တုံးလုံကျေးရွာတွင် အမျိုးသမီးတစ်ဦး ပန်း ရေဆေးစဉ် ရုတ်တရက် သေဆုံး

တုံးလုံကျေးရွာတွင် အမျိုးသမီးတစ်ဦး ပန်း ရေဆေးစဉ် ရုတ်တရက် သေဆုံး

အင်းတော်၊ စက်တင်ဘာ ၁၈

@@@@@@@@@@@@@@@@@@@@@@@@

စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ်၊ ပင်ဝယ်ကျေးရွာအုပ်စု၊ တုံးလုံကျေးရွာတွင် အမျိုးသမီးတစ်ဦး ကျောက်စိမ်းဂမုန်းပန်းများကို ရေဆေးနေစဉ် ရုတ်တရက်သေးဆုံးမှု တစ်ခုဖြစ်ပွားခဲ့ကြောင်း သိရသည်။

ဖြစ်စဉ်မှာ ၁၈.၉.၂၀၁၃ ရက်နေ့ နံနက် ၈နာရီ ၁၅ မိနစ်အချိန်ခန့်က မော်လူးရဲစခန်းမှ စခန်းမှူး ရဲအုပ် အေးမင်းသိန်း တာဝန်ထမ်းဆောင်နေစဉ် ပင်ဝယ်ရဲကင်းမှ တက ဇေယျာစိုး၏ သတင်းပေးပို့ချက်အရ တုံးလုံကျေးရွာတွင် အမျိုးသမီးတစ်ဦး ရုတ်တရက်သေဆုံးကြောင်း သိရသဖြင့် သက်သေများဖြစ်သော ပင်ဝယ်ကျေးရွာ အုပ်စု အုပ်ချုပ်ရေးမှူး ဦးကျော်မျိုးနိုင်၊ တုံးလုံကျေးရွာ အုပ်ချုပ်ရေးမှူး ဦးမင်းညိုတို့နှင့်အတူ သွားရောက် စစ်ဆေးရာ ၄င်းရွာနေ မခင်ဆန်းမြင့် ၃၃နှစ် (ဘ) ဦးကျော်ဦး (မှီခို)သည် တုံးလုံရွာ၏ မြောက်ဘက်၊ ရွာနှင့်ကပ်လျက်ရှိသည့် စိမ့်ရေတွင်းဘေးတွင် ပြင်ပဒဏ်ရာ မရှိပဲ သေဆုံးနေသည်ကို တွေ့ရသည်။ သေဆုံးသူ မခင်ဆန်းမြင့်သည် အတက်ရောဂါ ရှိသူတစ်ဦးဖြစ်၍ စိမ့်ရေတွင်း၏ဘေးတွင် ကျောက်စိမ်းဂမုန်းပန်းများကို ဘုရားကပ်လှူရန် ရေဆေးနေစဉ် ရုတ်တရက် အတက်ရောဂါကြောင့် မှောက်လျက်လဲကာ ခြောက်လက်မခန့်ရှိသော ရေတိမ်တွင် ရေနစ်သေဆုံးရခြင်း ဖြစ်နိုင်ကြောင်း၊ အခင်းဖြစ်ပွားချိန်တွင် ခင်ပွန်းဖြစ်သူ ဦးမောင်ကြီးမှာလည်း ခရီးလွန်နေကြောင်း၊ အနီးပတ်ဝန်းကျင်တွင်လည်း တစ်စုံတစ်ယောက်မှ မရှိကြောင်း ဒေသခံများမှ ပြောကြားခဲ့သည်။ အတက်ရောဂါရှိသူများသည် ရေဘေး၊ မီးဘေးအန္တရာယ်များ ကြုံတွေ့နိုင်မှု များပြားသဖြင့် အထူးသတိထား စောင့်ကြည်ပေးရန် လိုအပ်ကြောင်း တာဝန်ရှိသူများက ဒေသခံများကို သတိပေးပြောကြားခဲ့ကြောင်း၊ အဆိုပါအမှုနှင့် ပတ်သက်၍ မော်လူးရဲစခန်းမှ သေမှု သေခင်းအမှတ်စဉ် ၂/၁၃ ဖြင့် အမှုဖွင့်ခဲ့ပြီး ဓမ္မတာအတိုင်း သေဆုံးခြင်း ဟုတ်မဟုတ် စစ်ဆေးနိုင်ရန်အတွက် အမှုစစ် ရဲအုပ် အေးမင်းသိန်းမှ စစ်ဆေးလျက်ရှိပြီး၊ အခင်းဖြစ်ရာနေရာတွင် မှတ်တမ်းဓာတ်ပုံရိုက်ယူခြင်း၊ မြေပုံကြမ်းရေးဆွဲခြင်းစသည်တို့ကို ပြုလုပ်ကာ သေဆုံးသူအား ဆေးစာနှင့်အတူ မော်လူးတိုက်နယ်ဆေးရုံသို့ ပို့ဆောင်ခြင်းတို့ကို ဆောင်ရွက်ခဲ့ကြောင်း သတင်းရရှိသည်။

နွယ်နီ

မော်လူး ဒက္ခိဏာရာမဘုရားကြီးကျောင်းတိုက် ၀ါတွင်းတရားပွဲ

၁၃၇၅ခုနှစ် တော်သလင်းလပြည့်နေ့  မော်လူးဒက္ခိဏာရာမ ဘရားကြီးကျောင်းတိုက် ၌

နှစ်စဉ်ကျင်းပမြဲဖြစ်သော တရားပွဲတွင်

မဟာဂန္ဓာရုံကျောင်းတိုက် ဓမ္မကထိကဆရာတော်

ဦးဣန္ဒာလောကာလင်္ကာရ

မှ နိဗ္ဗာရောက်ကြောင်း တရားတော်များ ဟောကြားပါမည်။