ဒီပင်္ကရာ ဘုရားပွဲတော်တွင် ရွှေဆိုင်းများ ကိုယ်တိုင် ကပ်လှူ ပူဇော်နိုင်
မော်လူး၊ ဖေဖော်ဝါရီ ၄
@@@@@@@@@@@@@@@@@@@@@@@@@@@@@@@
စစ်ကိုင်းတိုင်းဒေသကြီး၊ အင်းတော်မြို့နယ်၊ မော်လူးဒေသ၊ ကိုးတိုက်နယ်၊ (၁၀)အုပ်စု၏ သမိုင်းဝင်ဒီပင်္ကရာ စေတီတော်မြတ် ဗုဒ္ဓပူဇနိယပွဲတွင် ရွှေဆိုင်းများကို အလှူရှင်များကိုယ်တိုင် ကပ်လှူနိုင်ပြီဖြစ်ကြောင်း ဂေါပကအဖွဲ့ထံမှ သိရသည်။
နှစ်စဉ်ကျင်းပမြဲဖြစ်သည့် ဒီပင်္ကရာ စေတီတော်မြတ်၏ ဂန္ဓကုဋီတိုက်အတွင်း တည်ထားကိုးကွယ်လျှက်ရှိသော မဟာသေဋ္ဌဒီပမုနိ ရုပ်ပွားတော်မြတ်အား ယခင်နှစ်များက ရွှေဆိုင်းများကို လှူဒါန်းနိုင်သော်လည်း အလှူရှင်ကိုယ်တိုင် ကပ်လှူပူဇော်ခြင်း မပြုလုပ်ခဲ့ကြရချေ။ သို့အတွက် ယခုနှစ်တွင်မူ အလှူရှင် ဘုရားဖူးများ ကိုယ်တိုင် ရွှေဆိုင်းများကို ကပ်လှူပူဇော်ခွင့် ပြုထားကြောင်း သိရသည်။
"ယခင်နှစ်တွေက ရွှေဆိုင်း ကပ်လှူမယ်ဆိုရင် ဂေါပကအဖွဲ့တွေဆီမှာ ရွှေဆိုင်းဝယ်ယူ ရေစက်ချပြီး အပ်ထားခဲ့လိုက်ရတာပါ။ ဒီနှစ်မှာတော့ ရွှေဆိုင်းကို ကိုယ်တိုင်ကိုယ်ကျ ရုပ်ပွားတော်မြတ်ကြီးကို ရွှေဆိုင်းကပ်လှူခွင့်ပေးထားတဲ့အတွက် လှူဒါန်းရတဲ့ ကျွန်တော်တို့လို ရွှေဆိုင်းအလှူရှင်တွေ ဝမ်းမြောက်ဝမ်းသာဖြစ်မိပါတယ်။ ကြည်လည်းကြည်နူးမိပါတယ်။ မန္တလေးမြို့က မဟာမြတ်မုနိရုပ်ရှင်တော်မြတ်ကြီးမှာ ရွှေဆိုင်းကို အလှူရှင်ကိုယ်တိုင် ကပ်လှူနိုင်သလို ကျွန်တော်တို့ဒေသက ဒီပင်္ကရာဘုရားမှာလည်း ရွှေဆိုင်းကို အလှူရှင်ကိုယ်တိုင် ကပ်လှူနိုင်ပြီး ဖြစ်လို့ ကြည်နူး ပီတိဖြစ်မိပါတယ်။" ဟု ရွှေဆိုင်းကို ကိုယ်တိုင်ကိုယ်ကျ ကပ်လှူပူဇော်ခဲ့ရသူတစ်ဦးမှ ဝမ်းသာအားရ ပြောပြသည်။
"မနှစ်က မဟာသေဋ္ဌဒီပမုနိ ရုပ်ပွားတော်မြတ်ကြီးကို ရွှေဆိုင်း ၅ သိန်းဘိုး ကပ်လှူ ပူဇော်နိုင်ခဲ့ပြီး၊ ဒီနှစ်မှာတော့ ၇ သိန်းဘိုးအထိ ကပ်လှူပူဇော်နိုင်ခဲ့တယ်။ ရွှေဆိုင်းအလှူရှင်တွေ ကိုယ်တိုင်က ကပ်လှူချင်တယ်ဆိုရင်လည်း ကပ်လှူလို့ရအောင် စီစဉ်ပေးထားပါတယ်။ ဒီလိုစီစဉ်ပေးထားတဲ့အတွက် ရွှေဆိုင်းအလှူရှင်တွေလည်း စိတ်ချမ်းသာကြမယ်လေ။ ရွှေဆိုင်းတစ်ဆိုင်းကို ၁၀၀၀ ကျပ်နှုန်းနဲ့ ကပ်လှူပူဇော်နိုင်အောင် စီစဉ်ပေးထားတာမို့ ဆင်းရဲချမ်းသာ လူတန်းစားမရွေး လှူဒါန်းပူဇော်နိုင်ပါတယ်။ နောက်ပြီး စေတီတော် ရင်ပြင်အတွင်း လိုအပ်တဲ့ နေရာတွေမှာ ကျောက်ပြားခင်းနိုင်ဖို့အတွက် ကျောက်ပြားတစ်ပြားကို ၁၀၀၀ ကျပ်နှုန်းနဲ့ပဲ လှူဒါန်းနိုင်ပါတယ်။ ယခုနှစ် ရွှေဆိုင်း၊ ကျောက်ပြား၊ စေတီတော်အတွင်း အလှူခံဋ္ဌာနတွေကနေ အလှူငွေစုစုပေါင်း ကျပ်သိန်း ၂၀၀ ကျော်ခန့် ရရှိခဲ့ပါတယ်။"ဟု ဒီပင်္ကရာစေတီတော်မြတ် ဂေါပကအဖွဲ့ တာဝန်ရှိသူများမှ ပြောပြသည်။
cyclone
No comments:
Post a Comment