မော်လူးတွင် မိုးပွင့်အထူး စီမံချက်ဖြင့် နိုင်ငံသားစီစစ်ရေးကတ်ပြားများ ဆောင်ရွက်ပေး
မော်လူး၊ ဖေဖော်ဝါရီ ၁၁
@@@@@@@@@@@@@@@@@@@@@@@@@@@@@@@@@@@@@
စစ်ကိုင်းတိုင်းဒေသကြီး၊ အင်းတော်မြို့နယ်၊ မော်လူးတွင် မိုးပွင့်အထူးစီမံချက်ဖြင့် နိုင်ငံသားစီစစ်ရေးကတ်ပြားများကို ဖေဖော်ဝါရီ ၁၁ ရက်နေ့က ကွင်းဆင်းဆောင်ရွက်ပေးလျှက်ရှိကြောင်း သိရသည်။
အဆိုပါ မိုးပွင့်အထူးစီမံချက်ဖြင့် ကွင်းဆင်းဆောင်ရွက်ရာသို့ အင်းတော်မြို့နယ် လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေး ဦးစီးဋ္ဌာန ဦးစီးမှူး ဦးအောင်သူ၊ ဒုဦးစီးမှူး ဦးတင့်ဆွေဦး၊ တိုက်နယ်မှူး ဒေါ်အေးအေးဆွေနှင့် အဖွဲ့ဝင်များသည် ဖေဖော်ဝါရီ ၁၁ ရက်နေ့တွင် မော်လူးကျေးရွာ အုပ်ချုပ်ရေးမှူးရုံးတွင် နိုင်ငံသားစီစစ်ရေးကတ်ပြား မပြုလုပ်ရသေးသူများ၊ပျောက်ပျက်သွားသူများ၊အသစ်လဲလှယ်လိုသူများ၊ အိမ်ထောင်စုစာရင်း မပြုလုပ်ရသေးသူများ၊ ပျောက်ပျက်သွားများအား ကွင်းဆင်းဆောင်ရွက်ပေးခဲ့ရာ မော်လူးကျေးရွာအုပ်စု အုပ်ချုပ်ရေးမှူးနှင့် တာဝန်ရှိသူများမှ လိုအပ်သည်များကို ကူညီဆောင်ရွက်ပေးခဲ့ကြောင်း သိရသည်။ ဖေဖော်ဝါရီ ၁၁ ရက်နေ့မှ ၁၃ ရက်နေ့အထိ မော်လူးကျေးရွာအုပ်စုအတွင်းရှိ မော်လူး၊ အုန်းဒုတ်၊ မင်းသား၊ ဟဲနု၊ ကရင်၊ နန်းခွင်းကျင်၊ ပဲခူး၊ ရွာရှည်၊ သက်ရင်းသာကျေးရွာများတွင် နံနက် ၉ နာရီမှ ညနေ ၆ နာရီအထိ မိုးပွင့်အထူးစီမံချက်ဖြင့် ကွင်းဆင်းဆောင်ရွက်ပေးမည်ဖြစ်ကြောင်း၊ ဖေဖော်ဝါရီ ၁၁ ရက်နေ့တွင် ၁၄၀ ဦးကို နိုင်ငံသားစီစစ်ရေးကတ်ပြားများ ပြုလုပ်ပေးခဲ့ကြောင်း သတင်းရရှိသည်။
No comments:
Post a Comment