“မနာလိုစိတ်၏ ဆိုးကျိုး

“မနာလိုစိတ်၏ ဆိုးကျိုး” •••••••••••••••••••••••••••••• လောကလူတွေဟာ ကိုယ်နဲ့ ပြိုင်ဘက်ဖြစ်စေ၊ ကိုယ့်အိမ်နီးနားချင်းဖြစ်စေ၊ ကိုယ့်အသိထဲကဖြစ်စေ၊မသိတဲ့ပုဂ္ဂိုလ်ပဲဖြစ်စေ ကြီးပွားတိုးတက်ပြီး ၊ကိုယ့်ထက်သာသွားလို့ရှိရင် ဝမ်းသာနိုင်ခဲတယ်။ဝမ်းမသာကြဘူး။ ဘာ့ကြောင့် ဝမ်းမသာတာတုန်းဆိုရင် ဣဿာလို့ခေါ်တဲ့ jealousy ကြောင့်ပဲ။ အဲဒီ jealousy ဆိုတဲ့ သဘောတရားဟာ သူတစ်ပါးအောင်မြင်မှုနဲ့ ပတ်သက်ပြီး၊ စိတ်ထဲမှာ ပျော်မွေ့မှုမရှိဘူး။ အဲဒါလည်း စိတ်ရဲ့ emotion တစ်ခုပဲ။ အဲဒီအရာတွေ ဖြစ်လာပြီဆိုရင် jealousy တွေ ဖြစ်တယ်။ ထို jealousyတွေ လွှမ်းမိုးလာတဲ့ ပုဂ္ဂိုလ်တစ်ယောက်ဟာ သူများကိုတောင် အန္တရာယ် ပြုတတ်တယ်။ တစ်ခါတုန်းကကြားဖူးကြပါလိမ့်မယ်။ အမေရိကန်နိုင်ငံမှာ စကိတ်စီးတဲ့အမျိုးသမီး ချန်ပီယံတစ်ယောက်၊ဒီအားကစားမှာ သူကထူးချွန်လို့ သရဖူဆောင်းထားတဲ့ ပုဂ္ဂိုလ်၊ နောက်ထပ် အမျိုးသမီး အားကစားသမား တစ်ယောက် ပေါ်လာတယ်။ စကိတ်စီးပြိုင်ပွဲမှာ သူနဲ့ ယှဉ်ပြိုင်လိမ့်မယ်။ သူ့ရဲ့သရဖူကို လုတော့မယ်။ သူ့ နေရာကို ယူတော့မယ်ဆိုတာကို မခံနိုင်ဘူး။ ဒါ့ကြောင့် လူဆိုးကိုပိုက်ဆံပေးငှားပြီး၊ အဲဒီအမျိုးသမီး ခြေထောက်ကို ရိုက်ချိုးခိုင်းတယ်။ ဒါ လောကမှာ တကယ်ဖြစ်ခဲ့တာ။ True Story တကယ့်အစစ်အမှန်ဖြစ်တယ်။ အဲဒါမျိုးဟာ ဘာ့ကြောင့်ဖြစ်တာတုန်း ဆိုလို့ရှိရင် Jealousy ကြောင့်ပေါ့။ -【ပါမောက္ခချုပ် ဆရာတော် ဒေါက်တာနန္ဒမာလာဘိဝံသ