရွေးချယ်မဲပေးကြမလဲဆိုတာကို ပြောချင်ရေးချင်တာပါ။ ဒီနေရာမှာ ကျနော် ပါတီစွဲ ပုဂ္ဂိုလ်စွဲကင်းစွာ ခေါင်းဆောင်အဖြစ် ဘယ်လိုလူမျိုးကို ရွေးချယ်ကြမလဲ။ ကျနော်တို့ဟာ ကျနော်တို့ဒေသရဲ့တိုးတက်ရာ တိုးတက်ကြောင်းတွေကို ကျနော်တို့ကိုယ်စားဆောင်ရွက်ပေးနိုင်မဲ့ ခေါင်းဆောင်ကို ကျနော်တို့ ဆန္ဒမဲတွေနဲ့ ကျနော်တို့ကိုယ်တိုင် ရွေးချယ်ကြရမှာလေ…။ ပထမဆုံး ပြောလိုတာက နိုင်ငံရေးဆိုတာ ငါတို့နဲ့ မဆိုင်ဘူး။ ဘယ်သူ အုပ်ချုပ်အုပ်ချုပ် ငါတို့ပြည်သူတွေက လုပ်စားရမှာ လုပ်စားရမှာပဲဆိုတဲ့ အတွေးမျိုးတွေကို အရင်ဆုံးဖျောက်ပစ်ကြဖို့လိုပါတယ်။ ငါတို့ဒေသတိုးတက်ရေးအတွက် ငါတို့ဒေသကောင်းစားရေးအတွက် ငါတို့ရွေးချယ်မဲ့ ခေါင်းဆောင်ဟာ ဆောင်ရွက်နိုင်ရမယ်။ ဒီလိုဆောင်ရွက်နိုင်တဲ့ ခေါင်းဆောင်မျိုးကိုမှ ငါတို့ ဆန္ဒမဲပေးမယ်ဆိုတဲ့ အတွေးမျိုးကို တွေးထားသင့်ပါတယ်။ နိုင်ငံရေးဟာ ငါတို့နဲ့မဆိုင် … ဘယ်သူအုပ်ချုပ်အုပ်ချုပ်ဆိုရင်တော့ .. ဒီမိုကရေစီခေတ်ကြီးမှာ ကျနော်တို့ဒေသဟာ နောက်ကျကျန်နေခဲ့မှာပါ။ ဘာတွေနောက်ကျကျန်နေခဲ့မှာလဲဆိုတော့ .. ပညာရေး၊ ကျန်းမာရေး၊ လူမှုရေး၊ စီးပွားရေး အဘက်ဘက်က နိမ့်ကျကျန်နေခဲ့မှာပါ။ ဒီလိုနိုင်ငံရေးဟာ ငါတို့နဲ့မဆိုင်ဘူးဆိုတဲ့ အတွေးမျိုး မရှိပေမဲ့ ခေါင်းဆောင်ကောင်းကို မရွေးချယ်နိုင်ဘူးဆိုရင်လည်း ငယ်ငယ်က သင်ခဲ့ရတဲ့ လှည်းကုန်သည်ငါးရာလို ဘီလူးစားခံရပါလိမ့်မယ်။ ၂၀၁၅ ခုနှစ် ရွေးကောက်ပွဲကြီးမှာ ကျနော်တို့ဒေသအတွက် တိုင်းဒေသကြီးလွှတ်တော်အမတ် တစ်နေရာစာကိုတော့ ရရှိမှာပါ။ ဘာလို့လည်းဆိုတော့ ၂၀၁၀ ခုနှစ် ရွေးကောက်ပွဲတုန်းကလည်း ကျနော်တို့ဒေသက တိုင်းဒေသကြီးလွှတ်တော်အမတ်တစ်နေရာ ရရှိခဲ့တာပဲ မဟုတ်လား။ ဟုတ်ပါပြီ။ ပြီးခဲ့တဲ့ ရွေးကောက်ပွဲတုန်းက ကျနော်တို့ ရွေးချယ်လိုက်တဲ့ အမတ်လောင်းဟာ ကျနော်တို့ ဒေသအတွက် ဘာတွေဖွံ့ဖြိုးတိုးတက်အောင် ဆောင်ရွက်ပေးခဲ့ပါသလဲ။ ကျနော်တို့ စဉ်းစားရမဲ့အချက်ပါ။ ဒီလိုပဲ ၂၀၁၅ ခုနှစ် ရွေးကောက်ပွဲကြီးမှာ ပါတီအသီးသီးက အမတ်လောင်းတွေဟာ ရွေးကောက်ပွဲကြီးမှာ ဝင်ရောက်ယှဉ်ပြိုင်ပြီး အရွေးချယ်ခံကြပါလိမ့်မယ်။ အရွေးချယ်ခံကြမဲ့ အမတ်လောင်းတွေကရော ကျနော်တို့ဒေသတိုးတက်ရေးအတွက် ဘယ်လိုတွေ ဆောင်ရွက်ပေးနိုင်မလဲပေါ့။ ကျနော်တို့ လက်ထဲမှာရှိတဲ့ ဆန္ဒမဲလက်မှတ်လေးတစ်ခုဟာ စဉ်းစားတွေးတောခြင်း မရှိပဲ ထည့်လိုက်မိ ရွေးချယ်မိလိုက်တာနဲ့ ကျနော်တို့ဒေသရဲ့ တိုးတက်မှုကို ဆုတ်ယုတ်သွားစေမယ် ရပ်တန့်သွားစေမယ်ဆိုရင် ဘယ်လောက်ရင်နာစရာ ဝမ်းနည်းစရာကောင်းလိုက်မလဲ။ ထိုနည်းတူစွာ ကျနော်တို့ရဲ့ မဲပေးပိုင်ခွင့် ဆန္ဒမဲလေးဟာ ဒေသတိုးတက်ရေးအတွက် အမှန်တကယ် စေတနာထားဆောင်ရွက်ပေးမဲ့ အမတ်လောင်းကို ပေးလိုက်မိလို့ ဒေသတစ်ခုလုံး ဖွံ့ဖြိုးတိုးတက်လာစေမယ်ဆိုရင် ဘယ်လောက်ဝမ်းသာစရာ ပျော်ရွှင်စရာကောင်းလိမ့်မလဲ တွေးကြည့်ကြပါ။
ဒေသတစ်ခုကအစ နိုင်ငံကြီးတစ်ခုလုံးအဆုံး တိုးတက်လာဖို့ဆိုတာ ခေါင်းဆောင်ကြတဲ့ ပုဂ္ဂိုလ်တွေဟာ စေတနာအရင်းခံနဲ့ နိုင်ငံ၊ ဒေသကောင်းကျိုးတွေအတွက် ဆောင်ရွက်နိုင်တဲ့ လူမျိုးတွေဖြစ်ရမှာပါ။ ကျနော်တို့ရွေးချယ်တင်မြောက်လိုက်တဲ့ ခေါင်းဆောင်ဟာ လွှတ်တော်ထဲရောက်သွား နိုင်ငံတော်ကပေးတဲ့လစာကိုစားပြီး အိပ်ငိုက်နေမဲ့လူမျိုး၊ ဒေသကောင်းစားရေးမဟုတ်ပဲ မိမိနဲ့ မိမိဆွေမျိုးများကောင်းစားရေးကိုသာ လုပ်ဆောင်မယ့်လူမျိုးဖြစ်နေခဲ့ရင် ကျနော်တို့ ဒေသတစ်ခုလုံးအတွက် နစ်နာဆုံးရှုံးရပါလိမ့်မယ်။ ဒီလိုပဲ ဝင်ရောက်ယှဉ်ပြိုင်ပြီး အရွေးချယ်ခံကြမဲ့ လွှတ်တော်အမတ်လောင်းတွေဘက်ကလည်း ပြည်သူတွေဘက်ကို တစ်ချက်ငဲ့ပြီး စဉ်းစားပေးသင့်ပါတယ်။ သူများလွှတ်တော်အမတ်ဖြစ်လို့ ငါလည်းလွှတ်တော်အမတ်ဖြစ်အောင် လုပ်လိုက်ဦးမဟဲ့ … ဆိုတဲ့ ရည်ရွယ်ချက်ကြီးနဲ့တော့ ရွေးကောက်ပွဲကို ဝင်မပြိုင်စေလိုပါ…။ မိမိက ဒေသတစ်ခုလုံးရဲ့အကျိုးကို အမှန်တကယ်ဆောင်ရွက်နိုင်ပါ့မလား …. လွှတ်တော်ထဲရောက်သွားရင် အခြားဒေသက လွှတ်တော်အမတ်တွေနည်းတူ ပြောနိုင်ဆိုနိုင် ပြောရဲဆိုရဲတဲ့သူ ဖြစ်ပါ့မလား။ တခြားလွှတ်တော်အမတ်တွေရဲ့ အရည်အချင်းကို လိုက်မှီပါ့မလားဆိုတာလေးတော့ တွေးတော စဉ်းစားပေးကြပါ။ ကျနော်တို့ဒေသ ကျနော်တို့နိုင်ငံ ဖွံ့ဖြိုးတိုးတက်ဖို့အတွက် အမှန်တကယ်လိုအပ်နေတာကတော့ စေတနာအရင်းခံပြီး ပြည်သူတွေအကျိုးကို အမှန်တကယ်ဆောင်ရွက်ပေးမဲ့ ခေါင်းဆောင်ကောင်းမျိုး လိုအပ်နေတာပါ။ ကျနော်ရေးတဲ့ စာလေးကိုဖတ်ပြီး ကျနော်တို့ဒေသအတွက် ခေါင်းဆောင်ကောင်းကို ရွေးချယ်နိုင်ကြပါစေလို့ ဆုတောင်းရင်း အဆုံးသတ်လိုက်ပါတယ်…….
ပျော်ရွှင် ချမ်းမြေ့ကြပါစေ …
K.T.W.L

မေးလ်းကနေ ပို့လာတဲ့ စာဘဲ မော်လူး ဆေးရုံ အကြောင်းပါ

ကျွန်တော်တို့နေထိုင်ရာ စစ်ကိုင်းတိုင်းဒေသကြီး ကသာခရိုင် အင်းတော်မြို့နယ် မော်လူးဒေသတွင် နိုင်ငံတော်မှ ချမှတ်ပေးသည့် ဘဏ္ဍာငွေ သိန်း ၅၀၀၀ ဖြင့် တိုက်နယ်ဆေးရုံအသစ်ကြီးကို I Green ကုမ္ပဏီမှ တာဝန်ယူတည်ဆောက်နေခဲ့သည်မှာ တနှစ်ကျော်ခန့် ကြာမြင့်ခဲ့ပြီဖြစ်ပါသည်။ ထိုသို့တာဝန်ယူတည်ဆောက်နေရာတွင် လက်ရှိမြင်တွေ့နေရသည့် မြင်ကွင်းများမှာ ဒေသခံပြည်သူများအတွက် စိတ်မချမ်းမြေ့ဖွယ်ရာနှင့် နိုင်ငံတော်မှ ဘဏ္ဍာငွေများ အလဟဿဖြုန်းတီးနေသည်ဟု ထင်မြင်ယူဆမိပါတော့သည်။ အကြောင်းမှာ ယင်းတိုက်နယ်ပြည်သူဆေးရုံသစ်ကြီး၏ ဖောင်ဒေးရှင်းအတွင်းဘက်ထဲသို့ သဲနုန်းမြေများဖြင့် ဖြည့်တင်းနေခြင်းကြောင့် ဖြစ်ပါသည်။ ကျွန်တော်တို့ဒေသခံများ သိရှိနားလည်ထားသည်မှာ သာမန်နေအိမ်အဆောက်အဦး၏ အတွင်းဘက်ဖောင်ဒေးရှင်း ဝမ်းစာအဖြစ် အောက်ခံကျောက်ကြီးများကို ဦးစွာဖြည့်တင်းကြပါသည်။ ယင်းနောက်မှ သံကျောက်များကို ထပ်မံဖြည့်တင်းကြသည်ကို မြင်တွေ့ရ သိရှိရပါသည်။ ယခုမူ ဆေးရုံအဆောက်အဦး၏ ဖောင်ဒေးရှင်းအတွင်းဘက် ဝမ်းစာအဖြစ် မည်သည့် ကျောက်ကြီးများ၊ သဲကျောက်များနှင့် ဖြည့်တင်းခြင်းမရှိပဲ နုန်းပါဝင်မှုများပြားသော သဲနုန်းမြေများဖြင့် ဖြည့်တင်းနေသည်မှာ အဆောက်အဦးတစ်ခု၏ ခိုင်ခံ့မှု စံချိန်စံညွှန်းနှင့် ညီညွှတ်မှုရှိမရှိကို တာဝန်ယူတည်ဆောက်နေသော ကုမ္ပဏီမှ အင်ဂျင်နီယာများ သိရှိလိမ့်မည်ထင်ပါသည်။ ထို့ပြင် ထိုနုန်းပါဝင်မှုများသော သဲများဖြင့်ပင် အဆောက်အဦးနံရံများ အချောကိုင်ခြင်းကိုလည်း ဆောင်ရွက်မည်ဟု ကြားသိရပြန်ရာ ကုမ္ပဏီမှ ကျွန်တော်တို့ မော်လူးဒေသတစ်ခုလုံး၏ ကျန်းမာရေးစောင့်ရှောက်မှုအတွက် အားကိုးအားထားရာ တိုက်နယ်ဆေးရုံသစ်အဆောက်အဦးကြီးအပေါ် စေတနာထားရှိပုံမှာ အံ့မခန်းပင် ဖြစ်ရပါသည်။ သတ်မှတ်ချိန်အတွင်း ဆောက်လုပ်မှုပြီးစီးရန်နှင့် ကုမ္ပဏီအတွက်အကျိုးအမြတ်များစွာကျန်စေရန်သာ ရည်ရွယ်ထားပုံရပါသည်။ ထိုသို့မဟုတ်ပဲ "တောသား လူအ လူန တွေပါကွာ…  ငါတို့ လုပ်ချင်သလို လုပ်လို့ရပါတယ်" ဟု သတ်မှတ်ပြီး လုပ်ဆောင်နေသည်ဆိုလျှင်………… ကျွန်တော်တို့ မော်လူးဒေသခံပြည်သူတို့၏ သမိုင်းရိုင်းရာကျပေလိမ့်မည်။

မော်လူးဒေသ တိုက်နယ်ဆေးရုံသစ်ကြီး ဖြစ်မြောက်ရေး အကျိုးတော်ဆောင်များ အရည်အသွေး စစ်ဆေးရေးအဖွဲ့ဝင်လူကြီးမင်းများ မည်သို့ ခံစားရပါမည်နည်း။
ဤဆေးရုံသစ်ကြီး အရည်အသွေးမှီမှီ ခိုင်ခိုင်ခံခံဖြင့် ပြီးစီးသွားလျှင် လူကြီးမင်းများ၏ သမိုင်းသည် မော်လူးသူမော်လူးသားများအတွက် ဂုဏ်ယူပြောဆိုဖွယ်ရာအဖြစ် မှတ်တမ်းကောင်း ကျန်ရှိနေပါမည်။ ထိုသို့မဟုတ်ပဲ လက်ပိုက်ကြည့်နေခဲ့ကြမည်ဆိုလျှင် လူကြီးမင်းတို့၏ သမိုင်းမှာလည်း ဆေးရုံသစ်ကြီး သတ်မှတ်ချိန်မတိုင်မှီ ပျက်စီးသွားသော်လည်း လူကြီးမင်းတို့အပေါ် ဒေသခံပြည်သူတို့ ပြောစမှတ်မှာ ပျက်စီးသွားမည် မဟုတ်ပဲ … သားစဉ်မြေးဆက် "ဘယ်သူ့ အဖေ၊ ဘယ်သူ့ အဘိုးလက်ထက်ကပေါ့ကွာ ဆေးရုံသစ်ကြီးဆောက်တာ စီစစ်ရေး ဖြစ်မြောက်ရေးထဲပါပါလျှက် သေချာမစီစစ် မကြပ်မတ်လို့(သို့) ငို့ဘပဲလုပ်လိုက်ကြလို့ ဆေးရုံကြီး အချိန်မတိုင်မီ ပျက်စီးယိုယွင်းသွားရတာ" ဟု ပြောဆိုနေကြမည်သာ…..
သို့ပါ၍ ဒေသခံပြည်သူများမှ ယုံကြည်ကိုးစား၍ ဖြစ်မြောက်ရေး စီစစ်ရေး ကြီးကြပ်ရေးတာဝန်ယူထားသူများ အချိန်မှီ လက်တွေ့ကွင်းဆင်းပြီး စေတနာမမှန်ပဲ အကျိုးအမြတ်များများကျန်ရှိရေးကို ဦးစားပေးကာ အရည်အသွေးညံ့ဖျင်းစွာ တည်ဆောက်ရေးလုပ်ငန်းများ လုပ်ဆောင်နေသော I GREEN အားကုမ္ပဏီအား စစ်ဆေးပေးကြစေလိုပါသည်။

မော်လူးတိုက်နယ် ဆေးရုံသစ်ကြီးအတွက် ရတက်မအေးဖြစ်နေကြသည့်

မော်လူးသားများ

မေးလ်က နေ ပို့တဲ့စာ မော်လူးမြောင်း ရေလျှံတာ ရေပိုက်လိုင်းတွေ မြောင်းပေါ် ဖြတ်သွယ်လို့တဲ့

မော်​လူးလမ်းဆုံလမ်းခွများ၌ယာဉ်​ရပ်​နားခြင်းပစ်​စည်းအတင်​အချပြုလုပ်ုခြင်းေုကြာင့်​က​လေးသူငယ်​များ​ကျောင်းသား​ကျောင်းသူများသက်​ကြီးရွယ်​အိုများ​နေ့စဉ်ုဖြတ်​သန်းသွားလာ​နေ​သည့်​အတွက်​များစွာအသက်​အမ်​ဒရာယ်​ရှိတာတမျိုးရပ်​ကွက်​တွင်းသို့​ရေပိုက်​လိုင်းသွယ်​တန်းတပ်​ဆင်​မှု့​ကြောင့်​​ရေပိုက်​များမြှပ်​ရန်​​မြေမတူးဘဲေုမြ​ပေါ်တွင်​သာတ်​ထားမှု့​ကြောင့်​​ရေ​မြောင်းပိတ်​ဆို့ကာ​အမှိုက်​သရိုက်ေုကြာင့်​ရပ်​ကွက်​တွင်းရှိ​နေအိမ်​များမိုးနည်းနည်းရွာပါက​ရေကြီးေ​ရလျှံမှု့ဖြစ်​ပွားခဲ့ရသည်​။တာဝန်​ရှိသက်​ဆိုင်​သူများမျက်​စိနားပိတ်​မထားကြပါနဲ့၊သတင်းထဲပါမှလုပ်​ရတာမျိုး​တော့မဖြစ်​ပါ​စေနဲ့၊ရပ်​ထဲမှာမြင်​မြင်​သမျှကြားသမျှအနံ့ခံကြည့်​လုပ်​ကြပါအုန်း​၊တာဝန်​ရှိသက်​ဆိုင်​သူများသို့ထံသတင်း​ကောင်းပါးလိုက်​ရပါသည်​။
အမြင်​မ​တော်​သူနဲ့အမ်​ဒရာယ်​ကိုကြိုမြင်​

မော်လူး ဒေသမှာ မှတ်တမ်းတစ်ခု ပုံပြင်မဟုတ်ဘူး ဒါမျိုးတွေ တကယ်ဖမ်းမိတာ အင်တာနက်ကလို မြွေအတုမဟုတ်ဘူး စုံစမ်းကြည့်လိုက်

တကယ် ဖမ်းမိတာ

မော်လူးသားများ နီးလျက်နဲ့ ဝေးနေသောကြောင့် မော်လူးအနီးက ဘုရား တင်ပေးလိုက်တယ် ဖူးလိုက်ကြအုန်း

တရက်အတွင်း ဘယ်ကဘုရားဆိုသိရင်  အကြောင်းကြားလိုက် လက်ဆောင်ရမည်

ဖားကန့်မှာ ရေကြီးတယ်တဲ့

နားခွင်ကျင် ဘုန်းတော်ကြီးကျောင်း အုတ်တံတိုင်း တည်ဆောက်မှု စပြီတဲ့

Oo Zin Lay added 3 new photos.

မော်လူးအုပ်စု နားခွင်းရွာဦး သာသနာ့ပါလကျောင်းတိုက်အတွင်း၌ ၁၃၇၇ခုနှစ် ပထမ၀ါဆိုလပြည့်ကျော်(၃)ရက်နေ့မှစတင်၍ ကျောင်းတံတိုင်းများ ပြုလုပ်နေပါသည် ကုသိုလ်သဒ္ဓါများပွာနိင်ကြပါစေ

အင်းတော်မြို့နယ် မဲစာရင်း အမှားကွက်လပ်များ ပြန်လည်ဖြည့်သွင်းမယ်တဲ့ ကူညီလိုသူများ လာရောက်နိုင်သည်တဲ့

အင်းတော်(INDAW)မြို့ နယ်သူ၊ နယ်သားများ ဆုံဆည်းရာ

မနက်ဖြန်ကစလို့ မဲစာရင်းများ၏ အမှားများကွက်လပ်များပြန်လည်ဖြည့်သွင်းသွားမှာဖြစ်ပါတယ် အင်တော်မြို့နယ်အတွင်းမှာ ရှိတဲ့ နိုင်ငံရေးပါတီများ လူမှုအဖွဲ့အစည်းများမှလည်းမဲစာရင်းမှန်ကန်မှုပြည့်စုံမှုရှိအောင်ဝိုင်းဝန်းဆောင်ရွက်ပေးလို့ကျေးဇူးအထူးတင်ရှိပါတယ်. .
အင်းတော်မြို့နယ်အတွင်းမှာရှိတဲ့ ကွန်ပျုတာကျွမ်းကျင်
သောဝန်ထမ်းများ ပြင်ပကွန်ပျုတာဆိုင်မှကျွမ်းကျင်ကွန်ပျုတာသမားများ
လာရောက်ကူညီပေးမယ်ဆိုရင် ကြိုဆိုပါတယ် လာရောက်လေ့လာမယ်ဆိုလဲ ကြိုဆိုပါတယ် . .

ဝါဆိုသင်္ကန်းဖြစ်ပေါ်လာပုံနှင့် ဆက်ကပ်ခြင်းအကျိုး

ဝါဆိုသင်္ကန်းဖြစ်ပေါ်လာပုံနှင့် ဆက်ကပ်ခြင်းအကျိုး
****************************** ၀ါဆိုသင်္ကန်းကပ်ခြင်းဆိုတဲ့အလှူဒါနသည် ၀ိသာခါကျောင်းအမကြီး ကျေးဇူးကြောင့် ဖြစ်ပေါ်လာခဲ့တာဖြစ်သည်။ ထိုအလှူကို လှူသူတိုင်းက ၀ိသာခါ ကျောင်းအမကြီးကို အားကျ အမှတ်ရကြပါလိမ့်မည်။ ၀ိသာခါကျောင်းအမကြီးသည် ထုံစံအတိုင်း သူဆောက်လုပ် လှူဒါန်းထားသော ပုဗ္ဗာရုံကျောင်းကို တစ်နေ့နှစ်ကြိမ် အနည်းဆုံး ရောက်သည်။ ကျောင်းသွားရင်လည်း လက်ဗလာချည်း သွားလေ့သွားထ မရှိ၊ မနက်ပိုင်းသွားရင် မနက်အတွက် ရဟန်းသာမဏေများဘုန်းပေးနိုင်တဲ့ အစားအစာများ၊ ညနေပိုင်းသွားရင်လဲ ညနေပိုင်းအတွက်အဖျော်ရည်များ ယူဆောင်သွားလေ့ရှိသည်။စာထဲမှာတော့ ကျောင်းအမကြီးလာရင် ကိုရင်ငယ်လေးတွေက ကျောင်းအမကြီး လက်ထဲဘာပါလဲဆိုတာ ကြည့်ကြသတဲ့။ ထိုအဖြစ်ကိုသိသော အနာထပိဏ်၊ ၀ိသာခါတို့သည် ကျောင်းသွားတိုင်း လက်ဗလာ မသွားဟု ဆိုသည်။ ယခု အကြိမ် ၀ိသာခါကျောင်းသွားတဲ့အချိန်က ၀ါဆိုလဖြစ်သည်။ ကျောင်းရောက်တော့ဘုရားနဲ့တွေ့ တရားစကားများ နာယူပြီး နောက်နေ့မနက်အတွက် ဘုရားအမှူးရှိသံဃာများ အိမ်ကို ဆွမ်းစားကြွဖို့ ပင့်ဖိတ်ခဲ့သည်။ နောက်တစ်နေ့မနက် မိုးလင်းချိန် ကျွန်းကြီးလေးကျွန်းလုံး မိုးအကြီးအကျယ် ရွာသွန်းချလေတော့သည်။ဘုရားခွင့်ပြုချက်အရ ရဟန်းတော်တွေ သင်္ကန်း(ရေစနုပ်)မပါဘဲ ရေချိုးနေချိန်ဝိသာခါ၏ တပည့်မ တစ်ယောက် ဆွမ်းစားချိန်ရောက်၍ ကျောင်းကို ရဟန်းတွေလာပင့်တော့ "ရဟန်းတစ်ပါးမှ မတွေ့ဘူး အ၀တ်မပါ တက္ကဒွန်းတွေပဲ တွေ့ခဲ့တယ်"ဆိုပြီး ပြန်လာလေ၏။ ၀ိသာခါသည် အသိလိမ္မာရှိသူဖြစ်သည်ဖြစ်ရာကား မိုးရွာတုန်း အ၀တ်မပါဘဲ ရေချိုးနေကြသော ရဟန်းတွေပဲဖြစ်မည်ဟု သိသဖြင့် နောက်တစ်ကြိမ် ကျောင်းသို့ သွားပင့်ခိုင်းပြန်သည်။ ထိုအချိန်မှာတော့ ရဟန်းတော်များ သင်္ကန်းများယူဆောင်ပြီး မိမိတို့အသကအသက နေရာမှာ သွားပြီး ရေချိုးပြီး စိုရွှဲနေသော ခန္ဓာကို ခြောက်သွေ့အောင်လုပ်နေရသည်။ ကျောင်းမှာ ဘယ်ရဟန်းကိုမှ မတွေ့ရဘဲ ပြန်သွားပြန်သည်။ ၀ိသာခါသည် ဒီအခြင်းအရာကိုလည်း သိသည်။ နောက်တစ်ကြိမ်ကျောင်းသို့လွှတ်ပြန်သည်။ ထိုအချိန်မှာတော့ ဆွမ်းစားကြွချိန်တန်ပြီးဖြစ်၍ မြတ်စွာဘုရားက ရဟန်းတော်အားလုံးသင်္ကန်းများ ပြင်ဆင်ပြီး စုရုံးခိုင်းသည်။ ဘုရားရှင်၏ တန်ခိုးဖြင့် ၀ိသာခါအိမ်ပေါက် ရောက်သွားသည့် အခါဝိသာခါ အံ့ကြရပြန်သည်။ စောစောလေးကမှ မိုးအကြီးအကျယ် ရွာထားသဖြင့် လမ်းတစ်လျှောက်လုံးသည် ခါးလောက် မြုပ်နိုင်လောက် အောင် ရေတွေဖြင့် လွှမ်းနေသည်။ သို့သော်လည်း ဘုရားရှင်နှင့် ရဟန်းသံဃာအားလုံး သင်္ကန်းများ ရေမစိုသည့်အပြင် ခြေမျက်စိလေးကိုတောင်မှ ရေစိုထားတာ မတွေ့ရချေ။ ဘုရားနှင့်ရဟန်းသံဃာများ ဆွမ်းကပ်ပြီး ကျောင်းအမကြီးသည် အရှင်ဘုရားအား တပည့်တော် ဆုလာဘ် ၈ မျိုး သနားချီးမြောက်တော် မူပါဘုရားဟု လျှောက်ထားလေသည်။ အပ်စပ်သောဆုဆိုတောင်းစေ ဟု ဘုရားခွင့်ပြုတော်မူသောကြောင့် အောက်ပါဆို ဆု ၈ မျိုးကိုတောင်းသည်။ ဘုရားလည်း ခွင့်ပြုသည်။ (၁)အသက်ထက်ဆုံး ရဟန်းတော်များအား ၀ါဆိုသင်္ကန်းလှူခွင့်ပြုရန် (၂)ကျောင်းသို့ ရောက်လာကြသော အာဂန္တု ဧည့်သည်ရဟန်းတော်များအား ဆွမ်းဟင်းများ လှူခွင့်ပြုရန် (၃)ခရီးသွား ရဟန်းတော်များအား ဆွမ်းဟင်းများ လှူခွင့်ပြုရန် (၄)မနာမကျန်းဖြစ်နေသော ရဟန်းကို ပြုစုလုပ်ကျွေးနေသော ပုဂ္ဂိုလ်အား ဆွမ်းဟင်းများ လှူခွင့်ပြုရန် (၅)မနာမကျန်းသော ရဟန်းအား ဆွမ်းဟင်းများ လှူရန် (၆)မနာမကျန်းဖြစ်သော ရဟန်းအား ဆေးပစ္စည်းများ လှူရန် (၇)အမြဲမပြတ် ဆန်ပြုတ် (ယာဂု)ဆွမ်းလှူရန် (၈)ရဟန်းမ (ဘိက္ခုနီမ)တို့အား ရေသနုပ်လှူရန် တို့ဖြစ်သည်။ သင်္ကန်းလှူရခြင်းကြောင့် သေချာတဲ့ အကျိုးကတော့ ရဟန်းတော်များ သင်္ကန်းအတွက် မပူရ မပင်ပန်းရခြင်းဖြစ်သည့်အတွက် ရဟန်းအလုပ် ချမ်းချမ်းသာသာ လုပ်နိုင်သည်။ ထိုသင်္ကန်းက ထိုအသုံးပြုသော ရဟန်းအား အရှက်ကိုလည်း ကာကွယ်မည်။ အချမ်း အပူလေ နေစတဲ့ ရာသီဥတုဒဏ်ကိုလည်း ဆောင့်ရှောက်မည်။ မှည့်, ခြင်, ယင်, ပိုးမွှားစသော အန္တရာယ်မှလည်း ကာကွယ်စောင့်ရှောက်သဖြင့် ရဟန်းအလုပ်ကို ချမ်းချမ်းသာသာ လုပ်ခွင့်ရမည်။ လှူတဲ့သူမှာ တန်ပြန်အနေနဲ့ ထိုအကျိုးများရရှိမည်။ သင်္ကန်းလှူခြင်းကြောင့် အသားရေလှပခြင်း၊ ကျန်းမာခြင်း စတဲ့ကုသိုလ်၏ အကျိုးများအပြင် အချိန်အခါအလျောက် လှူခွင့်ရသည့်အတွက် ကာလဒါနဖြစ်သည်၊ ထိုအကျိုးကတော့ လိုတရ ပဲဖြစ်သည်။ အမျိုသမီးများ သင်္ကန်းလှူခြင်းကြောင့် ၀ိသာခါကျောင်းအမကြီး ပိုင်ဆိုင်သည့် စိန်ရွှေရတနာပေါင်းစုံစီခြယ်ထားသည့် ကိုးကုဋေတန် မဟာလတာ မြတ်တံဆာကြီးကိုလဲ ပိုင်ဆိုင်ဦးမည်။ နောက်ဆုံး အာသဝေါကင်းကွာ ရဟန္တာမကြီးဖြစ်မည်။ အမျိုးသားများအတွက်တော့ ဧဟိဘိက္ခုနဲ့ ရဟန္တာ ဖြစ်ခွင့်ရမည်။ ဘုရားလက်ထက်က ပဉ္စ၀ဂ္ဂီတို့ ယသအမျိုးကောင်းသားတို့သည် ရှေးက သင်္ကန်းပရိက္ခရာလှူဒါန်းခဲ့ခြင်းကြောင့် ဘုရားနဲ့တွေ့တော့ သိမ်တွေ ကမ္မ၀ါတွေ ရွတ်ဖတ်ပေးစရာမလိုဘဲ သင်္ကန်းသပိတ် ရှာစရာ မလိုဘဲ ဘုရားကဧဟိ ဘိက္ခ ငါ့ရှင် ရဟန်း လာခဲ့ လို့ ခေါ်လိုက်ရုံနဲ့ အလိုအလျောက် ၀ါတော် ၆၀ ရ မထေရ်ကြီးကဲ့ သပ္ပါယ်တင့်တယ်စွာ ဖူးမျှော်ရသည်။ ဘာဟိယဒါရုစိယ အမျိုးသားသည် ဘုရားနဲ့တွေ့လို့ တရားနာလိုက် ရခြင်းကြောင့် ရဟန္တာဖြစ်သွားပါလျက် သင်္ကန်းပရိက္ခရာ မရှိလို့ ရဟန်းမဖြစ်လိုက်ရ။ ဘုရားကလဲ သူ့ရဲ့အတိတ်က သင်္ကန်းလှူခဲ့တဲ့ ဒါန မရှိခဲ့တော့ ဧဟိ ဘိက္ခုခေါ်ခွင့်မရ၍ လမ်းမှာပဲ နွားမခွေ့သတ်လို့သေရသည်။ ရဟန္တာဖြစ်လျှင် လူဝတ်ကြောင်ဘ၀နဲ့ ရပ်တည်ခွင့်မရ၊ ရဟန်းပြုရင် ပြု မပြုလျှင်တော့ ပရိနိဗ္ဗာန်ပြုရသည်။ ဘာဟိယဒါရုစိယ အမျိုးသားကတော့ ရှေးက၀ဋ်ကြွေးကြောင့် ထိုနေရာမှာပဲ ဘီလူးမ ဟန်ဆောင်သော နွားမခွေ့အသတ်ခံရသည်။ သင်္ကန်းမလှူခဲ့ခြင်းကြောင့် အလွယ်တကူ ရဟန်းဖြစ်ခွင့်မရလိုက်။ ဤသို့အားဖြင့် အလွယ်တကူ ရဟန်းဖြစ်ခွင့် ရဟန္တာဖြစ်ခွင့်များ ရလိုပါလျှင် သင်္ကန်းလှူကြပါလေ--

(သီတဂူစတား )
မေတ္တာဖြင့်မျှဝေသူ
ရွှေညာသား(နတ်စဉ်ကန်)

သေခြင်း လေးမျိုးအကြောင်း သိကောင်းစရာ

သေခြင်း လေးမျိုးအကြောင်း သိကောင်းစရာ
********************************
သုံးဆယ့်တစ်ဘုံအတွင်းရှိ သတ္တ၀ါဟူသမျှတို့သည် မိမိတို့ပိုင်ဆိုင်သော ဥစ္စာပစ္စည်းများ၊ ချစ်သောသားမယား၊ သားသမီး၊ ဆွေမျိုးမိတ်ဆွေများ၊ ရရှိထားသော ရာထူးဂုဏ်သိမ်များကို စွန့်ခွာကာ သေမင်းခေါ်ရာသို့ မသေချင်ဘဲလည်းသေမြဲဓမ္မတာအရ သေပွဲဝင်ကြရမည် ဖြစ်ပါသည်။
ထိုသို့ သတ္တ၀ါအားလုံး သေဆုံးကြရာဝယ် အောက်ပါ သေခြင်းလေးမျိုး တစ်မျိုးမျိုးဖြင့် သေပွဲဝင်ကြရသည်မှာလည်း ဓမ္မတာသဘောပင် ဖြစ်ပါသည်။
သေခြင်းလေးမျိုးဟူသည်....
အသက်တမ်းကုန်၍ သေရခြင်း၊
ကံအစွမ်းကုန်၍ သေရခြင်း၊
အသက်တမ်း၊ ကံအစွမ်း နှစ်ပါးစလုံးကုန်၍ သေရခြင်း၊
ဥပစ္ဆေဒကခေါ် ကြားကံတစ်ပါးပါးက သတ်ဖြတ်၍ သေရခြင်းတို့ဖြစ်ပါသည်။
ယင်းသေခြင်းလေးမျိုးကို ဥပမာအားဖြင့်နှိုင်းစာဆိုရသည်ဆိုသော်.....
ဆီမီးငြိမ်းရာ၌....
ဆီကုန်ခန်းခြင်း၊
မီးစာကုန်ခန်းခြင်း၊
ဆီနှင့် မီးစာ နှစ်မျိုးကုန်ခန်းခြင်း၊
ဆီနှင့် မီးစာ ရှိပါသော်လည်း လေပြင်းတိုက်ခတ်ခြင်း (သို့မဟုတ်) တမင်ငြှိမ်းသတ်ခြင်း
ဟူသောအကြောင်းလေးမျိုးရှိသကဲ့သို့ပင် ဖြစ်ပါသည်။
၁။ အသက်တမ်းကုန်၍ သေရခြင်း
ထိုထို ဘုံဘ၀တို့၌ သတ်မှတ်ထားအပ်သော အသက်တမ်းများရှိကြပါသည်။ ဤလူ့ဘ၀၀ယ်တက်ကပ်ကာလ၌ တဖြည်းဖြည်းတက်၍ အသေင်္ချေယျတိုင်အောင် အသက်တမ်းရှိ၍ ဆုတ်ကပ်ကာလ၀ယ် တဖြည်းဖြည်း ဆုတ်ကာ (၁၀) နှစ် သက်တမ်းတိုင်အောင် သက်တမ်းရှိလေသည်။
ဂေါတမဘုရားရှင်ပွင့်သောအခါ၌ သက်တမ်းသည် (၁၀၀) ရှိသည်။ယခုကာလ၀ယ် (၇၅) နှစ်သာ ရှိသည်ဟု ဆိုပါသည်။ သင့်လျော်၍ ကံပါလာကြသူတို့သည် သတ်မှတ်ထားအပ်သော အသက်တမ်းကို မလွန်ကြပါ။
ယင်းသတ်မှတ်ထားသော သကတမ်းကာလ၌ သေဆုံးခြင်းကို အသက်တမ်းကုန်၍ သေခြင်းဟု ခေါ်ပါသည်။
မီးစာ ရှိသေးသော်လည်း ဆီကုန်၍ မီးငြိမ်းသည်နှင့် ဥပမာတူပါသည်။
၂။ ကံအစွမ်းကုန်၍ သေရခြင်း
ဘ၀တစ်ခုကို စီမံလိုက်သောကံသည် ပဋိသန္ဓေတည်ပြုသည့်အချိန်မှစ၍ မိမိ၏သတ္တိ မကုန်သေးသမျှ ဘ၀မပြတ်အောင်၊ မသေအောင် အစဉ်တစိုက်အမြဲဖန်တီးလျက်ရှိပါသည်။ ထိုမူလစီမံလိုက်သော ကံ၏အစွမ်းကို အားပေးကူညီသော အခြားကံများကလည်း ရှိနေသေးပါသည်။ ထိုမူလစီမံလိုက်သော ကံနှင့်အားပေးကူညီကြသော ကံတို့၏ အစွမ်းသတ္တိကုန်လျှင် အသက်တမ်း မကုန်သေးသော်လည်း ဧကန်မုချ သေရတော့မည်။
ဥပမာ- သက်တမ်းက (၇၅) နှစ်သက်တမ်းရှိသော်လည်း ထိုဘ၀၌ နေရမည့်ကံက (၅၀)သာပါလျှင် အသက် (၅၀)၌ သေရမည်ဖြစ်သည်။
ဆီမကုန်သေးသော်လည်း မီးစာကုန်လျှင် ဧကန်မီးငြိမ်းရသကဲ့သို့ ဖြစ်ပါသည်။
၃။ အသက်တမ်း၊ ကံအစွမ်းနှစ်မျိုးကုန်၍ သေရခြင်း
အချို့သော သတ္တ၀ါတို့အား အသက်တမ်းလည်းကုန်၊ ကံ၏အစွမ်းလည်းကုန်၍ သေကြရသည်။ ဥပမာ - အသက်တမ်း (၇၅) နှစ်ရှိသော အမျိုး၌ ဖြစ်နေသောသူသည် ကံကလည်း (၇၅) နှစ်နေရမည့် အစွမ်းပါလာသော် (၇၅) နှစ်တွင် သေရမည်။
ဆီလည်းကုန်၊ မီးစာလည်းကုန်သောကြောင့် မီးငြိမ်းနေသည့်သဘောနှင့် တူပါသည်။
ဤဆိုအပ်ခဲ့သော သေခြင်းအကြောင်း သုံးပါးတွင် တစ်ပါးပါးကြောင့် သေခြင်းကို သေချိန်ကျ၍ သေရခြင်း (ကာလမရဏ) ဟုခေါ်သည်။
၎။ ဥပစ္ဆေဒကခေါ်ကပ်၍ သတ်ဖြတ်တတ်သောကံကြောင့် သေရခြင်း
အချို့ သတ္တ၀ါတို့အား အသက်တမ်းလည်းရှိ၊ ကံအစွမ်းလည်း ရှိနေပါလျက် ရှေးရှေးဘ၀တို့၌ ပြုအပ်သော ကပ်၍သတ်ဖြတ်တတ်သော ဥပစ္ဆေဒကံကြောင့်လည်းကောင်း အနာရောဂါဆိုးတို့နှင့် တွေ့ကြုံသေရခြင်း၊
မြေပြို၍ သေရခြင်း၊ မိုးကြိုးကျ၍ သေရခြင်း၊
သေနတ်ဗုံးဆန်မှန်၍ သေရခြင်း၊
သူတစ်ပါးက ဓား လှံ လက်နက်ဖြင့် ထိုးသတ်၍ သေရခြင်း၊
ရေနစ်သေရခြင်း စသည်များလည်း ကံတစ်ပါးက သတ်မှတ်၍ သေရခြင်းမည်ပါသည်။
မီးစာဆီ နှစ်မျိုး မကုန်သေးသော်လည်း လေပြင်းတိုက်ခတ်မှု၊ တမင်ငြှိမ်းသတ်မှုကြောင့် မီးငြိမ်းခြင်းမျိုးနှင့်တူပါသည်။
ဤဥပစ္ဆေဒကကံတစ်ခုခုကြောင့်သေရခြင်းကိုအချိန်
မကျသေးဘဲ သေရခြင်း (အကာလမရဏ) ဟုခေါ်ပါသည်။
သေချိန်မကျဘဲ သေရသူများ
သတ္တ၀ါတို့၏သန္တာန်ဝယ် ရှေးရှေးက ပြုခဲ့သော မကောင်းမှုလေးများ ကိုယ်စိကိုယ်ငှ အများအပြား ပါရှိတတ်ပါသည်။
ထိုကံများသည် မိမိ တို့ချည်းသက်သက် သေကြေအောင် မတတ်နိုင်သော်လည်း အဆင်ခြင် အမြော်အမြင်မရှိ၍ အစားမတတ်၊ အသွားမတတ်၊ အနေမတတ်သူများကို ဘေးဥပါဒ်ရောက်အောင် ထိုဘေးဖြင့် သေကြေပျက်စီးအောင်ကား တတ်နိုင်ကြပါသည်။
ရှေးရှေးက သူတစ်ပါးကို အငတ်ထားခဲ့ဖူးခြင်း၊ မြွေနှင့်တိုက်ခြင်း၊ အဆိပ်ခတ်သတ်ခြင်း၊ တုတ်,ဓား စသည်ဖြင့်ရိုက်သတ်ခြင်း၊ ရေနှစ်သတ်ခြင်း စသည်ဖြင့် သူတစ်ပါးသေအောင် တစ်နည်းနည်းဖြင့် ပြုခဲ့သော သူသည် ထိုကံများ အခွင့်ရသော ဘ၀ဝယ် ထမင်းငတ်၍ သေတတ်၊ ရေငတ်၍ သေတတ်၊ မြွေကိုက်၍သေတတ်၊ အဆိပ်မိ၍ သေတတ်၊ လက်နက်ဖြင့်သေတတ်၊ ရေနစ်၍ သေတတ်၊ မီးလောင်၍ သေတတ်ကြလေသည်။
သူတစ်ပါးကို တစ်နည်းနည်းဖြင့် နှိပ်စက်သတ်ဖြတ်ခဲ့ဖူးသူသည် ယခုဘ၀၌ လေနာခြင်း၊သလိပ်ရောဂါရှိခြင်း၊ ပန်းနာရှိခြင်း၊ နူနာရီခြင်း၊ မကျန်းမမာရှိခြင်း စသည်ဖြင့် ညှိုးနွမ်းပင်ပန်းစွာ အသက်ရှည်နေရသည့်ပြင် ထိုရောဂါများဖြင့်ပင် သေရတတ်သည်။
ဤသို့ စသည်ဖြင့် ရှေးကံကလေးများသည် ဆင်ခြင်စဉ်းစား သတိထားတတ်သူတို့၌ နှိပ်စက်ခွင့်၊ သတ်ဖြတ်ခွင့်မရသော်လည်း မစဉ်းစား မဆင်မခြင် ရှိသူတို့ကား မကျမ်းမာအောင် သေကြေအောင်နှိပ်စက်တတ်လေသည်။
ထို့ကြောင့်....
အသက်ဥာဏ်စောင့်၊ ဥစ္စာကံစောင့်။
အသွားမတော် တစ်မုဟုတ်၊
အစားမတော် တစ်လုတ်။
ကျားရဲရာ ကြမ္မာမရိုးသာ။
ကံယုံပြီး ဆူးပုံ မနင်းရာ။
ဟူ၍ ရှေးလူကြီးသူမများက ဆိုဆုံးမထားခဲ့ခြင်း ဖြစ်ပါသည်။
ထိုစကားများ၏ ဆိုလိုရင်းသည် လူတိုင်းမှာပင် မကောင်းကျိုးပေးရန် အကုသိုလ်များ ရှေးဘ၀များစွာက တစ်မျိုးနှစ်မျိုး စသည် ပြုမိခဲ့ကြသဖြင့် ကိုယ်စီကိုယ်ငှ ရှိကြသည်။
ထိုကံများသည် အလွန်သတ္တိမထက်လျှင် သူတို့ဘာသာ အကျိုးပေးခွင့်သာအောင် မတတ်နိုင်ကြပါ။အစဉ်းစား အဆင်ခြင် မရှိသူများ၌သာ အသွားအလာ၊ အစားအသောက်၊ အနေအထိုင် မတတ်သည့်အတွက် ထိုကံများ အကျိုးပေးခွင့်ရကြပါသည်။
သို့ဖြစ်၍ အသက်ရှည်စွာ အနာကင်းမှုကို ဂရုစိုက်ခြင်း မရှိလျှင် ဥပစ္ဆေဒကကံ အခွင့်သာ၍ သက်တမ်းမစေ့ခင်က ကံအစွမ်း မကုန်သေးခင်သေရမည်မှာ မုချဖြစ်ပါသည်။
(အရှင်ဃောသိတ၏ ဗုဒ္ဓအလိုကျသေနည်းမှတဆင့်တင်ပြသည်)
(credit to ကိုယ့်စိတ်ကိုယ်စစ် ဝိပဿ နာရိပ်သာ)
မှတဆင့်တင်ပြပါသည်ခင်ဗျာ