အင်းတော်မြို့တွင် အောင်ရတနာ မှန်လုံယာဉ်လိုင်းများ အစီအစဉ်အသစ်ဖြင့် တိုးချဲ့ပြေးဆွဲ
အင်းတော်မြို့တွင် အောင်ရတနာ မှန်လုံယာဉ်လိုင်းများ အစီအစဉ်အသစ်ဖြင့် တိုးချဲ့ပြေးဆွဲ
အင်းတော်၊ စက်တင်ဘာ ၂၂
စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့ အောင်ရတနာအဆင့်မြှင့် ပို့ဆောင်ရေး မော်တော်ယာဉ်အသင်းမှ မှန်လုံလိုင်းကားများဖြင့် ကသာ - အင်းတော် - မုံရွာ၊ ဗန်းမောက် - အင်းတော် - ရွှေဘို - မန္တလေး ခရီးစဉ်အသစ်များကို တိုးချဲ့ပြေးဆွဲရန်အတွက် ၂၀၁၃ ခု၊ စက်တင်ဘာလ (၂၂)ရက် နံနက် ၇ နာရီ ၃၀ မိနစ် အချိန်တွင် အောင်ရတနာကားဂိတ်၌ ကားလိုင်းသစ်ဖွင့်ပွဲကို ကျင်းပခဲ့ကြောင်း သိရသည်။
ဖွင့်ပွဲတွင် အင်းတော်မြို့နယ် စီမံခန့်ခွဲမှု ကော်မတီ ဥက္ကဋ္ဌ မြို့နယ်အုပ်ချုပ်ရေးမှူး ဦးရဲမင်းအောင်၊ မြို့နယ်ရဲတပ်ဖွဲ့မှူး ရဲမှူး ရဲမြင့်နှင့် မစက ဥက္ကဋ္ဌ ဦးဆန်နီတို့မှ ဖဲကြိုးဖြတ်ဖွင့်လှစ်ပေးခဲ့သည်။
အဆိုပါတိုးချဲ့ မှန်လုံယာဉ် ခရီးစဉ်များအတွက် ကာခနှုန်းထားများမှာ ဗန်းမောက်မြို့မှ မန္တလေးမြို့အထိ ခရီးသည်တစ်ဦးလျှင် ငွေ ၁၃၀၀၀ ကျပ်၊ အင်းတော်မြို့မှ မန္တလေးမြို့အထိ ငွေ ၁၂၀၀၀ ကျပ်၊ ကသာမြို့မှ မုံရွာမြို့အထိ ၁၄၀၀၀ ကျပ်၊ အင်းတော်မြို့မှ မုံရွာမြို့အထိ ၁၃၀၀၀ ကျပ်နှုန်းများဖြင့် ဈေးနှုန်းများ သတ်မှတ်ကာ ပြေးဆွဲမည်ဖြစ်ကြောင်း၊ ယခုတိုးချဲ့ပြေးဆွဲမည့် မှန်လုံယာဉ် ခရီးစဉ်များသည် ကသာမြို့၊အင်းတော်မြို့၊ ဗန်းမောက်မြို့များမှ ဋ္ဌာနဆိုင်ရာဝန်ထမ်းများ၊ ရွှေဘို၊ စစ်ကိုင်း၊ မုံရွာ၊ မန္တလေးမြို့များတွင် တက္ကသိုလ်ပညာသင်ကြားနေကြသည့် ကျောင်းသား၊ကျောင်းသူများနှင့် ဒေသခံရပ်မိရပ်ဖများအတွက် လမ်းပန်းဆက်သွယ်ရေး လွယ်ကူချောမွေ့မြန်ဆန်စွာ ခရီးသွားလာနိုင်မည်ဖြစ်ကြောင်း၊ ကသာ -အင်းတော် - မုံရွာ ခရီးစဉ်အတွက် မှန်လုံမော်တော်ယာဉ်များ၏ ထွက်ခွာချိန်မှာ ကသာမြို့မှ ညနေ ၅နာရီ ၃၀မိနစ်၊ အင်းတော်မြို့မှ ညနေ ၇နာရီထွက်ခွာမည်ဖြစ်ပြီး မုံရွာမြို့ထွက်ခွာချိန်မှာ ညနေ ၄နာရီ ၃၀မိနစ်ဖြစ်ကြောင်း၊ ဗန်းမောက် - အင်းတော် - ရွှေဘို -မန္တလေး ခရီးစဉ်အတွက် ယာဉ်များထွက်ခွာချိန်မှာ ဗန်းမောက်မြို့မှ ညနေ ၃နာရီ၊ အင်းတော်မြို့မှညနေ ၆နာရီဖြစ်ပြီး၊ မန္တလေးမြို့မှ ထွက်ခွာချိန်မှာ ညနေ ၄နာရီဖြစ်ကြောင်း အောင်ရတနာ အဆင့်မြှင့်ပို့ဆောင်ရေး မော်တော်ယာဉ်အသင်း၏ တာဝန်ရှိသူတစ်ဦးထံမှ သိရသည်။
ဆိုင်ကလုန်း
No comments:
Post a Comment