1.10.2013 စတင်ဖွင့်တော့မည်
မော်လူးတွင် ပညာ့အလင်းခေတ်မီ ကိုယ့်အားကိုယ်ကိုး စာကြည့်တိုက်ကြီး ပြန်လည် နိုးထလာတော့မည်
မော်လူး၊ စက်တင်ဘာ ၂၃
စစ်ကိုင်းတိုင်းဒေသကြီး၊ အင်းတော်မြို့နယ်၊ မော်လူးကျေးရွာရှိ အိပ်မောကျနေသည်မှာ ကြာမြင့်ပြီဖြစ်သော ပညာ့အလင်းခေတ်မီ ကိုယ့်အားကိုယ်ကိုး စာကြည့်တိုက်ကြီးမှာ ပြန်လည်နိုးထလာတော့မည်ဖြစ်ကြောင်း သိရသည်။
ပညာ့အလင်းခေတ်မီ ကိုယ့်အားကိုယ်ကိုး စာကြည့်တိုက်ကို ပြန်လည် ဖွင့်လှစ်နိုင်ရန်အတွက် စက်တင်ဘာ ၂၃ ရက်နေ့ ညနေ ၄ နာရီအချိန်က မော်လူးဒေသ ကျေးရွာအုပ်ချုပ်ရေးမှူးရုံးတွင် တာဝန်ရှိသူများ တွေ့ဆုံဆွေးနွေးခဲ့ကြသည်။ တွေ့ဆုံဆွေးနွေးပွဲသို့ မော်လူးကျေးရွာ အုပ်စု အုပ်ချုပ်ရေးမှူး ဦးဝင်းစိန်၊ မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဋ္ဌာနမှ တာဝန်ရှိသူများ၊ မော်လူးသတင်းမီဒီယာအဖွဲ့နှင့် ရပ်မိရပ်ဖများ တက်ရောက်ကြကြောင်း၊ မြို့နယ်ပြန်ဆက်ဦးစီးဋ္ဌာနမှ တာဝန်ရှိသူတစ်ဦးက စာကြည့်တိုက်ကြီး ပြန်လည်ဖွင့်လှစ်နိုင်ရေးအတွက် ကော်မတီအသစ်ကို ပြန်လည်ဖွဲ့စည်းမည်ဖြစ်ကြောင်း၊ ဖွဲ့စည်းမည့်ကော်မတီတွင် ဥက္ကဋ္ဌ၊ အတွင်းရေးမှူး၊ စာကြည့်တိုက်မှူး၊ ဘဏ္ဍာထိန်းနှင့် အဖွဲ့ဝင်းများ အစရှိသဖြင့် စနစ်တကျဖွဲ့စည်းထားရှိရန် လိုအပ်ကြောင်း ပြောကြားရာ၊ မော်လူးဒေသ အုပ်စု အုပ်ချုပ်ရေးမှူးမှ စာကြည့်တိုက်ကြီး ပြန်လည်ဖွင့်လှစ်နိုင်ရေးအတွက် စက်တင်ဘာ ၂၅ ရက်နေ့တွင် အစည်းအဝေးခေါ်ယူကာ ကော်မတီအသစ်ကို စနစ်တကျပြန်လည်ဖွဲ့စည်းပြီး အောက်တိုဘာ ၁ ရက်နေ့တွင် စာကြည့်တိုက်ကြီးကို ဖွင့်လှစ်နိုင်မည်ဟု ပြောကြားခဲ့ကြောင်း သတင်းရရှိသည်။
တကယ်ဂျီးးးးလားးး
ReplyDelete