အလံထူခြင့္ မရတဲ႔ ရြာကေလး (၂)

ပထမကမၻာစစ္မီးႀကီးသည္ ျမန္မာႏိုင္ငံသို႔လည္း ကူးစက္လာရာ ... ျမန္မာႏိုင္ငံကို အုပ္စိုးေနသည့္ ၿဗိတိသွ်လူမ်ိဳးတို႔ စစ္ရံႈးနိမ့္ကာ ျမန္မာျပည္ေျမာက္ပိုင္းမွ အိႏိၵယႏိုင္ငံသို႔ ဆုတ္ခြာလာသည့္ တပ္ဖြဲ႕မ်ားအနက္ ဗိုလ္မွဴး အာသာ ဦးစီးသည့္ ၿဗိတိသွ်တပ္ရင္းတစ္ရင္းသည္ ေတာင္တန္းမ်ား ပတ္လည္ဝိုင္းေနၿပီး ဝင္ေပါက္တစ္ခုတည္းသာရွိသည့္ ခ်ိဳင့္ဝွမ္းလြင္ျပင္၏ ထန္းပင္သံုးပင္ ဖိုခေနာက္ဆိုင္ေပါက္ေနသည့္ ေတာင္ကုန္းေလးတစ္ခုေပၚတြင္ စခန္းခ်ရပ္နား တပ္စြဲထားၿပီး ေတာင္ကုန္း၏အလယ္တြင္ ယူနီယံဂ်က္အလံကို လႊင့္ထူထားသည္။ ေတာင္ကုန္းေလး၏ ေျခရင္းတြင္ရွိေနသည့္ အိမ္ေျခစုစုဆီမွ ရြာသူ/သားအခ်ိဳ႕ကား မ်က္စိမ်က္ႏွာပ်က္ေနၾက၏။ သူတို႔မ်က္ႏွာေပၚတြင္ မေကာင္းသည့္အရာ တစ္စံုတစ္ခုျဖစ္ေတာ့မည္ကို ႀကိဳသိေနသည့္ အရိပ္အေယာင္မ်ားႏွင့္ ..... ရြာသူ/သားမ်ားထဲမွ ေယာင္တစ္ေစာင္းထံုးထားၿပီး အေပၚပိုင္းဗလာက်င္း ပုဆိုးကိုတိုတိုဝတ္ဆင္ထားသည့္ လူႀကီးတစ္ဦးကေတာ့ "ဒီမ်က္ႏွာျဖဴတပ္ေတာ့ ဒုကၡေတြ႕ၿပီး အေသဆိုးနဲ႔ ေသၾကရေတာ့မယ္...... ငါတို႔ရဲ႕ အရွင္ႀကီးက ဒီနယ္ေျမမွာ ဘယ္လိုအလံမ်ိဳးမွ လႊင့္ထူတာ ႀကိဳက္တာမဟုတ္ဘူး.... ဒီမ်က္ႏွာျဖဴေတြကလည္း ငါတို႔စကားနားမလည္ .... ငါတို႔ကလည္း သူတို႔ စကားနားမလည္နဲ႔ ခက္ေတာ့တာပါပဲကြယ္...."ဟု ညာဥ္းညဴေျပာဆိုေနေတာ့သည္။
ပတ္ဝန္းက်င္တစ္ခုလံုး ေမွာင္မဲတိတ္ဆိတ္ေန၏။ ေျမာက္အရပ္မွ စူးစူးဝါးဝါးထိုးေအာ္လိုက္သည့္ ညာဥ့္ငွက္တစ္ေကာင္၏ အသံသည္ တိတ္ဆိတ္မႈကို ၿဖိဳခြဲပစ္လိုက္သည္။ဘာမွမၾကာလိုက္သည့္ အခ်ိန္အတြင္းမွာပင္ ေတာင္ကုန္းေလးဆီမွ ေပါက္ကြဲသံတစ္ခုကို ၾကားလိုက္ရၿပီး .... ေသနတ္သံမ်ား ဆူညံစြာထြက္ေပၚလာကုန္ေတာ့သည္။
@@@@@@@@@@@@@@
နံနက္ခင္းသည္ ၾကည္ၾကည္လင္လင္......... ညက ဆူဆူညံညံ ေပါက္ကြဲသံမ်ား ပစ္ခတ္သံမ်ား ဘာဆိုဘာမွ် ျဖစ္ပြားခဲ့ဟန္မရွိသလိုပင္ .... သို႔ေသာ္ ... ေတာင္ကုန္းေလးေပၚမွာ လႊင့္ထူထားသည့္ ယူနီယံဂ်က္အလံကိုကား မျမင္ေတြ႕ရေတာ့ ...ထိုေတာင္ကုန္းေလးေပၚတြင္ ေနရာယူထားၾကသည္မွာ ျမန္မာ့လြတ္လပ္ေရး တပ္မေတာ္မွ တပ္မေတာ္သား ................................................................
"ကဲ ....... ဒါေၾကာင့္ေျပာပါတယ္...... ငါတို႔နယ္ေျမမွာ ဘာအလံလႊင့္ထူတာကိုမွ အရွင္ႀကီးကမႀကိဳက္ဘူး အခုလာၿပီး အလံလႊင့္ထူတဲ့ မ်က္ႏွာျဖဴစစ္တပ္က စစ္ဗိုလ္ႀကီး ညကတိုက္ပြဲမွာ က်သြားတယ္တဲ့ .... ဒါဟာ အရွင္ႀကီးက အလံလႊင့္ထူတာကို မႀကိဳက္လို႔ အျပစ္ေပးလိုက္တာပဲ ....."
@@@@@@@@@@@@@@@@@@@@@@@@@@@@@@@@@@@@@@@@@@@@@
အေရွ႕အေနာက္ေတာင္ေျမာက္ ေတာင္တန္းမ်ား ဝန္းရံထားသည့္ ခ်ိဳင့္ဝွမ္းလြင္ျပင္ေလးကို ေခ်ာင္းငယ္ေလးတစ္ခုကား ေကြ႕ကာဝိုက္ကာ စီးဆင္းေနသည္။ ဒီေနရာေလးသည္ကား ျပည္နယ္ႏွင့္ျပည္မခြဲျခားထားသည့္နယ္စပ္ေဒသေလးတစ္ခု .... ဒီေခ်ာင္း ဒီလြင္ျပင္ေလးကို အမွီျပဳကာ ေရွးယခင္ကတည္းက တည္ရွိေနခဲ့သည့္ အိမ္ေျခတစ္ရာခန္႔ရွိသည့္ ရြာကေလး ....... ရြာကေလး၏ အေရွ႕ဘက္တြင္ ထန္းပင္ေလးမ်ား ေပါက္ေရာက္ေနသည့္ ေတာင္ကုန္းေလးတစ္ခုရွိၿပီး ထိုေတာင္ကုန္းေလးေပၚတြင္ ေစတီငယ္ ရွစ္ဆူဝန္းရံထားသည့္ ေစတီေလးတစ္ဆူကို ဖူးေတြ႕ရသည္။ ရြာ၏အလယ္ေတာင္ကုန္းေလးတြင္ကား ေစတီငယ္ တစ္ဆူ၊ သိမ္ေက်ာင္းတစ္ခု၊ ရုပ္ပြားေတာ္ထားရွိရာ အေဆာက္အဦးကား ေတာင္ေျမာက္တန္းၿပီးေနရာယူလွ်က္ရွိၿပီး ယင္း၏ေနာက္တြင္ကား ဘုန္းေတာ္ႀကီးေက်ာင္းကို ေတြ႕ရသည္။ ရြာေလးမွာ အျခားရြာေလးမ်ားႏွင့္ အလွမ္းေဝးၿပီး တိတ္ဆိတ္ေအးခ်မ္းသည္မို႔ ရြာခံအမ်ားစုမွာ ရိုးသားၾကသူ ေရွးရိုးစြဲအယူအဆရွိသူမ်ား ျဖစ္ၾကသည္။ ဘုန္းေတာ္ႀကီးေက်ာင္းတြင္ကား ေက်ာင္းထိုင္ဆရာေတာ္ ဦးေတဇနိယႏွင့္ ဦးဇင္း ေသာမန ႏွစ္ပါးရွိၿပီး ကိုရင္ငယ္မ်ား ဘုန္းႀကီးေက်ာင္းသားမ်ားႏွင့္ ေက်ာင္းဝင္းအတြင္းတြင္ သက္ဝင္လႈပ္ရွားေနေတာ့သည္။ ဦးဇင္းေလး ေသာမနမွာ ဤရြာခံ သံဃာမဟုတ္ပဲ တစ္နယ္တစ္ေက်းမွ ေရာက္ရွိလာကာ ရြာကေလးတြင္ ကေလးမ်ားကို စာမ်ား သင္ၾကားေပးရင္း ေသာင္တင္ေနျခင္းပင္ .... ဦးဇင္းေလးသည္ ကေလးငယ္မ်ားအား ေလာကနီတိ၊ ၃၈ ျဖာမဂၤလာ၊ ဘုရားဂုဏ္ေတာ္၊ တရားဂုဏ္ေတာ္မွ စၿပီး အကၡရာသခ်ၤာမ်ားကိုလည္း သင္ၾကားေပးေနသည္။
"ဦးဇင္းေလးေတာ့ ဘုန္းေတာ္ႀကီးေက်ာင္းရဲ႕ ေထာင့္ေလးေထာင့္မွာ သာသနာ့အလံေတြ စိုက္ထူေနတယ္... ၿပီးေတာ့ ေစတီေတာ္ ပတ္လည္ကိုလည္း သာသနာ့အလံေလးေတြနဲ႔ ဆင္ထားတယ္.... ရြာေစာင့္ အရွင္ႀကီးက အလံထူတာ မႀကိဳက္ပါဘူးဆိုတာ မသိေတာ့လည္း ခက္ေတာ့တာ... တစ္ခုခုေတာ့ ျဖစ္ေတာ့မွာပဲ ..... ဆရာေတာ္ကို သြားေလွ်ာက္ထားျပန္ရင္လည္း မျဖစ္ေသးဘူး။ တတ္ႏိုင္ပါဘူးေလ ... ျဖစ္သမွ်အေၾကာင္း အေကာင္းခ်ည္းပဲ မွတ္ရမွာပဲ...." ဟူသည့္ စကားသည္ ရြာသူ/သားမ်ားအၾကား တီးတိုး တီးတိုး သဖန္းပိုးဆိုသလို ေျပာဆိုေနၾကသည္။
ထိုကဲ့သို႔ေသာ ရြာေလးအတြင္းမွာ စကားသံမ်ားထြက္လာၿပီး သံုးရက္ေျမာက္ေန႔တြင္ ရြာထဲမွ ဗိေႏၶာဆရာႀကီး ဦးသာရင္သည္ ေဆးအိတ္ကို လြယ္လွ်က္ ဘုန္းေတာ္ႀကီးေက်ာင္းဆီသို႔ ခပ္သုတ္သုတ္ သြားေနတာကိုျမင္ၿပီး ရြာသူ/သားမ်ား စိတ္ထဲတြင္ တစ္ခုခုျဖစ္ၿပီဟူေသာ သိလိုက္ၾကေခ်ေတာ့သည္။ ဦးဇင္းေလး ေသာမနမွာ ဦးေခါင္းအေနာက္ဘက္လိမ္ေနကာ အေရွ႔ဘက္သို႔ လွည့္မရျဖစ္ေနေၾကာင္း ေရာဂါအမည္ကို တပ္မရေၾကာင္း ၾကားသိရၾကရေခ်သည္။ ရိုးသားသည့္ ရြာသူ/သားမ်ား ေရွးရိုးစြဲၾကသည့္ ရြာသူ/သားမ်ားကေတာ့
"ဒါ..ေသခ်ာၿပီ ... အရွင္ႀကီးက အလံထူတာ မႀကိဳက္လို႔ ျဖစ္ရတာ ..... ရြာထိပ္က အရွင္ႀကီးစင္မွာ ၾကက္သား၊ ၾကက္ဥျပဳတ္ေတြတင္ၿပီး ေတာင္းပန္မွ ဦးဇင္းေလးေရာဂါေပ်ာက္မွာ....."

unicode version
to read with unicode font


ပထမကမ္ဘာစစ်မီးကြီးသည် မြန်မာနိုင်ငံသို့လည်း r ... မြန်မာနိုင်ငံကို အုပ်စိုးနေသည့် ဗြိတိသှျလူမျိုးတို့ စစ်ရံှုးနိမ့်ကာ မြန်မာပြည်မြောက်ပိုင်းမှ အိနိ္ဒယနိုင်ငံသို့ ဆုတ်ခွာလာသည့် တပ်ဖွဲ့များအနက် ဗိုလ်မှူး အာသာ ဦးစီးသည့် ဗြိတိသှျတပ်ရင်းတစ်ရင်းသည် တောင်တန်းများ ပတ်လည်ဝိုင်းနေပြီး ဝင်ပေါက်တစ်ခုတည်းသာရှိသည့် ချိုင့်ဝှမ်းလွင်ပြင်၏ ထန်းပင်သံုးပင် ဖိုခနောက်ဆိုင်ပေါက်နေသည့် တောင်ကုန်းလေးတစ်ခုပေါ်တွင် စခန်းချရပ်နား တပ်စွဲထားပြီး တောင်ကုန်း၏အလယ်တွင် ယူနီယံဂျက်အလံကို လွှင့်ထူထားသည်။ တောင်ကုန်းလေး၏ ခြေရင်းတွင်ရှိနေသည့် အိမ်ခြေစုစုဆီမှ ရွာသူ/သားအချို့ကား မျက်စိမျက်နှာပျက်နေကြ၏။ သူတို့မျက်နှာပေါ်တွင် မကောင်းသည့်အရာ တစ်စံုတစ်ခုဖြစ်တော့မည်ကို ကြိုသိနေသည့် အရိပ်အယောင်များနှင့် ..... ရွာသူ/သားများထဲမှ ယောင်တစ်စောင်းထံုးထားပြီး အပေါ်ပိုင်းဗလာကျင်း ပုဆိုးကိုတိုတိုဝတ်ဆင်ထားသည့် လူကြီးတစ်ဦးကတော့ "ဒီမျက်နှာဖြူတပ်တော့ ဒုက္ခတွေ့ပြီး အသေဆိုးနဲ့ သေကြရတော့မယ်...... ငါတို့ရဲ့ အရှင်ကြီးက ဒီနယ်မြေမှာ ဘယ်လိုအလံမျိုးမှ လွှင့်ထူတာ ကြိုက်တာမဟုတ်ဘူး.... ဒီမျက်နှာဖြူတွေကလည်း ငါတို့စကားနားမလည် .... ငါတို့ကလည်း သူတို့ စကားနားမလည်နဲ့ ခက်တော့တာပါပဲကွယ်...."ဟု ညာဥ်းညူပြောဆိုနေတော့သည်။
ပတ်ဝန်းကျင်တစ်ခုလံုး မှောင်မဲတိတ်ဆိတ်နေ၏။ မြောက်အရပ်မှ စူးစူးဝါးဝါးထိုးအော်လိုက်သည့် ညာဥ့်ငှက်တစ်ကောင်၏ အသံသည် တိတ်ဆိတ်မှုကို ဖြိုခွဲပစ်လိုက်သည်။ဘာမှမကြာလိုက်သည့် အချိန်အတွင်းမှာပင် တောင်ကုန်းလေးဆီမှ ပေါက်ကွဲသံတစ်ခုကို ကြားလိုက်ရပြီး .... သေနတ်သံများ ဆူညံစွာထွက်ပေါ်လာကုန်တော့သည်။
@@@@@@@@@@@@@@
နံနက်ခင်းသည် ကြည်ကြည်လင်လင်......... ညက ဆူဆူညံညံ ပေါက်ကွဲသံများ ပစ်ခတ်သံများ ဘာဆိုဘာမှျ ဖြစ်ပွားခဲ့ဟန်မရှိသလိုပင် .... သို့သော် ... တောင်ကုန်းလေးပေါ်မှာ လွှင့်ထူထားသည့် ယူနီယံဂျက်အလံကိုကား မမြင်တွေ့ရတော့ ...ထိုတောင်ကုန်းလေးပေါ်တွင် နေရာယူထားကြသည်မှာ မြန်မာ့လွတ်လပ်ရေး တပ်မတော်မှ တပ်မတော်သား ................................................................
"ကဲ ....... ဒါကြောင့်ပြောပါတယ်...... ငါတို့နယ်မြေမှာ ဘာအလံလွှင့်ထူတာကိုမှ အရှင်ကြီးကမကြိုက်ဘူး အခုလာပြီး အလံလွှင့်ထူတဲ့ မျက်နှာဖြူစစ်တပ်က စစ်ဗိုလ်ကြီး ညကတိုက်ပွဲမှာ ကျသွားတယ်တဲ့ .... ဒါဟာ အရှင်ကြီးက အလံလွှင့်ထူတာကို မကြိုက်လို့ အပြစ်ပေးလိုက်တာပဲ ....."
@@@@@@@@@@@@@@@@@@@@@@@@@@@@@@@@@@@@@@@@@@@@@
အရှေ့အနောက်တောင်မြောက် တောင်တန်းများ ဝန်းရံထားသည့် ချိုင့်ဝှမ်းလွင်ပြင်လေးကို ချောင်းငယ်လေးတစ်ခုကား ကွေ့ကာဝိုက်ကာ စီးဆင်းနေသည်။ ဒီနေရာလေးသည်ကား ပြည်နယ်နှင့်ပြည်မခွဲခြားထားသည့်နယ်စပ်ဒေသလေးတစ်ခု .... ဒီချောင်း ဒီလွင်ပြင်လေးကို အမှီပြုကာ ရှေးယခင်ကတည်းက တည်ရှိနေခဲ့သည့် အိမ်ခြေတစ်ရာခန့်ရှိသည့် ရွာကလေး ....... ရွာကလေး၏ အရှေ့ဘက်တွင် ထန်းပင်လေးများ ပေါက်ရောက်နေသည့် တောင်ကုန်းလေးတစ်ခုရှိပြီး ထိုတောင်ကုန်းလေးပေါ်တွင် စေတီငယ် ရှစ်ဆူဝန်းရံထားသည့် စေတီလေးတစ်ဆူကို ဖူးတွေ့ရသည်။ ရွာ၏အလယ်တောင်ကုန်းလေးတွင်ကား စေတီငယ် တစ်ဆူ၊ သိမ်ကျောင်းတစ်ခု၊ ရုပ်ပွားတော်ထားရှိရာ အဆောက်အဦးကား တောင်မြောက်တန်းပြီးနေရာယူလှျက်ရှိပြီး ယင်း၏နောက်တွင်ကား ဘုန်းတော်ကြီးကျောင်းကို တွေ့ရသည်။ ရွာလေးမှာ အခြားရွာလေးများနှင့် အလှမ်းဝေးပြီး တိတ်ဆိတ်အေးချမ်းသည်မို့ ရွာခံအများစုမှာ ရိုးသားကြသူ ရှေးရိုးစွဲအယူအဆရှိသူများ ဖြစ်ကြသည်။ ဘုန်းတော်ကြီးကျောင်းတွင်ကား ကျောင်းထိုင်ဆရာတော် ဦးတေဇနိယနှင့် ဦးဇင်း သောမန နှစ်ပါးရှိပြီး ကိုရင်ငယ်များ ဘုန်းကြီးကျောင်းသားများနှင့် ကျောင်းဝင်းအတွင်းတွင် သက်ဝင်လှုပ်ရှားနေတော့သည်။ ဦးဇင်းလေး သောမနမှာ ဤရွာခံ သံဃာမဟုတ်ပဲ တစ်နယ်တစ်ကျေးမှ ရောက်ရှိလာကာ ရွာကလေးတွင် ကလေးများကို စာများ သင်ကြားပေးရင်း သောင်တင်နေခြင်းပင် .... ဦးဇင်းလေးသည် ကလေးငယ်များအား လောကနီတိ၊ ၃၈ ဖြာမင်္ဂလာ၊ ဘုရားဂုဏ်တော်၊ တရားဂုဏ်တော်မှ စပြီး အက္ခရာသချင်္ာများကိုလည်း သင်ကြားပေးနေသည်။
"ဦးဇင်းလေးတော့ ဘုန်းတော်ကြီးကျောင်းရဲ့ ထောင့်လေးထောင့်မှာ သာသနာ့အလံတွေ စိုက်ထူနေတယ်... ပြီးတော့ စေတီတော် ပတ်လည်ကိုလည်း သာသနာ့အလံလေးတွေနဲ့ ဆင်ထားတယ်.... ရွာစောင့် အရှင်ကြီးက အလံထူတာ မကြိုက်ပါဘူးဆိုတာ မသိတော့လည်း ခက်တော့တာ... တစ်ခုခုတော့ ဖြစ်တော့မှာပဲ ..... ဆရာတော်ကို သွားလှေျာက်ထားပြန်ရင်လည်း မဖြစ်သေးဘူး။ တတ်နိုင်ပါဘူးလေ ... ဖြစ်သမှျအကြောင်း အကောင်းချည်းပဲ မှတ်ရမှာပဲ...." ဟူသည့် စကားသည် ရွာသူ/သားများအကြား တီးတိုး တီးတိုး သဖန်းပိုးဆိုသလို ပြောဆိုနေကြသည်။
ထိုကဲ့သို့သော ရွာလေးအတွင်းမှာ စကားသံများထွက်လာပြီး သံုးရက်မြောက်နေ့တွင် ရွာထဲမှ ဗိနေ္ဓာဆရာကြီး ဦးသာရင်သည် ဆေးအိတ်ကို လွယ်လှျက် ဘုန်းတော်ကြီးကျောင်းဆီသို့ ခပ်သုတ်သုတ် သွားနေတာကိုမြင်ပြီး ရွာသူ/သားများ စိတ်ထဲတွင် တစ်ခုခုဖြစ်ပြီဟူသော သိလိုက်ကြချေတော့သည်။ ဦးဇင်းလေး သောမနမှာ ဦးခေါင်းအနောက်ဘက်လိမ်နေကာ အရှေ့ဘက်သို့ လှည့်မရဖြစ်နေကြောင်း ရောဂါအမည်ကို တပ်မရကြောင်း ကြားသိရကြရချေသည်။ ရိုးသားသည့် ရွာသူ/သားများ ရှေးရိုးစွဲကြသည့် ရွာသူ/သားများကတော့
"ဒါ..သေချာပြီ ... အရှင်ကြီးက အလံထူတာ မကြိုက်လို့ ဖြစ်ရတာ ..... ရွာထိပ်က အရှင်ကြီးစင်မှာ ကြက်သား၊ ကြက်ဥပြုတ်တွေတင်ပြီး တောင်းပန်မှ ဦးဇင်းလေးရောဂါပျောက်မှာ....."