မော်လူးဒေသတွင် ဝါးပိုးမျှစ်ဈေးကွက် အရောင်းအဝယ်ဖြစ်
မော်လူးဒေသတွင် ဝါးပိုးမျှစ်ဈေးကွက် အရောင်းအဝယ်ဖြစ်
မော်လူး၊ အောက်တိုဘာ ၁၅
@@@@@@@@@@@@@@@@@@@
စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ်၊ မော်လူးဒေသတွင် ၊ ရာသီထွက်ကုန်ဖြစ်သည့် ဝါးပိုးမျှစ်များမှာ အရောင်းအဝယ်ဖြစ်သည့် အတွက် ဒေသခံများ နေ့စဉ် ဝင်ငွေကောင်းလျှက်ရှိကြောင်း သိရသည်။
မော်လူးဒေသတွင် မိုးရာသီကာလ၌ ဝါးပိုးမျှစ်၊ သင်းမျှစ်၊ သိုက်မျှစ်၊ ဝါးပါးမျှစ်၊ ဝါးဖြူမျှစ်အစရှိသည့် မျှစ်များ ပေါက်ရောက်လျှက်ရှိသော်လည်း ယခုကဲ့သို့ မိုးနှောင်းကာလတွင် ပေါက်ရောက်သည့် ဝါးပိုးမျှစ်မှာ လူကြိုက်များပြီး အရောင်းအဝယ်ဖြစ်နေရာ ဒေသခံများအတွက် နေ့စဉ်ဝင်ငွေကောင်းလျှက်ရှိသည်။
" ဝါးပိုးမျှစ်က ရာသီထွက်ကုန်ပါ။ မျှစ်ကို အချဉ်သိပ်တယ်၊ အမျိုးမျိုးလည်း ချက်ပြုတ်စားသောက်ကြပါတယ်။ အခြောက်လှန်းတယ်။ ဒေသတွင်းကလူတွေ စားသုံးရုံမကပဲ အထက်မြန်မာပြည် ကချင်ပြည်နယ်၊ မြစ်ကြီးနား၊ မြန်မာနိုင်ငံ အလယ်ပိုင်း မြို့တွေကိုလည်း တင်ပို့နေရပါတယ်။ ဒေသတွင်းပေါက်ဈေးကတော့ ချိုးပြီးသား မျှစ်စိမ်း တစ်ပိဿာ ၂၀၀ကျပ် ရှိတယ်။ လူတစ်ဦးကို တစ်ရက်မှာ ၂၅ ပိဿာကနေ ၃၅ ပိဿာအထိရနိုင်တော့ ..ဝင်ငွေက ၅၀၀၀ ကျပ်ခန့်အထိ ရနေကြတာမို့ အဆင်ပြေနေတယ် ပြောရမှာပါ"ဟု မော်လူးဒေသ၊ မာန်ဟဲကျေးရွာအုပ်စု၊ မြေပလ္လင်ကျေးရွာနေ မျှစ်အဝယ်ဒိုင်မှ အမျိုးသမီးကြီး တစ်ဦးက ပြောပြသည်။
မိုးဦးကာလ မေ၊ ဇွန်လများမှ စပြီး မော်လူးဒေသတွင် သိုက်မျှစ်များစတင်ပေါ်ချိန် မျှစ်ဈေးမှာ တစ်ပိဿာကျပ် ၅၀၀မှ ၇၀၀ ခန့်အထိ ပေါက်ဈေးရှိသော်လည်း ပေါများလာချိန်တွင် ဈေးမှာလည်း တစ်ပိဿာ ၃၀၀ကျပ်သာ ရကြောင်း၊ မော်လူးဒေသတွင် သင်းမျှစ်၊ သိုက်မျှစ်၊ ဝါးဖြူမျှစ်တို့ကို မြန်မာနိုင်ငံ အလယ်ပိုင်း ရွှေဘို၊ မန္တလေး၊ မုံရွာမြို့များသို့ တင်ပို့ရောင်းချရကြောင်း၊ ဝါးပိုးမျှစ်မှာမူ မျှစ်ချဉ်ပြုလုပ်ခြင်း၊ မျှစ်ခြောက်ပြုလုပ်၍ တရုတ်ပြည်သို့တင်ပို့ခြင်းနှင့် တရုတ်လူမျိုးများ ၁၂ မျိုးဟင်းချက်ပြုတ်ရာတွင် အဓိက ဟင်းအမယ် တစ်ခုအဖြစ် လူကြိုက်များကာ အရောင်းအဝယ်ဖြစ်ခြင်းတို့ကြောင့် ယခုအချိန်တွင် ဝါးပိုးမျှစ် တစ်မျိုးတည်းသာ ဈေးကွက်ဝင် အရောင်းအဝယ်ဖြစ်လျှက်ရှိကြောင်း သိရသည်။
CYCLONE
No comments:
Post a Comment