အသီးအရွက်များများစားကြစို့

သက်ရှည်ကျန်းမာနေထိုင်ဖို့အသီးအရွက်များများစားကြစို့
***************************************
ကျွန်ုပ်တို့နေ့စဉ် စားသုံးသည့် အစားအစာတွင် အသီးအရွက် အတော်အသင့် ပါဝင်သင့်ကြောင်း သိရှိပြီးဖြစ်ပါသည်။ ၎င်းမှာ ၄ဝဝ ဂရမ်ခန့်ဟု နားလည်ထားပါသည်။ သို့ပါသော်လည်းအင်္ဂလန်နိုင်ငံအင်ပီးရီးယယ်ကောလိပ်မှ သုတေသန တွေ့ရှိချက်အရ နေ့စဉ် စားသုံးနေသည့် အသီးအရွက်ကို ၈ဝဝ ဂရမ်ထိ တိုး၍စားလျှင် ပိုကောင်းကြောင်း သုတေသနတွေ့ရှိချက်များကအတည်ပြု လိုက်ပါသည်။

ယင်းသုတေသီတို့၏ ယူဆချက်မှာ တစ်ကြိမ်စားလျှင် အသီးအရွက် ၈ဝ ဂရမ် ပါဝင် သင့်ကြောင်းနှင့် တစ်နေ့လျှင် အသီးအရွက် ၈ဝဝ ဂရမ်စားသုံးလျှင် နှလုံးသွေးကြော ပိတ်ခြင်း၊ လေဖြတ်ခြင်းနှင့် ကင်ဆာရောဂါများဖြစ်ခြင်းကို သိသိသာသာ လျော့ကျစေသည်ဟု တင်ပြထားပါသည်။ ထို့ပြင် ဤသို့ စားသုံးခြင်းဖြင့် တစ်နှစ်လျှင် ရှစ်သန်းခန့်သော လူများ သက်တမ်းမစေ့မီ သေဆုံးခြင်းကို ကာကွယ်နိုင်မည် ဖြစ်ပါသည်။

ယင်းသုတေသီတို့သည် လူပေါင်း နှစ်သန်းပါဝင်သော သုတေသန ၉၅ ခုကို စနစ်တကျ လေ့လာပြီး သုတေသနပေါင်းချုပ် အနှစ်ချုပ်အဖြစ် အဖြေထုတ်ခဲ့ပါသည်။

ဤသုတေသန ပေါင်းချုပ်တွင် နှလုံးရောဂါသည် ငါးသောင်း၊ လေဖြတ်ရောဂါ ခံစားရသည့် ဝေဒနာရှင် ငါးသောင်း၊ သွေးတိုးရောဂါသည် ရှစ်သောင်း၊ ကင်ဆာရောဂါသည် တစ်သိန်းတို့ ပါဝင်ပါသည်။ထို့ပြင်သေဆုံးသွားသူတစ်သိန်းကိုလည်း လေ့လာခဲ့ပါသည်။

ဤသုတေသနတွင် အသီးအရွက် လုံးဝမစားသူများအုပ်စု၊ အသီးအရွက် တစ်နေ့လျှင်၂ဝဝ ဂရမ် စားသည့်အုပ်စုနှင့် အသီးအရွက် တစ်နေ့လျှင် ၈ဝဝ ဂရမ်စားသည့်အုပ်စုဟူ၍ အုပ်စုကြီးသုံးစု ခွဲကာလေ့လာခဲ့ပါသည်။

အသီးအရွက်တစ်နေ့လျှင် ၂ဝဝ ဂရမ် စားသုံးသည့် သူများသည် လုံးဝ မစားသုံးသူများနှင့် ယှဉ်သော် နှလုံးရောဂါနှင့် လေဖြတ်ရောဂါကို ၁၅ ရာခိုင်နှုန်း လျော့ကျ စေနိုင်ကြောင်း၊ ကင်ဆာရောဂါ ဖြစ်ခြင်းကို ၄ ရာခိုင်နှုန်း လျော့ကျစေနိုင်ကြောင်းနှင့် သက်တမ်းမစေ့မီ သေဆုံး စေနိုင်ခြင်းကို ၁၅ ရာခိုင်နှုန်း ကျဆင်းစေနိုင်ကြောင်း တွေ့ရှိရပါသည်။

သို့ပါသော်ငြားလည်း နေ့စဉ်အသီးအရွက် စားသုံးမှုကို ၈ဝဝ ဂရမ်အထိ တိုးလိုက်သောအခါ နှလုံးရောဂါနှင့် လေဖြတ်ရောဂါကို ၃ဝ ရာခိုင်နှုန်းထိ ထပ်မံ လျော့ကျစေနိုင်ကြောင်း၊ ကင်ဆာရောဂါ ဖြစ်ခြင်းကို ၁၃ ရာခိုင်နှုန်း လျော့ကျစေနိုင်ကြောင်းနှင့် သက်တမ်း မစေ့မီ သေဆုံး စေနိုင်ခြင်းကို ၃ဝ ရာခိုင်နှုန်း ကျဆင်းစေသည်အထိ တွေ့ရှိရပါသည်။

နှလုံးရောဂါ၊ လေဖြတ်ရောဂါနှင့် သက်တမ်းမစေ့မီ သေဆုံးစေနိုင်ခြင်းကို ကာကွယ် နိုင်သည့် အကောင်းဆုံး အသီးအရွက်များမှာ လိမ္မော်သီး၊ သံပရာသီး၊ ရှောက်သီး၊ ဂရိတ်ဖရုသီး စသော ချဉ်သော အရသာရှိသည့် အသီးများ၊ ပန်းသီးအမျိုးမျိုး၊ ဆလတ်ရွက်၊ ဂေါ်ဖီထုပ်၊ မုန်ညင်းရွက်၊ မုန်လာရွက် စသည့် အစိမ်းရောင်ရှိသည့် အရွက်များနှင့် ပန်းဂေါ်ဖီ၊ ပန်းဂေါ်ဖီစိမ်းတို့ ပါဝင်ပါသည်။

ကင်ဆာဖြစ်နှုန်းကို လျော့ကျစေသည့် အသီးအရွက်များမှာ ဆလတ်ရွက်၊ ဂေါ်ဖီထုပ်၊ မုန်ညင်းရွက်၊ မုန်လာရွက် စသည့် အစိမ်းရောင်ရှိသည့် အရွက်များ၊ အဝါရောင်ရှိသည့် ငရုတ်ပွနှင့် ပန်းဂေါ်ဖီ၊ ပန်းဂေါ်ဖီစိမ်းတို့ ဖြစ်ပါသည်။

အသီးအရွက်များသည်ကျွန်ုပ်တို့ ၏ သွေးအတွင်းရှိ ကိုလက်စထရောကို လျော့ကျစေပါသည်။ သွေးကြောများကို ပိုမိုကျယ်စေပြီး သွေးတိုးခြင်းမှလည်း ကာကွယ်ပေးပါသည်။

ထို့ပြင် ကျွန်ုပ်တို့ သွေးကြောများ၏ သန်စွမ်းကောင်းမွန်မှုကို အထောက်အကူဖြစ်စေပါသည်။ ကိုယ်ခံစွမ်းအားကိုလည်း တက်စေပါသည်။ အသီးအရွက်များတွင် ဓာတ်မတိုးပစ္စည်းများ ပါဝင်သဖြင့် ဆဲလ်များ၏ ဒီအင်န်အေ ပျက်စီးမှုကို လျော့နည်းစေပြီး ကင်ဆာဖြစ်ပွားခြင်းကို ဟန့်တားပေးခြင်းဖြစ်ပါသည်။

အသီးအရွက်များတွင် ဖော်ပြပါ တန်ဖိုး မဖြတ်နိုင်သည့် အစွမ်းသတ္တိများရှိသဖြင့် တတ်နိုင်သရွေ့ များများ စားသုံး သင့်ပါသည်။

ထို့ပြင်ဟင်းသီးဟင်းရွက်များကိုလတ်လတ်ဆတ်ဆတ်သာ စားသုံးသင့်ပါသည်။

သို့ဖြစ်ပါ၍ ကျွန်ုပ်တို့အားလုံး နှလုံးရောဂါ၊ လေဖြတ်ရောဂါ၊ သွေးတိုးရောဂါ၊ ကင်ဆာရောဂါများကို ကာကွယ်ပြီး အသက်ရှည် ကျန်းမာစွာ နေထိုင်နိုင်ရန်အတွက် အသီးအရွက်ကို နေ့စဉ် ၈ဝဝ ဂရမ်ခန့်စားသုံးသင့်ကြောင်း တင်ပြအပ်ပါသည်။
#{{ မှတ်ချက်။   ။ ၁၀၀ဂရမ် = ၆ကျပ်တမတ်သား}}#
~~~~~~~~~~~~~~~~~~~~~~~~~~~~~
Crd:     :ပါမောက္ခ ဒေါက်တာ ခင်ဖြူပြာ

ပူစီနံ အကျိုးကျေးဇူး

ပူစီနံ(ပူဒီနာ)၏ ကျန်းမာရေးအကျိုးကျေးဇူးများ
**********************************
ပူစီနံရွက်ထဲတွင် အမျှင်ဓာတ်အမြောက်အမြား ပါရှိသဖြင့်၊ မကောင်းသော ကိုလက်စထရော(LDL )ကိုလျှော့ချပေးပြီး ကောင်းသောကိုလက်စထရော(HDL)ကို မြှင့်တင်ပေးလို့ နှလုံးရောဂါကို မဖြစ်စေနိုင်ပါ။ ဒါ့ပြင် မဂ္ဂနီစီယမ်ဓာတ်ပါရှိလို့ နှလုံးခုန်နှုန်းကို ပုံမှန် ထိန်းသိမ်းပေးနိုင်၏

ပူဒီနာ(ပူစီနံ)ဟာရှေးကျသောဆေးဖက်ဝင်ဟင်းခတ်အမွှေးအကြိုင်အဖြစ်လူသိများပါတယ်။ကမ္ဘာပေါ်တွင်ပူစီနံပင်အမျိုးအစားပေါင်း ၃၀ ခန့်ရှိပြီး၊အပူအအေးမျှတသောဥရောပနှင့် အာရှတိုက်ဒေသများတွင်ကောင်းစွာဖြစ်ထွန်းကြ၏။အာရှတိုက်ရှိပူစီနံသည်ဥရောပတိုက်ရှိပူစီနံထက်အရသာမှာအနည်းငယ်ပို၍စူးရှပါတယ်။ပူစီနံပင်သည်ခရမ်း (သို့မဟုတ်) မရန်းနုရောင်ပန်းပွင့်ကလေးများဝေဝေဆာဆာဖူးပွင့်ကာသဲဆန်သောမြေတွင်ပိုမိုဖြစ်ထွန်းကြ၏။ရေအလွန်ကြိုက်သော အပင်ဖြစ်ပြီး၊မြေပြင်ပေါ်တွင်လျင်လျင်မြန်မြန်အမြစ်တွယ်ဖြန့်ကျက်၍ ပေါက်ရောက်လေ့ရှိကြပါတယ်။

ပူစီနံရွက်ကိုမိမိနှစ်သက်ရာငါး၊ပုစွန်နှင့်အသားအမျိုးမျိုးတို့တွင်ဟင်းခတ်အမွှေးအကြိုင်ဖြစ်သော်လည်းကောင်း၊မြန်မာ့ရိုးရအစားအစာမုန့်ဟင်းခါးဖြင့်တွဲဖက်၍သော်လည်းကောင်း၊အသုပ်၊တို့စရာအဖြစ်သော်လည်းကောင်းစားသုံးကြပါတယ်။ ထို့ပြင်ရေနွေးဆူဆူတွင်ပူစီနံရွက်ကိုအစိမ်းလိုက်ခတ်ထည့်၍သော်လည်းကောင်း၊သို့မဟုတ်အခြောက်ခံ၍သော်လည်းကောင်း၊သို့မဟုတ်အရွက်ခြောက်ကိုအမှုန့်ကြိတ်၍သော်လည်းကောင်းလက်ဖက်ရည်အဖြစ်သောက်သုံးကြပါတယ်။

၎င်း၏ ရှင်းသန့်တဲ့ရနံ့ကြောင့် ရှေးအီဂျစ်နှင့်ရောမလူမျိုးများက နေအိမ်နှင့်ဘုရား ကျောင်းများတွင် ပူစီနံပင်ကို အထူးတလည် စိုက်ပျိုးခဲ့ကြပါတယ်။ ဒါတင်မကသေးပါဘူး။ ပူစီနံရွက်ဟာ ရေကိုသန့်စေတဲ့ အစွမ်းသတ္တိရှိလို့၊ သောက်ရေသန့် လုပ်ရာမှာလည်း အသုံးပြုလေ့ရှိပါတယ်။ ထူးခြားကောင်းမွန်သော ရနံ့နှင့် အရသာတို့ကြောင့် အချို့နိုင်ငံများတွင် ပူစီနံရွက်၏ သတ္တုရည်ကိုအသုံးပြု၍ ပျားရည်၊ သကြားလုံး၊ ဂျယ်လီ၊ ပီကေ၊ အချိုရည်နှင့် ရေခဲမုန့်တို့ ပြုလုပ်ကြပါတယ်။

ကမ္ဘာပေါ်တွင်ဆေးဖက်ဝင်အပင်အမျိုးအစားပေါင်း မြောက်မြားစွာရှိနေသည့်အနက်ပူစီနံရွက်သည်လည်းတစ်ခုအပါအဝင်ဖြစ်ကာအနာရောဂါများကိုသူမတူအောင်ကုသနိုင်စွမ်းရှိပါတယ်။
WH Foods မှဆေးသုတေသီများ၏ဓာတ်ခွဲစမ်းသပ်ချက်များအရ
၁၀၀ ဂရမ်ရှိသော ပူစီနံရွက် လတ်လတ်ဆတ်ဆတ်ထဲတွင် လူသားတို့ကျန်းမာရေးကို အထောက်အကူပြုစေသော

ကယ်လိုရီ ၇၀ ၊
အဆီဓာတ် သုည ဒသမ ၉၄ ဂရမ်၊
ချေဖျက်လွယ်သောအမျှင်ဓာတ် ၈ ဂရမ်၊
ဗီတာမင်အေ ၁၄၁ ရာခိုင်နှုန်း၊
ဗီတာ မင်စီ ၅၃ ရာခိုင်နှုန်း၊
ကော့ပါး ၃၆ ရာခိုင်နှုန်း၊
သံဓာတ် ၆၃ ဒသမ ၅ ရာခိုင်နှုန်း၊
မဂ္ဂနီစီယမ် ၂၀ ရာခိုင် နှုန်း၊
မဂ္ဂနီးစ် ၅၁ ရာခိုင်နှုန်း၊
ဇင့် ၁၀ ရာခိုင်နှုန်း၊
ဖောလိပ် ၂၈ ရာခိုင်နှုန်း၊
ကယ်လ်စီယမ် ၂၄ ရာခိုင်နှုန်းတုိ့အသီးသီး ပါရှိကြပါတယ်။

၁။ ပူစီနံထဲတွင်ပါရှိသော ဗီတာမင်စီနှင့် ဗီတာမင်အေတို့က ဓာတ်တိုးဆန့်ကျင်ပစ္စည်းများအဖြစ် စွမ်းဆောင်ပေးပါတယ်။ ဒါ့ပြင် မဂ္ဂနီးစ်ဓာတ်သည် ခန္ဓာကိုယ်၏ဇီဝဖြစ်စဉ်ကိုတိုးတက်ကောင်းမွန်စေရုံသာမက၊ပူစီနံရွက်ဟာ Omega-3 Fatty Acids တို့စုဝေးရာအရင်းအမြစ်ဖြစ်လို့ကင်ဆာရောဂါတွေကို ကြိုတင်ကာကွယ်ပေးပါတယ်။
ပူစီနံထဲတွင် Phytonutrient (ခေါ်) Perillyl Alchol ပါရှိလို့၊ ကင်ဆာ အဖုအကျိတ် ကြီးထွားလာမှုကိုနှေးကွေးစေကာ၊ အထူးသဖြင့် အဆုတ်၊အူမကြီးနှင့်အရေပြားကင်ဆာတို့ကို ကာကွယ်ပေးနိုင်တယ်လို့ ဆေးသုတေသီများကဆိုပါတယ်။

၂။ ပူစီနံရွက်ဟာ ခန္ဓာကိုယ်မှ အဆိပ်အတောက်များကို ဆီးအဖြစ်ဖယ်ရှားသုတ်သင်ပေးလို့ဆီးရွှင်ဆေးအဖြစ်အသုံးပြုနိုင်ပါတယ်။အသည်းနှင့်သည်းခြေအိတ်တို့ကိုလည်းကောင်းကျိုးပြုပါတယ်။

၃။ ပူစီနံရွက်ထဲမှာ Anti-Spasmodic, Anti-Fungal နှင့် Rosmarinic Acid (ခေါ်) Anti-Inflamma- tory အစွမ်းသတ္တိများပါရှိသဖြင့် သဘာဝပိုးသတ်ဆေးအဖြစ်မှိုပိုးများကိုသေစေနိုင်သောအစွမ်းရှိလို့ပန်းနာရင်ကျပ်ရောဂါ၊အအေးမိတုပ်ကွေးနှင့်ချောင်းဆိုးချွဲကျပ်ရောဂါများကို သက်သာစေနိုင်ကြောင်း၊နားတွင်ရောင်ရမ်းခြင်းနှင့်အနာများကိုကျက်စေနိုင်ကြောင်းအိန္ဒိယဆေးပညာရှင်များကဆိုပါတယ်။ထိုအဆိုပြုချက်ကို WHF Foods နှင့် အနောက်ဗာဂျီးနီးယားတက္ကသိုလ်တို့မှလည်းအတည်ပြုထောက်းခံထားကြပါတယ်။

၎။ ပူစီနံရွက်ထဲရှိ သဘာဝဓာတုဓာတ်ပေါင်းစုတို့က ခံတွင်းထဲရှိ ဗက်တီးရီးယားပိုးများကိုသေစေပြီး ခံတွင်းရောဂါအမျိုးမျိုးနှင့် ခံတွင်းရနံ့ဆိုးများကို ပျောက်ကင်းစေပါတယ်။တစ်ပတ်လျှင် အနည်းဆုံး တစ်ကြိမ် (သို့မဟုတ်) နှစ်ကြိမ် ပူစီနံကို မှန်မှန်ဝါးပေးရုံဖြင့်သွားများကို ဖြူဖွေးစေရုံသာမက၊ အသက်ရှူ လမ်းကြောင်းကို ပွင့်စေနိုင်၏။ပူစီနံရွက်ဖြင့်ဖော်စပ်ထားသော သွားတိုက်ဆေးနှင့် ခံတွင်းသန့်စင် ဆေးရည်များကိုလူကြိုက်များရေပန်းစားလျက်ရှိပါတယ်။

၅။ ပူစီနံရွက်၂၀၀ ဂရမ်ကိုရေ ၃ လီတာဖြင့် ရောစပ်၍အပူချိန် 37.C တွင်ပြုတ်ပါ။ထိုပြုတ်ရေကိုခပ်နွေးနွေး အနေအထားတွင်ရေချိုးပေးခြင်းဖြင့် အကြောဆွဲခြင်းနှင့်ဒူလာပါဒရက်ရောဂါဝေဒနာများကို သက်သာလာစေနိုင်၏။

၆။ ပူစီနံရွက်ထဲတွင် အမျှင်ဓာတ်အမြောက်အမြား ပါရှိသဖြင့်၊ မကောင်းသောကိုလက်စထရော(LDL) ကိုလျှော့ချပေးပြီး ကောင်းသောကိုလက်စထရော(HDL) ကို မြှင့်တင်ပေးလို့ နှလုံးရောဂါကို မဖြစ်စေနိုင်ပါ။ ဒါ့ပြင် မဂ္ဂနီစီယမ်ဓာတ်ပါရှိလို့ နှလုံးခုန်နှုန်းကို ပုံမှန် ထိန်းသိမ်းပေးနိုင်၏။

၇။ သွေးသန့်စေပြီး ကာမအားကို တိုးပွားလာစေပါသည်။

၈။ ပူစီနံရွက်ထဲတွင်ကယ်လ်စီယမ်နှင့်မဂ္ဂနီစီယမ်တို့အလုံအလောက်ပါရှိသဖြင့်ကိုယ်ခံစွမ်းအားကိုတိုးတက်မြင့်မားစေကာအရိုးကိုသန်စွမ်းစေပါတယ်။မဂ္ဂနီစီယမ်အစွမ်းကြောင့် သွေးထဲရှိသကြားပမာဏကိုထိန်းညှိပေးခြင်း၊သွေးခုန်နှုန်းကိုပုံမှန်ဖြစ်စေခြင်း၊ခန္ဓာကိုယ်တစ်သျှူးများကို ပြန်လည်အား ဖြည့်ပေးခြင်း၊ကြွက်သားနှင့်အာရုံခံအင်္ဂါအဖွဲ့အစည်းကို ကောင်းစွာအလုပ်လုပ်စေခြင်းစသည်ဖြင့်ကောင်းကျိုးပြုပါတယ်။

၉။ လေချုပ်ခြင်း၊ အစာမကြေ ရင်ပြည့်ရင်ကယ်ဖြစ်ခြင်း၊ ဝမ်းဖောဝမ်းရောင်ခြင်း၊ဝမ်းသွားခြင်း၊ လေထိုး လေအောင့်ခြင်းနှင့် အစာအဆိပ်သင့်ခြင်းတို့မှ ပျောက်ကင်းစေပြီး အစာအိမ်၊ အူသိမ်၊ အူမနှင့် အူလမ်းကြောင်းဆိုင်ရာ ရောဂါဝေဒနာများကိုကောင်းစွာ ကုသပေးနိုင်ပါတယ်။ ပူစီနံရွက်ခြောက်ကို လက်ဖက်ရည်ကြမ်းခတ်၍သောက်သုံးခြင်းဖြင့် အစာချေစနစ်ကိုတိုးတက်ကောင်းမွန်စေကာအစာအိမ်နာအမျိုးမျိုးမှ ကာကွယ်ပေးနိုင်ပါတယ်။

ပူစီနံရွက်အဆီနှင့် ကျန်းမာရေး
--------------------------------
၁။ ပူစီနံရွက်မှ ရရှိသောအဆီသည် လူကိုလန်းဆန်းတက်ကြွစေကာ၊ ခွန်အားဖြစ်စေ၏။ထို့ကြောင့် စိတ်ပင်ပန်း နွမ်းလျခြင်း၊ စိတ်ဖိစီးမှုများခြင်း၊ စိတ်ဓာတ်ကျခြင်း၊ ခေါင်းတစ်ခြမ်းကိုက်ခြင်းနှင့် ခေါင်း ကိုက်ဝေဒနာအမျိုးမျိုးတို့အတွက် ပူစီနံရွက်အဆီကို နားထင်နှင့်ဇက်ပိုးများတွင် ပွတ်လိမ်းပေးခြင်းဖြင့် ဝေဒနာများ သက်သာကောင်းမွန်လာစေပါတယ်။

၂။ လည်ချောင်းနာရောဂါများနှင့် အသံဝင်၊ အသံကွဲ၊ အသံပြာခြင်းတို့အတွက် ပူစီနံရွက်အဆီ အနည်းငယ်ကို ရေနွေးဖြင့်ရောစပ်၍ ပလုတ် (အာလုတ်) ကျင်းပေးနိုင်ပါတယ်။

၃။ ပူစီနံရွက်အဆီ ၅ ဂရမ်ကို၊ အရက် ၉၅ ဂရမ်ဖြင့်ရောစပ်၍ လိမ်းကျံပေးခြင်းဖြင့် ဒူလာရောဂါကြောင့် အဆစ်အမြစ် ရောင်ရမ်းကိုက်ခဲခြင်းနှင့် ကိုယ်လက် ယားယံခြင်းတို့ကိုလည်း သက်သာလာစေနိုင်ပါ တယ်။

၎။ ပူစီနံရွက်အဆီကို Aroma အဖြစ် အရေပြားပေါ်လိမ်းကျံ၍ အသာအယာနှိပ်ပေးရုံမျှဖြင့်အေးမြစေကာ ချွေးထွက်လွန်ခြင်းကို သက်သာလာစေနိုင်ပါတယ်။

၅။ အင်းဆက်ပိုးမွှားများ ကိုက်ခံရပါက ပူစီနံရွက်အဆီကို လိမ်းပေးနိုင်ပါတယ်။

၆။ ကြွက်တက်ခြင်း၊ အဆစ်လွဲခြင်းတို့ကိုလည်း သက်သာပျောက်ကင်းစေပါတယ်။

ပူစီနံရွက်နှင့် အသားအရေထိန်းသိမ်းနည်း
-------------------------------------------
၎င်း၏ထူးခြားသောရနံ့နှင့်ကောင်းမွန်သောအစွမ်းသတ္တိများကြောင့်ကရင်(မ်)၊လိုးရှင်း၊ခေါင်းလျှော်ရည်၊မျက်နှာသန့်စင်ဆေးရည်၊အလှဆီ၊ဆပ်ပြာစသည့်အလှကုန်ပစ္စည်းအမျိုးမျိုးနှင့်ရေမွှေးများထုတ်လုပ်ရောင်းချလျက်ရှိကြပါတယ်။ပူစီနံရွက်တွင် Antibacterial အစွမ်းသတ္တိများပါရှိခြင်းတို့ကြောင့်မျက်နှာပေါ်ရှိဝက်ခြံ၊ တင်းတိတ်နှင့်အမည်းစက်များကိုသက်သာလာစေနိုင်ပါတယ်။

ပူစီနံရွက်ဖြင့် ငွေကုန်ကြေးကျမများဘဲ လွယ်လင့်တကူ
အောက်ပါနည်းလမ်းတို့ဖြင့် အသားအရေထိန်း သိမ်းနိုင်ပါတယ်။

(၁) သဘာဝ အသားအရေပိုင်ရှင်များအတွက် ကြိတ်ချေထားသော ပူစီနံရွက်တစ်ခွက်၊သုံးခွက်၊သဘာဝဆားစားပွဲတင်ဇွန်းတစ်ဇွန်းတို့ကိုမိမိသုံးနေကျ Facial Cleanser ထဲထည့်ရောမွှေကာမျက်နှာအနှံ့စက်ဝိုင်းပုံသဏ္ဌာန်လိမ်းကျံပေးပြီးနောက် ရေနွေးနွေးဖြင့်သစ်ပေးနိုင်ပါတယ်။

(၂) မကြာခဏ ဝက်ခြံပေါက်သော အသားအရေပိုင်ရှင်များသည် ကြိတ်ချေထားသောပူစီနံရွက်ကို အုတ်ဂျုံဖြင့် ရောနယ်လိမ်းပေးကာ မိနစ် ၂၀ အကြာတွင် ရေနွေးနွေးဖြင့်
သန့်စင် ဆေးကြောပေးနိုင်ပါ တယ်။

(၃) မျက်နှာပေါ်တွင် အမည်းအစက်ပြောက် ရှိသူများအတွက် ပူစီနံရွက်ခြောက်ကိုမန်ကျည်းသီးအနှစ်၊ ရေအနည်းငယ်တို့ဖြင့် ခပ်ပျစ်ပျစ်ဖျော်ကာ အမည်းအစက်အပြောက်
များပေါ်သို့ လိမ်းကျံပေးနိုင်ပါတယ်။

(၄) ခန္ဓာကိုယ်အသားအရေ ညက်ညောလိုသူများသည် ပူစီနံရွက်နှင့် ဗာဒံစေ့တို့ကိုကြိတ်ချေကာ ရေနွေးနည်းနည်းရော၍ ရရှိလာသောအနှစ်ဖြင့် တစ်ကိုယ်လုံးကို လိမ်းကျံပြီး
ခြောက်သွားသောအခါ ရေနွေးဖြင့် ရေချိုးသန့်စင်ပေးနိုင်ပါတယ်။

(၅) ပူစီနံရွက်ပြုတ်ဖြင့် ရေချိုးပေးခြင်းဖြင့်အသားအရေခြောက်သွေ့ခြင်းမှ ကင်းဝေးကာ စိုပြည် လှပလာပါလိမ့်မယ်။

***ဘေးထွက်ဆိုးကျိုးများ***
################
(က) ပူစီနံရွက်အဆီသည် ကိုယ်ဝန်ဆောင်မိခင်များ၊နို့တိုက်မိခင်များနှင့် ရင်ခွင်ပိုက်ကလေးငယ်များ အတွက် မသင့်လျော်ပါ။

(ခ) အဆီကို သောက်သုံး၍မရပါ။ (External Use အတွက်သာဖြစ်ပါသည်။)

(ဂ) Aroma Oil Cream အဖြစ်အရေပြားကိုလိမ်းကျံရာတွင် အစက် ၃၀ ထက်ပို၍မသုံးသင့်ပါ။

ပူစီနံရွက်သည် သဘာဝဆေးစွမ်းသတ္တိများစွာ စုဝေးရာအရင်းအမြစ်ဖြစ်သောကြောင့်လူသားတို့ကျန်းမာရေးကို များစွာ အထာက်အကူပြုစေပါတယ်။ ထို့ကြောင့် ဘက်ပေါင်းစုံမှ
ကောင်းမွန်သော သဘာဝ ဆေးဖက်ဝင်ပူစီနံရွက်ကို လက်လွှတ်မခံဘဲ အလေ့အကျင့်ကောင်းတစ်ခုလုပ်ယူကာ၊ စားသုံးပေးကြပါ ရန်တိုက်တွန်းအပ်ပါသည်။

မှီးငြမ်း
Health Benefits of Mint Leaves By Derek and Deepika Sahu, TNN Oct 22,2011.

ပေါက်ပေါက်
ကြေးမုံသတင်းစာ
ဒီဇင်ဘာလ (၂၉) ရက်၊ ၂၀၁၄ ခုနှစ်

ဒန့်သလွန်သီး နဲ့ ကျန်းမာရေး

ဒန့်သလွန်သီးက ကျန်းမာရေးအတွက်ဘာတွေရမလဲ
***************************************
ဒန့်သလွန်ပင်သည် အတန်ငယ်ခြောက်သွေ့သော အပူလျော့ဇုန်ပိုင်း ဒေသများတွင် ကောင်းစွာဖြစ်ထွန်းပြီး အစေ့မှ အပင်ပေါက်ခြင်း ဖြစ်ပါသည်။ ရှင်သန်မှုလျှင်မြန်သော နှစ်ရှည်ပင်ဖြစ် ပါသည်။ မိုးဥတုတွင်တော့ ဒန့်သလွန်ပင်၏ အကိုင်းရင့်ရင့် အပိုင်းကိုခုတ်၍ စိုက်ပျိုးရှင်သန်နိုင်ပါသည်။ သို့သော် အစေ့မှ စိုက်ပျိုးခြင်းက သေချာမှုရှိစေပါသည်။ ဒန့်သလွန်ပင်၏ ပင်စည်အသားသည် အခြားအပင်များနှင့်မတူ တုတ်ခိုင်ခြင်းမရှိဘဲ ကိုင်းဆတ်ပြီး၊ ပိုးကိုက်တတ်သော ပင်စည် အမျိုးအစား ဖြစ်သည့်အတွက် အပင်ပေါ်တက်ရန် အန္တရာယ် များလှပါသည်။ ထို့ကြောင့် အသီးတောင့်နှင့် အရွက်တို့ကို အောက်မှ ၀ါးလုံးတံချူဖြင့်သာ ခူးဆွတ်လေ့ ရှိကြပါသည်။ အသီးတောင့်များ မရင့်မှည့်ခင် အပင်ပေါ်မှ ခူးဆွတ်ပေးရပါသည်။ တစ်နှစ်ပတ်လုံးလိုလို အစိမ်းရောင် အရွက်ဝိုင်းဝိုင်း ကလေးများဖြင့် ဝေနေတတ်သော်လည်း ဆောင်းအကုန် နွေဦးရာသီတွင်တော့ အရွက်ကြွေလေ့ ရှိပါသည်။ ထို့နောက် ရွက်ဟောင်းကြွေပြီး ရွက်နုပြန်ထွက်ကာ အဖြူရောင် အဖူး၊အပွင့်ပွင့်ပြီး အသီး စတင်သီးပါတော့သည်။ ရွက်နုပြန်ထွက်ခါစ အချိန်တွင် ဒန့်သလွန်ရွက်က ပို၍ချို ပါသည်။ တုတ်ချောင်းပုံသဏ္ဍာန် အသီးတောင့်များသည် ပင်စည်ကိုင်းခတ်များမှ တွဲလွဲခို၍ သီးကြပါသည်။

ကမ္ဘာပေါ်တွင် ဒန့်သလွန်ပင် စတင်ပေါက်ရောက်ရာ ဇာစ်မြစ်မှာ အိန္ဒိယနိုင်ငံ၏ အနောက်မြောက်ဘက် ဒေသဖြစ်ပြီး၊ ပါကစ္စတန်၊ ဘင်္ဂလားဒေ့ရ်ှနှင့် အာဖကန်နစ္စတန် စသည့် အပူပိုင်းဇုန်တို့တွင်လည်း လှိုင်လှိုင်ပေါပါသည်။ ဒန့်သလွန်သီး အကြောင်းကို လွန်ခဲ့သော အနှစ် ၂၀-ကျော် ခန့်က၊ အိန္ဒိယနိုင်ငံတွင် ဆေးသုတေသနပြုလုပ်ပြီးနောက်မှာတော့ ဒန့်သလွန်သီးသာမက၊ အပွင့်၊ အရွက်၊ အစေ့၊ အပင်၏ အခါက်နှင့် အမြစ်အပါအ၀င် တစ်ပင်လုံး၏ ထူးခြားဆန်းပြား အံသြဘွယ်ကောင်းလောက်အောင် ဆေးဘက်ဝင်ပုံကို လေ့လာသိရှိလာခဲ့ ကြပါသည်။ထိုအချိန်မှစ၍ဒန့်သလွန်ပင်သည် အရေးပါသော စားသောက်ကုန် သီးနှံတစ်ခုအဖြစ် အီသီယိုးပီးယား၊ ဖိလစ်ပိုင်၊ ဆူဒန်၊ အရှေ့ -အနောက်-တောင် အာဖရိက၊ လက်တင် အမေရိက၊ ကာရေဘီယံ၊ ဖလော်ရီဒါနှင့် ပစိဖိတ်ကျွန်းစုတို့တွင် ကျယ်ပြန့်စွာ စိုက်ပျိုးလာခဲ့ကြပါသည်။

မြန်မာပြည်၏ အထက်အညာဒေသတွင် ဒန့်သလွန်ပင်များ လက်ညှိုးထိုးမလွဲ ပေါများလှပါသည်။ မိမိအိမ်ဝိုင်း၏ နောက်ဖေးမြေကွက်လပ်တွင် စိုက်ပျိုးလေ့ ရှိကြပါသည်။ ဒန့်သလွန်သီး ရာသီချိန်ရောက်သော အခါတွင် အရသာလည်းရှိကာ၊ ရနံ့လည်းမွှေးသည့် ဒန့်သလွန်သီးကို ဟင်းအမယ် မျိုးစုံချက်ကာ မြန်မာအိမ်ရှင်မများ လက်စွမ်းပြလေ့ ရှိကြပါသည်။ ဒန့်သလွန်ရွက်နှင့် အဖူးအပွင့်တို့ကို ဟင်းချို၊ ဟင်းခါးနှင့် အသုပ်အဖြစ် စားနိုင်ပါသည်။ ဒန့်သလွန်သီးကို ငရံ့ (သို့ မဟုတ်) ငရံ့ခြောက် (သို့မဟုတ်) ကြက်ဥ/ဘဲဥ တို့ဖြင့် တွဲဖက်၍သော်လည်းကောင်း၊ ပဲကုလားဟင်း၊ သီးစုံချဉ်ရည်ဟင်း အဖြစ်လည်းကောင်း၊ ဒန့်သလွန်သီးတောင့်ကို အစိမ်းလိုက် (သို့ မဟုတ်) မီးကင်ပြီး အတွင်းသားနှင့် အစေ့တို့ကို ဇွန်းဖြင့်ခြစ်ကာ ကြက်ဥဖြင့် မွှေကြော်၍သော်လည်းကောင်း၊ (သို့ မဟုတ်) ဘူသီးဖြင့် ကြော်ချက်ဟင်းအဖြစ်လည်းကောင်း အရသာရှိရှိ စားသုံးနိုင်ပါသည်။ အနောက်နိုင်ငံ များတွင်တော့ သူ့ရိုးရာဒေသအလိုက် ဟင်းလျာအဖုံဖုံကို ချက်ပြုတ်စားသောက်ကြသလို ဒန့်သလွန်ရွက်နှင့် အပွင့်တို့ကို နည်းပညာဖြင့် ပြုပြင်ကာ ကိတ်မုန့် ဖုတ်စားကြပါသည်။

ဒန့်သလွန်သီးနှင့် အရွက်တို့ထဲတွင် လူသားတို့ ကျန်းမာရေးကို အထောက်အကူဖြစ်စေသည့်
Protein,
Carotene,
Carbohydrates,
Water,
Calorie,
Fiber,
Fat,
Vitamin A,
Vitamin B(choline),
Vitamin B1(thiamin),
Vitamin B2(riboflavin),
Vitamin B3(nicotinic acid),
Vitamin C(ascorbic acid),
Calcium,
Magnesium,
Phosphorous,
Potassium,
Copper,
Iron,
Sulphar,
Arginine,
Histidine,
Isoleucine,
Leucine,
Lysine,
Methionine,
Phenylalanine,
Threonine,
Tryptophan,
Valine စသည့် ဗိုက်တာမင်နှင့် သတ္တုဓာတ်တို့ မြင့်မားစွာပါရှိပါသည်။ အသီးနှင့်အရွက်သာမက အဖူးအပွင့်များထဲတွင်လဲ အဟာရဓာတ်ပမာဏ အမြောက်အများ ပါဝင်ပါသည်။ အထူးသဖြင့် အိန္ဒိယနိုင်ငံတွင် ဟိုးရှေးနှစ်ပေါင်း များစွာမှစ၍ ယနေ့တိုင်အောင် ရိုးရာကုထုံးများတွင် ဘေးဥပါသ်ကင်းဝေးစွာ အသုံးပြု လျှက်ရှိပါသည်။

Trees for Life Organization ၏ မှတ်တမ်းများအရ ဒန့်သလွန်သီးနှင့် အရွက်ထဲတွင်ပါရှိသော--

vitamin C သည် လိမ္မော်သီး ထဲတွင်ပါရှိသော ပမာဏထက် ၇-ဆ ပိုသောကြောင့် အအေး မိ၊ နှာစေး၊ ချောင်းဆိုးခြင်းကို ကာကွယ်ပေးနိုင်ပါသည်။

calciumသည်နို့ထဲတွင်ပါရှိသောပမာဏထက်၎-ဆပိုသောကြောင့်အရိုးနှင့်သွားများကိုခိုင်မာသန်စွမ်းစေနိုင်ပါသည်။

iron သည် ဟင်းနုနယ်ထဲတွင် ပါရှိသော ပမာဏထက် ၅-ဆ ပိုသောကြောင့် သွေးကို သန့်စေပါသည်။

potassium သည် ဌက်ပျောသီး ထဲတွင်ပါရှိသော ပမာဏထက် ၃-ဆ ပိုသောကြောင့် ဦးနှောက်နှင့် အာရုံကြော အဖွဲ့အစည်းကို ကောင်းစွာ အလုပ်လုပ်စေနိုင်ပါသည်။

vitamin A သည် မုန်လာဥနီ ထဲတွင်ပါရှိသော ပမာဏထက် ၄-ဆ ပိုသောကြောင့် မျက်စေ့ရောဂါ၊ အရေပြားရောဂါနှင့် နှလုံးရောဂါတို့ကို ကာကွယ်ပေးနိုင်ပါသည်။

ပရိုတင်း သည် နို့နှင့် ကြက်ဥ ထဲတွင်ပါရှိသော ပမာဏထက် ၂-ဆ နီးပါး ပိုသောကြောင့် ခန္ဓာကိုယ်ထဲရှိ ဆဲလ်များပိတ်ဆို့မှုတို့ကို ကာကွယ်ပေးနိုင်ပါသည်။

(၁) သွေးတိုးရောဂါသည်များအတွက်ဒန့်သလွန်ရွက်နှင့် အသီးတို့ကဆရာဝန်တစ်ဦးကဲ့သို့ အားထားလောက်ပါသည်။

(၂) သွေးကိုသန့်စင်စေကာ၊ သွေးလည်ပတ်စီးဆင်းမှုကို ချောမွေ့စေပြီး၊ ခွန်အားလည်း တိုးပွားစေသဖြင့် ကြီးကောင်ဝင်စ ဆယ်ကျော်သက်ရွယ် ကလေးများ မှန်မှန်စားသုံးပေးသင့်ပါသည်။

(၃) အရိုးအားကို တိုးပွားစေသည့်အတွက် နို့စို့ရွယ် ကလေးငယ်များကိုလည်း ဒန့်သလွန်သီးနှင့် အရွက်ပြုတ်ရည်တို့ကို အ၀တ်ပါးဖြင့်စစ်ကာ နို့ချိုဖြင့်ရော၍ တိုက်ကျွေးသင့်ပါသည်။

(၄) လှပပြီးမွှေးကြိုင်သော အဖြူရောင် ဒန့်သလွန်ပန်းပွင့်ရနံ့က ကောင်းစွာ အိပ်မောကျစေနိုင်ပါသည်။

(၅) မွေးဖွားခါနီး မိခင်လောင်းများအတွက် မရှိမဖြစ်လိုအပ်သော ကယ်လ်စီယမ်၊ ဗီတာမင်နှင့် သံဓာတ်တို့သည် အသီးနှင့် အရွက်များထဲတွင် အလုံအလောက် ပါရှိပါသည်။ ကိုယ်ဝန်ဆောင်စဉ်ကတည်းက အသီးနှင့် အရွက်တို့ကို မှန်မှန်စားပေးခြင်းဖြင့် နို့ရည်လိုက်စေပါသည်။ ဒန့်သလွန်ရွက်ကို ဆားအနည်းငယ်ဖြင့်ပြုတ်ပြီးနောက် အရွက်ကိုရေစစ်ပြီး ထောပတ်ဖြင့် သုပ်စားပေးခြင်းဖြင့်လဲ နို့တိုက်မိခင်များ နို့ရည်
လှိုင်လှိုင်ပေါစေပါသည်။ ထို့ပြင် သားအိမ်ကို အားရှိစေကာ၊ မွေးဖွားရ လွယ်ကူစေသည့်အပြင် မွေးဖွားပြီးနောက် ဖြစ်ပေါ်တတ်သော နောက်ဆက်တွဲ မီးယပ်ဝေဒနာအမျိုးမျိုးတို့ကိုလည်း သက်သာစေနိုင်ပါသည်။

(၆) အစာချေစံနစ်ကို ကောင်းမွန်စေပြီး၊ အူရောင်ငန်းဖျားရောဂါ၊ ၀မ်းသွားခြင်း၊ ကာလ၀မ်းရောဂါ၊ ၀မ်းကိုက်ရောဂါနှင့် အသဲရောင်အသားဝါတို့ကိုလည်း ကောင်းစွာ ကုသပေးနိုင်ပါသည်။ (လက်ဖက်ရည်ဇွန်း ၁-ဇွန်းစာ ပမာဏရှိသော ဒန့်သလွန်ရွက် သတ္တုရည်ကို ပျားရည်၊ အုန်းရည် အနဲငယ်တြို့ဖင့် ရောစပ်ကာ တနေ့ လျှင် ၂-ကြိမ် မှ ၃-ကြိမ်ခန့် သောက်ပေးရုံဖြင့် ထိုရောဂါများကို ယူပစ်သလို ပျောက်ကင်းစေနိုင်ပါသည်)

(၇) ဒန့်သလွန်ရွက်သည် penicillin ကဲ့သို့ ပိုးသတ်နိုင်စွမ်းရှိသဖြင့် ခန္ဓာကိုယ်တွင်းကိုယ်ပနှင့် အရေပြားပေါ်ရှိ ကူးစက်ရောဂါအမျိုးမျိုးတို့ကို ကာကွယ်တားဆီးပေးနိုင်ပါသည်။ ထို့ပြင် အူထဲရှိ သန်ကောင်များကိုလည်း ကျစေပါသည်။ အရေပြားမှိုစွဲခြင်းနှင့် ယားနာအမျိုးမျိုးတို့ အတွက်လည်း ဒန့်သလွန်ပင်စည်၏ အခေါက်မှုန့်ဖြင့် လိမ်းကျံ ပေးနိုင်ပါသည်။

(၈) ဖိုမ သဘာဝ ကာမအားအင် ကုန်ခမ်းခြင်းနှင့် မျိုးကန်းခြင်းတို့အတွက် ဒန့်သလွန်ပန်းပွင့်ကို နို့ဖြင့် ပြုတ်သောက်ပေးသင့်ပါသည်။

(၉) ဒန့်သလွန်ပင်စည်၏ အခေါက်ကို အမှုန့်ကြိတ်၍ လျက်ပေးခြင်းဖြင့် အမျိုးသားများ သုက်ရည်ကျဲခြင်းကို ကုသပေးနိုင်ပြီး၊ ဖခင်ကောင်း တစ်ယောက်အဖြစ် စွမ်းဆောင်နိုင်ပါသည်။

(၁၀) ဒန့်သလွန်သီးသည် အသည်းနှင့်သရက်ရွက်တို့ ရောင်ကိုင်းခြင်း၊ မေးခိုင်ရောဂါ၊ အာရုံကြောအားနဲခြင်း၊ သွက်ချာပါဒ၊ ပြည်တည်နာနှင့် အနာကြီးရောဂါ စသည့် ကိုယ်တွင်းကိုယ်ပ ဝေဒနာအမျိုးမျိုးတို့ကို ပျောက်ကင်းစေနိုင်ပါသည်။

(၁၁) ဒန့်သလွန်ပင်၏ အခေါက်ထဲတွင် အစေးများပါရှိပါသည်။ အစာအိမ်နာ ရောဂါသမားများသည် ထိုအခေါက်ကို ပြုတ်သောက်ပေး သင့်ပါသည်။

(၁၂) ဒန့်သလွန်သီးသည် ရင်ပြည့်ရင်ကယ်ဖြစ်ခြင်း၊ လည်ချောင်းနာခြင်းနှင့် ချောင်းဆိုးခြင်းတို့ကို သက်သာ ကောင်းမွန်စေနိုင်ပါသည်။

(၁၃) ဆီးသွားလွန်ခြင်း ရောဂါအတွက် ဒန့်သလွန်ရွက် သတ္တုရည်ကို သောက်သုံးပေးသင့်ပါသည်။ ကျောက်ကပ်နှင့် ဆီးလမ်းကြောင်း ပြသနာများအတွက် ဒန့်သလွန်ရွက် သတ္တုရည် စားပွဲတင်ဇွန်း ၁-ဇွန်းစာ ပမာဏထဲသို့ ဆားအနည်းငယ်ရော၍ မုန်လာဥနီ (သို့ မဟုတ်) သခွားသီး ဖျော်ရည် အနဲငယ်ဖြင့် ရောသောက်ပေးသင့်ပါသည်။

(၁၄) အသက်ရှုလမ်းကြောင်းဆိုင်ရာ ပြသနာများအတွက် ဒန့်သလွန်ရွက် လက်တဆုပ်စာကို ဆား၊ ငရုပ်ကောင်း၊ သံပုရာရည် အနည်းငယ်ထည့်ကာ ရေ ၃ပုံ ၄ပုံ ခန့်ကို အချိန် ၅-မိနစ်လောက် ကြိုချက်ပြီးနောက် အအေးခံကာ သောက်ပေးခြင်းဖြင့် ချမ်းသာမှုကို ရစေပါသည်။

(၁၅) ဒန့်သလွန်သီးနှင့် သံပုရာရည်တို့ကို ရောကျိတ်ပြီးနောက် ရရှိလာသော အနှစ်ရည်ကို မျက်နှာအနှံ့ လိမ်းကျံပေးခြင်းဖြင့် ၀က်ခြံစို၊ ၀က်ခြံခြောက်၊ ဆားဝက်ခြံ၊ မှဲ့ခြောက် တို့ကို ပျောက်ကင်းစေနိုင်ပြီး မျက်နှာအသားအရေကို ၀င်းပလာစေပါသည်။ (သို့မဟုတ်) လတ်ဆတ်သော ဒန့်သလွန်ရွက် သတ္တုရည်ကို သံပုရာရည်ဖြင့် ရောစပ်၍ လိမ်းကျံပေးနိုင်ပါသည်။

(၁၆) အဆစ်အမြစ် နာကျင်ကိုက်ခဲခြင်းနှင့် ခေါင်းကိုက်ခြင်း ဝေဒနာများအတွက် ဒန့်သလွန်ရွက်ကို ထောင်း၍ အုံပေးနိုင်ပါသည်။

(၁၇) ဒန့်သလွန်သီး အစေ့က ရေကို သန့်စင်ပေးနိုင်သော ဂုဏ်သတ္တိရှိပါသည်။ မိမိအိမ်ရှိ ရေချိုးကန်များ သန့်စင်စေရန်အတွက် ဒန့်သလွန်သီး အစေ့ကို ကျိတ်ချေထောင်းထုပြီးနောက် အ၀တ်ဖြင့်ထုပ်ကာ ရေကန်ထဲသို့ ထဲ့စိမ်ပေးခြင်းဖြင့် သန့်စင်သောရေကို ရှိစေနိုင်ပါသည်။ (ထို့ပြင် ပျားရည် စစ်- မစစ် ကိုလည်း ဤနည်းဖြင့် စမ်းသပ်နိုင်ပါသည်)

(၁၈) ဒန့်သလွန်သီးအစေ့မှ အနည်းငယ်ချိုသော အရသာရှိသည့် အဆီကို ရရှိပါသည်။ ထိုအဆီသည် ချွဲပျစ်ခြင်း မရှိသည့်အပြင် ဆီချေးစော်လဲ မနံသဖြင့် အသုပ်သုပ်ရာတွင်လည်းကောင်း၊ စက်ဆီ/ချောဆီအဖြစ် လည်းကောင်း၊ အသုံးပြုနိုင်ပါသည်။ ထို့ပြင် ထိုအဆီကို အခြေခံ၍ ရေမွှေး၊ ပေါင်ဒါနှင့် ခေါင်းလိမ်းဆီအဖြစ်လည်း ထုတ်လုပ်ကြပါသည်။

(၁၉) အီသီယိုးပီးယားကဲ့သို့ အာဟာရချို့ တဲ့သော အရပ်ဒေသများတွင် ဒန့်သလွန်ရွက် အမှုန့်က သက်စောင့်ဆေးအဖြစ် စွမ်းဆောင်ပေးနိုင်ပါသည်။ ဒန့်သလွန်ရွက်အမှုန့်ကို ရေခဲသေတ္တာထဲတွင် အထူးတလည် သိမ်းဆည်းထားစရာ မလိုဘဲ အာဟာရဓာတ် ပျက်ပြယ်ခြင်းမရှိ ရက်ရှည်လများ ထားနိုင်ပါသည်။

(၂၀) ဒန့်သလွန်ရွက်သည် ရင်ပြည့်ရင်ကယ်ဖြစ်ခြင်း၊ ချွဲသလိပ်ထခြင်း၊ ပန်းနာရပ်ကျပ် ချောင်းဆိုးခြင်း၊ တီဘီအဆုတ်နာနှင့် လည်ချောင်းနာခြင်း ဝေဒနာတို့အတွက် အလွန်ဆေးဘက်ဝင်ပါသည်။

(၂၁) ပန်းနာရင်ကျပ် ရောဂါသည်များနှင့် အဆုတ်ဝေဒနာသည်များသည် ဒန့်သလွန်သီးနှင့် အရွက်ပြုတ်သည့် အခိုးငွေ့ကို ရှုရိုက်ပေးခြင်းဖြင့် များစွာ ကောင်းကျိုးပြုပေးနိုင်ပါသည်။

ဒန့်သလွန်ပင်ကို “ဗီတာမင်နှင့် သတ္တုဓာတ်တို့ စုဝေးရာအိမ်ကြီး ” ဟု တင်စားခေါ်ဝေါ်ကြပါသည်။ မှန်ပါသည်။ ဘေးထွက်ဆိုးကျိုး လုံးဝမရှိဘဲ လူသားတို့ ကျန်းမာရေးကို အထောက်အကူပေးသည့် လက်တစ်ကမ်းမှ အလွယ်တကူ ရရှိနိုင်သော ထိုဟင်းသီးဟင်းရွက်ကို လက်လွတ်မခံဘဲ စားသုံးကြစေလို ပါကြောင်း……..။

မှတ်ချက်။

(က) အချို့သောသူများသည် ဒန့်သလွန်သီးနှင့် မွေးရာပါ ဓာတ်မတဲ့ရောဂါ ရှိတတ်သဖြင့်၊ သတိပြုစေလိုပါသည်။

(ခ)ဒန့်သလွန်သီးနှင့်ကလောဥတို့ကိုတွဲဖက်၍ မစားသင့်ပါ။

crd::မူရင်းရေးသားသူ

မှတ်သားစရာ

ယနေ့ နှစ်သက်မိသော ပုံ

၁။ စာလဲ မဖတ်ဘူး
ပညာလဲ မတတ်ဘူး
စီးပွားရေးလဲ မရှိရင်
သာယာတဲ့လောကကြီးကို မြင်ရမှာလဲ မဟုတ်ဘူး
ကြည့်ခွင့်လဲ မရဘူး

၂။ စာတွေဖတ် ပညာတတ်ပါသော်လည်း
စီးပွားရေးလဲ မရှိရင်
လောကကြီးရဲ့ အောက်ခြေအလွှာ တစ်စွန်းတစ်စပဲ သင်မြင်ရလိမ့်မယ်

၃။ စာမတတ် ပေမတတ်နဲ့
စီးပွားရေးပဲ ချမ်းသာကြတဲ့အခါ
သာယာလှတဲ့ လောကကြီးကို အပေါ်စီးက ဘောင်ကျော်သွားပီး မမြင်နိုင်တော့ဘူး

၎။ စာတတ် ပေတတ် ပညာတတ်သည့်အပြင်
စီးပွားရေးလဲ မျှတသင့်တော်စွာ ရှာနိုင်ပါမှ လောကအလယ် လှပတင့်တယ်စွာ မြင်နိုင် ရှု့နိုင်ပါလိမ့်မည်

#ဓမ္မအလင်းရောင်
credit:orginal writer.

မတရားဖမ်းဆီး ချုပ်နှောင်တယ်ဆိုတာ

မတရားဖမ်းဆီးချုပ်နှောင်တယ်ဆိုတာ………။

       ယာဉ်တိုက်မှုဖြစ်စဉ်တခုမှာ ယာဉ်ကြီးယာဉ်ငယ် ဆိုတာမရှိ။
ကားသမားအများစုနဲ့ လူအများစုနားလည်နေတာက ယာဉ်ကြီးယာဉ်ငယ် ……ဆိုပြီးနားလည်နေကြသည်။ယာဉ်ဟာ ကြီးသည်ဖြစ်စေ
ငယ်သည်ဖြစ်စေ ယာဉ်စည်းကမ်းလမ်းစည်းကမ်းနှင့်သာ သက်ဆိုင်သည်။ယာဉ်တိုက်မှုတခုတွင် ယာဉ်ကြီးယာဉ်ငယ် ဆိုသောလွဲမှား
သည့် စကားရပ်သည် ယာဉ်တိုက်မှုကိုကိုင်တွယ်ဖြေရှင်းခဲ့သောရဲ
တပ်ဖွဲ့ဝင်များ၏ မလျော်ကန်သောလုပ်နည်းကို ရေရှည်ကျင့်သုံးလာသဖြင့် လူအများက တည်ဆဲဥပဒေတရပ်ကဲ့သို့နားလည်မှုမှား
ယွင်းခဲ့ခြင်းသာဖြစ်သည်။

       မကြာသေးခင်ကာလ က ဆယ်တန်းအောင်စာရင်းကြည့်ရန်
မိုးမလင်းခင် စီးလာသော သားအဖနှစ်ယောက်၏ဆိုင်ကယ်နှင့်ခရီး
သည်တင် Expressကားတိုက်မှုတခုတွင် သားအဖ နှစ်ယောက်လုံး အသက်ဆုံးပါးခဲ့သည်။စိတ်မကောင်းစရာ သတင်းတခုအဖြစ်ကြားသိခဲ့ရသည်။ဆုံးပါးသွားသော သားအဖနှင့်ကျန်ရစ်သူမိသားစုဆွေမျိုးများ အတွက်ကြီးမားသောဆုံးရှုံးကြေကွဲမှု ဖြစ်ပါသည်။

       အထက်ပါဖြစ်စဉ်၌ ယာဉ်ထိန်းမှ အမှုဖွင့်အရေးယူရာတွင်
ယာဉ်စည်းကမ်း လမ်းစည်းကမ်းအရ သားအဖနှစ်ယောက်စီးလာသောဆိုင်ကယ်မှာ တရားခံအဖြစ်အမှုဖွင့်အရေးယူခြင်းခံရသည်။
ဆိုလိုသည်မှာ ဆိုင်ကယ်မှားသည်။ကားကြီးလမ်းမှန်သည်။သို့ကြောင့် သေဆုံးသွားသောဆိုင်ကယ်စီးသားအဖမှာ လူပင်သေသော်
လဲတရားခံအဖြစ်အမှုဖွင့်ခံရပြီး ယာဉ်ကြီးမှဒရိုင်ဘာနှင့် ယာဉ်သည် သက်သေသာဖြစ်သည်။

       သက်သေဖြစ်သောယာဉ်မောင်းနှင့် သက်သေအသုံးပြုသောယာဉ်သည် သက်သေခံပစ္စည်းဖြစ်ပြီး ယာဉ်မောင်းနှင့်ယာဉ်အပေါ်
ဥပဒေအရ မည်သည့် တားမြစ်ပိတ်ပင်မှုမှ မရှိရပါ။

        သို့သော် မိုးမလင်းခင်ဖြစ်သောယာဉ်တိုက်မှု အားယာဉ်ထိန်းမှ ရဲလုပ်ငန်းဆောင်ရွက်မှုပြီးသော်လဲ အမှုမှ သက်သေ ယာဉ်
မောင်းနှင့်မော်တော်ယာဉ်အားထွက်ခွါခွင့်မပေးဘဲ တားမြစ်ထားခြင်းပြုခဲ့ကြသည်။၎င်းအပြင် လူအာမခံနှင့်ယာဉ်အာမခံယူရမည်ဟု
ပြောဆိုပြီး ထွက်ခွါခွင့်မပေးခဲ့ပါ။

       ဥပဒေကိုနားလည်ရင်းနှီးမှုမရှိသော ယာဉ်မောင်းနှင့်ယာဉ်ပိုင်ရှင်တို့အပေါ် ပြဌာန်းထားသောဥပဒေ ကိုမျက်ကွယ်ပြုပြီး ကိုယ်
ကျိုးအလို့ဌာ အာမခံယူရမည်ဟု တောင်းဆိုတားမြစ်ခြင်းသည် မ
တရားဖမ်းဆီးချုပ်နှောင်ခြင်းဖြစ်သည်။ထိုဖြစ်စဉ်တွင် အာမခံယူရ
မည်ဟုပြောဆိုပြီး တားမြစ်ထားသည်မှာ ယာဉ်တိုက်မှုရဲလုပ်ငန်း
ပြီးစီးသည့်အချိန်မှ နောက်ထပ်ငါးရက်တိုင်တိုင် ထွက်ခွါခွင့်မရဘဲ
တားမြစ်ထားသကဲ့သို့ ထားရှိခဲ့သည်။

     ယာဉ်အမှုစစ်မှာအမျိုးသမီးဟု သိရပြီး ငါးရက်တိုင်တိုင်စောင့်ဆိုင်းနေရသည်မှာ အာမခံယူရမည်ဟူသောအကြောင်းပြချက်ဖြစ်သည်။ထိုယာဉ်အမှုစစ်မှာအစည်းဝေးရှိသည်ဟုအကြောင်းပြခြင်းခရီးသွားနေသည်ဟုအကြောင်းပြခြင်းဖြင့် ဥပဒေကိုမသိနားမလည်သောယာဉ်မောင်းနှင့်ယာဉ်ပိုင်ရှင်အား ဥပါယ်တမည်ဖြင့် ထွက်
ခွါခွင့်မပေးဘဲ ပြုလုပ်ခဲ့ခြင်းဖြစ်သည်။ယာဉ်ပိုင်ရှင်ဖြစ်သူမှာလဲ နေ
အိမ်နှင့်ဝေးကွားသောအခင်းဖြစ်မြို့အထိ လိုက်လာရသော်လဲ ဆီး
ကြိတ်ရောဂါကြောင့် ဆီးအိပ်ခွဲထုတ်ထားရသဖြင့်ဆီးအိပ်တန်းလန်း
ဖြင့် ငါးရက်တိုင်တိုင် ယာဉ်အမှုစစ်အား စောင့်ဆိုင်းနေခဲ့ရခြင်းသည် မတရားဖမ်းဆီးချုပ်နှောင်ခြင်းခံရသည်ဟု ဥပဒေအရ တိကျထင်ရှားစွာပေါ်ပေါက်နေသည်။

     နိုင်ငံဝန်ထမ်းဖြစ်သော ယာဉ်ထိန်းများသည် တာဝန်များဝတ္တရားများ ပေးအပ်ခြင်းခံထားရသော တာဝန်ရှိပုဂ္ဂိုလ်များဖြစ်ပြီး ခံစား
ခွင့်ကိုနိုင်ငံတော်မှ သတ်မှတ်ပြဌာန်းပေးပြီးသားဖြစ်သည်။လုပ်ပိုင်
ခွင့်တာဝန်ကို ကျော်လွန်ပြီးမသိနားမလည်သူများအပေါ် ရပိုင်ခွင့်
သဘောဆောင်သော ဥပဒေမဲ့ ကိုယ်ကျိုးရှာရန်အားထုတ်ခြင်းသည်
အများပြည်သူများက အုပ်ချုပ်သူ အစိုးရကိုသာပြစ်တင်ဝေဖန်ကြမည်ဖြစ်သည်။ထိုထိုသောဖြစ်စဉ်များကို မည်သည့်အစိုးရမှ လက်ခံ
မည်မဟုတ်ပါ။ဝန်ထမ်းမကောင်း အစိုးရခေါင်းသို့သာ ကျမည်ဖြစ်သည်။

       ထုံးစံအတိုင်း လမ်းခွပ်လတ်တွင်ဖြစ်ပွားသောယာဉ်တိုက်မှု ကို နယ်ခံအားကိုးမရှိသဖြင့် ထမင်းစားနားသောထမင်းဆိုင်အားအကူအညီတောင်းခံရသည်။ထမင်းဆိုင်ရှင်သည်လဲ ဥပဒေနားမလည်သဖြင့် ပိုက်ဆံသာတွင်တွင်ပေးခိုင်းနေသည်။

       အမှန်မှာသက်သေဖြစ်သောယာဉ်မောင်းနှင့်သက်သေခံမော်တော်ယာဉ်အား ရဲလုပ်ငန်းပြီးလျှင်ပြီးခြင်းထွက်ခွါခွင့်ပြုရမည်။တရားရုံးသို့ အမှုဆွဲတင် ပြီးတရားရုံးမှ သက်သေခံရန်ဆင့်ခေါ်လျှင် ယာဉ်မောင်းတဦးထဲသာတရားရုံးသို့သက်သေခံရန်လာရမည်။သက်သေခံပစ္စည်းဖြစ်သောမော်တော်ယာဉ်သည် တရားရုံးရှေ့လာရန်မလိုပါ။ယာဉ်အမှုစစ်သည် သက်သေခံယာဉ်အား ထိခိုက်ပျက်စီးမိသည့်
နေရာအားလုံးနှင့် ယာဉ်တစီးလုံးအား မှတ်တမ်းဓါတ်ပုံသေခြာစွာ
ရိုက်ထားပြီးတရားရုံးသို့ဓါတ်ပုံကိုသက်သေခံအဖြစ်တင်သွင်းရမည်။

       သို့သော်ညာမညှိလျှင် ရုံးချိန်းတွင် မော်တော်ယာဉ်အားတပါး
တည်းယူဆောင်လာရမည်ဟု ပြောဆိုပြီးညစ်တတ်ကြပါသည်။

       ဥပဒေကိုနားမလည်သောကြောင့် ယာဉ်တိုက်မှုဖြစ်တိုင်းတိုင်း
ပြည်ဘဏ္ဍာ မဟုတ်သောဘတ်ငွေများရယူလျှက် ပြည်ပျက်စီမံကိန်းကို ပြုလုပ်နေကြသည်။

      ယာဉ်ပိုင်ရှင်မှလဲ ငွေမပေးရလျှင် မြေမျိုတော့မည့်အတိုင်းပေး
ဖို့သာ တာဆူနေသည်။မပေးဘဲမနေနိုင်လျှင်တသိန်းလောက်ဘဲပေး
ပါဟု ပြောလိုက်သောအခါ မဆိုင်းမတွပျော်ပျော်ကြီးပေးလိုက်သည်။

      သို့ကြောင့် မတရားဖမ်းဆီးချုပ်နှောင်ခြင်း ဥပဒေမှာ အထက်ပါ
ဖြစ်စဉ်၌ အာမခံယူရမည်ဟုပြောဆိုပြီးထွက်ခွါခွင့်မပေးခြင်းသည်ပင် ဖော်ပြပါ ပြစ်မှု ပြစ်ဒဏ်နှင့်ပြန်လည်အမှုဖွင့်အရေးယူနိုင်ကြောင်း ယာဉ်ပိုင်ရှင်နှင့်ယာဉ်မောင်းသိစေရန် ရေးသားလိုက်ပါသည်။

       အာမခံယူရန်မလိုသော ယာဉ်တိုက်မှု တွင်သက်သေယာဉ်မောင်းအား အာမခံတောင်းခြင်းသည်လဲ အရေးယူနိုင်သောပြစ်ဒဏ်များရှိပါသည်။ငွေတောင်းသည်ဆို လျှင်ကား…………
     

(ဥပဒေဖွင့်ဆိုချက်နှင့်အကျုံးဝင်သည့်အင်္ဂါရပ်များကို ဖတ်ပြီးနားမလည်လျှင်မေးပါ။ )

မှတ်ချက်……ယာဉ်မောင်းများ ဂိတ်မှူးများ ယာဉ်နောက်လိုက်များ
                 ဂိတ်ပိုင်ရှင်များသည် ယာဉ်စည်းကမ်း လမ်းစည်းကမ်းနှင့် ယာဉ်တိုက်မှု ဥပဒေများကိုနားလည်တတ်ကျွမ်းသင့်သည်။
ယခုခေတ်သည်ပွင့်လင်းမြင်သာသောခေတ်ဖြစ်သဖြင့် နားလည်
တတ်ကျွမ်းသူများ နှင်ယာဉ်ထိန်းတို့အားဖိတ်ကြားပြီး လုပ်ငန်းခွင်
သင်တန်းများပေးသင့်သည်။သို့မှသာယာဉ်တိုက်မှုများလျော့နည်း
လာမည်။ဥပဒေအကာအကွယ်များ ရလာမည်။ဘာမဆိုငွေဖြင့်ရှင်း
ရသောမသိနားမလည်ခြင်းဒုက္ခမှ ကင်းဝေးမည်။အခွင့်အရေးသမားများ လာဘ်ပိတ်မည်။

  ထပ်မံသိရိရသောအကြောင်းအရာအား ပြန်လည်ဖြည့်ဆွက်ရေးသားပြင်ဆင်ထားပါသည်။ အများသိစေရန်နှင့် ဗဟုသုတရစေရန်
Shareပေးခြင်းဖြင့် ကူညီကြပါရန်မေတ္တာရပ်ခံပါသည်။

ဖားပုံပြင်

"ဖားပုံပြင်"
.
ဖားအရှင်တစ်ကောင်ကို ရေထည့်ထားတဲ့ အိုးထဲထည့်လို့ မီးအပူပေးပါ။ ရေရဲ့အပူချိန် မြင့်တက်လာလေလေ၊ ဖားရဲ့ကိုယ်ခန္ဓာအပူချိန်ဟာလည်း သဘာဝအလျှောက် ရေအပူချိန်နဲ့လိုက်လို့ ပြောင်းလဲလာပါလိမ့်မယ်။ ဒီလိုပဲ ရေရဲ့အပူချိန်မြင့်လာလေလေ၊ ဖားရဲ့ခန္ဓာကိုယ်အပူချိန်လည်း မြင့်လာလေလေပေါ့။ ဒါပေမယ့် တဖြည်းဖြည်းနဲ့ရေဟာ ရေဆူမှတ်ကိုရောက်လာချိန်မှာတော့ ဖားဟာ ရေရဲ့အပူချိန်အတိုင်း သူ့ခန္ဓာကိုယ်အပူချိန်ကို လိုက်မပြောင်းနိုင်တော့ဘူး။ ထိုအချိန်မှာ ဖားဟာ အိုးထဲက ခုန်ထွက်ဖို့ ကြိုးစားပါလိမ့်မယ်။ ဒါပေမယ့် သူ့ရဲ့ကြိုးစားမှု့ဟာ မအောင်မြင်တော့ပါဘူး၊ ဘာလို့လဲဆိုတော့ ရေရဲ့အပူချိန်အတိုင်းလိုက်ပြောင်းရင်းနဲ့ သူ့ရဲ့ခွန်အားတွေဟာ ဆုံးရှုံးခဲ့ရပြီ ဖြစ်လို့ပါပဲ။ ဒီလိုနဲ့ ဖားဟာ အသက်ဆုံးရှုံးသွားရပါတယ်...။
.
ဒါဆို ဖားကိုဘာက သေစေတာလဲ?
.
အများစုက ရေနွေးပူကြောင့်လို ဖြေကြပါလိမ့်မယ်...
.
ဒါပေမယ့် အမှန်တကယ်ကတော့ ခုန်ထွက်လို့ရတဲ့အချိန်မှာ ခုန်ထွက်ဖို့ မစဉ်းစားတတ်ခဲ့တဲ့ သူ့ရဲ့ ဆုံးဖြတ်နိုင်စွမ်းအားကြောင့်ပါပဲ။
.
ကျွန်တော်တို့အားလုံးဟာ ပတ်ဝန်းကျင်က လူတွေအားလုံးနဲ့ ညှိနှိုင်းဖို့၊ အဆင်ပြေအောင် နေဖို့လိုတယ်ဆိုတာ မှန်ပါတယ်။ ဒါပေမယ့် ဘယ်အချိန်မှာ ညှိနှိုင်းရမယ်၊ ဘယ်လိုအခါမှ ရင်ဆိုင်ရမယ်ဆိုတာတော့ စဉ်းစားဖို့ လိုပါတယ်။
.
တစ်ခါတရံမှာ လူတွေဟာ ကိုယ့်ရဲ့ သည်းခံမှု့ နားလည်ပေးတတ်မှု့အပေါ် ဆက်လက်အနိုင်ယူဖို့ ကြိုးစားတတ်လို့၊ အဲ့ဒီအခြေအနေကနေ ဘယ်လိုအချိန်မှာ ခုန်ထွက်ကြမလဲဆိုတာကတော့ သင့်ရဲ့ ဆုံးဖြတ်ချက်ပါပဲ...။
.
Credit to အောင်ခန့်

တံခွန်တိုင် နဲ့ ဟင်္သာရုပ်

စေတီတော်များမှာ တည်ထားလေ့ရှိသော
တံခွန်တိုင် နဲ့ ဟင်္သာရုပ် တို့ရဲ့ အဓိပ္ပါယ်
~~~~~~~~~~~~~~~~~~~~~~~~~
ရှယ်ပြီး ဖတ်ကြည့်ပါနော်…

မိမိတို့ ထေရဝါဒဗုဒ္ဓဘာသာ မြန်မာနိုင်ငံဆိုတာ ယဉ်ကျေးမှု သုခုမအလင်းတွေ
ထည်ဝါခဲ့ကြတဲ့ နိုင်ငံဖြစ်တယ်ဆိုတာ သိပြီး ဖြစ်ကြပါလိမ့်မယ်။

ဒါပေမဲ့ ခေတ်သစ်မှာ အချို့အရာတွေနဲ့ပတ်သက်ပြီး မရှင်းမလင်းရုံမက ယောင်ဝါးဝါးတွေ ဖြစ်လို့ နေကြပါတယ်။

ဒီနေရာမှာ
တံခွန်တိုင် ဆိုတာနဲ့ ပတ်သက်ပြီး ပြောပြရရင်…

တံခွန်တိုင် လို့ ခေါ်ရခြင်းက…
ဘုရား ပုထိုး စေတီတော်တွေရဲ့အနီးမှာ တိုင်တွေ စိုက်ထူထားတတ်ကြပါတယ်။
အဲဒီတိုင်တွေရဲ့ ထိပ်ဖျားမှာ တံခွန်တွေကို လွှင့်ထူထားကြလို့ တံခွန်တိုင်လို့ ခေါ်ပါတယ်။

တံခွန်ဆိုတာ…
ရှေးအခါက ယာဉ်ရထားတွေ အဆောက်အဦတွေမှာ ထင်ရှားပေါ်လွင်အောင်
တင့်တယ်အောင် လွှင့်ထူလေ့ရှိကြတဲ့ အလံကို တံခွန်လို့ ခေါ်ခြင်းပါ။

တံခွန်လုံး
တံခွန်ပြား
တံခွန်ကုက္ကား စသဖြင့် များစွာရှိကြပေမဲ့
တံခွန်တိုင်မှာ တပ်ဆင်လေ့ရှိတဲ့ တံခွန်တွေကတော့ လုံးဝန်းပြီး ရှည်မြောမြောသဏ္ဌာန်ရှိကာ ဝါးနဲ့ ရက်လုပ်ထားတဲ့ တံခွန်တွေ ဖြစ်ပါတယ်။

ဝါးကို အခွေလိုက်ပြုကာ အပေါ်ကနေ စက္ကူကပ်ပြီး စက္ကူပေါ်မှာ ဗုဒ္ဓဝင်ဖြစ်စဉ်တွေ ဗုဒ္ဓမုခပါဌ် ဓမ္မတွေကို ရေးသားထားကြပါတယ်။

ဒါပေမဲ့
ယခုအခါမှာတော့ တံခွန်တိုင်တွေမှာ ချိတ်ဆွဲတင်ရမယ့် ဗုဒ္ဓဝင်ဖြစ်စဉ်တွေ ဗုဒ္ဓမုခပါဌ် ဓမ္မတွေ မတွေ့ရသလောက် ရှားပါးနေပြီလို့ သုတေသီတို့က ဆိုကြပါတယ်။

ရှေးက တံခွန်တိုင်ကို သစ်တွေ ဝါးတွေနဲ့ ပြုလုပ်ခဲ့ကြပေမယ့် တံခွန်ကို နှောင်းခတ်မှာတော့…အုဋ္ဌ် အင်္ဂတေတွေနဲ့သာ ပြုလုပ်ကြပါတော့တယ်။

တံခွန်တိုင်ဆိုတာ…တိုင်မြင့်မြင့်ထူကာ အဝေးကနေ မြင်နိုင်အောင် တံခွန်လုံး တံခွန်ပြားတွေ ချိတ်ဆွဲထားကြပြီး

ဒီနေရာမှာ ဘုရား ပုထိုး စေတီ ရှိတယ်။
လာရောက် ဖူးမြှော်ပူဇော်ကြပါ ဆိုတဲ့ ရည်ရွယ်ချက်အဓိပ္ပါယ်နဲ့ စိုက်ထူထားတဲ့အရာလို့ ဆိုကြပါတယ်။

တံခွန်တိုင်ထိပ်မှာ ထုလုပ်ထားတဲ့ ဟင်္သာရုပ်ပုံကို ရှုကြည့်ရင်တော့…
သေခြင်းတရားဟာ လျင်မြန်လွန်းလှပါတယ်။
မသေရာဆီ သွားဖို့
မမေ့မလျော့ မပေါ့မဆပဲ ဒါန သီလ ဘာဝနာများ ကြိုးစား အားထုတ်ကြဖို့ရန် ဒီနေရာဆီ လာကြပါ။

ဒီနေရာမှာ မသေရာဆီ ပို့ပေးမယ့်
ဘုရား စေတီတော် တရားတော်တွေ ရှိပါတယ် ဟု ဖိတ်ခေါ်ချင်လို့ တံခွန်တိုင်ကို ထူထားကြတယ်လို့ ဆိုနိုင်ပါတယ်။

ဘာကို ထောက်ဆပြီး သိရလဲဆိုရင်
ဇဝနဟံသဇာတ်တော်ကို ထောက်ဆပြီး သိရပါတယ်။

တံခွန်တိုင်နဲ့ ဟင်္သာ
****************
မြတ်စွာဘုရားရှင်ဟာ အလောင်းတော် ဘဝက ဇဝနမည်တဲ့
ဟင်္သာမင်း ဖြစ်ခဲ့ဘူးပါတယ်။
ဟင်္သာပေါင်း ကိုးသောင်း အခြံအရံ ရှိပါတယ်။

သူ့မှာ ညီငယ် ဟင်္သာနှစ်ကောင်လည်း ရှိပြီး စိတ္တကုဋ်တောင်မှာ နေထိုင်ကြပါတယ်။

တစ်နေ့မှာ ညီငယ်များက နေနဲ့အပြိုင် ပျံသန်းလိုတာကြောင့် သူတို့ရဲ့အစ်ကို ဟင်္သာမင်းဆီမှာ ခွင့်တောင်းပါတယ်။

ညီငယ်များ လမ်းခရီးမှာ ဒုက္ခရောက်နိုင်တာကို သိတဲ့အတွက် ခွင့်မပြုခဲ့ပါဘူး။

ညီငယ် (၂)ကောင်ဟာ အစ်ကိုရဲ့စကားကို နားမထောင်ပဲ နေနဲ့ပြိုင်ဖို့အတွက်
နေမထွက်မီကတည်းက ယုဂန္ဓိုရ်တောင်ထိပ်ကနေ သွားစောင့်နေပါတယ်။

နေထွက်တာနဲ့ နေနဲ့အပြိုင် ပျံသန်းကြပါတယ်။

လမ်းခရီးမှာ နေရဲ့အရှိန်ကြောင့် အငယ်ဆုံးကောင်ရဲ့ အတောင်မှာ ပူလွန်းပြီး မီးလောင်ပါတော့မယ်။

ဒီအကြောင်းကို ဟင်္သာမင်း ကြားသိရတဲ့အခါ လျင်မြန်တဲ့အဟုန်နဲ့ပျံလာကာ
ညီငယ်ကို ကယ်ပြီး စိတ္တကုဋ်တောင်ကို ပို့ပေးခဲ့ပါတယ်။

မွန်းတည့်အချိန်ရောက်တဲ့အခါ
အကြီးကောင်လည်း ဆက်လက်ပြီး မပျံနိုင်တော့တဲ့အတွက် စိတ္တကုဋ်တောင်ကို ပို့ပေးခဲ့ရပြန်တယ်။

ဟင်္သာမင်းက သူလဲ နေနဲ့အပြိုင်ပျံသန်းပြီး သူ့ရဲ့အဟုန်ကို စမ်းသပ်ခဲ့ပါတယ်။

အကျိုးမရှိကြောင်း မြင်ရတဲ့အခါ
အဲဒီလိုပျံသန်းခြင်းကို ရပ်နားပြီး ဗာရာဏသီမြို့ကို ပျံလာခဲ့ပါတယ်။

ဟင်္သာမင်းရဲ့အရိပ်ဟာ ဗာရာဏသီမြို့ တစ်ခုလုံးကို လွှမ်းမိုးသွားပါတယ်။
ဒီလို ထူးဆန်းတဲ့အကြောင်းအရာကို ဗာရာဏသီမင်းက သူ့နန်းတော်ထဲ ရောက်လာတဲ့ ဟင်္သာမင်းကို မေးတဲ့အခါ
သူဟာ နေနဲ့အတူ ပျံသန်းနိုင်ခဲ့တယ် ဆိုတဲ့အကြောင်း ပြောပါတယ်။

မင်းကြီးက…
ဟင်္သာမင်းရဲ့ အဲဒီအဟုန်ကို မြင်ချင်တယ်လို့ ပြောတဲ့အခါ
ဘုရားအလောင်းဟင်္သာမင်းက
နေနဲ့အဟုန်မပြိုင်ပဲ အဟုန်တူတဲ့ လေးသည်တော် လေးယောက်ကို ခေါ်ပြီး
ကျောခြင်းကပ် ရပ်စေကာ
အရပ်လေးမျက်နှာကို မြှား တစ်စင်းစီ ပစ်လွှတ်စေခဲ့ပါတယ်။

ချူလုံး ဆွဲထားတဲ့ ဟင်္သာမင်းက လျင်မြန်တဲ့အဟုန်နဲ့ မြှားလေးစင်းကို ဖမ်းယူကာ
လေးသမားများရဲ့ အနီး ချထားခဲ့ပြီးမှ တိုင်ထိပ်မှာ ရပ်နား နေလိုက်ပါတယ်။

လျင်မြန်လွန်းတဲ့အတွက် ဟင်္သာမင်းကို မမြင်ရပဲ ချူသံသာ ကြားလိုက်ရပါတယ်။

မင်းကြီးက…
ဒီထက်မြန်တဲ့အဟုန် ရှိပါဦးမလား လို့ မေးတဲ့အခါ-?

ဘုရားအလောင်းတော်က…
ဒီအဟုန်ထက်
အဆတစ်ရာ,အဆတစ်ထောင်,အဆတစ်သိန်း မက မြန်တဲ့ အရာရှိပါတယ်။

အဲဒါကတော့…သေခြင်းတရားပါပဲလို့ ပြောလိုက်တဲ့အခါ မင်းကြီးဟာ ထိတ်လန့် တုန်​လှုပ်​သွားပါတယ်​။

ဟင်္သာမင်းက မင်းကြီးကို တရားဟောပြီး သက်သာရာ ရစေခဲ့ပါတယ်။

အထက်ပါ ဇဝနဟံသဇာတ်တော်ကို ကြည့်ရှုပြီး ဆိုလိုချက် သဘောအဓိပ္ပါယ် ပေါ်လွင်လောက်ပြီလို့ ယုံကြည်ပါတယ်။

ဟင်္သာမင်းရဲ့ ဖြစ်တော်စဉ်
ပါရမီ စရိယဇာတ်တော်များစွာကနေ နှောင်းလူတွေ-
အသိရအောင်
သဒ္ဓါပေါက်အောင်
ဖူးမြှော်တတ်အောင်
အမှတ်တရရှိအောင် ထုလုပ်ထားခဲ့ခြင်း ဖြစ်ပါတယ်။

သိကြားရုပ်နဲ့ နတ်မင်းကြီးလေးပါး
*************************
မြင်တွေ့နေရတဲ့ တံခွန်တိုင်တွေကို လေ့လာကြည့်ရင်
မြင့်မားဖြောင့်တန်းရှည်လျားတဲ့ အုဋ္ဌ်တိုင်နဲ့
အဲဒီ အုဋ္ဌ်တိုင်ရဲ့ခြေရင်းမှာ ပလ္လင်ခုံ ရှိပါတယ်။

 အဲဒီပလ္လင်ခုံပေါ်မှာ ဗဟိုတိုင်ကို ပတ်ရံပြီး
နတ်ရုပ် သိကြားရုပ် ,ဗြဟ္မာရုပ်တွေ ခြယ်လှယ် ဆင်သလေ့
ရှိကြပါတယ်။

တိုင်ရဲ့ထိပ်မှာတော့ ဟင်္သာ သာ မက
ကရဝိက်
ဂဠုန်
ပြာသာဒ် စေတီ စသည်ကို တင်လေ့ရှိကြပါတယ်။

ရှေးကတော့…တံခွန်တိုင်ဆိုရင်
အခြေမှာ သိကြားရုပ်ပါမှ အင်္ဂါစုံတယ်လို့ မှတ်ယူကြပြီး
သိကြားရုပ်ကို မပါမဖြစ်
လေးနက်တဲ့ အဓိပ္ပါယ်တွေနဲ့ ထည့်ပေးကြခြင်းပါ။

ထုလုပ်လေ့ရှိကြတဲ့ သိကြားရုပ်ရဲ့ ဟန်တွေကလည်း

၁။သိကြားမင်း ခရုသင်းကိုင်နေဟန်
၂။ရှိခိုးနေဟန်
၃။သံတုတ်(ဝရဇိန်)လက်နက်ကိုင်နေဟန်
၎။စောင်းပိုက်နေဟန်-ဆိုပြီး
လေးမျိုးလေးစားနဲ့ ဟန်အသီးသီးမှာ အထိမ်းအမှတ်တွေ
အသီးအသီး ရှိကြပါတယ်။

၁။သိကြားမင်း ခရုသင်းကိုင်နေဟန်
***************************
မြတ်စွာဘုရား ပွင့်တော်မူစဉ်က
သိကြားမင်းဟာ ခရုသင်းမှုတ်ပြီး ပူဇော်ခဲ့တာကို
လူတွေ အမှတ်ရကြစေဖို့
သိကြားမင်း ခရုသင်းကိုင်နေဟန်ကို ထုလုပ်ပေးကြခြင်းပါ။

၂။သိကြားမင်းရှိခိုးနေဟန်
********************
နောက်တစ်ခါ သိကြားမင်း ရှိခိုးနေဟန်ကို
မင်္ဂလာတရား ဟောကြားပေးဖို့ရန်
သိကြားမင်း ရှိခိုးပြီး တောင်းပန်နေတာကို ရည်ရွယ်ပြီး
ထုလုပ်ပေးကြခြင်းပါ။

၃။သံတုတ်(ဝရဇိန်)လက်နက်ကိုင်နေဟန်
********************************
နောက်တစ်မျိုး ဖြစ်တဲ့ သံတုတ်(ဝရဇိန်)လက်နက်
ကိုင်နေဟန်ကိုတော့…
ဘုရားရှင်ကို အမေးပုစ္ဆာတွေ လာမေးတဲ့ အမ္ဗဋ္ဌလုလင်
ဟာ
ဘုရားရှင်က မေးနေတာကို အဖြေမပေးပဲ ပေတေနေတာ
ကို
ဝရဇိန်လက်နက်ပိုင်ရှင် သိကြားမင်း သိလို့
ပူပြင်းတောက်လောင်နေတဲ့ သံတူ(သံတုတ်)ကို ကိုင်ပြီး
တကယ်သတ်တော့မယ့်ဟန်
ကြိမ်းဝါးခဲ့တာကို ရည်မျှော်ပြီး ထုလုပ်ပေးကြခြင်းပါ။

၎။စောင်းပိုက်နေဟန်
*****************
နောက်ဆုံးတစ်မျိုးဖြစ်တဲ့ စောင်းပိုက်နေဟန်ကိုတော့
ပဉ္စသိင်္ခနတ်သားက
မြတ်စွာဘုရားကို သိကြားမင်းကိုယ်စား ဂါထာတွေနဲ့
စောင်းညှင်းဆောင်ကာ
လျှောက်ထားခဲ့တာကို ရည်မှတ်ပြီး ထုလုပ်ပေးကြခြင်းပါ။

 ဒီအကြောင်းအရာတွေကို မုံတိုင်ပင်ဆရာတော်ရဲ့
သုံးပုံတံချူကျမ်းမှာ လင်္ကာတွေနဲ့ မှတ်တမ်းပြထားပါတယ်။

အချို့ တံခွန်တိုင် အခြေတွေမှာတော့
သိကြားရုပ်တွေ အစား -
စတုလောကပါလ နတ်မင်းကြီးလေးပါးတို့ရဲ့ ပုံတွေကို
ထုလုပ်ထားကြပါတယ်။

ဒါကလည်း အရမ်းကာရောတော့ မဟုတ်ကြပါဘူး။

ဥပုသ်နေ့တွေမှာ…
ရတနာသုံးပါးကို ဆည်းကပ်သူ။
မဆည်းကပ်သူ။
သီလစောင့်သူ။
မစောင့်သူ။
မိဘလုပ်ကျွေးသူ။
မကျွေးသူ စတဲ့လူတွေကို
အဲဒီနတ်မင်းကြီးတွေနဲ့ နတ်မင်းကြီးတွေရဲ့ အစေအပါး
နတ်တွေက စာရင်းကောက်ယူပြီး
ပဉ္စသိင်္ခနတ်သားက တစ်ဆင့် -မာတလိ။
မာတလိက တစ်ဆင့် သိကြားမင်းဆီ အပ်ကြပါတယ်။

 ဒီအကြောင်းကို လူတွေ သတိရကြကာ…
ရတနာသုံးပါး ဆည်းကပ်ကြဖို့
သီလစောင့်ထိန်းကြဖို့
မိဘလုပ်ကျွေးကြဖို့
လူတွေကို သတိပေးတဲ့ဟန်နဲ့ ထုလုပ်ပေးကြခြင်းပါ။

အချို့က
သိကြားမင်းရဲ့
ရှိခိုးနေဟန်…
ခရုသင်းကိုင်နေဟန်…
စောင်းကိုင်နေဟန်…
သံတူကိုင်နေဟန်…
ရုပ်တုလေးခုကို ကြည့်ပြီး
နတ်မင်းကြီးလေးပါးနဲ့ မှားတတ်ကြပါတယ်။
                           
မှီခိုရာကျမ်းကိုး-

(၁။ပိဋကတော်များ
၂။ပခုက္ကူစာပေဆု သုတေသနစာပေဆုရ
မောင်ယဉ်လှိုင်း၏ ဆောင်းပါး
၂။အရှင်ခေမိန္ဒ(တိပိဋက နိကာယ)၏
တံခွန်တိုင်ရဲ့အဓိပ္ပါယ် )

ခြေသလုံး ကြွက်သား နှင်နှလုံး

အသက် ၅၀ တန်းဝင်လာရင် ........လမ်းလျောက်၊စာဖတ်
ဒုတိယနှလုံး.......ခြေသလုံး
--------------------

          သဘာဝကြီးကလူတွေက်ိုမွေးကတည်းကပေးထားတဲ့နှလုံးဟာတစ်ခုတည်းမဟုတ်ပါဘူး။အဖော်ပါလာပါတယ်။အဲဒါဟာခြေသလုံးတွေကကြွက်သားတွေပဲဖြစ်ပါတယ်။နှလုံးခုံခြင်းဟာသူဟာသူခုံနေတာဖြစ်ပေမဲ့ခြေသလုံးကနှလုံးတွေကတော့လူကလုပ်ပေးမှအလုပ်လုပ်တာပါ။
          လူတစ်ယောက်ဟာတစ်နေ့ကိုနှလုံးခုံတဲ့အကြိမ်ပေါင်းတစ်သိန်းလောက်ရှိပါတယ်။အဲဒါဟာသွေးတွေကိုသွေးလွှတ်ကြောကနေတစ်ဆင့်တစ်ကိုယ်လုံးသို့ပို့လွတ်ဖို့နှလုံးက pump လုပ်နေခြင်း ဖြစ်ပါတယ်။ အဲဒီသွေးတွေဟာသွေးပြန်ကြောကနေတစ်ဆင့်နှလုံးကိုပြန်ရောက်လာပါတယ်။သွေးလည်ပတ်တယ်ဆိုတာဟာဒါပါပဲ။
           နှလုံးကသွေးတွေကိုညှစ်ထုတ်ပြီးတစ်ကိုယ်လုံးကိုကောင်းစွာရောက်ဖို့ဆိုတာသူ့ရဲ့သွေးအိမ်ထဲမှာသွေးတွေပြည့်နေဖို့လိုပါတယ်။နှလုံးအိမ်ထဲမှာသွေးတွေလျော့နည်းနေရင်သွေးလွှတ်ကြောကနေသွေးပို့လွှတ်မှုနည်းပါးသွားရော။အဲဒီ့အခါကျတော့သွေးလှည့်ပတ်မှုမကောင်းတော့ဘူး။သွေးလည်ပတ်မှုမကောင်းတော့သွေးထဲကကော်လက်စတြောတွေ၊ကယ်စီယမ်တွေနဲ့အဆိပ်တွေကအနည်ထိုင်ပြီးသွေးကြောပိတ်ဆို့မှုကိုဖြစ်စေပါတယ်။
       နှလုံးအိမ်မှာသွေးအားကောင်းဖို့အတွက်အထိရောက်ဆုံးလုပ်ပေးနိုင်တာကတော့ခြေသလုံး၂ခုကကြွက်သားတွေပဲဖြစ်ပါတယ်။ခြေသလုံး၂ခုကကြွက်သားတွေညှစ်ပေးမှသွေးပြန်ကြောထဲကသွေးတွေကနှလုံးကိုကောင်းစွာရောက်ပါတယ်။နှလုံးအိမ်မှာသွေးတွေပြည့်သွားတော့မှနှလုံးကညှစ်လိုက်ရင်သွေးတွေဟာအားကောင်းကောင်းနဲ့သွေးလွှတ်ကြောထဲကိုတရှိန်ထိုးဝင်ရောက်သွားပါတယ်။
          ရေပိုက်တစ်ခုထဲမှာရေအားနည်းရင်ရေကကောင်းကောင်းမစီးဘဲရေထဲမှာပါလာတဲ့အနည်တွေထိုင်ပါတယ်။ကြာတော့ရေပိုက်ပိတ်ဆို့မှုဖြစ်လာရော။ရေအားကောင်းကောင်းနဲ့ထိုးလွှတ်လိုက်တော့ရေပိုက်ထဲကအနည်တွေပိတ်နေတာတွေလည်းရှင်းသွားပါတယ်။သွေးကြောကလည်းအဲဒီ့သဘောအတိုင်းပါပဲ။
              နှလုံးမှာသွေးအားကောင်းဖို့အတွက်ခြေသလုံးကြွက်သားတွေညှစ်မှရတာပါ။ခြေသလုံးကြွက်သားတွေညှစ်ဖို့ဆိုတာလမ်းလျှောက်ပေးမှရတာပါ။အပြေးလေ့ကျင့်မှရတာပါ။ခြေသလုံးကြွက်သားတွေအကြိမ်ကြိမ်ညှစ်မှနှလုံးသွေးအားကောင်းပြီးသွေးကြောတွေရှင်းမှာဖြစ်ပါတယ်။
             ယခုအခါမှာလူတွေဟာလမ်းတောင်မလျှောက်ကြဘဲဇိမ်ခံပစ္စည်းအမျိုးမျိုးနဲ့သာအချိန်ကုန်နေကြပါတယ်။ဒါကြောင့်နှလုံးသွေးကြောပိတ်ပြီးနှလုံးရောဂါအမျိုးမျိုးနဲ့သေနေကြတာအများကြီးပါပဲ။ ခြေသလုံး၂ခုကိုလှုပ်ရှားပြီးကြွက်သားတွေကိုညှစ်ပေးနိုင်မှနှလုံးအားကောင်းပြီးကျန်းမာကြပါလိမ့်မယ်။လမ်းလျှောက်တဲ့လူတွေအသက်ရှည်တယ်ဆိုတာဒါကြောင့်ပါပဲဗျာ။

           ချစ်ခင်လေးစားလျှက်.............

စာအုပ်ညွှန်း-နုပျိုချင်သလား.....ပြေးပါ
               
        ရေးသူ - မင်းကျော်ဝင်း

အပူလျှပ်တယ်ဆိုတာ

"အပူလျှပ်တယ် ဆိုရင် မြန်မာနိုင်ငံမှာ
 လူအများစုက
နေပူထဲက ပြန်လာပြီး
 ရုတ်တရက် ရေချိုးလိုက်တာတို့ ၊
 ‎ မျက်နှာသစ်လိုက်တာတို့ လို့ ထင်နေကြတယ်။

ရုတ်တရက် သတိလစ် အသက်ရှူရပ်သွားတယ်ပေါ့။

တကယ်တမ်းတော့ အဲ့ဒါဟာ
အပူလျှပ်တယ် ဆိုတဲ့အထဲက အလွန်ရှားပါးသော ဖြစ်ရပ်သာဖြစ်တယ်။

ပူရာနေ ရုတ်တရက် အေးသွားတာကြောင့်
အရေပြားရှိသွေးကြောတွေရဲ့ တုန့်ပြန်မှု ကမောက်ကမဖြစ်သွားလို့ နှလုံးခုန်ရပ်သွားတာသာ ဖြစ်တယ်။ မကြာဘူး စက္ကန့် ပိုင်းအတွင်း သေနိုင်ပါတယ်။
သိနားလည်သူရှိလို့ အသက်ကယ်မယ်ဆိုရင်
ချက်ချင်း မြန်မြန် နှလုံးခုန်အောင် ပြန်လုပ်နိုင်ရင် အသက်ရှင်မှာပါပဲ။
အင်္ဂလိပ်လို Vagal Inhibition လို့ ခေါ်ပါတယ်။

တကယ့် Heat stroke အပူလျှပ်ခြင်း  အစစ်ကတော့
ဒီလို မသက်သာပါဘူး။
ဆေးရုံမှာ အကြာကြီးခံရပြီးမှ သေဆုံးရတတ်တာမျိုးဖြစ်ပါတယ်။
အပူလျှပ်ခြင်း အစစ်ကတော့
ရေဓာတ်နဲ့ ဓာတ်ဆားဓာတ် ( အဖန်ဓာတ် ၊ အငံဓာတ်) တွေ ဆုံးရှုံးပြီး မမျှတလို့ ဖြစ်ရတာပါ။

နွေရာသီလို ပူတဲ့အခါ
ပူတဲ့ လုပ်ငန်းလုပ်ရတဲ့အခါ

ချွေးတွေအရမ်းထွက်ပါတယ်
ဆားတွေပါ ပါသွားပါတယ်။
ဆားတွေများများပါသွားလေလေ
ရေက မငတ်တော့လေလေ ပါပဲ။
ရေက မသောက်မိဘူး။
ပိုပို ဆိုးလာတော့တာပေါ့။

အစပိုင်းမှာ ခန္ဓာကိုယ်က ပြန်ထိန်းပေးပါတယ်။

ဘယ်လိုထိန်းသလဲဆိုတော့
ဆီးသိပ်မသွားဘူး
ဆီးအနေနဲ့ထွက်ရမယ့် ရေဓာတ်ကို ပြန်သိမ်းတယ်။
ဒီတော့ ဆီးအရောင် ရင့်လာပါတယ်။

ဒါ့ကြောင့် ပူတဲ့အခါ  ရေဆာဆာ မဆာဆာ
ဆီးအရောင်ရင့်နေရင် ရေများများသောက်ရမယ်လို့ ပညာရှင်တွေက လမ်းညွှန်ပါတယ်။

ဒီလိုနဲ့ ရေက မသောက်မိတော့
 ချွေးတွေ အလွန်ထွက်ပြီး
 ‎ရေနဲ့ဆားတွေ ဆုံးရှုံးရတော့
 ‎လူဟာ အရမ်းနွမ်းနယ်လာပါတော့တယ်။
 ‎အခုထိ ချွေးကတော့ ထွက်မြဲပါပဲ။
 ‎ဒါကို Heat Exhaustion လို့ ခေါ်ပါတယ်။
 ‎အပူလွန်၍ပင်ပန်းခြင်း ပေါ့။

ဒီအချိန်မှာမှ ရေနဲ့ဆား ပြန်ဖြည့်တဲ့
ဓာတ်ဆားရည်သောက်တာမျိုး၊ ဓာတ်ဆားဓာတ်ပြည့်စေတဲ့ အချိုရည်တွေ သောက်တာမျိုး မလုပ်ဘူးဆိုရင်တော့
ခန္ဓာကိုယ်က ချွေးတောင် မထွက်နိုင်တော့ပါဘူး။

သူ့ ကြည့်လိုက်ရင်
ခြောက်ခြောက်ကပ်ကပ် ပင်ပင်ပန်းပန်းနဲ့
အသားကို ကိုင်ကြည့်ရင် မီးခဲလို ပူတယ်
ချွေးက နည်းနည်း မှ မရှိဘူး။
ဒါဆိုရင်တော့ Heat stroke အပူလျှပ်သွားပါပြီး
ဆေးရုံ မြန်မြန်ပြေးပါ။
( တချို့ကတော့ Heat exhaustion အဆင့်မှာကတည်းက ဆေးရုံ သွားပြခိုင်းတယ်)

ဆေးရုံနဲ့ဝေးရင် ၊ ဒါမှမဟုတ် ဆေးရုံမရောက်ခင်
ဘာလုပ်ရမှာလဲ ဆိုတော့

အပူကျအောင် လုပ်ရပါမယ်။
အဓိကမှတ်ထားရမှာပါက အဖျားကျတဲ့ Paracetamol လို ဆေးမျိုး ပေးဖို့မသင့်ပါဘူး။
Organ Failure အတွင်းအင်္ဂါပျက်စီးမှု ပိုဆိုးစေလို့လို့ ဆိုပါတယ်။

ရေနဲ့ဆား အရင်ဖြည့်ဖို့ ဓာတ်ဆားရည် အများကြီးတိုက်ရပါမယ်
သီးစုံဓာတ်ဆား မတိုက်သင့်ပါ။
Shark၊ကျွဲရိုင်း၊ ကော်ဖီ၊အရက်၊ burn၊ speed ၊ M150၊ Lippo အစရှိတဲ့ လူကို လန်းဆန်းစေတဲ့ Stimulating Fluid တွေ လုံးဝ မသောက်သင့်ပါဘူး
အပူလျှပ်ခြင်းကို ပိုမိုလွယ်ကူစေလို့ပါ။

လူနာက သတိမကောင်းတော့ဘူးဆိုရင်တော့
ရေခဲသေတ္တာထဲ အအေးခံထားတဲ့
အငံ ပုလင်း NS ကို သွေးကြောကနေ မြန်မြန်ချိတ်သွင်းရပါမယ်။ Rapid Cool NS infusion ။

အရင်ဆုံး အဝတ်တွေ အကုန်ချွတ်သင့်ပါတယ်။
Air con ခန်းထဲခေါ်ရပါမယ်
Air con ကို Dehumifying mode or Dry mode မှာ ထားပြီး ဖွင့်ရင် ပိုကောင်းပါတယ်။

ရေအေးအေးနဲ့ လောင်းချ ပေးရပါမယ်။
ရေနွေးနွေးလေး ကို ရေအေးငါးခါလောင်းပြီးတိုင်း
တစ်ခါလောင်းပေးရပါမယ်။
သွေးကြောတွေ ပွင့်ကျယ်လာအောင်ဖြစ်ပါတယ်။

တစ်ခု ထူးခြားတာက
အပူလျှပ်ခြင်း ဖြစ်သွားရင်တော့
ဆေးရုံမှာ ကုသပေမယ့်လည်း
၁၀၀မှာ ၂၀ယောက်လောက်က သေတာပါပဲတဲ့။

ဒီတော့ ကြိုတင်ကာကွယ်ခြင်းဟာ မရှိမဖြစ်လိုအပ်တယ်။
ကာကွယ်တာလည်း မခက်ဘူး
ဓာတ်ဆားရည် ကို ကိုယ့်အလုပ်ပေါ်မူတည်ပြီး သောက်ပေးနေရုံပါပဲ။
သွေးတိုးသမားတွေကတော့ ရေပဲ အဓိကသောက်ရုံ။
အဝတ်ကို ချောင်ချောင်ပါးပါးဝတ်ရမှာဖြစ်ပါတယ်။
အရမ်းလည်း အပင်ပန်းမခံဖို့လိုပါသေးတယ်။

ဒီလိုဆိုရင် အပူလျှပ်ဖို့ မကြောက်ရတော့ပါဘူး။

Heat stroke
အပူလျှပ်ခြင်း အကြောင်း သိကောင်းစရာ

ကျောင်းသားဘဝတုန်းက Short Noteအတွက်
ပြင်ဆင် ထားတဲ့ စာတွေ ကို ပြန်လည်ကောက်နုတ်ဖော်ပြတာပါ

မင်းနေလျံ
(Dr. မျိုးသန့်နိုင်-ဆေး မကွေး)

#HeatStroke
#အပူလျှပ်ခြင်း
#Health
#Knowledge
#HeatExhaustion
#Medicine
#Medical
#PublicHealthEducation
#ကျန်းမာရေး
#ဗဟုသုတ"အပူလျှပ်တယ် ဆိုရင် မြန်မာနိုင်ငံမှာ
 လူအများစုက
နေပူထဲက ပြန်လာပြီး
 ရုတ်တရက် ရေချိုးလိုက်တာတို့ ၊
 ‎ မျက်နှာသစ်လိုက်တာတို့ လို့ ထင်နေကြတယ်။

ရုတ်တရက် သတိလစ် အသက်ရှူရပ်သွားတယ်ပေါ့။

တကယ်တမ်းတော့ အဲ့ဒါဟာ
အပူလျှပ်တယ် ဆိုတဲ့အထဲက အလွန်ရှားပါးသော ဖြစ်ရပ်သာဖြစ်တယ်။

ပူရာနေ ရုတ်တရက် အေးသွားတာကြောင့်
အရေပြားရှိသွေးကြောတွေရဲ့ တုန့်ပြန်မှု ကမောက်ကမဖြစ်သွားလို့ နှလုံးခုန်ရပ်သွားတာသာ ဖြစ်တယ်။ မကြာဘူး စက္ကန့် ပိုင်းအတွင်း သေနိုင်ပါတယ်။
သိနားလည်သူရှိလို့ အသက်ကယ်မယ်ဆိုရင်
ချက်ချင်း မြန်မြန် နှလုံးခုန်အောင် ပြန်လုပ်နိုင်ရင် အသက်ရှင်မှာပါပဲ။
အင်္ဂလိပ်လို Vagal Inhibition လို့ ခေါ်ပါတယ်။

တကယ့် Heat stroke အပူလျှပ်ခြင်း  အစစ်ကတော့
ဒီလို မသက်သာပါဘူး။
ဆေးရုံမှာ အကြာကြီးခံရပြီးမှ သေဆုံးရတတ်တာမျိုးဖြစ်ပါတယ်။
အပူလျှပ်ခြင်း အစစ်ကတော့
ရေဓာတ်နဲ့ ဓာတ်ဆားဓာတ် ( အဖန်ဓာတ် ၊ အငံဓာတ်) တွေ ဆုံးရှုံးပြီး မမျှတလို့ ဖြစ်ရတာပါ။

နွေရာသီလို ပူတဲ့အခါ
ပူတဲ့ လုပ်ငန်းလုပ်ရတဲ့အခါ

ချွေးတွေအရမ်းထွက်ပါတယ်
ဆားတွေပါ ပါသွားပါတယ်။
ဆားတွေများများပါသွားလေလေ
ရေက မငတ်တော့လေလေ ပါပဲ။
ရေက မသောက်မိဘူး။
ပိုပို ဆိုးလာတော့တာပေါ့။

အစပိုင်းမှာ ခန္ဓာကိုယ်က ပြန်ထိန်းပေးပါတယ်။

ဘယ်လိုထိန်းသလဲဆိုတော့
ဆီးသိပ်မသွားဘူး
ဆီးအနေနဲ့ထွက်ရမယ့် ရေဓာတ်ကို ပြန်သိမ်းတယ်။
ဒီတော့ ဆီးအရောင် ရင့်လာပါတယ်။

ဒါ့ကြောင့် ပူတဲ့အခါ  ရေဆာဆာ မဆာဆာ
ဆီးအရောင်ရင့်နေရင် ရေများများသောက်ရမယ်လို့ ပညာရှင်တွေက လမ်းညွှန်ပါတယ်။

ဒီလိုနဲ့ ရေက မသောက်မိတော့
 ချွေးတွေ အလွန်ထွက်ပြီး
 ‎ရေနဲ့ဆားတွေ ဆုံးရှုံးရတော့
 ‎လူဟာ အရမ်းနွမ်းနယ်လာပါတော့တယ်။
 ‎အခုထိ ချွေးကတော့ ထွက်မြဲပါပဲ။
 ‎ဒါကို Heat Exhaustion လို့ ခေါ်ပါတယ်။
 ‎အပူလွန်၍ပင်ပန်းခြင်း ပေါ့။

ဒီအချိန်မှာမှ ရေနဲ့ဆား ပြန်ဖြည့်တဲ့
ဓာတ်ဆားရည်သောက်တာမျိုး၊ ဓာတ်ဆားဓာတ်ပြည့်စေတဲ့ အချိုရည်တွေ သောက်တာမျိုး မလုပ်ဘူးဆိုရင်တော့
ခန္ဓာကိုယ်က ချွေးတောင် မထွက်နိုင်တော့ပါဘူး။

သူ့ ကြည့်လိုက်ရင်
ခြောက်ခြောက်ကပ်ကပ် ပင်ပင်ပန်းပန်းနဲ့
အသားကို ကိုင်ကြည့်ရင် မီးခဲလို ပူတယ်
ချွေးက နည်းနည်း မှ မရှိဘူး။
ဒါဆိုရင်တော့ Heat stroke အပူလျှပ်သွားပါပြီး
ဆေးရုံ မြန်မြန်ပြေးပါ။
( တချို့ကတော့ Heat exhaustion အဆင့်မှာကတည်းက ဆေးရုံ သွားပြခိုင်းတယ်)

ဆေးရုံနဲ့ဝေးရင် ၊ ဒါမှမဟုတ် ဆေးရုံမရောက်ခင်
ဘာလုပ်ရမှာလဲ ဆိုတော့

အပူကျအောင် လုပ်ရပါမယ်။
အဓိကမှတ်ထားရမှာပါက အဖျားကျတဲ့ Paracetamol လို ဆေးမျိုး ပေးဖို့မသင့်ပါဘူး။
Organ Failure အတွင်းအင်္ဂါပျက်စီးမှု ပိုဆိုးစေလို့လို့ ဆိုပါတယ်။

ရေနဲ့ဆား အရင်ဖြည့်ဖို့ ဓာတ်ဆားရည် အများကြီးတိုက်ရပါမယ်
သီးစုံဓာတ်ဆား မတိုက်သင့်ပါ။
Shark၊ကျွဲရိုင်း၊ ကော်ဖီ၊အရက်၊ burn၊ speed ၊ M150၊ Lippo အစရှိတဲ့ လူကို လန်းဆန်းစေတဲ့ Stimulating Fluid တွေ လုံးဝ မသောက်သင့်ပါဘူး
အပူလျှပ်ခြင်းကို ပိုမိုလွယ်ကူစေလို့ပါ။

လူနာက သတိမကောင်းတော့ဘူးဆိုရင်တော့
ရေခဲသေတ္တာထဲ အအေးခံထားတဲ့
အငံ ပုလင်း NS ကို သွေးကြောကနေ မြန်မြန်ချိတ်သွင်းရပါမယ်။ Rapid Cool NS infusion ။

အရင်ဆုံး အဝတ်တွေ အကုန်ချွတ်သင့်ပါတယ်။
Air con ခန်းထဲခေါ်ရပါမယ်
Air con ကို Dehumifying mode or Dry mode မှာ ထားပြီး ဖွင့်ရင် ပိုကောင်းပါတယ်။

ရေအေးအေးနဲ့ လောင်းချ ပေးရပါမယ်။
ရေနွေးနွေးလေး ကို ရေအေးငါးခါလောင်းပြီးတိုင်း
တစ်ခါလောင်းပေးရပါမယ်။
သွေးကြောတွေ ပွင့်ကျယ်လာအောင်ဖြစ်ပါတယ်။

တစ်ခု ထူးခြားတာက
အပူလျှပ်ခြင်း ဖြစ်သွားရင်တော့
ဆေးရုံမှာ ကုသပေမယ့်လည်း
၁၀၀မှာ ၂၀ယောက်လောက်က သေတာပါပဲတဲ့။

ဒီတော့ ကြိုတင်ကာကွယ်ခြင်းဟာ မရှိမဖြစ်လိုအပ်တယ်။
ကာကွယ်တာလည်း မခက်ဘူး
ဓာတ်ဆားရည် ကို ကိုယ့်အလုပ်ပေါ်မူတည်ပြီး သောက်ပေးနေရုံပါပဲ။
သွေးတိုးသမားတွေကတော့ ရေပဲ အဓိကသောက်ရုံ။
အဝတ်ကို ချောင်ချောင်ပါးပါးဝတ်ရမှာဖြစ်ပါတယ်။
အရမ်းလည်း အပင်ပန်းမခံဖို့လိုပါသေးတယ်။

ဒီလိုဆိုရင် အပူလျှပ်ဖို့ မကြောက်ရတော့ပါဘူး။

Heat stroke
အပူလျှပ်ခြင်း အကြောင်း သိကောင်းစရာ

ကျောင်းသားဘဝတုန်းက Short Noteအတွက်
ပြင်ဆင် ထားတဲ့ စာတွေ ကို ပြန်လည်ကောက်နုတ်ဖော်ပြတာပါ

မင်းနေလျံ
(Dr. မျိုးသန့်နိုင်-ဆေး မကွေး)

#HeatStroke
#အပူလျှပ်ခြင်း
#Health
#Knowledge
#HeatExhaustion
#Medicine
#Medical
#PublicHealthEducation
#ကျန်းမာရေး
#ဗဟုသုတ
မူရင်းစာရေးသူအား#credit
မေတ္တာဖြင့် ပြန်လည်မျှဝေသည်
Aung Myat Zaw(ကျောက်ဆည်)

မှတ်ပုံတင်ရှေ့က နံပါတ်များအကြောင်း

မှတ်ပုံတင်၏ရှေ့နံပါတ်များသည် ဘယ်တိုင်းဒေသကြီး၊ဘယ်ပြည်နယ်များကို ကိုယ်စားပြုသလဲ? (မသိသေးသူများအတွက်)
=====================
မှတ်ပုံတင်၏ရှေ့နံပါတ်များသည် သင်သည် ဘယ်တိုင်းဒေသကြီး၊ဘယ်ပြည်နယ်တွင် မွေးဖွားခဲ့သည် (သို့) ဘယ်တိုင်းဒေသကြီး၊ဘယ်ပြည်နယ်တွင် မှတ်ပုံတင်ပြုလုပ်ခဲ့သည်ကို ကိုယ်စားပြုပါသည်။ နံပါတ်နောက်မှ အက္ခရာသည် မြို့နယ်ကို ကိုယ်စားပြုပါသည်။
၁ ဆိုရင် ကချင်ပြည်နယ်
၂ ဆိုရင် ကယားပြည်နယ်
၃ ဆိုရင် ကရင်ပြည်နယ်
၎ ဆိုရင် ချင်းပြည်နယ်
၅ ဆိုရင် စစ်ကိုင်းတိုင်းဒေသကြီး
၆ ဆိုရင် တနင်္သာရီတိုင်း
၇ ဆိုရင် ပဲခူးတိုင်းဒေသကြီး
၈ ဆိုရင် မကွေးတိုင်း
၉ ဆိုရင် မန္တလေးတိုင်း/နေပြည်တော်တိုင်းဒေသကြီး
၁၀ ဆိုရင် မွန်ပြည်နယ်
၁၁ ဆိုရင် ရခိုင်ပြည်နယ်
၁၂ ဆိုရင် ရန်ကုန်တိုင်းဒေသကြီး
၁၃ ဆိုရင် ရှမ်းပြည်နယ်
၁၄ ဆိုရင် ဧရာဝတီတိုင်းဒေသကြီး
“ချင် ယား ရင် ချင်း စစ် ရီ ခူး ကွေး လေး မွန် ခိုင် ကုန် ရှမ်း စုံ ဧရာ တိုင်းနဲ့ပြည်နယ် ၁၄ပါ” ဟုလည်း စာချိုးဖြင့် အလွယ်တကူမှတ်သားနိုင်လေသည်။
.
credit to သုတဇုန်

ကဆုန်လပြည့် ဗုဒ္ဓဆိုင်ရာနေ့

#ကဆုန်လပြည့်ဗုဒ္ဓနေ့ဆိုင်ရာ

ဗောဓိညောင်ပင် ကို ဘာကြောင့် ကိုးကွယ်သင့်သလဲ...

အာ , ဗော , ကာ , ယ , ဆံ , ရွှေ , ကဏ် , တဲ့၊

အာ - - - အာနန္ဒာမထေရ်
ဗော - - - ဗောဓိပင်
ကာ --- ကာဠုဒါယီအမတ်
ယ - - - ယသော်ဓရာ
ဆံ - - - ဆန္ဒအမတ်
ရွှေ - - - ရွှေအိုးကြီးလေးလုံး
ကဏ် - - - ကဏ္ဍကမြင်း

ဒီ (၇) ဦးဟာ မြတ်စွာဘုရားရဲ့ ဖွားတော် (၇) ဦးဖြစ်ပါတယ်။ ဖွားဘက်တော်ဆိုတာ မြတ်စွာဘုရားမွေးဖွားတဲ့ နေ့ အချိန်မှာပဲ တပြိုင်နက်တည်း အတူတူမွေးဖွားလာကြတာဖြစ်ပါတယ်။

ထိုအထဲမှာ ဗောဓိပင်ဟာလည်း တစ်ခုအပါအဝင်ဖြစ်ပါတယ်။ ဒီဗောဓိပင်အောက်မှာပဲ မြတ်စွာဘုရားရှင်သည် မာန်ငါးပါးကို အောင်မြင်တော်မူပြီး သဗ္ဗညုတဉာဏ်တော်ကြီးကို အခုလို ကဆုန်လပြည့်နေ့ည အာရုဏ်မတက်ခင်မှာ ရရှိတော်မူခဲ့တာဖြစ်ပါတယ်။

ဘုရားဖြစ်တော်မူပြီးနောက်မှာလဲ ဗောဓိညောင်ပင်ကြီးကို သဗ္ဗညုတဉာဏ်တော်ကြီးကို ရရှိတော်မူခဲ့တဲ့နေရာပဲဆိုပြီး (၇) ရက်ပတ်လုံး ဖလသမာတ်ဝင်စားကာ ဗောဓိပင်အောက်မှာပဲ နေတော်မူခဲ့ပါတယ်။ ထိုနောက် ဗောဓိပင်ရဲ့ အနောက်မြောက်ယွန်းယွန်းမှာရှိသော ကုန်းတော်ပေါ်မှ ရပ်လျင် မမှိတ်မသုန်သော မျက်စိဖြင့် ကြည့်ရှုတော်မူရင်း (၇) ရက်ပတ်လုံး ဖလသမာပတ်ဝင်စားတော်မူခဲ့ပါတယ်။ ထိုနေရာဝန်းကျင်မှာပဲ ဆက်လက်ပြီး စင်္ကမနသတ္တာဟ၊ ရတနာဃရသတ္တာဟ၊ အဇပါလသတ္တာဟ၊ မုစလိန္ဒသတ္တာဟ၊ ရာဇာယတနသတ္တာဟ ဆိုပြီး သတ္တဌာန (၇) ဌာနမှာ (၇) ရက်ဆီ [၄၉] ရက်ပတ်လုံး ဖလသမာပတ်ဝင်စားကာ သီတင်းသုံးတော်မူခဲ့ပါတယ်။

ထို့ကြောင့် ဗောဓိပင်ဟာ ဘုရားရှင်ရဲ့အသုံးအဆောင်ဖြစ်တာကြောင့် ပရိဘောဂစေတီထိုက်ပါတယ်။ စေတီထိုက်တယ်ဆိုတာ ပူဇော်ကိုးကွယ်ထိုက်တာကိုဆိုလိုတာဖြစ်ပါတယ်။

ထိုမူလဗောဓိပင်မှ တစ်ဆင့် သာဝတ္ထိပြည်သူတွေ ဘုရားမရှိတဲ့အချိန် ကိုးကွယ်ကြဖို့ သာဝတ္ထိမြို့မှာ ရှင်အာနန္ဒာဦးဆောင်စိုက်ပျိုးခဲ့ခြင်းကြောင့် အာနန္ဒာဗောဓိ ဟု အမည်တွင်သော ဗောဓိညောင်ပင်ကို မြတ်စွာဘုရားရှင်လက်ထက်တော်ကတည်းက စိုက်ပျိူးခဲ့တာ ယခုတိုင်ရှိနေဆဲဖြစ်ပါတယ်။ သာဝတ္ထိမြို့သူမြို့သားတို့သည် ထိုဗောဓိပင်ကို အမွှေးနံ့သာ ပန်း ဆီးမီးတို့ဖြင့် ဆက်ကပ်ညှိထွန်းခြင်းဖြင့် ဘုရားရှင်အား ပူဇော်သည့်အနေဖြင့် အမြဲပူဇော်ခဲ့ကြပါတယ်။

တဖန် သာသနာနှစ် ၂၀၀ ကျော်မှာလဲ အသောကမင်း၏ ပို့ဆောင်ပေးမှုဖြင့် သီရိလင်္ကာနိုင်ငံမှာလည်း ဒေဝါနံပိယဒဿီ မင်းကိုယ်တိုင် သီဟိုဠ်ပြည်သူတွေ ကိုးကွယ်ရစ်ကြဖို့ ဗောဓိပင်ကို စိုက်ပျိူးခဲ့ပါတယ်၊ ၎င်းဗောဓိပင်သည်လည်း ယနေ့တိုင် သီရိလင်္ကာနိုင်ငံမှာ ရှိနေဆဲဖြစ်ပါတယ်။

ဒီလိုပရိဘောဂစေတီထိုက်သော ဗောဓိပင်ကို ဘုရားရှင်လက်ထက်က စပြီး ယနေ့တိုင်အောင် ဗုဒ္ဓဘာသာဝင်တွေဟာ ကိုးကွယ်လာခဲ့ကြတာဖြစ်ပါတယ်။

ဘုရားလက်ထက်က ရဟန္တာအရှင်​သူမြတ်ကြီးတွေကလည်း သူတို့ရဟန္တာဖြစ်ပြီးနောက် သူတို့ရဲ့အတိက်အကြောင်းတွေကို ပြောပြတဲ့အခါ ဗောဓိပင်စိုက်ပျိုးခြင်းကြောင့် ရရှိတဲ့အကျိူးတရားတွေကို ပြောပြခဲ့ကြပါတယ်။

အသနဗောဓိယမထေရ် အလောင်းသည် တိဿဘုရားရှင်၏ ဗောဓိပင်ကို စိုက်ပျိုးပူဇော်ရသော ကုသိုလ်ကြောင့် နတ်ပြည်၌ဖြစ်ရခြင်း၊ စကြာမင်းဖြစ်ရခြင်း၊ အပါယ်ဘေးမှလွတ်ကင်းရခြင်းအကျိုးများကို ခံစားခဲ့ရပြီး ဂေါတမမြတ်စွာဘုရားပွင့်တော်မူသောအခါ “ဗောဓိသိဉ္ဓက မထေရ်”အမည်ဖြင့် ပဋိသမ္ဘိဒါလေးပါး၊ ၀ိမောက္ခရှစ်ပါး၊ အဘိညာဉ်ခြောက်ပါးတို့ကို ရရှိပိုင်ဆိုင်ကာ အာသဝေါကုန်ခမ်း “ရဟန္တာ”ဖြစ်တော်မူခဲ့တဲ့အကြောင်းကို ထေရာပဒါန်ကျမ်းဂန်၌ မထေရ်မြတ်ကြီး ကိုယ်တော်တိုင် သူရဲ့ဘဝဖြစ်တွေကို နောက်လူသားတို့အတုယူနိုင်ဖို့ ဟောကြားထားပါသည်။

“ဂန္ဓောဒကတိဿမထေရ် အလောင်းသည်လည်း ပဒုမုတ္တရဘုရားရှင်၏ ဗောဓိပင်ကို နံ့သာရေဖြင့် သွန်းလောင်းသောကုသိုလ်ကြောင့် နတ်ပြည်၌ဖြစ်ရခြင်း၊ အနာရောဂါမရှိခြင်း၊ သောကကင်းဝေးခြင်း စသောအကျိုးများကို ခံစားရပြီး ဂေါတမမြတ်စွာဘုရားပွင့်တော်မူသော အခါ “ဂန္ဓောဒကိယမထေရ်” အမည်ဖြင့် ပဋိသမ္ဘိဒါလေးပါး၊၀ိမောက္ခရှစ်ပါး၊ အဘိညာဉ်ခြောက်ပါးတို့ကို ရရှိပိုင်ဆိုင်ကာ
အာသဝေါကုန်ခမ်း ရဟန္တာဖြစ်တော်မူခဲ့လေသည်။

ထိုကဲ့သို့ ပူဇော်ထိုက် ကိုးကွယ်ထိုသော ဗောဓိညောင်ပင်ကို ဝမ်းတွင်းမြို့နယ်၊ ဆပ်ခင်းရွာ၊ လေးထပ်ကျောင်းဝန်းအတွင်းမှာလဲ ပူဇော်ပသခြင်း၊ အနေကဇာတင်ခြင်း၊ ညောင်ရေသွန်းလောင်းခြင်း မင်္ဂလာများကို ပြုလုပ်မှာဖြစ်ပါတယ်။

ထို့ကြောင့် ဗောဓိညောင်ပင်ကို ရေသွန်းလောင်းသောအခါ မြတ်ဗုဒ္ဓသည် ဤနေရာဌာန၌ပင် မာရ်စစ်သည်အပါင်းကို အောင်မြင်ပြီး၊ ဤနေရာဌာန၌ပင် သစ္စာလေးပါးကို သိမြင်ကာ၊ ဤနေရာဌာန၌ပင် ဘုရားအဖြစ်သို့ ရောက်တော်မူခဲ့လေသည် ဟု “မြတ်ဗုဒ္ဓ၏ ဂုဏ်တော်” တို့ကို လေးလေးနက်နက် အာရုံယူကာ “သံသရာဝဋ်ဆင်းရဲမှ ထွက်မြောက်ရန်”ဆုပန်ပြီး ရှေးက ရဟန္တာမထေရ်မြတ်ကြီးများကို အတုယူကာ သွန်းလောင်း ပူဇော်သင့်ပါကြောင်း တိုက်တွန်းချင်ပါတယ်။

မဇ္ဈိမ စာသင်သား
08.05.2017.

ဆရာတော်ကြီးများရဲ့ဓမ္မစကားများ
စုစည်းရာစာမျက်နှာမှ တစ်ဆင့်ပြန်လည်
ကူးယူဖော်ပြ ဝေမျှပါသည်။

#ကဗျာ

ယသော်ခင်လေး ၊ ညီထွေးအာနန်
ကာဠုဒါယိ ၊ ဗောဓိရုက္ခံ
ကဏ္ဍကမြင်း ၊ ကျွန်ရင်းမောင်ဆန်
ရွှေအိုးစွက် ၊ ဖွားဘက်ခုနစ်တန်…

ရှေးတုန်းက အဆိုအမိန့်

လိုက်နာမှတ်သား ရှေးရှေးတုန်းက အဆိုအမိန့်များ

(၁) မဟောင်တတ်သော ခွေးသည် ကိုက်တတ်၏။
စကားမပြောဘဲ ဆိတ်ဆိတ်နေသူသည်
မိုက်တတ်၏။

(၂) အကောင်းပြောလျင် ချက်ချင်း ၀မ်းမသာပါနှင့်၊ မကောင်းပြောလျင်လည်း ချက်ချင်း
ဝမ်းမနည်းပါနှင့်။

(၃) ကန်ဖူးသော မြင်းသည် ကန်ချက်ကို မမေ့။
လူသည်လည်း အကျင့်ပျက်ကို မမေ့။

(၄) ထိုင်သည့်အခါ အောက်ကို ကြည့်ပါ။
ထသည့်အခါ အပေါ်ကို ကြည့်ပါ။

(၅) မပုပ်သော အသီးကို ပိုးမထိုး။
မရှိသောသူကို သူခိုးမခိုး။

(၆) လက်ခြေတို့သည် ၀မ်းဗိုက်၏
ကျေးကျွန်ဖြစ်သည်။ မည်သူကမျှ
အလကားခေါ်မကျွေးနိုင်။

(၇) ခမောက်သည် လူ၏ ဦးခေါင်းနှင့် မကင်း၊
လူတိုင်းသည် အချစ်နှင့် မကင်း။

(၈) နှုတ်ခမ်းရွဲ့သူသည် ဆဲရေးတတ်၏၊
မာနကြီးသူသည် စကားကျဲ၏။

(၉) ဦးချိုမကောင်းသော နွားကို မမွေးပါနှင့်၊
အလုပ်မလုပ်ဘဲ လေလွင့်နေသူကို မကျွေးပါနှင့်။

(၁၀) အစားကြောင့် ချစ်ခင်တတ်၏၊
စကားကြောင့် မုန်းတတ်၏။

(၁၁) မြန်မြန်စားသော် နင်တတ်၏၊
မြန်မြန်ပြေးသော် ချော်လဲတတ်၏။

(၁၂) ချစ်လျှင် လက်ဆောင်အဖြစ်
အလကားပေးရာ၏၊
အရောင်းအ၀ယ်ပြုလျင်
အများတကာကဲ့သို့ ဈေးယူရာ၏။

(၁၃) နှုတ်ချိုသော် ပခုံး သက်သာ၏၊
နှုတ်ချိုသော် ဗိုက်ပြည့်၏။

(၁၄) ရေကန်ကို ဆဲဆိုလျင်
ငါးသတ္တ၀ါတို့ စိတ်နာတတ်၏၊
ခွေးကို ဆဲဆိုသော် အိမ်ရှင်သည် စိတ်နာတတ်၏။

(၁၅) အရိပ်ခိုသော် အကိုင်းကို မချိုးရာ၊
မိုးကြိုးမပစ်သော်လည်း မြွေကိုက်တတ်၏။

(၁၆) ကျီးကန်းအား သစ်စေးပုံးကို မစောင့်စေရာ၊
သူခိုးကို ဥစ္စာထုပ်အား မစောင့်စေရာ။

(၁၇) အတူတကွ ၀ိုင်းဝန်းစားမှ အရသာမြိန်၏၊
အတူတကွ ၀ိုင်းဝန်းမမှ အလေးချိန်ပေါ့၏။

(၁၈) နက်သောရေသည် အသံတိတ်ဆိတ်၏၊
ပညာရှိသည် တိတ်တိတ်နေတတ်၏။

(၁၉) တောချုံကိုလည်း မပျက်စေရာ၊
ယုန်ကိုလည်း မလွှတ်ထွက်စေရာ။

(၂၁) ကြာပန်းကိုလည်း မနွမ်းစေရာ၊
ရေကိုလည်း မနောက်စေရာ။

(၂၂) စားလို၍ မေးမြန်းတတ်သည်။
ခိုးလို၍ ထိတ်လန့်အောင် လုပ်တတ်သည်။

(၂၃) ပျော်ရွှင်ချင်သူ၏ မျက်နှာသည် စပ်ဖြဲဖြဲ၊
ရည်းစားစကား ပြောသူ၏ မျက်နှာသည် ပျော့ရဲရဲ။

(၂၄) အုပ်စုကွဲသောနွားသည် အမဲသားဖြစ်၏။
အမျိုးကွဲသောသားသမီးသည်
တခြားသူဖြစ်သွား၏။

(၂၅) လူဖြစ်လာလျင် မအပါနှင့်၊
မိမိကျောကို လှန်၍ သူတစ်ပါးအား မပြပါနှင့်။

(၂၆) လက်ကျိုးလျင် အင်္ကျီထဲတွင်သာ ကျိုးပါစေ။

(၂၇) ပြောပြီးသော စကား၊
ဓားဖြင့်ခုတ်မိသွားသော အရာ၊
ကျိုးသွားသော ကျောက်ခဲတို့သည်
မူလအတိုင်း ပြန်မဖြစ်တော့။

(၂၈) အပြောကြီးသောသူသည်
ကျားအရှင်ကို ဖမ်းမိတတ်၏။

(၂၉) ကျီးကန်းကလည်း ဇီးကွက်ကို မစွပ်စွဲပါနှင့်၊
ဇီးကွက်လည်း ကျီးကန်းကို မစွပ်စွဲပါနှင့်။
အော်သံချင်း သိပ်မထူးပါဘူး။

(၃၀) လူသည် အသက်ရှူတာခြင်း ခြားနား၏။
တချို့က ငှက်ပျောသီးကို ဆားနှင့် တို့စားချင်ကြ၏။

(၃၁) မကတတ်လျင် အိုးစည်တီးသူကို မစွပ်စွဲပါနှင့်၊ မလုပ်တတ်လျင် သူများကို မစွပ်စွဲပါနှင့်။

(၃၂) သကာလိုချိုသော တရားကို လူကြိုက်ရှား၏။ ပဲပုပ်လို နံသော အစားအစာကို လူကြိုက်များ၏။

(၃၃) သူတစ်ပါးကို ခိုင်းလျင် စိတ်တိုင်းမကျ နိုင်၊
နာခေါင်းဖြင့် စားလျင် ဗိုက်မ၀။
(အနံ့ခံရရုံဖြင့် ဗိုက်မ၀ဟု ဆိုလို၏)

(၃၄) သူတစ်ပါးကို လက်ညှိုးထိုး၊
ကိုယ်ဘက် တစ်ချောင်းတိုး။ (လက်မနှင့် လက်ညှိုးသာ သူများဘက်ကို လှည့်၏၊ လက်ခလယ်၊
လက်သူကြွယ်နှင့် လက်သန်းသည်
ကိုယ့်ဘက်ကို လှည့်နေ၏)

(၃၅) ထက်လှစွာသော ဓားသည်
သူ၏ ဓားရိုးကို ပြန်ပြီး မခုတ်နိုင်။

(၃၆) အသွင်ပြောင်းသော သမန်းကျားသည်
နွားကိုဖျောက်၏။
အသွင်ပြောင်းသော သူသည်
အမျိုးပျောက်၏။

(၃၇) မကိုက်တတ်သော ခွေးသည် ဟောင်၏။
ငွေမချေးသင့်ဘဲ ချေးပေးလျင် ဒူးညောင်း၏။

(၃၈) ဆင်ပြောင်ကြီးသည်
သစ်တုံးကြီိးကို ချီနိုင်သကဲ့သို့
စာကလေးသည်လည်း မြက်ပင်ကို ချီနိုင်ပါသည်။

(၃၉) မတ်တပ်ရပ်လျင်
အပေါ်ထုတ်တန်းကို ကြည့်ပါ၊
ထမင်းချက်လျင်
ထမင်းကျန်ကို အရင်ကြည့်ပါ။

(၄၀) ငါးရံ့သည်
ရေထဲတွင် တစ်သက်လုံး နေသော်လည်း
မဖြူ။ ဗျိုင်းသည် ကုန်းပေါ်နေသော်လည်း မမဲ။

(၄၂) ခွေးက သန်းကို ကိုက်သော်လည်း သန်းမသေ၊ သန်းက ခွေးကို ကိုက်သောလည်း ခွေးမသေ။

(၄၃) ကံမကောင်းလျင်
သစ်ပင်ကို အမှီပြုသော်လည်း
သစ်ပင်သည် လဲကျ၏၊
တိုင်ကို အမီပြုသော်လည်း တိုင်သည် လဲကျရာ၏။

(၄၄) ဒုက္ခရောက်ချိန် ၀က်ဝံကိုရှောင်စဉ်
ကျားနှင့် ၀င်တိုးတတ်၏။

(၄၅) ၀ါးခမောက်လုပ်သူ ဖက်ခမောက်ကိုဆောင်း၊ အိုးစည်လုပ်သူ ၀ါးခေါင်းကို တီး။

(၄၆) ကိုရင်ကလေးသည်
ကြေးစည်ကြီးကို ရိုက်ခတ်၍
အမြဲတမ်း ငိုအောင်ပြု၏။ တစ်ခါတစ်ရံ
ကြေးစည်ကြီးသည် ကိုရင်ကလေးကို
ပြန်ရိုက်ခတ်သောအခါ ကိုရင်ကလေးသည်
ကြေးစည်ထက် အကြာကြီး ငိုနေတတ်၏။

Ref: အရှင်သုခမိန္ဒ

ငှက်ပျောသီးမီးဖုတ်အစွမ်း

ငှက်ပျောသီးမီးဖုတ်ရဲ့ ဆေးအစွမ်းထက်ပုံ

ဖခင်ကြီး မောပြီး ခြေထောက်များရောင်. နှလုံးအထူးကုပြ သွေးစစ်တိုင်း ပိုတက်ဆီယမ်အားနည်းသည်ဟုပြော..K ပုလင်းချိတ်ရင်တစ်နေကုန်ကြာတယ်။ ဆီးခနခနသွားချင်တဲ့လူကြီးဆိုတော့အဆင်မပြေ။

ရန်ကုန်ဆေး ၁ မှ ညီဆရာဝန်က ငှက်ပျောသီးအခွံမာမာလေးကို မီးဖုတ်ကျွေးကြည့်ပါတဲ့လှမ်းပြောတယ်။

အင်းဟုတ်သားပဲ တိုင်းရင်းဆေးဆရာကမေ့နေတာ။ ငှက်ပျောသီးမီးဖုတ် ပူပူလေးကျွေး..အုန်းစိမ်းရည်တိုက်။

ဒီနေ့မနက် သွေးဖောက်စစ်တော့ ပိုတက်ဆီယမ် K ပြည့်သွားပြီတဲ့ ။ ကောင်းပါလေ့..ခြေထောက်ကလည်း အရောင်ကျသွားပြီ။

Credit : ကြည်လွင်မြင့်(မုဒါ)

ငှက်ပျောသီးကို နေ့စဉ်စားသင့်သော အကြောင်းရင်း (၁၂) ချက်

(၁) ငှက်ပျောသီးကို သင် နေ့စဉ် ပုံမှန်စားတဲ့ အကျင့် ပြုလုပ်ထားရင် လေဖြတ်ရောဂါကြောင့် သေဆုံးနိုင်ခြေ ၄၀ ရာခိုင်နှုန်းထိ လျှော့ချနိုင်တယ်လို့ New England ဆေးပညာ ဂျာနယ်မှ လေ့လာမှု အရ သိရပါတယ်။

(၂) ငှက်ပျောသီးမှာ အဓိကအားဖြင့် သကြား (ဂလူးကို့စ်၊ ဖရပ်တို့စ်နဲ့ ဆူးကရို့စ်) ပါဝင်တာကြောင့် စွမ်းအင်ကို ချက်ချင်း ပေးနိုင်သလို စွမ်းအင် တာရှည်စွာ ရရှိစေနိုင်ပါတယ်။

(၃) ငှက်ပျောသီးမှာ ပါဝင်တဲ့ Tryptophan ခေါ်တဲ့ Aminoacid ဟာ Serotonin အဖြစ် ပြောင်းလဲနိုင်တာကြောင့် စိတ်ခံစားမှု ကောင်းစေပြီး စိတ်ဓာတ် ကျဆင်းမှု လျော့နည်းစေပါတယ်။

(၄) ငှက်ပျောသီးမှာ ပါဝင်တဲ့ များစွာသော အမျှင်ဓာတ်တွေက ဝမ်းနုတ်ဆေး အပျော့စားလို ပြုလုပ်နိုင်တာကြောင့် ဝမ်းချုပ်သူတွေ အတွက် အသုံးဝင်ပါတယ်။

(၅) သူ့မှာ ပါဝင်တဲ့ များစွာသော အမျှင်ဓာတ်တွေက အူမကြီး လုပ်ငန်း ပုံမှန် ဖြစ်အောင် ကူညီပေးသလို Pectin ခေါ်တဲ့ ရေမှာ ပျော်ဝင်တဲ့ အမျှင်ဓာတ်တွေဟာလည်း အစာလမ်းကြောင်း တစ်လျှောက် ပုံမှန် ရွေ့လျားမှု ရရှိအောင် ပြုလုပ်ပေးပါတယ်။

(၆) ငှက်ပျောသီးမှာ ပါဝင်တဲ့ သံဓာတ်တွေဟာ ခန္ဓာကိုယ်တွင်း ဟေမိုဂလိုဘင် ကြီးထွားဖို့ လှုံ့ဆော်နိုင်တာကြောင့် သွေးအားနည်း ရောဂါအတွက် သင့်တော်ပါတယ်။

(၇) နေ့စဉ် ငှက်ပျောသီး သုံးလုံး ပုံမှန်စားတဲ့ အသက်ကြီးသူတွေဟာ အသက်ကြီးလာရင် အမြင်အာရုံ ဆုံးရှုံးမှု ဖြစ်ရတဲ့ အကြောင်းရင်း ဖြစ်တဲ့ မက်ကူလာ ပျက်စီး ယိုယွင်းမှု (Age related macular degeneration) ဖြစ်နိုင်ခြေကို ၃၆ ရာခိုင်နှုန်းအထိ လျှော့ချနိုင်ပါတယ်။

(၈) ငှက်ပျောသီးမှာ ပါဝင်တဲ့ များစွာသော ပိုတက်စီယမ်နဲ့ အလွန် နည်းလှတဲ့ ဆိုဒီယမ်ကြောင့် သွေးတိုးရောဂါ မဖြစ်အောင် ကာကွယ်နိုင်ပါတယ်။

(၉) ငှက်ပျောသီးမှာ ခန္ဓာကိုယ်တွင်း ကောင်းတဲ့ ဘက်တီးရီးယားတွေကို အာဟာရဖြစ်စေတဲ့ Fructooligosaccharide ပါဝင်ပါတယ်။

(၁၀) ရင်ပူဝေဒနာ ရှိသူတွေ ငှက်ပျောသီး စားရင် သက်သာတာဟာ ငှက်ပျောသီးမှာ ပါဝင်တဲ့ Antacid ဂုဏ်သတ္တိကြောင့်ပါ။

(၁၁) ငှက်ပျောသီးကို ပုံမှန် စားပေးရင် ကျောက်ကပ် ကျန်းမာရေးကို ကူညီနိုင်ပါတယ်။ ငှက်ပျောသီးမှာ ပါဝင်တဲ့ ဓာတ်တိုး ဆန့်ကျင်ပစ္စည်း ဒြပ်ပေါင်း Phenolic ကြောင့် ကျောက်ကပ်ကင်ဆာ ဖြစ်နိုင်ခြေကို လျှော့ချနိုင်ပါတယ်။

(၁၂) ငှက်ပျောသီးမှာ ပါဝင်တဲ့ ဗီတာမင် B6,B12, ပိုတက်စီယမ်နဲ့ မဂ္ဂနီဆီယမ်ကြောင့် ဆေးလိပ်ဖြတ်သူတွေမှာ နီကိုတင်း ဖြတ်တာကြောင့် ဖြစ်လာတဲ့ အကျိုးဆက်တွေကို မြန်မြန် ကောင်းအောင် ကူညီနိုင်ပါတယ်။

ဒေါက်တာခင်မိုးမိုး

အသက်ကြီးသောအခါ

"" အသက်ကြီးသော အခါ ""

"မျောက်လို လှုပ်ရှား"၊ "ကြောင်လို စား"၊ "နွားလို ရေသောက်"၊
"လိပ်လို လျှောက်"၊ "တုတ်ထောက် မပျင်းနှင့်"။

၁။ မျောက်လို လှုပ်ရှား

အသက်ကြီးလာလျှင် လှုပ်လှုပ်ရှားရှားနေရပါတယ်၊
ငြိမ်ကုတ်နေတာဟာ
ရောဂါတွေကို ဖိတ်ခေါ်နေတာနဲ့ အတူတူပါပဲ ။

၂။ ကြောင်လို စား

အသက်ကြီးလာတာနဲ့ အမျှ အစာခြေဖျက်မှု့တွေနှေးကွေးသွားပြီဖြစ်လို့
တစ်ခါစားရင် နည်းနည်းနဲ့အကြိမ်များများ စားပေးရပါတယ်။
လူငယ်တွေလို တစ်ထိုင်တည်း အဝ စားလို့မရတော့ပါဘူး။

၃။နွားလို ရေသောက်

အသက်ကြီးလာလျှင် သွေးလည်ပတ်မှုနဲ့ဝမ်းမှန်အောင်
ရေကိုများများ သောက်ပေးရပါတယ်။

၎။ လိပ်လို လျှောက်

အသက်ကြီးလာတာနဲ့အမျှ သွားလာလှုပ်ရှားတဲ့ အခါ ခြေချော်မလဲစေဖို့ ဖြေးဖြေးနဲ့မှန်မှန် လမ်းလျှောက်ပေးရပါတယ်။

၅။ တုတ်ထောက် မပျင်းနှင့်

မကြာခဏ လဲပြိုမှု့မဖြစ်ရလေအောင် တုတ်ကောက်ဆောင်ရပါမယ်။
လဲပြိုသွားခဲ့ရင် ပြန်ကောင်းဖို့မလွယ်ကူတော့ပါဘူး။
တုတ်ကောက်ဆောင်ထားခြင်းက တော်တန်ရုံ လဲပြိုမှု့ကို မဖြစ်စေတော့ပါဘူး။

San Nyuntoo
MM Book City
Credit....

ပဋ္ဌာန်း အကျယ် မရွတ်နိုင်သူများအတွက်

နေ့စဉ်တိုင်းမှာပဌာန်းအရှည်ကြီး ကိုယ်မရွတ်နိုင်တဲ့အတွက်ထူးခြားတဲ့ပဌာန်း ဆုတောင်းလေးပေးပါရစေနော်..

ပဌာန်းအကျယ်မရွတ်နိုင်တဲ့နေ့တွေမှာ သရဏဂုံသုံးပါးနှင့် ငါးပါးသီလစောင့်တည်ပီ ဒါလေးကိုရွတ်ဆိုနိုင်ပါတယ်.အရမ်းအချိန်ပေးစရာမလိုဘဲ မြတ်စွာဘုရားရှင်ပဌာန်းဒေသနာတော်အားဆုတောင်းနည်းပါ..ကျ​နော်​ ပဌာန်းအကျယ်ရွတ်ဖို့အရမ်းအချိန်မပေးနိုင်တဲ့နေ့တွေမှာဒါလေးနေ့စဉ်ရွတ်ဖြစ်ပါတယ်.သိသိသာသာက်ုယ့်ရွတ်တာ ၅နှစ်လောက်ရှိပါပီ.ကြာသွားရင်အလွတ်ရသွားတော့ အမြဲအာဂုဏ်စောင့်မိတဲ့အတွက် နေ့စဉ်ကိုယ့်အတွက်ကံဆိုးမှုတွေမကျရောက်နိုင်ပါဘူး.လက်တွေ့ပါ🙏🙏🙏

1. ဟေတု ပစ္စယော : အကုသိုလ်ကင်း၍ ကုသိုလ်နှင့် ယှဉ်တွဲရပါစေသား။

2. အာရမ္မဏ ပစ္စယော : မျက်စိနှင့်နားတို့သည် နိဗ္ဗာန်သို့ မျက်မှောက်ပြုရပါစေသား။

3. အဓိပတိ ပစ္စယော : ရုပ် ၊ နာမ် နှစ်ပါးကို စောင့်ရှောက်ထိန်းသိမ်းရပါစေသား။

4. အနန္တရ ပစ္စယော : များလှစွာသော ကုသိုလ်ရေးများကို မျက်မှောက်ပြုရပါစေသား။

5. သမနန္တရ ပစ္စယော : ရုပ်နှင့်နာမ် အတူရှိသောတရားတို့ကို မျက်မှောက်ပြုရပါစေသား။

6. သဟဇာတ ပစ္စယော : ရုပ် - ရုပ်ခြင်း၊ နာမ် - နာမ်ခြင်း ထင်ရှားစွာ သိရပါစေသား။

7. အညမည ပစ္စယော : ရုပ်မှနာမ် ၊ နာမ်မှရုပ်သို့ ပြောင်းလဲ၍ သိရပါစေသား။

8. နိဿယ ပစ္စယော : ရုပ် နာမ် နှစ်ပါးတို့၏ တည်ရာကို သိရပါစေသား။

9. ဥပနိဿယ ပစ္စယော : ရတနာသုံးပါးကို ဦးထိပ်ထားရပါစေသား။

10. ပုရေဇာတ ပစ္စယော : ရှေ့ကဖြစ်သော အကုသိုလ်ကို ပယ်၍ ကုသိုလ်ကို မျက်မှောက်ပြုရပါစေသား။

11. ပစ္ဆာဇာတ ပစ္စယော : နောက်၌ဖြစ်သော အကုသိုလ်ကို ပယ်၍ ကုသိုလ်ကို မျက်မှောက်ပြုရပါစေသား။

12. အာသေဝန ပစ္စယော : လိုရာဆန္ဒမရှိအောင် ပြည့်စုံရပါစေသား။

13. ကမ္မ ပစ္စေယော : ကံသုံးပါးကို ထိန်းသိမ်းရပါစေသား။

14. ဝိပါက ပစ္စေယော : ဝဋ်ကြွေးသုံးသွယ်ကို ပယ်ဖျက်ရပါစေသား။

15. အာဟာရ ပစ္စယော : လိုရာကို ပြည့်စုံစွာ ထောက်ပံ့နိုင်ကြပါစေသား။

16. က္ကန္ဒြိယ ပစ္စယော : ရုပ် ၊ နာမ်ကို ထိန်းသိမ်းတတ်သော ပညာနှင့် ပြည့်စုံရပါစေသား။

17. ဈာန ပစ္စယော : သူတော်ကောင်းတရား 7 ပါး ၊ ဥာဏ်စဉ် 5 ပါး တို့နှင့် ပြည့်စုံရပါစေသား။

18. မဂ္ဂ ပစ္စယော : ဘာဝနာတရား 2 ပါး အပေါင်းကို အာရုံပြု၍ အထွတ်အထိပ် ပညာကို ရပါစေသား။

19. သမ္ပယုတ္တ ပစ္စေယော : သူတော်ကောင်းတို့နှင့်ပေါင်း၍ 7 ဖြာသောတရားနှင့် ယှဉ်တွဲရပါစေသား။

20. ဝိပ္ပယုတ္တ ပစ္စယော : သူယုတ်မာနှင့်ဝေး၍ အကုသိုလ်တို့ ကင်းရှင်းရပါစေသား။

21. အတ္ထိ ပစ္စယော : သမုတိနယ်၏အသိကို ဟုတ်မှန်စွာ သိရပါစေသား။

22. နတ္ထိ ပစ္စယော : ပရမတ္တ မရှိတရား၏အသိကို မျက်မှောက်ပြုရပါစေသား။

23. ဝိဂတပစ္စယော : ရှေ့၌ပွင့်ပြီးကုန်သော ဘုရားတို့ကို ရှိခိုးရပါစေသား။

24. အဝိဂတ ပစ္စယော : နောင်ပွင့်လတ္တံ့သော ဘုရားတို့ကို ရှိခိုးရပါစေသား

***** ပဌာန်းအကျယ်အဓိပ္ပါယ်နှင့်နေ့စဉ်ရွတ်နိုင်လျှင်အကောင်းဆုံးပါ..ဒီဆုတောင်းက ပဌာန်းစာအုပ်လေးတွေရဲ့နောက်ဆုံးတွင် အမြဲပါတဲ့အတွက်ဆုတောင်းရွတ်ဆိုခြင်းသာဖြစ်ပါတယ်..ကိုယ့်အချိန်မရတဲ့နေ့မှာရွတ်ဖတ်ခြင်းအားမျှဝေပေးခြင်းဖြစ်ပါတယ်🙏🙏🙏😇

Credit

သာသနာ နဲ့ ကန်တော့ပွဲ

သာသနာ နှင့် ကန်တော့ပွဲ
````````````´´´´´´´´´´´´

ကျွန်ုပ် = ဒကာ အဲ့ဒါ ဘာလုပ်ဖို့လဲ ။

ဒကာ = ကန်တော့ပွဲ ဘုရား ။

ကျွန်ုပ် = ကန်တော့ပွဲတော့ ကျုပ်လည်း
            မြင်တာပေါ့ ၊ ဘာလုပ်ဖို့လဲလို့
            မေးတာ ဒကာရဲ့။

ဒကာ = "သာသနာပွဲ"လေ ၊ ဘုရားရှေ့မှာ
           ထားမလို့ဘုရား ။

ကျွန်ုပ် = ဒါဆို မထားနဲ့ ၊ ပြန်ယူသွားတော့ ။
           "သာသနာ"ဆိုတာ အဆုံးအမကို
            ပြောတာ ။ "သာသနာ"ကို လောစားရင်
            ဘုရားအဆုံးအမအတိုင်းနေ ။

ဒကာ = လူကြီးတွေက ထားခိုင်းလို့ပါ ဘုရား ။

ကျွန်ုပ် = အဲဒီလူကြီးဆိုတဲ့ လူကြီးတွေကို
           ပြောလိုက်ပါ ။ တို့ဘုရားက
           ညနေစာ မဘုဉ်းပေးဘူး ။ အုန်းသီး ၊
           ငှက်ပျောသီးဆိုတာ စားစရာတွေ
           ဖြစ်တဲ့အတွက် ဘုရားရှေ့မှာ ရက်ရှည်
           လများ အကြားကြီး မထားနဲ့ ။ လုံးဝ
           မသင့်တော်ဘူး ။ အားလုံး"ဒိဋ္ဌဓမ္မကံ"
           တွေ ထိုက်ကုန်လိမ့်မယ်လို့ ။

ဒကာ = တင်ပ တပည့်တော် ပြန်ပြော
           လိုက်ပါ့မယ် ဘုရား ။

                        ဦးဇောတိက(ဓမ္မသုခ)

                          (28 - 1 - 2018)

မူရင်း link ကြည့်ရန်

''အခွန် လာပြီ'' လာမည့်ဧပြီ၁ရက်တွင်စတင်အသက်ဝင်မည့်၂၀၁၈ခုနှစ်ပြည်ထောင်စု၏အကောက်ခွန်ဥပဒေကြမ်း

''အခွန် လာပြီ''
လာမည့်ဧပြီ၁ရက်တွင်စတင်အသက်ဝင်မည့်၂၀၁၈ခုနှစ်ပြည်ထောင်စု၏အကောက်ခွန်ဥပဒေကြမ်း

https://m.facebook.com/story.php?story_fbid=1664102160292085&id=634518613250450

ဘုရားရှင မြန်မာပြည်သို့ ဘယ်နှစ်ကြိမ်ကြွ

မြတ်စွာဘုရားရှင် ကိုယ်တော်မြတ်ကြီးသည် မြန်မာနိုင်ငံသို့ ဘယ်နှစ်ကြိမ်ကြွခဲ့ပါသလဲ?

၁။ ပထမအကြိမ်
============
မဟာသက္ကရာဇ် (၁၀၄) ခုနှစ် ဒုတိယဝါ သက်တော် ၃၆ နှစ်တွင် ဖိုးဦးတောင် ( ပြည်မြို့အနီး ) သို့ကြွချီတော်မူသည်။ ပြည်ရွှေဆံတော် စေတီပေါ်ထွန်းခဲ့သည်။
===============

၂။ ဒုတိယ အကြိမ်
============
မဟာသက္ကရာဇ် ( ၁၁၁ )ခုနှစ် ဝါတော်( ၈ ) ဝါ သက်တော် ၄၃ နှစ်တွင် သုဝဏ္ဏဘုမ္မိ သထုံပြည်သို့ ရဟန္တာအရှင် ဂဝံပတိမထေရ်၏ ပင့်လျှောက်ချက်အရ ရဟန္တာ ( ၅၀၀ )တို့ နှင့်အတူ ကြွချီတော်မူသည်။ ကျိုက်ထီးရိုးစေတီ ပေါ်ထွန်းခဲ့သည်။
                                      ============

၃။တတိယ အကြိမ်
=============
မဟာသက္ကရာဇ် (၁၁၃) ခုနှစ် ဝါတော် (၁၀) ဝါ သက်တော် ၄၅ နှစ်တွင် ရခိုင်ပြည်သို့ ရဟန္တာ ( ၅၀၀ ) နှင့်အတူ ကြွချီတော်မူခဲ့သည်။
မဟာမြတ်မုနိအပါအဝင် မုနိလေးဆူ ပေါ်ထွန်းခဲ့ သည်။
========================

၎။ စတုတ္ထအကြိမ်
============
မဟာသက္ကရာဇ် (၁၂၃ ) ခုနှစ် ဝါတော် (၂၀) ဝါ သက်တော် (၅၅)နှစ်တွင်  သုနာပရန္တတိုင်းသို့ ကြွချီတော်မူသည်။
မန်းရွှေစက်တော်ခြေတော်ရာများ
=====================
ကိုးကွယ်ရန် ချထားတော်မူခဲ့သည်။

၅။ ပဉ္စမအကြိမ်
===========
မဟာသက္ကရာဇ် (၁၃၆) ခုနှစ်ဝါတော် (၃၃) ဝါ သက်တော် ၆၈ နှစ်တွင် တကောင်းပြည်သို့ ကြွချီတော်မူသည်။
ဟန်လင်းကြီးစေတီ ပေါ်ထွန်းခဲ့သည်။
=============

အိဖြိုးကျော် ပြန်လည်မျှဝေသည်။

စာကိုး။  ။ခြေခြေမြစ်မြစ် နှစ်နှစ်ကာကာ မြန်မာ့ဗဟုသုတ(၁၀၀)ထဲမှ

နေ မဝင်သဖြင့် ညမရှိသော နိုင်ငံများ

ကမ္ဘာပေါ်မှာ နေဘယ်တော့မှ မဝင်ပဲ ညမရှိသော နိုင်ငံများ
****************************

ညမရှိသော နိုင်ငံများ
*************
မြန်မာနိုင်ငံက ပြည်သူတွေအနေနဲ့ နွေဥတု၊ မိုးဥတု၊ ဆောင်းဥတုဆိုတဲ့ ရာသီဥတု ၃ ပါးနဲ့ ယဉ်ပါးနေသလို နေ့နဲ့ ညဆိုတဲ့ အချိန်ကာလအပိုင်းအခြားတွေနဲ့လည်း ယဉ်ပါးနေပြီးသားဖြစ်မှာပါ။
နံနက်ပိုင်း၊ နေ့လည်ပိုင်း၊ ညနေပိုင်း၊ ညပိုင်း စတဲ့ အချိန်ကာလအပိုင်းအခြားတွေဟာ နေထွက်မှု၊ နေဝင်မှုတွေအပေါ်မူတည်ပြီး ပြောင်းလဲနေတာလည်းဖြစ်ပါတယ်။ ဒါပေမယ့် အံ့သြဖွယ်အနေနဲ့ နေဘယ်တော့မှ မဝင်တဲ့ နေရာဒေသတွေ ကမ္ဘာပေါ်မှာရှိနေပါတယ်။
အာတိတ်စက်ဝိုင်းရဲ့ မြောက်ဘက်ဒေသတွေနဲ့ အန္တာတိတ်စက်ဝိုင်း တောင်ဘက်ဒေသမှာ တည်ရှိတဲ့ နိုင်ငံတွေမှာ ဒီအဖြစ်အပျက်တွေ တည်ရှိနေတာဖြစ်ပါတယ်။ ကမ္ဘာကြီးရဲ့ဖွဲ့စည်းပုံ၊ နေအဖွဲ့အစည်းရဲ့ လည်ပတ်လှုပ်ရှားနေမှုတွေနဲ့ ပတ်သက်ဆက်နွယ်နေတာလည်း ဖြစ်ပါတယ်။ ဒါကြောင့် ကမ္ဘာပေါ်က နေဘယ်တော့မှ မဝင်ပဲ ညမရှိတဲ့ နိုင်ငံတွေကို ဖော်ပြပေးပါမယ်။

၁။ နော်ဝေ

နော်ဝေနိုင်ငံဟာ အာတိတ်စက်ဝိုင်းဒေသအတွင်းတည်ရှိပါတယ်။ နေဘယ်တော့မှမဝင်ပဲ ညသန်းခေါင်ယံအထိနေကို ကြည့်နိုင်တဲ့နိုင်ငံအဖြစ်လည်း လူသိများပါတယ်။ မေလ ကနေ ဇူလိုင်လအတွင်း ၇၆ ရက်ကာလဟာ နေဘယ်တော့မှ မဝင်ပါဘူး။ တစ်နေ့လုံးရဲ့ နာရီ ၂ဝ လောက်အထိကို နေရောင်က လွှမ်းမိုးထားလေ့ရှိပါတယ်။

၂။ အိုင်စလန်

အိုင်စလန်ဟာ ဂရိတ်ဗြိတိန်အပြီး ဥရောပဒေသရဲ့ အကြီးဆုံးကျွန်းနိုင်ငံဖြစ်ပါတယ်။ သာယာလှပတဲ့ နိုင်ငံတစ်နိုင်ငံဖြစ်သလို မေလ ကနေ ဇူလိုင်လအတွင်း တောက်ပတဲ့ နေရောင်တွေက အမြဲလွှမ်းမိုးထားပါတယ်။ နေရောင်ကအမြဲကြီးစိုးထားတဲ့ အိုင်စလန်နိုင်ငံမှာ တောင်တက်ခြင်း၊ စက်ဘီးစီးခြင်းစတာတွေကိုလည်း ပြုလုပ်လို့ကောင်းတယ်လို့ သိရပါတယ်။

၃။ ကနေဒါ

ကမ္ဘာပေါ်မှာ ဒုတိယအကြီးဆုံးနိုင်ငံဖြစ်ပါတယ်။ နိုင်ငံရဲ့ ဒေသတော်တေ်ာများများက နှင်းတွေနဲ့ ဖုံးလွှမ်းနေလေ့ရှိပါတယ်။ နေဘယ်တော့မှ မဝင်ပဲ တောက်ပတဲ့ နွေဥတုက ရက် ၅ဝ လောက်ကြာမြင့်ပါတယ်။ နိုင်ငံအတွင်း တောင်တန်းတွေနဲ့ အံ့ဖွယ်နေရာဒေသတွေ၊ သမိုင်းဝင်ဒေသတွေ အများအပြားလည်းတည်ရှိပါတယ်။

၎။ အာလာစကာ

မေလ ကနေ ဇူလိုင်လအတွင်း နေဘယ်တော့မှ မဝင်တဲ့ နိုင်ငံဖြစ်ပါတယ်။ လှပပြီး စိတ်လှုပ်ရှားဖွယ်ရသတွေ ပေးစွမ်းနိုင်တဲ့ နေရာဒေသလည်းဖြစ်ပါတယ်။ ခြွင်းချက်အနေနဲ့ ဆောင်းရာသီအတွင်းလတွေမှာတော့ နိုင်ငံအတွင်း မှောင်နေလေ့ရှိပါတယ်။

၅။ ဆွီဒင်

ဥရောပဒေသရဲ့ ဆွီဒင်နိုင်ငံမှာလည်း ညဘက်ဆိုတာ မရှိသလောက်ပါပဲ။ ညသန်းခေါင်ယံအထိ နေရှိနေဆဲဖြစ်ပြီး နံနက် ၄ နာရီ ၃ဝ လောက်မှာ နေတစ်ဖန်ပြန်ထွက်လာလေ့ရှိပါတယ်။ မေလ ကနေ သြဂုတ်လအတွင်း ဒီအခြေအနေတွေကို အမြဲကြုံတွေ့လေ့ရှိပါတယ်။ဆွီဒင်နိုင်ငံဟာ ခရီးသွားတွေအတွက် စိတ်ဝင်စားစရာနေရာဒေသအများအပြားရှိပြီး adventure အစီအစဉ်တွေ လုပ်ဆောင်ဖို့လည်း အဆင်ပြေတဲ့ ဒေသဖြစ်ပါတယ်။
မူရင်တင်ပြသူများအား လေးစားစွာ Credit ပေးပါသည်။

လူသားများ မဖူးရသေးသော စေတီ ၃ ဆူ

လူသားများ မဖူးရတဲ့ စေတီထူး ၃ ဆူ

လူသားများ မဖူးရတဲ့ စေတီထူး ၃ ဆူဆိုတာရှိပါတယ်…

(၁) စူဠာမဏိစေတီတော်၊

(၂) ဒုဿစေတီတော်၊

(၃) မဟေသရစေတီတော် တို့ဖြစ်ကြတယ်။

(၁) စူဠာမဏိစေတီတော်ဆိုတာ —

တာဝတိံသာနတ်ပြည်မှာ သိကြားမင်းတည်ထားတဲ့ စေတီဖြစ်တယ်။သိဒ္ဓတ္ထမင်းသားဟာ ကဏ္ဍကမြင်းကိုစီးပြီး မောင်ဆန်နှင့် အတူတောထွက်ကြရာမှာ အနော်မာမြစ်ကိုရောက်သောအခါကဏ္ဍကမြင်းနှင့် မောင်ဆန်ကို ပြန်လွှတ်၍ အလောင်းတော်သည် ဆံတော်ကိုဖြတ်ပြီးသော် ” ငါသည် အကယ်စင်စစ် ဘုရားဖြစ်မည်ဆိုပါက ဤ ဆံတော်သည် ကောင်းကင်၌ တည်စေသတည်း၊ အကယ်၍ ဘုရားမဖြစ်ပါက မြေ၌ကျစေသတည်း “ဟု အဓိဋ္ဌာန်ပြု၍ ကောင်းကင်သို့ မြှောက်ပစ်လိုက်ရာ မကိုဋ်နှင့် တကွသော ဆံထုံးတော်သည် အထက်သို့ တစ်ယူဇနာတိုင်တိုင် တက်၍ ကောင်းကင်၌ တည်၏။ထိုအခါသိကြားမင်းသည် ဆံတော်ကိုမြင်၍ ရတနာ ပန်းတောင်းဖြင့် ခံယူပြီးလျှင် မိမိနေရာ တာဝတိံသာ နတ်ပြည်၌ စူဠာမဏိစေတီတော်ကို တည်ထားကိုးကွယ်လေ၏။

(၂) ဒုဿစေတီတော်ကတော့—

သိဒ္ဓတ္ထမင်းသား ဘုရားအလောင်းတော်ဟာ ဆံတော်ကိုပယ်ပြီးနောက် ယခုငါဝတ်ထားတဲ့အဝတ်တွေဟာ ရဟန်းများနှင့် မလျောက်ပတ်ဘူး။ သူတို့ကိုလည်းပယ်စွန့်မှ တော်မယ်လို့ ကြံစည်တော်မူသတဲ့၊ အဲဒီအခါ ကဿဖဘုရားရှင်လက်ထက်တော်က မိတ်ဆွေဖြစ်ခဲ့ဖူးတဲ့ ဃဋိကာရဗြဟ္မာကြီးဟာ ကမ္ဘာဦးက နိမိတ်အဖြစ် ပေါ်ထွန်းလာတဲ့ ကြာရုံအတွင်းကြာတစ်ပွင့်မှ ပရိက္ခရာရှစ်ပါးကို ထိန်းသိမ်းထားရာက အလောင်းတော်ထံ လာရောက် ကပ်လှူသတဲ့။

အလောင်းတော်က ထို ပရိက္ခရာကို ဆင်မြန်းပြီး ဝတ်လဲတော်ကို မြှောက်ပစ်လိုက်တယ်။ ဒီဝတ်လဲတော်ကို ဗြဟ္မာမင်းကဆောင်ယူပြီး ၊ သုဒ္ဓါဝါသဗြဟ္မာဘုံမှာ စေတီတည်ထားတယ် ။ ဒီစေတီဟာ ၁၂ – ယူဇနာမြင့်တယ်လို့ ဗုဒ္ဓဝံသအဋ္ဌကထာ ၃၃၃ -မှာ ဆိုပါတယ်။

(၃) မဟေသရစေတီတော်ကတော့ —

ဟိမဝန္တာတောင်အတွင်းမှာ မန္ဒာဂီရိအမည်ရှိတဲ့ တောင်မှာ မဟေသရအမည်ရှိတဲ့ တန်ခိုးကြီးသော နတ်တစ်ပါးရှိတယ်။ အခါတစ်ပါး ဘုရားရှင်သည် ဟိမဝန္တာအရပ် နံ့သာတောကြွပြီး နေ့သန့်သတဲ့၊ ဒီအခါ မဟေသရနတ်မင်းက လာရောက်ပြီး ဘုရားရှင်နှင့် ယှဉ်ပြိုင် ကစားလိုပါတယ်လို့လျှောက်သတဲ့။ဒီအခါ ဘုရားရှင်က ဒီနတ်ဘီလူးဟာ တန်ခိုးကြီးသူဖြစ်တယ်။ သာသနာတော်ကို ကြည်ညိုလာလျှင် များစွာ အကျိုးရှိလိမ့်မယ်။ဒါကြောင့် သူ့အလိုကိုလိုက်ဦးမှလို့ ” အချင်းနတ်မင်းငါနှင့် ဘယ်လိုကစားချင်သလဲလို့ ” မေးသတဲ့။

မဟေသရနတ်က ရွာသူသားငယ်များကဲ့သို့ တူတူပုန်းတမ်း ကစားချင်ပါတယ်လို့ လျှောက်ထားတော့ ဘုရားရှင်က ဒါဖြင့် သင်က ဦးစွာပုန်းပါ၊ ငါကဖော်ပါ့မယ်လို့ ပြောသတဲ့၊ ဒီလိုဆိုလျှင် မျက်စိကိုပိတ်ထားပါ။ ကျွန်ုပ် ပုန်းကွယ်ပါမည် လျှောက်ထားပြီး မဟေသရနတ်မင်းဟာ သူကိုယ်ကို ကွယ်ကာ မြေကြီးအတွင်း ပျောက်ကွယ်စေပြီးမှ ဖော်ပါလို့ အသံပြုလိုက်သတဲ့။

ဘုရားရှင်လည်း သူပုန်းနေတဲ့ မြေလွှာကိုယူ လက်ဝဲလက်ဝါးပေါ်တင်ပြီးမှ အခြားမြေလွှာများကို ယက်ချကာ အချင်း မဟေသရ ထလော့လို့ဆိုသတဲ့။

ဒီအခါ မဟေသရက အမှန်မှာ ရှင်ကြီးဂေါတမဟာ ငါ့ကိုမမြင်ဘဲ ရမ်းပြောတာ ဖြစ်မယ်လို့ အကြံဖြစ်ပြီး မထဘဲ နေသေးသတဲ့၊ဒီအခါဘုရားရှင်က အချင်း မဟေသရ ဒီလိုမကြံနှင့်၊ ငါဟာ သင်ရဲ့ ကိုယ်ခန္ဓာကိုမျှမက ဝမ်းတွင်းက အူခွေများထိအောင် မြင်တယ်လို့ မိန့်တော်မူမှ ပုန်းရာက ထပြီး အရှင်ဂေါတမ အရှင်ဟာ အမှန်တကယ် တန်ခိုးကြီးပါတယ်၊ သို့သော်အရှင်ပုန်းပါဦး၊အရှင့်ကို ကျွန်ုပ် ရှာပါဦးမယ်လို့ ပြောသတဲ့၊ မြတ်စွာဘုရားက ငါပုန်းရမည်ဆိုသော် သင်၏မျက်လုံးများကို လက်နှင့် ဖုံးအုပ်ထားပါလို့ မိန့်တော်မူပြီး ကိုယ်တော်ကို ပရမာဏုမြူမျှလောက် ဖန်ဆင်းပြီး နတ်မင်းရဲ့ မျက်စိနှစ်ဖက်ကြားမှာ ပုန်းတော်မူပြီး ကောင်းကင်က အသံပေးလိုက်တယ်။

မဟေသရနတ်လည်း မျက်နှာကိုဖွင့်၊ ထက်ဝန်းကျင်ကြည့်သော်လည်း ဘုရားရှင်ကို မမြင်ဘူးတဲ့၊ ဒါကြောင့် ရေမြေတောတောင် သမုဒ္ဒရာမကျန်အောင် ဘယ်လိုရှာဖွေလို့မျှ မတွေ့တော့မှ ဘုရားရှင်ကို ပန်းပေးရသတဲ့၊ အဲဒီအခါမှ ဘုရားရှင်က မဟေသရနတ်မင်းရဲ့ မျက်မှောက်အကြားက ဆင်းသက်တော်မူလာသတဲ့။

ဘုရားရှင်ရဲ့ တန်ခိုးတော်များမြင်ရမှ မဟေသရနတ်မင်းဟာ ဘုရားရှင်အားကြည်ညိုကာ ဘုရားရှင်ထံ သရဏဂုံယူကာ ဥပသကာအဖြစ်ခံယူပြီးနောက်၊ မြတ်စွာဘုရားရှင်ဟာ လူသားဖြစ်သော်လည်း လူတို့စားသော ဆွမ်းကွမ်းများနှင့် မတန်ဘူး။

ဒါကြောင့် မန္ဒာဂိရီတောင်မှာ အမြဲ သီတင်းသုံးပါ။ နတ်ဆွမ်းကွမ်းများကို အမြဲဆက်ကပ်ပါမယ်လို့ လျှောက်ထားသတဲ့ ၊ ဘုရားရှင်က ခွင့်မပေးတဲ့အတွက် ဘုရားရှင်ရဲ့ ရုပ်ပွားသဏ္ဍာန်တော်ကို ကိုးကွယ်ခွင့်ပေးတော်မူပါလို့ လျှောက်ထားသတဲ့၊ ဘုရားရှင်က အခွင့်ပေးတဲ့အခါ မန္ဒာဂီရိတောင်မှာ ရတနာခုနှစ်ပါးတို့နှင့် ဆန်းကြယ်တဲ့ ကျောင်းတော်ကြီးကို ဆောက်တယ်။

ထိုကျောင်းတော်ကြီးအတွင်းမှာ ဂန္ဓကုဋီတိုက်ကို ဖန်းဆင်းတယ်။ ဂန္ဓကုဋီတိုက်အတွင်းမှာ လက္ခဏာတော်ကြီးငယ်တို့ဖြင့် တင့်တယ်တဲ့ ဘုရားရှင်ရဲ့ ရုပ်တုတော်ကို ပြုလုပ်ပြီး မျောက်မင်းတစ်ကောင်ကို အခြံအရံနှင့်တကွ ကျောင်းပရိဘောဂကို ပြုပြင် ဆောင်ရွက်ဖို့ အပ်နှံထားသတဲ့။ ဒါက မဟေသရစေတီတော်ပါ။

စေတီဆိုတာ ဓာတုစေတီ၊ ဥဒ္ဒိဿစေတီ၊ ပရိဘောဂစေတီ၊ ဓမ္မစေတီ ရယ်လို့ ၄ဆူရှိတယ်။ စေတီလို့ဆိုလိုက်လျှင် ရွှေတိဂုံစေတီလို စေတီကိုပဲ မြင်တတ်တယ်၊ အမှန်ကတော့ မဟာမြတ်မုနိလို ရုပ်ပွားတော်ဟာလည်း စေတီပါပဲ။ အခုစေတီသုံးမျိုးမှာ မဟေသရစေတီဟာ ရုပ်ပွားတော်စေတီဖြစ်ပါတယ်။
.
(ထီးချိုင့်မြို့ တည်တောဆရာတော်)

မေတ္တသုတ်ရွတ်ဖတ်ခြင်းအကျိုး

မေတ္တသုတ်ကို အမြဲမပြတ် ရွတ်ဖတ်လေ့ရှိသူတို့မှာ အခြောက်အလှန့်မခံရခြင်း၊ အနာရောဂါကင်းခြင်း၊ အိပ်မက်ဆိုး နိမိတ်ဆိုး အတိတ်ဆိုးများ မတွေ့ကြုံရခြင်း၊ လူနတ်အများချစ်ခင်ခြင်း၊ အဆိပ် လက်နက် မစူးရှခြင်း၊ ရူးသွပ်သော ဝေဒနာ ကင်းခြင်းမှစ၍ ဗြဟ္မာ့ဘုံရောက်သည်အထိ အကျိုးပေးနိုင်စွမ်း ရှိလေသည်။
၁။ ယဿာနုဘာဝတော ယက္ခာ၊ နေဝ ဒေဿန္တိ ဘီသနံ။
ယဥှိ စေဝါနုယုဉ္ဇန္တော၊ ရတ္တိ္တန္ဒိဝ' မတန္ဒိတော။

မေတ္တသုတ်တော် မြန်မာပြန်
၁။ မေတ္တာသုတ်ပရိတ်တော်၏ တန်ခိုးရှိန်စော်အာနုဘော်ကြောင့် ဘီလူးကြမ်းတို့ သည် ကြောက်မက်ဖွယ်သော အဆင်း အသံ အစရှိသော အာရုံတို့ကို မပြဝံ့ မခြောက်ဝံ့ကြလေကုန်၊ မေတ္တာသုတ်ပရိတ်တော်ကို ညဥ့်အခါ၌ လည်းကောင်း၊ နေ့အခါ၌ လည်းကောင်း၊ မပျင်းမရိ လုံ့လပြု၍ ရွတ်ဖတ်သောသူသည်။
၂။ သုခံ သုပတိ သုတ္တော စ၊ ပါပံ ကိဉ္စိ န ပဿတိ။
ဧဝမာဒိ ဂုဏူပေတံ၊ ပရိတ္တံ တံ ဘဏာမဟေ။
၂။ ချမ်းသာစွာအိပ်ရ၏၊ အိပ်သော်လည်း မကောင်းသော အိပ်မက်ကို တစိုးတစိ မျှ မမြင်မက်၊ ဤသို့ အစရှိသော ဂုဏ်ကျေးဇူးအပေါင်းနှင့် ပြည့်စုံသော မေတ္တာသုတ် ပရိတ်တော်ကို အို- သူတော်ကောင်းတို့ ငါတို့ရွတ်ဖတ်ကြပါကုန်စို့။
၃။ ကရဏီယ' မတ္ထကုသလေန၊ ယန္တ သန္တံ ပဒံ အဘိသမေစ္စ။
သက္ကော ဥဇူ စ သုဟုဇူ စ၊ သူဝစော စဿ မုဒု အနတိမာနီ။
၃။ လောကီလောကုတ္တရာ အကျိုးစီးပွား၌ လိမ္မာသောသူသည် ငြိမ်သက်အေး ချမ်းသော နိဗ္ဗာန်ကို အာရုံပြု၍ ဤဆိုလတ္တံ့သော သူတော်ကောင်းနည်းလမ်းကို ကျင့်ကြံ အားထုတ် ပြုလုပ်အပ်၏၊ ကိုယ်နှင့်အသက်တို့ကို မငဲ့ကွက် မညှာတာ ပြုလုပ်ခြင်းငှာ စွမ်းနိုင်ရာ၏၊ ကိုယ်နှုတ်နှစ်ပါး ရိုးသားဖြောင့်မတ်ရာ၏၊ စိတ် သဘောထား ကောင်းစွာ ဖြောင့်မတ်ရာ၏၊ ဆိုဆုံးမလွယ်ရာ၏၊ နူးညံ့သိမ်မွေ့ရာ ၏၊ သူတစ်ပါးအပေါ် ထောင်လွှားသော မာန်မာနမရှိရာ။
၎။ သန္တုဿကော စ သုဘရော စ၊ အပ္ပကိစ္စော စ သလ္လဟုကဝုတ္တိ။
သန္တိန္ဒြိယော စ နိပကော စ၊ အပ္ပဂဗ္ဘော ကုလေသွ' နနုဂိဒ္ဓေါ။
၎။ ရောင့်ရဲလွယ်ရာ၏၊ မွေးမြူလွယ်ရာ၏၊ နည်းပါးသော အမှုကိစ္စရှိရာ၏၊ ပေါ့ပါးသော အသက်မွေးခြင်း ရှိရာ၏၊ ငြိမ်သက်သော ဣနြေ္ဒရှိရာ၏၊ အရာရာ၌ ခွဲခြမ်းစိတ်ဖြာ ရဲရင့်သော ဉာဏ်ပညာရှိရာ၏၊ ကိုယ်နှုတ်နှလုံး သုံးပါးလုံး ရုန့်ရင်း ကြမ်းတမ်းမှု မရှိရာ၊ ဒါယကာတို့၌ တွယ်တာမက်မောမှုမရှိရ။
၅။ န စ ခုဒ္ဒ' မာစရေ ကိဉ္စိ၊ ယေန ဝိညူ ပရေ ဥပဝဒေယျုံ။
သုခိနော ဝ ခေမိနော ဟောန္တု၊ သဗ္ဗသတ္တာ ဘဝန္တု သုခိတတ္တာ။
၅။ ပညာရှိတို့ ကဲ့ရဲ့ရှုတ်ချအပ်သော တစုံတစ်ခုသော မကောင်းမှုကို အနည်း ငယ်မျှသော်လည်း မပြုမလုပ်ရာ၊ ခပ်သိမ်းသော သတ္တဝါတို့သည် ကိုယ်၏ချမ်း သာခြင်းနှင့် ပြည့်စုံကြပါစေကုန်သတည်း၊ စိတ်ချမ်းသာခြင်းနှင့် ပြည့်စုံကြပါစေ ကုန် သတည်း၊ ဘေးရန် ဥပဒ္ဒဝေါ မရှိကြပါစေကုန်သတည်း။
၆။ ယေ ကေစိ ပါဏဘူတတ္ထိ၊ တသာ ဝါ ထာဝရာ ဝ' နဝသေသာ။
ဒီဃာ ဝါ ယေ ဝ မဟန္တာ၊ မဇ္ဈိမာ ရဿကာ အဏုကထူလာ။
၆။ အကြွင်းမရှိ အလုံးစုံ ထွက်သက် ဝင်သက်ရှိသော သတ္တဝါ၊ ထင်ရှားရှိသော သတ္တဝါ၊ ထိတ်လန့် တတ်သော သတ္တဝါ၊ တည်ကြည်ငြိမ်သက်သော၊ သတ္တဝါ၊ ရှည်သော သတ္တဝါ၊ တိုသော သတ္တဝါ၊ ပုကွသော သတ္တဝါ၊ မတိုမရှည်သော သတ္တဝါ၊ ကြီးသော သတ္တဝါ၊ ငယ်သော သတ္တဝါ၊ မကြီးမငယ်သော သတ္တဝါ၊ ဆူသော သတ္တဝါ၊ ကြုံသော သတ္တဝါ၊ မဆူမကြုံသော သတ္တဝါ။
၇။ ဒိဋ္ဌာ ဝါ ယေ ဝ အဒိဋ္ဌာ၊ ယေ ဝ ဒူရေ ဝသန္တိ အဝိဒူရေ။
ဘူတာ ဝ သမ္ဘဝေသီ ဝ၊ သဗ္ဗသတ္တာ ဘဝန္တု သုခိတတ္တာ။
၇။ မျက်စိဖြင့် မြင်ကောင်းသော သတ္တဝါ၊ မျက်စိဖြင့် မမြင်ကောင်းသော သတ္တဝါ၊ အဝေး၌နေသော သတ္တဝါ၊ အနီး၌နေသော သတ္တဝါ၊ ထင်ရှားဖြစ်ပေါ်ပြီးသော သတ္တဝါ၊ ဖြစ်ဆဲတည်နေသော သတ္တဝါ၊ ဤအလုံးစုံသော သတ္တဝါတို့သည် ကိုယ်စိတ်နှစ်ဖြာ ချမ်းသာခြင်း ရှိကြပါစေကုန်သတည်း။
၈။ န ပရော ပရံ နိကုဗ္ဗေထ၊ နာတိမညေထ ကတ္ထစိ န ကဉ္စိ။
ဗျာရောသနာ ပဋိဃသည၊ နာညမညဿ ဒုက္ခမိစ္ဆေယျ။
၈။ တစ်ယောက်သောသူက တစ်ယောက်သောသူကို အမျက်မထွက်ပါစေလင့်၊ တစ်စုံတစ်ခုသော အမှုကိစ္စ၌ တစ်ယောက်သောသူက တစ်ယောက်သောသူကို ညှဉ်းဆဲချုပ်ချယ်သော ကာယကံ ဝစီကံဖြင့် လည်းကောင်း၊ ခိုက်ရန်မျက်ပွား အငြိုးထားသောစိတ်ဖြင့် လည်းကောင်း၊ အနည်းငယ်မျှသော်မှ မထီမဲ့မြင် မအောက်မေ့ပါစေလင့်၊ အချင်းချင်း၏ ဆင်းရဲဒုက္ခကို အလိုမရှိပါစေလင့်။
၉။ မာတာ ယထာ နိယံပုတ္တ၊ မာယုသာ ဧကပုတ္တ မနုရက္ခေ။
ဧဝမ္ပိ သဗ္ဗဘူတေသု၊ မာနသံ ဘာဝယေ အပရိမာဏံ။
၉။ အမိသည် မိမိရင်သွေးဖြစ်သော တစ်ယောက်တည်းသော သားငယ်ကို အသက်အတွက်ကြောင့် အဖန်တလဲလဲ စောင့်ရှောက်သကဲ့သို့ ဤနည်းအတူ သာလျှင် ခပ်သိမ်းသော သတ္တဝါတို့၌ အတိုင်းအရှည်မရှိသော မေတ္တာစိတ်ကို ပွားစေရာ၏။
၁ဝ။ မေတ္တဉ္စ သဗ္ဗလောကသ္မိ၊ မာနသံ ဘာဝယေ အပရိမာဏံ။
ဥဒ္ဓံ အဓော စ တိရိယဉ္စ၊ အသမ္ဗာဓံ အဝေရ မသပတ္တံ။
၁ဝ။ ကာမဘဝတည်းဟူသော အောက်လောက၌ လည်းကောင်း၊ ရူပဘဝတည်း ဟူသော အလယ်လောက၌ လည်းကောင်း၊ အရူပဘဝတည်းဟူသော အထက် လောက၌ လည်းကောင်း၊ ဤလောကသုံးပါးတို့၌ ပိုင်းခြားလွတ်ကင်း ကျဉ်း မြောင်းခြင်းလည်းမရှိ ကိုယ်တွင်းဘေးရန် လည်းမရှိ အပဘေးရန်လည်းမရှိ အတိုင်းမသိ ချစ်ခင်မြတ်နိုးသော မေတ္တာစိတ်ကိုလည်း ပွားစေရာ၏။
၁၁။ တိဋ္ဌံ စရံ နိသိန္နော ဝ၊ သယာနော ယာဝတာ'ဿ ဝိတမိဒ္ဓေါ။
ဧတံ သတိံ အဓိဋ္ဌေယျ၊ ဗြဟ္မ'မေတံ ဝိဟာရ' မိဓ' မာဟု။
၁၁။ ရပ်နေစဉ်သော်လည်းကောင်း၊ သွားနေစဉ်သော် လည်းကောင်း၊ ထိုင် နေစဉ်သော် လည်းကောင်း၊ လဲလျောင်းနေစဉ်သော် လည်းကောင်း၊ မအိပ် မငိုက်သမျှ ကာလပတ်လုံး သာသနာတော်ကြီး၌ မေတ္တာစိတ်နှင့် ယှဉ်၍ နေထိုင်ခြင်းကို ''မြတ်သောနေထိုင်ခြင်း'' ဟူ၍ မြတ်စွာဘုရားတို့ ဟောတော်မူ ကုန်၏။
၁၂။ ဒိဋ္ဌိဉ္စ အနုပဂ္ဂမ္မ၊ သီလဝါ ဒဿနေန သမ္ပန္နော။
ကာမေသု ဝိနေယျ ဂေဓံ၊ န ဟိ ဇာတုဂ္ဂဗ္ဘသေယျ ပုန ရေတိ။
မေတ္တသုတ္တံ နိဋ္ဌိတံ။
၁၂။ မေတ္တာကမ္မဋ္ဌာန်းကို စီးဖြန်းအားထုတ် ပြုလုပ်သောသူသည် အမြင်ဖောက် ပြန် မိစ္ဆာဉာဏ်သို့ မကပ်မရောက်သောကြောင့် လောကုတ္တရာသီလ ရှိသည် ဖြစ်၍ မဂ်ဉာဏ်အမြင်နှင့် ပြည့်စုံပြီးလျှင် ဝတ္ထုကာမ ကိလေသာကာမတို့၌ တပ်မက်မောခြင်း ကင်းသောကြောင့် နောက်တဖန် အမိဝမ်းတွင်း ပဋိသန္ဓေ နေခြင်း သို့ ဧကန်မရောက်တော့ပြီ။
မေတ္တသုတ်တော် မြန်မာပြန်ပြီး၏။

မေတ္တသုတ် ရွတ်ဖတ်ရခြင်း အကျိုး/မြန်မာပြန်

Author: lu bo

ဓမ္မရတနာ