အမျိုးသားဒီမိုကရေစီ အဖွဲ့ချုပ်မှ ကြီးမှူးဆောင်ရွက်သည့် အခမဲ့ ကွန်ပျူတာ သင်တန်းဆင်းပွဲ ကျင်းပ
မော်လူး၊ အောက်တိုဘာ ၂၆
စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ်၊ မော်လူးကျေးရွာ၊ အမျိုးသား ဒီမိုကရေစီ အဖွဲ့ချုပ်မှ ကြီးမှူးဆောင်ရွက်သည့် ပထမအကြိမ် ဒုတိယအသုတ် အခမဲ့ အခြေခံကွန်ပျူတာသင်တန်းဆင်းပွဲအခမ်းအနားကို အောက်တိုဘာ ၂၆ ရက်၊ စနေနေ့ နံနက် ၉ နာရီက မော်လူးကျေးရွာ အမျိုးသား ဒီမိုကရေစီ အဖွဲ့ချုပ်ရုံးတွင် ကျင်းပခဲ့ကြောင်း သိရသည်။
အဆိုပါ ကွန်ပျူတာ သင်တန်းဆင်းပွဲ အခမ်းအနားသို့ အင်းတော်မြို့နယ် အမျိုးသားဒီမိုကရေစီအဖွဲ့ချုပ်မှ နာယက ဦးဥာဏ်၊ ဥက္ကဋ္ဌ ဦးဘိုသန်းညွှန့်၊ ဦးညွှန့်လွင်နှင့် အမျိုးသား ဒီမိုကရေစီအဖွဲ့ချုပ်ပါတီဝင်များ၊ မော်လူး အမျိုးသားဒီမိုကရေစီအဖွဲ့ချုပ်မှ အုပ်စု နာယကများ၊ ဥက္ကဋ္ဌများ၊ သင်တန်းဆရာ/မများနှင့် သင်တန်းသား/သူများ တက်ရောက်ခဲ့ကြကြောင်း သိရသည်။ အင်းတော်မြို့နယ် အမျိုးသား ဒီမိုကရေစီအဖွဲ့ချုပ် နာယက ဦးဥာဏ်၊ ဥက္ကဋ္ဌ ဦးဘိုသန်းညွှန့်၊ မော်လူးအုပ်စု အမျိုးသားဒီမိုကရေစီ အဖွဲ့ချုပ် နာယက ဦးအောင်ဝင်း၊ ဥက္ကဋ္ဌ ဦးစိုးမြင့်တို့မှ ဝမ်းမြောက် အမှာစကားများ အသီးသီးပြောကြခဲ့ကြကာ သင်တန်းတွင် စေတနာဖြင့် အခမဲ့ လာရောက် သင်ကြားပို့ချပေးခဲ့ကြသော ဆရာ/မများ၊ သင်တန်းပြီးဆုံးခဲ့ကြသည့် သင်တန်းသား/သူများအား ဂုဏ်ပြုမှတ်တမ်း၊ သင်တန်းပြီးဆုံးကြောင်း လက်မှတ်များကို အုပ်စု ဥက္ကဋ္ဌ အသီးသီးမှ ပေးအပ်ချီးမြင့်ခဲ့ကြပြီး နေ့လည် ၁၁ နာရီတွင် အခမ်းအနား ပြီးဆုံးခဲ့ကြောင်း သိရသည်။ ယခုသင်တန်းဆင်းပွဲသည် ဒုတိယအသုတ်ဖြစ်ပြီး သင်တန်းသား/သူ ၂၅ ဦး တက်ရောက်ခဲ့ကြောင်း ၊ သင်တန်းကာလမှာ စက်တင်ဘာလ ၂၅ ရက်နေ့မှ အောက်တိုဘာလ ၂၅ ရက်နေ့ အထိ တစ်လတိတိ ကြာမြင့်ခဲ့ကြောင်း၊ ကွန်ပျူတာ အခြေခံ ထိန်းသိမ်း အသုံးပြုနည်း၊ အင်တာနက် အီးမေလ်းအသုံးပြုနည်းများကို သင်ကြားပို့ချခဲ့ခြင်းဖြစ်ကြောင်း သတင်းရရှိသည်။
