မော်လူးမှ စစ်ကိုင်းတောင်ရိုးသို့ မဉ္စူသက ဆွမ်းလောင်း ဆွမ်းကပ်အဖွဲ့ ထွက်ခွာ
မော်လူးမှ စစ်ကိုင်းတောင်ရိုးသို့ မဉ္စူသက ဆွမ်းလောင်း ဆွမ်းကပ်အဖွဲ့ ထွက်ခွာ
မော်လူး၊ စက်တင်ဘာ ၂၃
စစ်ကိုင်းတိုင်းဒေသကြီး၊ အင်းတော်မြို့နယ်၊ မော်လူးဒေသ၊ ကူးဆိပ် -ခိုးကောင်ကျေးရွာ မြနန္ဒာကျောင်း သီလရှင်ဆရာလေးများ ဦးစီးသည့် မဉ္စူသက ဆွမ်းလောင်း ဆွမ်းကပ်အဖွဲ့သည် စစ်ကိုင်းတောင်ရိုး၊ ဟံသာဂီရိတိုက်ခွဲ၊ သာသနာ့စံပြ ပရိယတ္တိ စာသင်တိုက်သို့ စက်တင်ဘာ ၂၃ ရက် ညနေ ၃ နာရီအချိန်တွင် မော်လူးဘူတာမှ စစ်ကိုင်းမြို့သို့ မီးရထားဖြင့် ထွက်ခွာသွားပြီဖြစ်ကြောင်း သိရသည်။
၎င်းဆွမ်းကပ်အဖွဲ့သည် တော်သတင်းလပြည့်ကျော် ၅ ရက်၊ ၆ ရက်နေ့များတွင် စာသင်တိုက်ရှိ ရဟန်းသံဃာတော်အပါး ၅၀၀ အား ဝတ္ထုငွေ တစ်ပါးလျှင် ၅၅၀၀ ကျပ်နှင့် ဆွမ်းဆက်ကပ်လှူဒါန်းမည်ဖြစ်သည်။ လပြည့်ကျော် ၇ ရက်နေ့တွင် ဆွမ်းလောင်းလှူမည်ဖြစ်ကြောင်း၊ လပြည့်ကျော် ၁၀၊ ၁၁၊ ၁၂ ရက်နေ့များတွင် ထပ်မံ၍ ဆွမ်းဆက်ကပ်လှူဒါန်းမည်ဟု သိရသည်။ မဉ္စုသက ဆွမ်းလောင်း ဆွမ်းကပ်အဖွဲ့သည် စစ်ကိုင်းတောင်ရိုးသို့ ဆွမ်းလောင်းဆွမ်းကပ်လှူဒါန်းမှုကို သွားရောက်ပြုလုပ်ခဲ့သည်မှာ ယခုနှစ်တွင် တတိယအကြိမ်မြောက်ဖြစ်ပြီး ယခုနှစ်တွင် ဆွမ်းလောင်းဆွမ်းကပ် လိုက်ပါကြမည့် အလှူရှင်များမှာ ၂၀၀ ဦးခန့် ရှိရာ ယခင်နှစ်များထက် ယခုနှစ်က အလှူရှင်များ ပိုမိုများပြားလာကြောင်း သတင်းရရှိသည်။
No comments:
Post a Comment