💐ငါးပါးသီလ ဖောက်ဖျက်ခဲ့ရင်
လူ့ဘဝမှာ တစ်ခုခု လိုနေလိမ့်မယ်💐
☘☘☘☘☘☘☘☘☘☘☘☘☘
လူဝတ်ကြောင်တွေဆိုရင်တော့ အနည်းဆုံး
ငါးပါးသီလလောက်ကို လုံခြုံအောင် လုပ်ရမယ်။
ငါးပါးသီလကို “ဝါရိတ္တသီလ”လို့ခေါ်တယ်။
တစ်ပါးမှလျော့လို့ မရဘူးနော်။
ငါးပါးသီလပြည့်စုံမှ လူ့ဘဝပြည့်စုံမယ်။
အဲဒါလေးကို နည်းနည်းလောက်
ပြန်စဉ်းစားကြည့်ရအောင်။
လူတစ်ယောက်ဟာ အရင်ဘဝတုန်းက
ငါးပါးသီလထဲက လေးပါးလောက်ကို
ပြည့်စုံအောင် ဖြည့်ကျင့်ခဲ့တယ်နော်။
❖အဲဒီအထဲမှာ “ပါဏာတိပါတကံ”ကို မလုံခြုံခဲ့ဘူး
ဆိုရင် လူ့ဘဝရောက်လာတဲ့အခါမှာ ချမ်းချမ်းသာသာ
ဖြစ်ပေမယ့်လို့ အသက်တိုမယ်။
ဘယ်သူက အသက်တိုတို နေချင်မလဲနော်။
ပါဏာတိပါတာကံ မလုံခြုံခဲ့ရင် လူဖြစ်လာတဲ့အခါမှာ
အနာရောဂါများမယ်၊ အသက်တိုမယ်။
ဒါက အပေါ့ဆုံးအပြစ်နော်။
ငရဲကျတာ၊မကျတာ အသာထားနော်။
ငါးပါးသီလရဲ့အပေါ့ဆုံးအပြစ်က ဒီအထိအောင် ခံရမယ်။
❖အာဒိန္နာဒါနကံ မလုံခြုံခဲ့ရင်ပစ္စည်းဥစ္စာတွေ
ရှာလို့တော့ရပါရဲ့။ခဏခဏ ပျက်စီးသွားမယ်။
မီးလောင်တဲ့အထဲ ပါသွားမယ်။
ကိုယ့်ရဲ့ပစ္စည်းဟာ အမြဲတမ်း ပျက်စီးနေမယ်။
❖နောက်တခု ကာမေသုမိစ္ဆာစာရကံ မလုံရင်
လူမုန်းများတယ်။ သူနဲ့ဘယ်သူမှ မတည့်ဘူး။
သူ့မျက်နှာမြင်တာနဲ့ အလိုလိုမုန်းလာတယ်။
အခြောက်တိုက် မုန်းတာမျိုးပေါ့။
နောက်ပြီးတော့ “ကျား”မဟုတ် “မ”မဟုတ်
ဖြစ်တတ်တယ်။
❖မုသာဝါဒကံ မလုံရင် သူ့စကားကို မယုံကြတော့ဘူး။
သူပြောသမျှ မည်သူတစ်ဦးတစ်ယောက်မျှ
မယုံကြည်တဲ့အခါ သူ့ရဲ့စကား အရာမရောက်ဖြစ်တယ်။
ဒါကြောင့် “မုသားဆို ရယ်စရာအနေနဲ့တောင် မပြောဘဲ
ရှောင်ကြဉ်သင့်တယ်”လို့မြတ်စွာဗုဒ္ဓ ဟောကြားထားတယ်။
❖သုရာမေရယကံ မလုံခြုံခဲ့သူဟာ ဖြစ်ရာဘဝမှာ
ဦးနှောက်မပြည့်ဘူး။ ကျပ်မပြည့်ဘူး ပြောကြတယ်။
ရူးနှမ်းနှမ်း ဖြစ်တတ်တယ်။
ဒါ့ကြောင့် လူတွေရဲ့အခြေခံသီလဖြစ်တဲ့
ငါးပါးသီလလောက်ကို လုံခြုံအောင် စောင့်ထိန်းသင့်တယ်။
ငါးပါးသီလထဲက တစ်ခုမှ လျော့လို့မရဘူး။
လူရယ်လို့ ဖြစ်လာတဲ့အခါမှာ-
အသက်ရှည်ရမယ်။
ကျန်းမာပြီး အနာကင်းရမယ်။
ပစ္စည်းဥစ္စာ ရှိရမယ်။
လူချစ်လူခင် ပေါများရမယ်။
ဉာဏ်ပညာပြည့်စုံရမယ်။
ဩဇာရှိရမယ်။
ရူးနှမ်းနှမ်း မဟုတ်ဘဲ တည်ကြည်သူဖြစ်ရမယ်။
ငါးပါးသီလလုံခြုံရင် အဲဒီအကျိုးတွေ ရမယ်။
ဒါမှ လူ့ဘဝမှာ ပြည့်စုံသူလို့ ပြောလို့ရမယ်။
ငါးပါးသီလ ဖောက်ဖျက်ခဲ့ရင် လူ့ဘဝမှာ
တစ်ခုခု လိုနေလိမ့်မယ်။
-【စာရိုက်ပူဇော်သူ - Admin Team of
Young Buddhist Association】
-【ပါမောက္ခချုပ်ဆရာတော်ဒေါက်တာ
အရှင်နန္ဒမာလာဘိဝံသ】
Posted by►
www.facebook.com/youngbuddhistassociation.mm
ခရက်ဒစ်ပေးပါတယ်။
ကိုဇာဏီ(ကံမ)
No comments:
Post a Comment