Tuesday, October 1, 2013

မော်လူးတွင် ၄၉ နှစ်မြောက် မြန်မာနိုင်ငံ ရဲတပ်ဖွဲ့နေ့ကို ဂုဏ်ပြု

 

 



မော်လူးတွင် ၄၉ နှစ်မြောက် မြန်မာနိုင်ငံ ရဲတပ်ဖွဲ့နေ့ကို ဂုဏ်ပြုကြိုဆိုသောအားဖြင့် သံဃာတော်များအား ဆွမ်း၊ သင်္ကန်းနှင့် လှူဖွယ်ပစ္စည်းများ ဆက်ကပ်လှူဒါန်း
မော်လူး၊ အောက်တိုဘာ ၁
@@@@@@@@@@@@@@@@@@@@@@@@@@@@@@@@
စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ်၊ မော်လူးနယ်မြေ ရဲတပ်ဖွဲ့ စခန်းမှ ရဲတပ်ဖွဲ့ဝင်မိသားစုများမှ အောက်တိုဘာ ၁ ရက်နေ့တွင် ကျရောက်သည့် ၄၉နှစ်မြောက် မြန်မာနိုင်ငံရဲတပ်ဖွဲ့နေ့ကို ဂုဏ်ပြုကြိုဆိုသောအားဖြင့် မော်လူးအရှေ့ကျောင်းတိုက်တွင် သံဃာတော်များအား ဆွမ်း၊ သင်္ကန်းနှင့် လှူဖွယ်ဝတ္ထုအစုစုတို့ကို ဆက်ကပ်လှူဒါန်းခဲ့ကြောင်း သိရသည်။
မော်လူးနယ်မြေရဲတပ်ဖွဲ့ စခန်းမှ စခန်းမှူး ရဲအုပ် အေးမင်းသိန်းနှင့် ရဲတပ်ဖွဲ့ဝင်မိသားစုများက မော်လူး အရှေ့ကျောင်းတိုက် ဆရာတော်၊ ဒက္ခိဏာရာမ ဘုရားကြီးကျောင်းတိုက် ဆရာတော်၊ ဟဲနုကျောင်းတိုက် ဆရာတော်၊ ဝေဘူဝေဘာတောရကျောင်းတိုက် ဆရာတော်အပါအဝင် သံဃာတော် ၅ ပါးတို့အား ဆွမ်း၊ သင်္ကန်းနှင့် လှူဖွယ်ဝတ္ထု အစုစုတို့ကို ဆက်ကပ်လှူဒါန်းခဲ့ပြီး  သံဃာတော်များထံမှ ပရိတ်တရားတော်များနှင့်အတူ ဒက္ခိဏာရာမ ဘုရားကြီးကျောင်းတိုက်ဆရာတော် ဦးဝါယမထံမှ  နိဗ္ဗာန်ရောက်ကြောင်း တရားတော်များကို နာယူမှတ်သားပြီး အလှူဒါန အစုစုတို့ကို ရေစက်ချအမျှပေးဝေခဲ့ကြောင်း သတင်းရရှိသည်။

CYCLONE

Posted by at

1 comment:

Subscribe to: Post Comments (Atom)