> ရင်းသွေးငယ် ဖွံ့ဖြိုးတိုးတက်ရေးဖောင်ဒေးရှင်းမှ နန့်စီးအောင်-ပေကုန်းကျေးရွာတွင် ဒေသခံကလေးမိဘများနှင့် တွေ့ဆုံဆွေးနွေး
> နန့်စီးအောင်၊ ဒီဇင်ဘာ ၁၅
> @@@@@@@@@@@@@@@@@@@@@@@@@@@@@@@@@@@@
> စစ်ကိုင်းတိုင်းဒေသကြီး၊ အင်းတော်မြို့နယ်၊ မော်လူးဒေသ၊ နန့်စီးအောင် -ပေကုန်းကျေးရွာတွင် အင်းတော်မြို့ ရင်သွေးငယ် ဖွံဖြိုးတိုးတက်ရေး ဖောင်းဒေးရှင်းမှ တာဝန်ရှိသူများသည် ဒီဇင်ဘာ ၁၅ရက် နေ့လည် ၁၂ နာရီအချိန်က ကျေးရွာအုပ်ချုပ်ရေးမှူးရုံးတွင် ဒေသခံပြည်သူ ကလေးမိဘများနှင့် တွေ့ဆုံဆွေးနွေးခဲ့ကြကြောင်း သိရသည်။
> အဆိုပါ တွေ့ဆုံဆွေးနွေးပွဲသို့ မုံရွာတိုင်းဝန်ကြီးဋ္ဌာနခွင့်ပြုမိန့်အရ အင်းတော်မြို့ ရင်သွေးငယ် ဖွံဖြိုးတိုးတက်ရေး ဖောင်ဒေးရှင်းမှ ဦးအောင်နိုင်လင်းဦးစီးသည့်အဖွဲ့နှင့် ပလန်မြန်မာအဖွဲ့အစည်း၊ နန့်စီးအောင်-ပေကုန်းကျေးရွာ မိခင်နှင့်ကလေးစောင့်ရှောက်ရေးအသင်း ဥက္ကဋ္ဌ ဒေါ်လှသောင်း၊ မူကြိုဆရာမ ၆ ဦး၊ ကျေရွာဖွံဖြိုးတိုးတက်ရေး အထောက်အကူပြုကော်မတီဝင်များနှင့် ဒေသခံ ကလေးမိဘ ၄၀ ဦးခန့်တက်ရောက်ခဲ့ကြောင်း သိရသည်။ ဆွေးနွေးပွဲတွင် ပလန်မြန်မာအဖွဲ့အစည်းမှ တာဝန်ရှိသူတစ်ဦးက ကလေးသူငယ်ဘက်စုံဖွံဖြိုးတိုးတက်ရေးအတွက် နည်းပညာများထောက်ပံ့ပေးမည်ဖြစ်ကြောင်း ၊ ရင်သွေးငယ် ဖွံဖြိုးတိုးတက်ရေး ဖောင်ဒေးရှင်းမှ တာဝန်ရှိသူတစ်ဦးမှ ကိုယ်ဝန်ဆောင်မှ အသက် ၈ နှစ်အထိ ကလေးသူငယ်များတွက် ကျန်းမာရေးနှင့် ဖွံဖြိုးတိုးတက်ရေးအတွက် ဆောင်ရွက်သင့်သည်များကို ရှင်းလင်းပြောကြားခဲ့ကြောင်း သတင်းရရှိသည်
No comments:
Post a Comment