ဗိုလ်ချုပ်အလွမ်းပြေ
(အသေးအဖွဲလေးတွေ မှတ်မိသလောက် ရေးလိုက်တယ်)
ဗကသ ကိုယ်စားလှယ် ကျောင်းသားခေါင်းဆောင် ကိုအောင်ဆန်းနဲ့ နေရူးကြီးတို့တွေ့ပြီး ဟောပြောပွဲ လုပ်ကြတယ်။ အင်ဒီရာဂန္ဒီလည်း ပါတယ်။ ကိုအောင်ဆန်းက တရားဟောနေရင်း ပုဆိုးကျွတ်ကျတယ်။ အင်ဒီရာဂန္ဒီက အပျိုအရွယ်လေး ဆိုတော့ ပြုံးစိစိ ဖြစ်သွားတယ်။ ကျောင်းသားတွေက ဝါးခနဲ ဝိုင်းရယ်ကြသတဲ့။ ဗိုလ်ချုပ်လောင်းလျာ ကိုအောင်ဆန်းကတော့ ခပ်တည်တည်နဲ့ပဲ ဆက်ပြောသတဲ့။ သူ့ပုဆိုး ကျွတ်ကျပေမယ့် သူ့အင်္ကျီကြီးက ဒူးလောက် ရှည်သတဲ့လေ။
သူ့မယား ညီအစ်ကို ဖြစ်လာမယ့် ကွန်မြူနစ်ပါတီ ဥက္ကဋ္ဌ သခင်သန်းထွန်းကိုလည်း အားကြီး နိုင်စားပေးတယ် ပြောတယ်။ ရုပ်ဆိုးသလောက် အနု၊ အလှ ကြိုက်တတ်တဲ့ သခင်သန်းထွန်းရဲ့ အင်္ကျီတွေကို အတင်းယူဝတ်ပြီး ပစ်ထားတတ်တယ်လို့ ဆိုတယ်။
ဒေါက်တာဘမော်ဆီက နိုင်ငံရေးစာအုပ်တွေလည်း ငှားရမ်း ဖတ်ရှုတတ်တယ်လို့ ပြောတယ်။ နတ်မောက်ကို တစ်ခါတစ်ခါပြန်ရင် အိတ်တစ်လုံးနဲ့ ဖိနပ်ပါချင်မှ ပါတယ်။ သဲချောင်းကိုဖြတ်ပြီး တစ်ယောက်တည်း အံကြိတ်ခေါင်းငုံ့ပြီး ဘာတွေပြောမှန်းမသိ ရွတ်နေတတ်တယ်လို့ ပြောတယ်။
ပါတာက ပုဆိုးက နှစ်ထည်တည်း။ သူ့အစ်ကို ဦးအောင်သန်းအိမ်မှာ ပုဆိုးတစ်ထည် မေ့ကျန်ခဲ့တာ။ မြင်းလှည်းပေါ် ပါသွားတော့ သူ့မရီးက သူ့အစ်ကိုကို လိုက်ပေးခိုင်းသတဲ့။ နောက်ကနေ တကြော်ကြော်အော်ပြီး ခေါ်တာတောင် ကိုယ်တော်ချောက တုပ်တုပ်မှမလှုပ်၊ ဘာတွေ စဉ်းစားခန်း ဝင်နေလဲ မသိဘူးလို့ ဆိုသတဲ့။
သူတော်တော်လေးစားတဲ့ ကိုဗဟိန်း နေမကောင်းဖြစ်လို့ မန္တလေးဆေးရုံကြီးမှာ သွားတွေ့မယ် လုပ်တော့ ကိုဗဟိန်းက သူ့ကို ဖဆပလကနေ ကွန်မြူနစ်ပါတီကို ထုတ်ပစ်လိုက်လို့ စိတ်ဆိုးပြီး အတွေ့မခံဘူး။ တော်တော်လေး စိတ်မကောင်း ဖြစ်သွားတယ်လို့ ပြောတယ်။
သူ့နာမည်ပြောင်က ငမိုး။ ရဲဘော်တွေ ခေါ်တယ်လို့ ပြောကြတယ်။ ငမိုးဆိုတာ ဗိုလ်တထောင် လူမိုက်။ လက်ရဲဇက်ရဲနဲ့ လက်မြန်တယ်လို့တော့ ပြောကြတာပဲ။ ဗိုလ်တာရာ မင်္ဂလာဆောင်မှာ လူတွေမွဲနေတုန်း အင်္ကျီအကောင်းစားတွေ မဝတ်ရဘူးကွလို့ ပြောလို့ ငမိုးအင်္ကျီတွေ မထော်မနန်းနဲ့ ဝတ်ခဲ့ကြရတယ်။ ချဉ်စော်လည်း အတော်နံသတဲ့။
နောက်နာမည်တစ်မျိုးက ဦးနောင်ချို။ မြေအောက်တော်လှန်ရေး ကာလတုန်းက နာမည်ဝှက်။
နေမကောင်းလို့ ကျောင်းသားဘဝ ဆေးရုံတက်ရတုန်းက ကိုယ်လုံးတောင့်တောင့် သူနာပြုဆရာမကို ကြည့်ပြီး မိန်းမယူရင် သူနာပြုတွေက သင့်တော်မယ်လို့ ပြောဖူးသတဲ့။ ဆေးရုံဆင်းခွင့် မပေးဘဲထားလို့ တားတဲ့ကုလားကို လက်သီးနဲ့ တစ်အားပိတ်ထိုးပြီး ဆေးရုံဆင်းသွားဖူးတဲ့သူ။ အမွိုင်မှာ ခိုနေတုန်းကလည်း ဘေးက တရုတ်မလေးကို လက်မောင်းကြွက်သားတွေ ညှစ်ပြပြီး စသတဲ့။
သူမင်္ဂလာဆောင်တော့ ရဲဘော်ငယ်တွေ ငိုကြတယ်လို့ ပြောတယ်။ စစ်ဗိုလ်ချုပ်တစ်ယောက် မင်္ဂလာဆောင်လို့ ရဲဘော်တွေ ဘယ်လိုခံစားရသလဲလို့ ဖြစ်ရတာ သူတစ်ယောက်တည်း ရှိမယ်ထင်တယ်။
(မျိုးဆက်
No comments:
Post a Comment