မော်လူး အမျိုးသားဒီမိုကရေစီအဖွဲ့ချုပ်မှ ကြီးမှူးဖွင့်လှစ်သည့် ပထမအကြိမ် အခမဲ့ ကွန်ပျူတာ သင်တန်းဆင်းပွဲ ကျင်းပ
မော်လူး အမျိုးသားဒီမိုကရေစီအဖွဲ့ချုပ်မှ ကြီးမှူးဖွင့်လှစ်သည့် ပထမအကြိမ် အခမဲ့ ကွန်ပျူတာ သင်တန်းဆင်းပွဲ ကျင်းပ
မော်လူး၊ စက်တင်ဘာ ၂၃
@@@@@@@@@@@@@@@@@@@@@@@@@@
စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ်၊ မော်လူးကျေးရွာတွင် စက်တင်ဘာ၂၃ ရက်၊ နံနက် ၉ နာရီအချိန်က မော်လူးအမျိုးသားဒီမိုကရေစီအဖွဲ့ချုပ်မှ ကြီးမှူးဖွင့်လှစ်သည့် ပထမအကြိမ် အခမဲ့ ကွန်ပျူတာသင်တန်းဆင်းပွဲ အခမ်းအနားကို မော်လူးအမျိုးသားဒီမိုကရေစီအဖွဲ့ချုပ်ရုံး၌ ကျင်းပခဲ့ကြောင်း သိရသည်။
အဆိုပါ အခမ်းအနားသို့ မော်လူးကျေးရွာ အုပ်စုအသီးသီးမှ အမျိုးသားဒီမိုကရေစီအဖွဲ့ချုပ် နာယကများ၊ ဥက္ကဋ္ဌများ၊ ပါတီဝင်များ၊ သင်တန်းဆရာများနှင့် သင်တန်းသား/သူများ တက်ရောက်ကြကြောင်း သိရသည်။ မော်လူးကျေးရွာအုပ်စု အမျိုးသားဒီမိုကရေစီအဖွဲ့ချုပ်မှ နာယက ဦးအောင်ဝင်းနှင့် ဥက္ကဋ္ဌ ဦးစိုးမြင့်တို့မှ ကျေးဇူးတင်ဝမ်းမြောက်စကားများ ပြောကြားပြီး၊ သင်တန်းဆရာများနှင့် သင်တန်းသား/သူများအား ဂုဏ်ပြုမှတ်တမ်းနှင့် သင်တန်းဆင်းလက်မှတ်များ ပေးအပ်ခဲ့ကြောင်း သိရသည်။သင်တန်းသား/သူများကိုယ်စား သင်တန်းသူ မဝေဝေလွင်မှ ကျေးဇူးတင်စကားပြန်လည်ပြောကြားခဲ့သည်။ သင်တန်းကာလမှာ တစ်လဖြစ်ပြီး သင်တန်းသား/သူဦးရေ ၂၃ ဦးတက်ရောက်ခဲ့ကြောင်း၊ ဒုတ်ယအကြိမ် အခမဲ့ကွန်ပျူတာသင်တန်းကိုလည်း ဆက်လက်ဖွင့်လှစ်မည်ဖြစ်ကြောင်း သတင်းရရှိသည်။
No comments:
Post a Comment